- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
CJP ਪ੍ਰੋਟੈਸਟ ਦਾ ਵਿਰੋਧ ਕਰਨ ’ਤੇ ਰਣਵੀਰ ਸ਼ੌਰੀ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ, ਅਦਾਕਾਰ ਦੀ ਲੋਕੇਸ਼ਨ ਟ੍ਰੈਕ ਕਰਨ ਦਾ ਦਾਅਵਾ; ਦਰਜ ਕਰਵਾਈ FIR
CJP ਪ੍ਰੋਟੈਸਟ ਦਾ ਵਿਰੋਧ ਕਰਨ ਤੋਂ ਬਾਅਦ ਰਣਵੀਰ ਸ਼ੌਰੀ ਨੂੰ ਈਮੇਲ ਰਾਹੀਂ ਲਗਾਤਾਰ ਧਮਕੀਆਂ ਮਿਲ ਰਹੀਆਂ ਹਨ। ਅਦਾਕਾਰ ਨੇ ਇਸ ਸਬੰਧੀ ਮੁੰਬਈ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ।
Posted By Paramjit Kaur
Publish Date: Wed, 14 Oct 2026 01:29 PM (IST)
Updated Date: Wed, 14 Oct 2026 01:33 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਕਾਕਰੋਚ ਜਨਤਾ ਪਾਰਟੀ (CJP) ਵੱਲੋਂ ਸੜਕਾਂ ’ਤੇ ਉਤਰ ਕੇ ਪ੍ਰੋਟੈਸਟ ਕਰਨ ਦੀ ਅਦਾਕਾਰ ਰਣਵੀਰ ਸ਼ੌਰੀ (Ranvir Shorey) ਨੇ ਹਾਲ ਹੀ ’ਚ ਆਲੋਚਨਾ ਕੀਤੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਲਗਾਤਾਰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ। ਅਦਾਕਾਰ ਨੇ ਸੋਸ਼ਲ ਮੀਡੀਆ ’ਤੇ ਧਮਕੀ ਭਰੇ ਸੁਨੇਹਿਆਂ ਦੇ ਸਕ੍ਰੀਨਸ਼ਾਟ ਸਾਂਝੇ ਕੀਤੇ ਤੇ ਪੁਲਿਸ ਕੋਲ ਦਰਜ ਕਰਵਾਈ ਗਈ FIR ਬਾਰੇ ਵੀ ਜਾਣਕਾਰੀ ਦਿੱਤੀ। ![naidunia_image]()
ਰਣਵੀਰ ਸ਼ੌਰੀ ਨੂੰ ਧਮਕੀ, ਹਮਲਾ ਕਰਨ ਦੀ ਕਹੀ ਗੱਲ
ਮੰਗਲਵਾਰ ਨੂੰ ਬਿੱਗ ਬੌਸ (Bigg Boss) ਦੇ ਸਾਬਕਾ ਮੁਕਾਬਲੇਬਾਜ਼ ਰਣਵੀਰ ਸ਼ੌਰੀ ਨੇ ਆਪਣੇ ਐਕਸ (X) ਅਕਾਊਂਟ ’ਤੇ ਇੱਕ ਪੋਸਟ ਸਾਂਝੀ ਕਰਦਿਆਂ ਲਿਖਿਆ, “ਮੈਂ ਅਧਿਕਾਰਤ ਤੌਰ ’ਤੇ ਸ਼ਿਕਾਇਤ ਦਰਜ ਕਰਵਾ ਦਿੱਤੀ ਹੈ ਤੇ ਹੁਣ ਇਹ ਮਾਮਲਾ ਮੁੰਬਈ ਪੁਲਿਸ ਕੋਲ ਹੈ। ਮੇਰੀ ਜ਼ਿੰਦਗੀ ਨੂੰ ਲੈ ਕੇ ਚਿੰਤਾ ਜ਼ਾਹਰ ਕਰਨ ਵਾਲੇ ਸਾਰੇ ਲੋਕਾਂ ਦਾ ਧੰਨਵਾਦ।”
ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਉਣ ਦਾ ਐਲਾਨ ਕਰਨ ਤੋਂ ਪਹਿਲਾਂ ਅਦਾਕਾਰ ਨੇ ਆਪਣੇ ਅਕਾਊਂਟ ’ਤੇ ਗਾਲੀ-ਗਲੋਚ ਤੇ ਸਰੀਰਕ ਹਿੰਸਾ ਦੀਆਂ ਧਮਕੀਆਂ ਨਾਲ ਭਰੀਆਂ ਈਮੇਲਾਂ ਦੇ ਸਕ੍ਰੀਨਸ਼ਾਟ ਵੀ ਸਾਂਝੇ ਕੀਤੇ। ਇੱਕ ਈਮੇਲ ਭੇਜਣ ਵਾਲੇ ਨੇ ਕਥਿਤ ਤੌਰ ’ਤੇ ਇਹ ਵੀ ਦਾਅਵਾ ਕੀਤਾ ਕਿ ਉਹ ਲਗਾਤਾਰ ਰਣਵੀਰ ਸ਼ੌਰੀ ਦੀ ਲੋਕੇਸ਼ਨ ਟ੍ਰੈਕ ਕਰ ਰਿਹਾ ਹੈ ਤੇ ਸਹੀ ਸਮਾਂ ਆਉਣ ’ਤੇ ਉਨ੍ਹਾਂ ’ਤੇ ਹਮਲਾ ਕੀਤਾ ਜਾਵੇਗਾ। ਲਗਾਤਾਰ ਮਿਲ ਰਹੀਆਂ ਧਮਕੀਆਂ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਅਦਾਕਾਰ ਨੇ ਆਨਲਾਈਨ ਖ਼ਤਰਿਆਂ ਵਿਰੁੱਧ ਪੁਲਿਸ ਤੋਂ ਮਦਦ ਮੰਗੀ।
ਮਹਾਰਾਸ਼ਟਰ ਸਾਈਬਰ ਸੈੱਲ ਤੋਂ ਦਖ਼ਲ ਦੇਣ ਦੀ ਮੰਗ
ਮੁੰਬਈ ਪੁਲਿਸ ਕੋਲ ਅਧਿਕਾਰਤ ਸ਼ਿਕਾਇਤ ਦਰਜ ਕਰਵਾਉਣ ਤੋਂ ਪਹਿਲਾਂ ਰਣਵੀਰ ਸ਼ੌਰੀ ਨੇ ਸੋਸ਼ਲ ਮੀਡੀਆ ’ਤੇ ਪੋਸਟ ਸਾਂਝੀ ਕਰਦਿਆਂ ਸਾਈਬਰ ਦੋਸਤ ਤੇ ਮਹਾਰਾਸ਼ਟਰ ਸਾਈਬਰ ਨੂੰ ਵੀ ਟੈਗ ਕੀਤਾ ਸੀ। ਉਨ੍ਹਾਂ ਲਿਖਿਆ, “ਕਿਰਪਾ ਕਰਕੇ ਧਿਆਨ ਦਿਓ, ਮੈਨੂੰ ਇਨ੍ਹਾਂ ਦੋ ਈਮੇਲ ਆਈਡੀਜ਼ ਤੋਂ ਲਗਾਤਾਰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ। ਧੰਨਵਾਦ।”
ਰਣਵੀਰ ਸ਼ੌਰੀ ਨੂੰ ਮਿਲ ਰਹੀਆਂ ਧਮਕੀਆਂ ਤੇ ਉਨ੍ਹਾਂ ਦੀ ਸ਼ਿਕਾਇਤ ਤੋਂ ਬਾਅਦ ਮੁੰਬਈ ਪੁਲਿਸ ਤੇ ਸਾਈਬਰ ਸੈੱਲ ਦੇ ਅਧਿਕਾਰੀ ਵੀ ਸਰਗਰਮ ਹੋ ਗਏ। ਮੁੰਬਈ ਪੁਲਿਸ ਨੇ ਰਣਵੀਰ ਦੀ ਪੋਸਟ ਦਾ ਜਵਾਬ ਦਿੰਦਿਆਂ ਲਿਖਿਆ, “ਅਸੀਂ ਤੁਹਾਡੀ ਸ਼ਿਕਾਇਤ ਤੋਂ ਬਾਅਦ ਇਸ ਮਾਮਲੇ ’ਤੇ ਕਾਰਵਾਈ ਕਰ ਰਹੇ ਹਾਂ। ਕਿਰਪਾ ਕਰਕੇ ਆਪਣੇ ਸੰਪਰਕ ਵੇਰਵੇ ਸਾਨੂੰ ਨਿੱਜੀ ਤੌਰ ’ਤੇ ਡੀਐੱਮ ਕਰੋ।” ![naidunia_image]()
ਰਣਵੀਰ ਸ਼ੌਰੀ ਨੇ CJP ਪ੍ਰੋਟੈਸਟ ਬਾਰੇ ਕੀ ਕਿਹਾ ਸੀ?
ਰਣਵੀਰ ਸ਼ੌਰੀ ਨੇ CJP ਪ੍ਰੋਟੈਸਟ ਦੀ ਆਲੋਚਨਾ ਕਰਦਿਆਂ ਲਿਖਿਆ ਸੀ, “ਆਪਣੀ ਗਿਣਤੀ ਸੰਸਦ ’ਚ ਦਿਖਾਓ, ਸੜਕਾਂ ’ਤੇ ਨਹੀਂ। ਜੇਕਰ ਤੁਹਾਨੂੰ ਇਹ ਰਸਤੇ ਅਨਿਆਂਪੂਰਨ ਲੱਗਦੇ ਹਨ, ਤਾਂ ਅਦਾਲਤ ਦਾ ਸਹਾਰਾ ਲਓ। ਇਹੀ ਲੋਕਤੰਤਰੀ ਤਰੀਕਾ ਹੈ। ਸੜਕਾਂ ’ਤੇ ਕਬਜ਼ਾ ਕਰਕੇ ਜਨਤਕ ਬੁਨਿਆਦੀ ਢਾਂਚੇ ਤੇ ਕਾਨੂੰਨ ਨੂੰ ਆਪਣੇ ਹੱਥਾਂ ’ਚ ਲੈਣਾ ਲੋਕਤੰਤਰ ਦਾ ਕਤਲ ਹੈ।”