‘ਸਨਮ ਤੇਰੀ ਕਸਮ’ ਦੀ ਅਦਾਕਾਰਾ Mawra Hocane ਨੇ ਪੁੱਤਰ ਨੂੰ ਦਿੱਤਾ ਜਨਮ, ਪੋਸਟ ਸਾਂਝੀ ਕਰਕੇ ਪ੍ਰਸ਼ੰਸਕਾਂ ਨੂੰ ਦੱਸਿਆ ਪਿਆਰਾ ਜਿਹਾ ਨਾਮ

ਮਾਵਰਾ ਅਤੇ ਆਮਿਰ ਨੇ ਕਈ ਸੀਰੀਅਲਾਂ ਵਿੱਚ ਇਕੱਠੇ ਕੰਮ ਕੀਤਾ ਹੈ, ਜਿਨ੍ਹਾਂ ਵਿੱਚ ‘ਸਬਾਤ’ ਅਤੇ ‘ਨੀਮ’ ਸਮੇਤ ਕਈ ਪਾਕਿਸਤਾਨੀ ਟੀਵੀ ਸੀਰੀਅਲ ਸ਼ਾਮਲ ਹਨ। ਹੁਣ ਅਦਾਕਾਰਾ ਆਪਣੀ ਜ਼ਿੰਦਗੀ ਦੇ ਨਵੇਂ ਪੜਾਅ ਵਿੱਚ ਦਾਖ਼ਲ ਹੋ ਰਹੀ ਹੈ ਅਤੇ ਮਾਤਾ-ਪਿਤਾ ਬਣਨ ਦੇ ਇਸ ਨਵੇਂ ਅਨੁਭਵ ਦਾ ਆਨੰਦ ਮਾਣਦੀ ਨਜ਼ਰ ਆਵੇਗੀ।

• Facebook
• Twitter
• Whatsapp

ਹੁਣ ਵਿਆਹ ਤੋਂ ਲਗਪਗ ਡੇਢ ਸਾਲ ਬਾਅਦ ਅਦਾਕਾਰਾ ਨੇ ਆਪਣੇ ਪ੍ਰਸ਼ੰਸਕਾਂ ਨਾਲ ਇੱਕ ਹੋਰ ਖ਼ੁਸ਼ਖ਼ਬਰੀ ਸਾਂਝੀ ਕੀਤੀ ਹੈ। ਮਾਵਰਾ ਇੱਕ ਪੁੱਤਰ ਦੀ ਮਾਂ ਬਣ ਗਈ ਹੈ। ਉਸ ਨੇ ਆਪਣੇ ਪੁੱਤਰ ਦਾ ਨਾਮ ਸੱਯਦ ਅਜ਼ਮਰ ਹੁਸੈਨ ਕਮਾਲ ਗਿਲਾਨੀ ਰੱਖਿਆ ਹੈ।

ਮਾਂ ਬਣੀ ਮਾਵਰਾ

ਮਨੀਕੰਟਰੋਲ ਦੇ ਮੁਤਾਬਕ, ਮਾਵਰਾ ਨੇ X ’ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਇਹ ਖ਼ੁਸ਼ਖ਼ਬਰੀ ਸਾਂਝੀ ਕੀਤੀ। ਉਸ ਨੇ ਹਸਪਤਾਲ ਤੋਂ ਇੱਕ ਵੀਡੀਓ ਪੋਸਟ ਕੀਤੀ, ਜਿਸ ਵਿੱਚ ਉਸ ਦੇ ਨਵਜੰਮੇ ਪੁੱਤਰ ਅਤੇ ਆਮਿਰ ਦੀ ਝਲਕ ਦੇਖਣ ਨੂੰ ਮਿਲੀ। ਇਸ ਵੀਡੀਓ ਵਿੱਚ ਆਮਿਰ ਮੁਸਲਿਮ ਰਵਾਇਤ ਅਨੁਸਾਰ ਆਪਣੇ ਪੁੱਤਰ ਦੇ ਕੰਨਾਂ ਵਿੱਚ ਅਜ਼ਾਨ ਦਿੰਦੇ ਨਜ਼ਰ ਆ ਰਹੇ ਹਨ।

ਆਪਣੇ ਪੁੱਤਰ ਦੇ ਜਨਮ ਦੀ ਖ਼ਬਰ ਸਾਂਝੀ ਕਰਨ ਦੇ ਨਾਲ-ਨਾਲ ਮਾਵਰਾ ਅਤੇ ਆਮਿਰ ਨੇ ਵੀਡੀਓ ਵਿੱਚ ਉਸ ਦੇ ਨਾਮ ਦਾ ਵੀ ਖ਼ੁਲਾਸਾ ਕੀਤਾ। ਅਦਾਕਾਰਾ ਨੇ ਆਪਣੇ ਪੁੱਤਰ ਦਾ ਨਾਮ ਸੱਯਦ ਅਜ਼ਮਰ ਹੁਸੈਨ ਕਮਾਲ ਗਿਲਾਨੀ ਰੱਖਿਆ ਹੈ। ਉਸ ਨੇ ‘ਅਜ਼ਮਰ’ ਦਾ ਅਰਥ ਵੀ ਦੱਸਿਆ, ਜਿਸ ਦਾ ਮਤਲਬ ‘ਸ਼ੇਰ’ ਹੁੰਦਾ ਹੈ।

ਆਪਣੇ ਕੈਪਸ਼ਨ ਵਿੱਚ ਉਸ ਨੇ ਪੁੱਤਰ ਨੂੰ ‘ਸਾਡੇ ਜੰਗਲ ਦਾ ਰਾਜਾ, ਸਾਡਾ ਮਾਣ ਅਤੇ ਸਾਡਾ ਸਭ ਤੋਂ ਅਨਮੋਲ ਖ਼ਜ਼ਾਨਾ’ ਦੱਸਿਆ। ਇਸ ਤੋਂ ਬਾਅਦ ਮਾਵਰਾ ਅਤੇ ਆਮਿਰ ਦੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਵਧਾਈਆਂ ਦੇਣ ਲੱਗ ਪਏ।

Ameer Gilani and Mawra Hocane have been blessed with a baby boy, whom they have named Syed Azmar Hussain Kamal Gilani. #AmeerGilani #MawraHocane #SocialDiaryMagOfficial https://t.co/9E84OmcUGv

— Weekly Social Diary (@SocialDiaryMagz) October 23, 2026

ਇਨ੍ਹਾਂ ਸੀਰੀਅਲਾਂ 'ਚ ਇਕੱਠੇ ਕੰਮ ਕਰ ਚੁੱਕੇ ਹਨ

ਮਾਵਰਾ ਅਤੇ ਆਮਿਰ ਨੇ ਕਈ ਸੀਰੀਅਲਾਂ ਵਿੱਚ ਇਕੱਠੇ ਕੰਮ ਕੀਤਾ ਹੈ, ਜਿਨ੍ਹਾਂ ਵਿੱਚ ‘ਸਬਾਤ’ ਅਤੇ ‘ਨੀਮ’ ਸਮੇਤ ਕਈ ਪਾਕਿਸਤਾਨੀ ਟੀਵੀ ਸੀਰੀਅਲ ਸ਼ਾਮਲ ਹਨ। ਹੁਣ ਅਦਾਕਾਰਾ ਆਪਣੀ ਜ਼ਿੰਦਗੀ ਦੇ ਨਵੇਂ ਪੜਾਅ ਵਿੱਚ ਦਾਖ਼ਲ ਹੋ ਰਹੀ ਹੈ ਅਤੇ ਮਾਤਾ-ਪਿਤਾ ਬਣਨ ਦੇ ਇਸ ਨਵੇਂ ਅਨੁਭਵ ਦਾ ਆਨੰਦ ਮਾਣਦੀ ਨਜ਼ਰ ਆਵੇਗੀ।

ਮਾਵਰਾ ਨੇ ਸਾਲ 2016 ਵਿੱਚ ਰੋਮਾਂਟਿਕ ਡਰਾਮਾ ਫ਼ਿਲਮ ‘ਸਨਮ ਤੇਰੀ ਕਸਮ’ ਨਾਲ ਬਾਲੀਵੁੱਡ ਵਿੱਚ ਕਦਮ ਰੱਖਿਆ ਸੀ। ਇਸ ਫ਼ਿਲਮ ਵਿੱਚ ਉਸ ਦੇ ਨਾਲ ਹਰਸ਼ਵਰਧਨ ਰਾਣੇ ਨਜ਼ਰ ਆਏ ਸਨ। ਆਪਣੀ ਪਹਿਲੀ ਰਿਲੀਜ਼ ਵੇਲੇ ਇਹ ਫ਼ਿਲਮ ਠੀਕ-ਠਾਕ ਚੱਲੀ ਸੀ ਪਰ ਬਾਅਦ ਵਿੱਚ ਇਸ ਦੇ ਪ੍ਰਸ਼ੰਸਕਾਂ ਦੀ ਗਿਣਤੀ ਕਾਫ਼ੀ ਵਧ ਗਈ।

ਕੁਝ ਸਮਾਂ ਪਹਿਲਾਂ ਸਿਨੇਮਾਘਰਾਂ ਵਿੱਚ ਦੁਬਾਰਾ ਰਿਲੀਜ਼ ਹੋਣ ਤੋਂ ਬਾਅਦ ਇਹ ਫ਼ਿਲਮ ਫਿਰ ਤੋਂ ਚਰਚਾ ਵਿੱਚ ਆ ਗਈ ਸੀ ਅਤੇ ਇਸ ਨੇ ਸ਼ਾਨਦਾਰ ਕਮਾਈ ਕੀਤੀ ਸੀ।