ਉਮਰ ਭਰ ਸਿੰਗਲ ਰਹਿਣਾ ਚਾਹੁੰਦੀ ਹੈ ਸਲਮਾਨ ਖ਼ਾਨ ਦੀ ਹੀਰੋਇਨ, ਵਿਆਹ 'ਤੇ ਅਦਾਕਾਰਾ ਦਾ ਸਪੱਸ਼ਟ ਫ਼ੈਸਲਾ

ਸੁਪਰਸਟਾਰ ਸਲਮਾਨ ਖ਼ਾਨ ਦੀ ਫ਼ਿਲਮ 'ਵੀਰ' ਨਾਲ ਸਿਨੇਮਾ ਜਗਤ ’ਚ ਕਦਮ ਰੱਖਣ ਵਾਲੀ ਜ਼ਰੀਨ ਖ਼ਾਨ (Zareen Khan) ਨੂੰ ਕੌਣ ਨਹੀਂ ਜਾਣਦਾ। ਹਾਲ ਹੀ ’ਚ ਇੱਕ ਮੀਡੀਆ ਇੰਟਰਵਿਊ ਦੌਰਾਨ ਜ਼ਰੀਨ ਨੇ ਉਮਰ ਭਰ ਵਿਆਹ ਨਾ ਕਰਨ ਨੂੰ ਲੈ ਕੇ ਖੁਲਾਸਾ ਕੀਤਾ ਹੈ ਅਤੇ ਦੱਸਿਆ ਹੈ ਕਿ ਉਹ ਅਜਿਹਾ ਕਿਉਂ ਕਰਨਾ ਚਾਹੁੰਦੀ ਹੈ। ਇਸ ਤੋਂ ਇਲਾਵਾ ਜ਼ਰੀਨ ਨੇ ਇਹ ਵੀ ਖੁਲਾਸਾ ਕੀਤਾ ਹੈ ਕਿ ਉਹ ਮੌਜੂਦਾ ਸਮੇਂ ਵਿੱਚ ਸਿੰਗਲ ਹੈ ਅਤੇ ਆਪਣੀ ਮਾਂ ਦੇ ਦੇਹਾਂਤ ਤੋਂ ਬਾਅਦ ਆਪਣਾ ਪੂਰਾ ਧਿਆਨ ਕੰਮ 'ਤੇ ਰੱਖਣਾ ਚਾਹੁੰਦੀ ਹੈ।

ਇਸ ਤੋਂ ਇਲਾਵਾ ਜ਼ਰੀਨ ਨੇ ਇਹ ਵੀ ਖੁਲਾਸਾ ਕੀਤਾ ਹੈ ਕਿ ਉਹ ਮੌਜੂਦਾ ਸਮੇਂ ਵਿੱਚ ਸਿੰਗਲ ਹੈ ਅਤੇ ਆਪਣੀ ਮਾਂ ਦੇ ਦੇਹਾਂਤ ਤੋਂ ਬਾਅਦ ਆਪਣਾ ਪੂਰਾ ਧਿਆਨ ਕੰਮ 'ਤੇ ਰੱਖਣਾ ਚਾਹੁੰਦੀ ਹੈ।

ਸਿੰਗਲ ਰਹਿਣਾ ਚਾਹੁੰਦੀ ਹੈ - ਜ਼ਰੀਨ ਖ਼ਾਨ

ਅਕਸਰ ਸਿਤਾਰਿਆਂ ਦੀ ਲਵ ਲਾਈਫ ਚਰਚਾ ਵਿੱਚ ਰਹਿੰਦੀ ਹੈ। ਕੁਝ ਹੋਵੇ ਜਾਂ ਨਾ ਹੋਵੇ, ਉਹ ਸੁਰਖੀਆਂ ਵਿੱਚ ਬਣੇ ਰਹਿੰਦੇ ਹਨ। ਅਦਾਕਾਰਾ ਜ਼ਰੀਨ ਖ਼ਾਨ ਅਜਿਹੀ ਕਿਸੇ ਵੀ ਚਰਚਾ ਤੋਂ ਹੀ ਨਹੀਂ, ਸਗੋਂ ਅਫੇਅਰ ਤੋਂ ਵੀ ਦੂਰ ਰਹਿਣਾ ਚਾਹੁੰਦੀ ਹੈ। ਜ਼ਰੀਨ ਨੇ ਖ਼ੁਦ ਹੀ ਇੱਕ ਇੰਟਰਵਿਊ ਦੌਰਾਨ ਦੱਸ ਦਿੱਤਾ ਕਿ ਉਹ ਸਿੰਗਲ ਹੈ ਅਤੇ ਫਿਲਹਾਲ ਵਿਆਹ ਕਰਨ ਦਾ ਕੋਈ ਇਰਾਦਾ ਨਹੀਂ ਹੈ।

ਉਹ ਕਹਿੰਦੀ ਹੈ - ਮੈਂ ਸਿੰਗਲ ਹੋ ਕੇ ਖੁਸ਼ ਹਾਂ। ਮੈਨੂੰ ਆਪਣੀ ਜ਼ਿੰਦਗੀ ਵਿੱਚ ਇੱਕ ਹੋਰ ਤਣਾਅ ਨਹੀਂ ਚਾਹੀਦਾ। ਜਦੋਂ ਤੁਸੀਂ ਕਿਸੇ ਨੂੰ ਆਪਣੀ ਜ਼ਿੰਦਗੀ ਵਿੱਚ ਸ਼ਾਮਲ ਕਰਦੇ ਹੋ ਤਾਂ ਮੈਂ ਇਹ ਨਹੀਂ ਕਹਿੰਦੀ ਕਿ ਤੁਸੀਂ ਚਾਰ ਚੰਨ ਹੀ ਲਗਾ ਦਿਓ, ਬੱਸ ਪਰੇਸ਼ਾਨ ਨਾ ਕਰੋ। ਮੇਰੇ ਜੀਵਨ ਵਿੱਚ ਵੈਸੇ ਹੀ ਕਾਫ਼ੀ ਚੀਜ਼ਾਂ ਹੋ ਰਹੀਆਂ ਹਨ। ਫਿਲਹਾਲ ਮੈਂ ਆਪਣੀ ਜ਼ਿੰਦਗੀ 'ਤੇ ਧਿਆਨ ਦੇ ਰਹੀ ਹਾਂ। ਜਦੋਂ ਤੱਕ ਮੰਮੀ ਸਨ, ਸਾਰਾ ਧਿਆਨ ਉਨ੍ਹਾਂ 'ਤੇ ਸੀ। ਹੁਣ ਉਨ੍ਹਾਂ ਦੇ ਜਾਣ ਤੋਂ ਬਾਅਦ ਪੂਰਾ ਧਿਆਨ ਸਿਰਫ਼ ਆਪਣੇ ਕੰਮ 'ਤੇ ਹੈ।

ਯਾਦ ਰਹੇ ਕਿ ਸੁਪਰਸਟਾਰ ਸਲਮਾਨ ਖ਼ਾਨ ਦੇ ਰਿਐਲਿਟੀ ਸ਼ੋਅ 'ਬਿਗ ਬੌਸ ਸੀਜ਼ਨ 12' ਵਿੱਚ ਨਜ਼ਰ ਆਉਣ ਵਾਲੇ ਕੰਟੇਸਟੈਂਟ ਸ਼ਿਵਾਸ਼ੀਸ਼ ਮਿਸ਼ਰਾ ਨਾਲ ਜ਼ਰੀਨ ਖ਼ਾਨ ਕਰੀਬ 3 ਸਾਲ ਤੱਕ ਰਿਲੇਸ਼ਨਸ਼ਿਪ ਵਿੱਚ ਰਹੀ ਸੀ। ਹਾਲਾਂਕਿ, ਬਾਅਦ ਵਿੱਚ ਇਨ੍ਹਾਂ ਦੋਵਾਂ ਦਾ ਆਪਸੀ ਸਹਿਮਤੀ ਨਾਲ ਬ੍ਰੇਕਅੱਪ ਹੋ ਗਿਆ।

ਕੀ ਜ਼ਰੀਨ ਵਿਆਹ ਨਹੀਂ ਕਰਨਾ ਚਾਹੁੰਦੀ?

ਕਦੇ ਵੀ ਵਿਆਹ ਨਾ ਕਰਨ ਦੇ ਸਵਾਲ 'ਤੇ ਜ਼ਰੀਨ ਖ਼ਾਨ ਕਹਿੰਦੀ ਹੈ - ਨਹੀਂ, ਆਲੇ-ਦੁਆਲੇ ਕਈ ਲੋਕਾਂ ਨੂੰ ਦੇਖ ਰਹੀ ਹਾਂ। ਮੈਂ ਖ਼ੁਦ ਅਜਿਹੇ ਪਰਿਵਾਰ ਤੋਂ ਆਉਂਦੀ ਹਾਂ, ਜਿੱਥੇ ਮੇਰੇ ਮਾਤਾ-ਪਿਤਾ ਦਾ ਵਿਆਹ ਨਹੀਂ ਚੱਲਿਆ ਪਰ ਕਾਰਨ ਉਹ ਨਹੀਂ ਹੈ। ਆਲੇ-ਦੁਆਲੇ ਜੋ ਹੋ ਰਿਹਾ ਹੈ, ਉਸ ਵਿੱਚ ਇਹੀ ਲੱਗਦਾ ਹੈ ਕਿ ਇਕੱਲੇ ਰਹੋ, ਖੁਸ਼ ਰਹੋ। ਫਿਲਹਾਲ ਮੈਂ ਕਿਸੇ ਨੂੰ ਲੱਭ ਨਹੀਂ ਰਹੀ ਹਾਂ ਕਿ ਇਸ ਨੂੰ ਫੜ ਕੇ ਵਿਆਹ ਕਰਨਾ ਹੈ। ਮੈਂ ਆਪਣੇ ਨਾਲ ਬਹੁਤ ਜ਼ਿਆਦਾ ਖੁਸ਼ ਰਹਿੰਦੀ ਹਾਂ।