- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬਾਲੀਵੁੱਡ ਦੇ ਮਸ਼ਹੂਰ ਐਕਟਰ ਨੂੰ ਮੁੰਬਈ ਪੁਲਿਸ ਨੇ ਕੀਤਾ ਗ੍ਰਿਫਤਾਰ, ਲੱਗਾ ਵੱਡਾ ਦੋਸ਼; ਜਾਣੋ ਕੀ ਪਿਆ ਪੰਗਾ ?
ਇਹ ਮਾਮਲਾ ਮੁੰਬਈ ਦੀ ਮਿੱਠੀ ਨਦੀ 'ਚੋਂ ਗਾਦ ਕੱਢਣ ਅਤੇ ਇਸ ਦੇ ਮੁੜ ਵਿਕਾਸ ਲਈ ਦਿੱਤੇ ਗਏ ਠੇਕਿਆਂ ਨਾਲ ਸਬੰਧਤ ਹੈ। ਇਸ 'ਚ ਪੈਸਿਆਂ ਦੇ ਲੈਣ-ਦੇਣ 'ਚ ਕੁਝ ਕਥਿਤ ਗੜਬੜੀਆਂ ਸਾਹਮਣੇ ਆਈਆਂ ਹਨ। ਜਾਂਚਕਰਤਾ ਠੇਕੇਦਾਰਾਂ, ਵਿਚੋਲਿਆਂ ਅਤੇ ਨਗਰ ਨਿਗਮ ਦੇ ਅਧਿਕਾਰੀਆਂ ਦੀ ਕਥਿਤ ਭੂਮਿਕਾ ਦੀ ਜਾਂਚ ਕਰ ਰਹੇ ਹਨ। ਇਸ ਦੇ ਨਾਲ ਇਹ ਵੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਠੇਕੇ ਕਿਵੇਂ ਦਿੱਤੇ ਗਏ ਅਤੇ ਭੁਗਤਾਨ ਕਿਵੇਂ ਕੀਤੇ ਗਏ।
Posted By Sunita
Publish Date: Sat, 03 Oct 2026 01:29 PM (IST)
Updated Date: Sat, 03 Oct 2026 01:35 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ - ਮੁੰਬਈ ਪੁਲਿਸ ਦੀ ਇਕਨਾਮਿਕ ਆਫੈਂਸ ਵਿੰਗ (EOW) ਨੇ ਕਥਿਤ ਮਿੱਠੀ ਨਦੀ ਡੀਸਿਲਟਿੰਗ ਘੋਟਾਲੇ ਦੇ ਸਬੰਧ 'ਚ ਅਦਾਕਾਰ ਡਿਨੋ ਮੋਰੀਆ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਕੀ ਹੈ ਮਾਮਲਾ?
ਇਹ ਮਾਮਲਾ ਮੁੰਬਈ ਦੀ ਮਿੱਠੀ ਨਦੀ 'ਚੋਂ ਗਾਦ ਕੱਢਣ ਅਤੇ ਇਸ ਦੇ ਮੁੜ ਵਿਕਾਸ ਲਈ ਦਿੱਤੇ ਗਏ ਠੇਕਿਆਂ ਨਾਲ ਸਬੰਧਤ ਹੈ। ਇਸ 'ਚ ਪੈਸਿਆਂ ਦੇ ਲੈਣ-ਦੇਣ 'ਚ ਕੁਝ ਕਥਿਤ ਗੜਬੜੀਆਂ ਸਾਹਮਣੇ ਆਈਆਂ ਹਨ। ਜਾਂਚਕਰਤਾ ਠੇਕੇਦਾਰਾਂ, ਵਿਚੋਲਿਆਂ ਅਤੇ ਨਗਰ ਨਿਗਮ ਦੇ ਅਧਿਕਾਰੀਆਂ ਦੀ ਕਥਿਤ ਭੂਮਿਕਾ ਦੀ ਜਾਂਚ ਕਰ ਰਹੇ ਹਨ। ਇਸ ਦੇ ਨਾਲ ਇਹ ਵੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਠੇਕੇ ਕਿਵੇਂ ਦਿੱਤੇ ਗਏ ਅਤੇ ਭੁਗਤਾਨ ਕਿਵੇਂ ਕੀਤੇ ਗਏ।
ਅਦਾਕਾਰ ਤੋਂ 8 ਘੰਟੇ ਹੋਈ ਪੁੱਛਗਿੱਛ
ਮਿਡ-ਡੇ ਦੀ ਇੱਕ ਰਿਪੋਰਟ ਮੁਤਾਬਕ, ਬਾਂਦਰਾ ਸਥਿਤ ਉਨ੍ਹਾਂ ਦੇ ਘਰ ’ਤੇ ਕਰੀਬ ਅੱਠ ਘੰਟੇ ਦੀ ਪੁੱਛਗਿੱਛ ਤੋਂ ਬਾਅਦ 2 ਅਕਤੂਬਰ ਨੂੰ ਅਦਾਕਾਰ ਨੂੰ ਹਿਰਾਸਤ 'ਚ ਲਿਆ ਗਿਆ।
ਅਦਾਕਾਰ ’ਤੇ ਲੱਗਾ ਇਹ ਵੱਡਾ ਦੋਸ਼
EOW ਨੇ ਦੋਸ਼ ਲਗਾਇਆ ਹੈ ਕਿ ਇਸ ਪ੍ਰਾਜੈਕਟ ਕਾਰਨ ਬ੍ਰਿਹਨਮੁੰਬਈ ਮਿਊਂਸਿਪਲ ਕਾਰਪੋਰੇਸ਼ਨ (BMC) ਨੂੰ 65.54 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ। ਜਾਂਚ ਦੌਰਾਨ ਡਿਨੋ ਮੋਰੀਆ ਦਾ ਨਾਮ ਉਸ ਸਮੇਂ ਸਾਹਮਣੇ ਆਇਆ ਜਦੋਂ ਪੁਲਿਸ ਨੇ ਫੋਨ ਰਿਕਾਰਡਾਂ ਦੀ ਜਾਂਚ ਕੀਤੀ। ਇਨ੍ਹਾਂ ਰਿਕਾਰਡਾਂ ਤੋਂ ਕਥਿਤ ਤੌਰ ’ਤੇ ਪਤਾ ਲੱਗਾ ਕਿ ਉਹ ਇਸ ਮਾਮਲੇ ਨਾਲ ਜੁੜੇ ਲੋਕਾਂ ਦੇ ਸੰਪਰਕ 'ਚ ਸਨ।
EOW ਨੇ ਮਈ 2025 'ਚ ਅਦਾਕਾਰ ਅਤੇ ਉਨ੍ਹਾਂ ਦੇ ਭਰਾ ਸੈਂਟਿਨੋ ਮੋਰੀਆ ਤੋਂ ਵੀ ਪੁੱਛਗਿੱਛ ਕੀਤੀ ਸੀ। ਜਾਂਚਕਰਤਾ ਸੈਂਟਿਨੋ ਦੀ ਕੰਪਨੀ UBO ਰਾਈਡਜ਼ ਪ੍ਰਾਈਵੇਟ ਲਿਮਟਿਡ ਨਾਲ ਜੁੜੇ ਵਿੱਤੀ ਲੈਣ-ਦੇਣ ਦੀ ਵੀ ਜਾਂਚ ਕਰ ਰਹੇ ਸਨ।
#WATCH | Mumbai | Actor Dino Morea reaches Mumbai Police Commissioner’s Office to join the investigation in Mithi River desilting alleged scam being investigated by Mumbai EOW https://t.co/BXZ5TnJjV4
— ANI (@ANI) October 2, 2026
ਮੁੱਖ ਮੁਲਜ਼ਮ ਨਾਲ ਵਿੱਤੀ ਕਨੈਕਸ਼ਨ?
ਦੋਸ਼ ਹੈ ਕਿ ਇਹ ਪੈਸਾ ਕੇਤਨ ਕਦਮ ਨੇ ਟਰਾਂਸਫਰ ਕੀਤਾ ਸੀ, ਜੋ ਇਸ ਮਾਮਲੇ ਦੇ ਮੁੱਖ ਮੁਲਜ਼ਮਾਂ 'ਚੋਂ ਇੱਕ ਹੈ। ਕਦਮ ਨੂੰ 2025 'ਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਅਤੇ ਉਸ ਦਾ ਨਾਮ ਵੋਡਰ ਇੰਡੀਆ LLP ਨਾਲ ਜੁੜਿਆ ਹੈ, ਜੋ ਡੀਸਿਲਟਿੰਗ ਠੇਕਿਆਂ ਨਾਲ ਸਬੰਧਤ ਹੈ।
ਜਾਂਚਕਰਤਾਵਾਂ ਨੇ ਪਾਇਆ ਕਿ ਵੋਡਰ ਇੰਡੀਆ LLP ਅਤੇ UBO ਰਾਈਡਜ਼ ਮੁੰਬਈ ਦੇ ਵਰਲੀ 'ਚ ਫੇਮਸ ਸਟੂਡੀਓ ਦੇ ਨੇੜੇ ਇੱਕੋ ਪਤੇ ਤੋਂ ਕੰਮ ਕਰਦੇ ਸਨ। ਪੁਲਿਸ ਕਦਮ ਅਤੇ ਮੋਰੀਆ ਪਰਿਵਾਰ ਵਿਚਕਾਰ ਕਥਿਤ ਵਿੱਤੀ ਸਬੰਧਾਂ ਦੀ ਵੀ ਜਾਂਚ ਕਰ ਰਹੀ ਹੈ।
2024 'ਚ ਵੀ ਹੋਈ ਸੀ ਗ੍ਰਿਫ਼ਤਾਰੀ
EOW ਨੇ ਨਦੀ ਦੀ ਡੀਸਿਲਟਿੰਗ 'ਚ ਕਥਿਤ ਗੜਬੜੀਆਂ ਦੀ ਜਾਂਚ ਲਈ 2024 'ਚ ਇੱਕ ਵਿਸ਼ੇਸ਼ ਜਾਂਚ ਟੀਮ (SIT) ਬਣਾਈ ਸੀ। ਇਸ ਮਾਮਲੇ 'ਚ ਕਦਮ ਅਤੇ ਜਯੇਸ਼ ਜੋਸ਼ੀ ਸਮੇਤ ਕਈ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ, ਜਦਕਿ ਕਥਿਤ ਪੈਸਿਆਂ ਦੇ ਲੈਣ-ਦੇਣ ਅਤੇ ਨਗਰ ਨਿਗਮ ਦੇ ਠੇਕਿਆਂ ਦੀ ਜਾਂਚ ਅਜੇ ਵੀ ਜਾਰੀ ਹੈ।