ਰੋਹਿਤ ਸ਼ੈੱਟੀ ਸਾਊਥ ਅਦਾਕਾਰਾ ਨੂੰ ਕਰਨਗੇ ਬਾਲੀਵੁੱਡ 'ਚ ਲਾਂਚ, ਫ਼ਿਲਮ 'ਹਮ ਤੇਰੇ ਪਿਆਰ ਮੈਂ' ਦੀ ਸ਼ੂਟਿੰਗ ਸ਼ੁਰੂ

ਦੱਸਿਆ ਜਾ ਰਿਹਾ ਹੈ ਕਿ ਰੋਹਿਤ ਸ਼ੈੱਟੀ, 'ਏਵੀਐਸ ਸਟੂਡੀਓਜ਼' ਅਤੇ 'ਟੂਡਿਪ ਐਂਟਰਟੇਨਮੈਂਟ' ਦੇ ਸਹਿਯੋਗ ਨਾਲ 'ਹਮ ਤੇਰੇ ਪਿਆਰ ਮੇਂ' ਨਾਮਕ ਫਿਲਮ ਲੈ ਕੇ ਆ ਰਹੇ ਹਨ। ਦਿਲ ਨੂੰ ਛੂਹ ਲੈਣ ਵਾਲੀ ਇਸ ਰੋਮਾਂਟਿਕ ਫਿਲਮ ਦੀ ਸ਼ੂਟਿੰਗ ਅੱਜ ਸ਼ੁਰੂ ਹੋ ਗਈ ਹੈ। ਇਸ ਪ੍ਰੋਜੈਕਟ ਰਾਹੀਂ ਕ੍ਰਿਤੀ ਸ਼ੈੱਟੀ ਹਿੰਦੀ ਸਿਨੇਮਾ ਵਿੱਚ ਕਦਮ ਰੱਖ ਰਹੀ ਹੈ, ਜਿਸਦਾ ਦਰਸ਼ਕਾਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਸੀ। ਰੋਹਿਤ ਸ਼ੈੱਟੀ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਸਟੋਰੀ 'ਤੇ ਫਿਲਮ ਦੇ 'ਕਲੈਪਰਬੋਰਡ' ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਫਿਲਮ ਨਿਰਮਾਤਾਵਾਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ ਅਤੇ 'ਹਮ ਤੇਰੇ ਪਿਆਰ ਮੇਂ' ਲਈ ਆਪਣਾ ਸਮਰਥਨ ਜ਼ਾਹਰ ਕੀਤਾ ਹੈ।