4000 ਕਰੋੜ ਨਹੀਂ ਹੈ Ramayana ਦਾ ਬਜਟ! Yash ਨੇ ਦੱਸੀ ਪੂਰੀ ਸੱਚਾਈ, ਬੋਲੇ- ਇਹ ਗ਼ਲਤਫ਼ਹਿਮੀ ਹੈ

ਹਾਲ ਹੀ ਵਿੱਚ ਕੇਜੀਐੱਫ (KGF) ਦੇ ਸੁਪਰਸਤਾਰ ਯਸ਼ ਨੇ ਇੱਕ ਨਿੱਜੀ ਟੀਵੀ ਚੈਨਲ ਨੂੰ ਇੰਟਰਵਿਊ ਦਿੱਤੀ ਹੈ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੀ ਆਉਣ ਵਾਲੀ ਫ਼ਿਲਮ 'ਰਾਮਾਇਣ' ਦੇ 4 ਹਜ਼ਾਰ ਕਰੋੜ ਦੇ ਬਜਟ 'ਤੇ ਵੀ ਚਰਚਾ ਕੀਤੀ ਹੈ ਅਤੇ ਦੱਸਿਆ ਹੈ ਕਿ ਪਹਿਲੇ ਭਾਗ ਲਈ ਮੇਕਰਜ਼ ਨੇ ਇੰਨਾ ਪੈਸਾ ਨਹੀਂ ਖਰਚਿਆ ਹੈ।

Posted By Anuradha Bains

Publish Date: Sun, 16 Aug 2026 11:17 AM (IST)

Updated Date: Sun, 16 Aug 2026 11:21 AM (IST)

4000 ਕਰੋੜ ਨਹੀਂ ਹੈ Ramayana ਦਾ ਬਜਟ! Yash ਨੇ ਦੱਸੀ ਪੂਰੀ ਸੱਚਾਈ, ਬੋਲੇ- ਇਹ ਗ਼ਲਤਫ਼ਹਿਮੀ ਹੈ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਡਾਇਰੈਕਟਰ ਨਿਤੇਸ਼ ਤਿਵਾੜੀ ਅਤੇ ਪ੍ਰੋਡਿਊਸਰ ਨਮਿਤ ਮਲਹੋਤਰਾ ਦੀ ਫ਼ਿਲਮ 'ਰਾਮਾਇਣ' (Ramayana) ਸਿਨੇਮਾ ਜਗਤ ’ਚ ਕਾਫੀ ਚਰਚਾ ਵਿੱਚ ਹੈ। ਇਸ ਦਾ ਵੱਡਾ ਕਾਰਨ ਫ਼ਿਲਮ ਦਾ 4000 ਕਰੋੜ ਦਾ ਮੇਗਾ ਬਜਟ ਹੈ। ਹੁਣ ਇਸ ਮਾਮਲੇ ਨੂੰ ਲੈ ਕੇ 'ਰਾਮਾਇਣ' ਵਿੱਚ ਰਾਵਣ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਯਸ਼ ਨੇ ਫ਼ਿਲਮ ਦੀ ਲਾਗਤ ਨੂੰ ਲੈ ਕੇ ਪੂਰੀ ਸੱਚਾਈ ਦੱਸੀ ਹੈ।

ਸਾਊਥ ਦੇ ਸੁਪਰਸਤਾਰ ਨੇ ਦੱਸਿਆ ਹੈ ਕਿ 'ਰਾਮਾਇਣ' ਦੇ ਪਾਰਟ-1 ਦਾ ਬਜਟ 4000 ਕਰੋੜ ਨਹੀਂ ਹੈ। ਇਸ ਦੇ ਨਾਲ ਹੀ ਯਸ਼ (Yash) ਨੇ ਇਹ ਵੀ ਦੱਸਿਆ ਹੈ ਕਿ ਮੇਕਰਜ਼ ਨੇ ਕਿਸ ਤਰ੍ਹਾਂ 'ਰਾਮਾਇਣ' ਨੂੰ ਇੱਕ ਮੇਗਾ ਬਜਟ ਫ਼ਿਲਮ ਬਣਾਇਆ ਹੈ। ਆਓ ਜਾਣਦੇ ਹਾਂ ਕਿ ਉਨ੍ਹਾਂ ਨੇ ਕੀ ਕਿਹਾ ਹੈ—

ਰਾਮਾਇਣ ਦੇ ਬਜਟ 'ਤੇ ਬੋਲੇ ਯਸ਼

ਯਸ਼ ਮੁਤਾਬਕ— ਇਹ ਗ਼ਲਤਫ਼ਹਿਮੀ ਹੈ ਕਿ ਸਾਡੀ ਫ਼ਿਲਮ 'ਰਾਮਾਇਣ ਪਾਰਟ-1' ਦਾ ਬਜਟ 4000 ਕਰੋੜ ਹੈ। ਸਾਡੇ ਪਾਰਟਨਰ (ਨਮਿਤ ਮਲਹੋਤਰਾ) ਨੇ ਫ਼ਿਲਮ ਦੇ ਦੋਵਾਂ ਭਾਗਾਂ ਨੂੰ ਮਿਲਾ ਕੇ ਇੰਨੀ ਲਾਗਤ ਦੱਸੀ ਹੈ, ਜਿਸ ਵਿੱਚ ਰਿਲੀਜ਼ ਅਤੇ ਪ੍ਰਮੋਸ਼ਨ ਦਾ ਖਰਚਾ ਵੀ ਸ਼ਾਮਲ ਹੈ। ਇਹ ਹਾਲੀਵੁੱਡ ਵਰਗਾ ਹੀ ਇੱਕ ਪੈਟਰਨ ਹੈ।

ਹਾਲੀਵੁੱਡ ਦਾ ਹਿਸਾਬ-ਕਿਤਾਬ ਅਜਿਹਾ ਹੀ ਹੁੰਦਾ ਹੈ। ਉਹ ਫ਼ਿਲਮ ਦੇ ਬਜਟ ਦੇ ਬਰਾਬਰ ਜਾਂ ਕਈ ਵਾਰ ਉਸ ਤੋਂ ਵੀ ਵੱਧ ਪੈਸਾ ਪ੍ਰਮੋਸ਼ਨ 'ਤੇ ਖਰਚ ਕਰਦੇ ਹਨ, ਕਿਉਂਕਿ ਫ਼ਿਲਮ ਗਲੋਬਲ ਹੁੰਦੀ ਹੈ ਅਤੇ ਕਮਾਈ ਵੀ ਗਲੋਬਲ ਹੀ ਮੰਨੀ ਜਾਂਦੀ ਹੈ।

ਇਸ ਤਰ੍ਹਾਂ ਯਸ਼ ਨੇ 'ਰਾਮਾਇਣ' ਦੇ 4000 ਕਰੋੜ ਵਾਲੇ ਮਾਮਲੇ ਨੂੰ ਸਪੱਸ਼ਟ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ 'ਰਾਮਾਇਣ ਪਾਰਟ-1' ਵਿੱਚ ਰਾਵਣ ਦੇ ਕਿਰਦਾਰ ਨੂੰ ਲੈ ਕੇ ਯਸ਼ ਕਾਫੀ ਸੁਰਖੀਆਂ ਬਟੋਰ ਰਹੇ ਹਨ ਅਤੇ ਫੈਨਜ਼ ਉਨ੍ਹਾਂ ਨੂੰ ਇਸ ਕਿਰਦਾਰ ਵਿੱਚ ਵੱਡੇ ਪਰਦੇ 'ਤੇ ਦੇਖਣ ਲਈ ਬੇਤਾਬ ਹਨ।

ਕਦੋਂ ਰਿਲੀਜ਼ ਹੋਵੇਗੀ ਰਾਮਾਇਣ?

ਜੇਕਰ ਮਾਈਥੋਲਾਜੀਕਲ (ਪੌਰਾਣਿਕ) ਫ਼ਿਲਮ 'ਰਾਮਾਇਣ ਪਾਰਟ-1' ਦੀ ਰਿਲੀਜ਼ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਫ਼ਿਲਮ ਇਸ ਸਾਲ ਦੀਵਾਲੀ ਦੇ ਸ਼ੁਭ ਮੌਕੇ 'ਤੇ 8 ਨਵੰਬਰ ਨੂੰ ਭਾਰਤੀ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ। ਜਦਕਿ, ਵਿਦੇਸ਼ਾਂ ਵਿੱਚ 'ਰਾਮਾਇਣ' 6 ਨਵੰਬਰ ਨੂੰ ਦਸਤਕ ਦੇਵੇਗੀ। ਫ਼ਿਲਮ ਵਿੱਚ ਰਣਬੀਰ ਕਪੂਰ, ਯਸ਼, ਅਰੁਣ ਗੋਵਿਲ ਅਤੇ ਸਾਈ ਪੱਲਵੀ ਵਰਗੇ ਕਈ ਕਲਾਕਾਰ ਮੌਜੂਦ ਹਨ।