'ਮੇਰੀ ਪਰਸਨਲ ਲਾਈਫ਼...' ਸੀਤਾ ਦੇ ਰੋਲ ਲਈ ਟਰੋਲ ਹੋਣ 'ਤੇ ਕੀ ਬੋਲੀ ਵਾਇਰਲ ਕੱਚਾ ਬਾਦਾਮ ਗਰਲ, ਕਦੋਂ ਰਿਲੀਜ਼ ਹੋਵੇਗੀ ਫ਼ਿਲਮ?

Posted By alisha

Publish Date: Thu, 17 Sep 2026 04:23 PM (IST)

Updated Date: Thu, 17 Sep 2026 04:27 PM (IST)

'ਮੇਰੀ ਪਰਸਨਲ ਲਾਈਫ਼...' ਸੀਤਾ ਦੇ ਰੋਲ ਲਈ ਟਰੋਲ ਹੋਣ 'ਤੇ ਕੀ ਬੋਲੀ ਵਾਇਰਲ ਕੱਚਾ ਬਾਦਾਮ ਗਰਲ, ਕਦੋਂ ਰਿਲੀਜ਼ ਹੋਵੇਗੀ ਫ਼ਿਲਮ?

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਕੁਝ ਸਮਾਂ ਪਹਿਲਾਂ ਰਾਮਾਇਣ (Ramayan) 'ਤੇ ਹੀ ਆਧਾਰਿਤ ਇੱਕ ਫ਼ਿਲਮ ਦਾ ਟ੍ਰੇਲਰ ਆਇਆ ਸੀ, ਜਿਸ ਦੀ ਕਾਫ਼ੀ ਜ਼ਿਆਦਾ ਆਲੋਚਨਾ ਹੋਈ ਸੀ। ਇਸ ਦਾ ਨਾਂ ਸੀ 'ਮਹਾਕਾਵਿ ਸ਼੍ਰੀ ਰਾਮਾਇਣ ਕਥਾ' (Mahakavya Shri Ramayan Katha)। ਇਸ ਵਿੱਚ ਦੇਵ ਸ਼ਰਮਾ, ਅੰਜਲੀ ਅਰੋੜਾ ਅਤੇ ਰਜਨੀਸ਼ ਦੁੱਗਲ ਨਜ਼ਰ ਆਉਣ ਵਾਲੇ ਸਨ।

ਇਸ ਦੇ ਰਿਲੀਜ਼ ਤੋਂ ਬਾਅਦ ਅੰਜਲੀ ਅਰੋੜਾ ਦਾ ਕਾਫ਼ੀ ਮਜ਼ਾਕ ਬਣਿਆ, ਜੋ ਇਸ ਵਿੱਚ ਸੀਤਾ ਦਾ ਰੋਲ ਨਿਭਾ ਰਹੀ ਹੈ। ਲੋਕ ਅੰਜਲੀ ਨੂੰ 'ਕੱਚਾ ਬਾਦਾਮ ਗਰਲ' ਦੇ ਤੌਰ 'ਤੇ ਜਾਣਦੇ ਹਨ, ਜਿਨ੍ਹਾਂ ਦੀ ਡਾਂਸ ਰੀਲ ਕਾਫ਼ੀ ਜ਼ਿਆਦਾ ਵਾਇਰਲ ਹੋਈ ਸੀ। ਹੁਣ ਕਿਉਂਕਿ ਅੰਜਲੀ ਮਾਤਾ ਸੀਤਾ ਦਾ ਰੋਲ ਨਿਭਾ ਰਹੀ ਹੈ ਤਾਂ ਪ੍ਰਸ਼ੰਸਕਾਂ (ਫੈਨਜ਼) ਨੂੰ ਇਹ ਥੋੜ੍ਹਾ ਅਜੀਬ ਲੱਗਿਆ। 17 ਤਾਰੀਖ਼ ਨੂੰ ਇਸ ਦਾ ਟ੍ਰੇਲਰ ਲਾਂਚ ਹੋਇਆ ਤਾਂ ਅੰਜਲੀ ਨੇ ਇਸ ਮਾਮਲੇ 'ਚ ਆਪਣੀ ਚੁੱਪੀ ਤੋੜੀ।

ਅੰਜਲੀ ਅਰੋੜਾ ਨੇ ਕੀ ਕਿਹਾ?

ਜਦੋਂ ਉਸ ਤੋਂ ਪੁੱਛਿਆ ਗਿਆ ਕਿ ਕੀ ਉਸ ਨੂੰ ਟਰੋਲਿੰਗ ਦਾ ਬੁਰਾ ਲੱਗਿਆ, ਤਾਂ ਅਦਾਕਾਰਾ ਨੇ ਕਿਹਾ, "ਨਹੀਂ, ਮੈਨੂੰ ਬੁਰਾ ਨਹੀਂ ਲੱਗਿਆ ਕਿਉਂਕਿ ਅਸੀਂ ਪਬਲਿਕ ਫਿਗਰ ਹਾਂ ਅਤੇ ਜਨਤਾ ਸਾਨੂੰ ਜੱਜ ਕਰ ਸਕਦੀ ਹੈ। ਇਹ ਉਨ੍ਹਾਂ ਦੀ ਮਰਜ਼ੀ ਹੈ ਕਿ ਉਹ ਸਾਨੂੰ ਪਾਜ਼ੇਟਿਵ ਰਿਵਿਊ ਦਿੰਦੇ ਹਨ ਜਾਂ ਨੈਗੇਟਿਵ ਰਿਵਿਊ। ਹਰ ਕਿਸੇ ਨੂੰ ਇਸ ਨੂੰ ਪਸੰਦ ਜਾਂ ਨਾਪਸੰਦ ਕਰਨ ਦਾ ਹੱਕ ਹੈ। ਅਸੀਂ ਅਦਾਕਾਰ ਹਾਂ, ਸਾਨੂੰ ਜੋ ਵੀ ਕਿਰਦਾਰ ਦਿੱਤਾ ਜਾਂਦਾ ਹੈ, ਅਸੀਂ ਉਸ ਵਿੱਚ ਆਪਣਾ 100 ਪ੍ਰਤੀਸ਼ਤ ਦਿੰਦੇ ਹਾਂ।"

ਉਸ ਨੇ ਅੱਗੇ ਕਿਹਾ, "ਇੱਕ ਵਾਰ ਜਦੋਂ ਇਹ ਜਨਤਾ ਦੇ ਸਾਹਮਣੇ ਆ ਜਾਂਦਾ ਹੈ ਤਾਂ ਇਹ ਉਨ੍ਹਾਂ ਦਾ ਫ਼ੈਸਲਾ ਹੈ ਕਿ ਉਹ ਇਸ ਨੂੰ ਕਿਵੇਂ ਦੇਖਦੇ ਹਨ। ਮੈਂ ਸੀਤਾ ਮਾਂ ਦਾ ਕਿਰਦਾਰ ਨਿਭਾਇਆ ਹੈ ਅਤੇ ਹੁਣ, ਟ੍ਰੇਲਰ ਦੇਖਣ ਤੋਂ ਬਾਅਦ, ਕੀ ਤੁਹਾਨੂੰ ਲੱਗਦਾ ਹੈ ਕਿ ਇਹ ਉਹੀ ਅੰਜਲੀ ਹੈ ਜਿਸ ਨੂੰ ਅਸੀਂ ਸੋਸ਼ਲ ਮੀਡੀਆ 'ਤੇ ਦੇਖਦੇ ਹਾਂ? ਮੇਰਾ ਇਕੋ-ਇੱਕ ਉਦੇਸ਼ ਇਹ ਹੈ ਕਿ ਜਦੋਂ ਦਰਸ਼ਕ ਫ਼ਿਲਮ ਦੇਖਣ ਤਾਂ ਉਹ ਮੇਰੀ ਪਰਸਨਲ ਲਾਈਫ਼ ਅਤੇ ਪਰਸਨੈਲਿਟੀ ਨੂੰ ਇੱਕ ਪਾਸੇ ਰੱਖ ਦੇਣ।"

ਕਦੋਂ ਰਿਲੀਜ਼ ਹੋਵੇਗੀ ਫ਼ਿਲਮ?

'ਮਹਾਕਾਵਿ ਸ਼੍ਰੀ ਰਾਮਾਇਣ ਕਥਾ' 25 ਸਤੰਬਰ 2026 ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਇਹ ਫ਼ਿਲਮ ਬਾਕਸ ਆਫ਼ਿਸ 'ਤੇ 'ਦਿ ਵਨ' (The One) ਨਾਲ ਟਕਰਾਏਗੀ। ਉੱਥੇ ਹੀ, ਇਸ ਫ਼ਿਲਮ ਦੀ ਤੁਲਨਾ ਰਣਬੀਰ ਕਪੂਰ ਅਤੇ ਸਾਈ ਪੱਲਵੀ ਅਭਿਨੀਤ 'ਰਾਮਾਇਣ' ਨਾਲ ਵੀ ਕੀਤੀ ਜਾ ਰਹੀ ਹੈ।