Dhurandhar 2 ਇਸ ਐਕਟਰ ਨੂੰ ਪਾਕਿਸਤਾਨ ਤੋਂ 'I Love You' ਦੇ ਮੈਸੇਜ ਭੇਜ ਰਹੇ ਹਨ ਲੋਕ, 14 ਸੈਕਿੰਡ ਦੇ ਸੀਨ ਨੇ ਬਣਾਇਆ ਸਟਾਰ

ਐਕਟਰ ਨੂੰ ਮਿਲ ਰਹੇ ਹਨ ਅਣਗਿਣਤ ਮੈਸੇਜ

ਵਿਵੇਕ ਨੇ ਦੱਸਿਆ ਕਿ ਉਨ੍ਹਾਂ ਦੀ ਅਦਾਕਾਰੀ ਅਤੇ ਡਾਇਲਾਗਸ ਕਾਰਨ ਕਈ ਲੋਕਾਂ ਨੇ ਉਨ੍ਹਾਂ ਨੂੰ ਨਫ਼ਰਤ ਭਰੇ ਮੈਸੇਜ ਭੇਜੇ ਅਤੇ ਕਈਆਂ ਨੇ ਬਹੁਤ ਪਿਆਰ ਵੀ ਦਿੱਤਾ। ਵਿਵੇਕ ਨੇ ਕਿਹਾ— "ਮੇਰੇ ਇੰਸਟਾਗ੍ਰਾਮ 'ਤੇ 2000 ਕਮੈਂਟਸ ਪਏ ਹੋਏ ਹਨ। ਮੈਂ ਇਸ ਦਾ ਬਹੁਤ ਆਨੰਦ ਲੈ ਰਿਹਾ ਹਾਂ। ਕਈ ਲੋਕ ਕਹਿ ਰਹੇ ਹਨ ਕਿ ਉਨ੍ਹਾਂ ਨੂੰ ਮੈਨੂੰ ਸਕ੍ਰੀਨ 'ਤੇ ਦੇਖ ਕੇ ਇੰਨਾ ਗੁੱਸਾ ਆਇਆ ਕਿ ਜੇਕਰ ਉਨ੍ਹਾਂ ਦਾ ਵੱਸ ਚੱਲੇ ਤਾਂ ਉਹ ਸਕ੍ਰੀਨ ਦੇ ਅੰਦਰ ਵੜ ਕੇ ਮੈਨੂੰ ਥੱਪੜ ਹੀ ਮਾਰ ਦੇਣ।"

ਉੱਥੇ ਹੀ ਕੁਝ ਅਜਿਹੇ ਵੀ ਹਨ ਜਿਨ੍ਹਾਂ ਨੂੰ ਮੇਰੀ ਅਦਾਕਾਰੀ ਬਹੁਤ ਹੀ ਅਸਲੀ ਅਤੇ ਵਧੀਆ ਲੱਗੀ ਅਤੇ ਉਨ੍ਹਾਂ ਨੇ ਮੇਰੀ ਰੱਜ ਕੇ ਤਾਰੀਫ਼ ਕੀਤੀ।

ਕੁਝ ਨੇ ਦਿੱਤੀ ਜਾਨੋਂ ਮਾਰਨ ਦੀ ਧਮਕੀ

ਵਿਵੇਕ ਨੇ ਦੱਸਿਆ ਕਿ ਕੁਝ ਮੈਸੇਜ ਭੇਜਣ ਵਾਲੇ ਇੰਨੇ ਉਤੇਜਿਤ ਹੋ ਗਏ ਕਿ ਮੈਨੂੰ ਕਹਿਣ ਲੱਗੇ ਕਿ ਤੈਨੂੰ ਪਾਕਿਸਤਾਨ ਆ ਕੇ ਮਾਰਾਂਗੇ। ਇਸ 'ਤੇ ਮੈਂ ਉਨ੍ਹਾਂ ਨੂੰ ਦੱਸਿਆ ਕਿ "ਮੈਂ ਪਾਕਿਸਤਾਨੀ ਨਹੀਂ ਹਾਂ। ਮੈਂ ਭਾਰਤੀ ਹਾਂ ਅਤੇ ਉੱਤਰ ਪ੍ਰਦੇਸ਼ ਦੇ ਬਿਜਨੌਰ ਦਾ ਰਹਿਣ ਵਾਲਾ ਹਾਂ।"

ਇਸ ਵਿੱਚ ਸਭ ਤੋਂ ਮਜ਼ੇਦਾਰ ਗੱਲ ਇਹ ਹੈ ਕਿ ਵਿਵੇਕ ਨੂੰ ਪਾਕਿਸਤਾਨ ਤੋਂ ਕੁਝ ਲੋਕਾਂ ਨੇ 'ਆਈ ਲਵ ਯੂ' ਲਿਖ ਕੇ ਮੈਸੇਜ ਭੇਜੇ ਹਨ। ਐਕਟਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇੱਕ ਮੈਸੇਜ ਆਇਆ, "ਸਰ ਆਈ ਲਵ ਯੂ, ਮੈਂ ਪਾਕਿਸਤਾਨ ਤੋਂ ਹਾਂ।" ਐਕਟਰ ਨੇ ਇਸ 'ਤੇ ਹੱਸਦੇ ਹੋਏ ਜਵਾਬ ਦਿੱਤਾ ਕਿ "ਰੁਕੋ, ਅਸੀਂ ਬਾਅਦ ਵਿੱਚ ਗੱਲ ਕਰਦੇ ਹਾਂ।"

ਛੋਟੀ ਉਮਰ ਵਿੱਚ ਪਿਤਾ ਨੂੰ ਖੋਣ ਦਾ ਦੁੱਖ

ਆਪਣੀ ਜ਼ਿੰਦਗੀ ਬਾਰੇ ਗੱਲ ਕਰਦਿਆਂ ਵਿਵੇਕ ਨੇ ਦੱਸਿਆ ਕਿ ਜਦੋਂ ਉਹ ਸਿਰਫ਼ 6 ਸਾਲ ਦੇ ਸਨ, ਉਦੋਂ ਹੀ ਉਨ੍ਹਾਂ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਸੀ। ਉਨ੍ਹਾਂ ਦੀ ਮਾਂ ਨੇ 'ਸਿੰਗਲ ਪੇਰੈਂਟ' ਜੋਂ ਉਨ੍ਹਾਂ ਦੀ ਪਰਵਰਿਸ਼ ਕੀਤੀ ਅਤੇ ਕਦੇ ਵੀ ਕਿਸੇ ਚੀਜ਼ ਦੀ ਕੋਈ ਕਮੀ ਮਹਿਸੂਸ ਨਹੀਂ ਹੋਣ ਦਿੱਤੀ।