- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮਨੋਰੰਜਨ ਜਗਤ 'ਚ ਸੋਗ ਦੀ ਲਹਿਰ : ਨਾਨਾ ਪਾਟੇਕਰ ਦੀ ਮੌਤ ਮਗਰੋਂ 34 ਸਾਲਾ ਮਸ਼ਹੂਰ ਅਦਾਕਾਰ ਨੇ ਵੀ ਦੁਨੀਆ ਨੂੰ ਕਿਹਾ ਅਲਵਿਦਾ
ਨਾਨਾ ਪਾਟੇਕਰ ਦੇ ਦੇਹਾਂਤ ਦੀਆਂ ਖ਼ਬਰਾਂ ਤੋਂ ਲੋਕ ਅਜੇ ਉੱਭਰੇ ਵੀ ਨਹੀਂ ਸਨ ਕਿ ਹਾਲੀਵੁੱਡ ਤੋਂ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਟੀਵੀ ਸੀਰੀਜ਼ ‘ਬ੍ਰੇਕਿੰਗ ਬੈਡ’ 'ਚ ਵਾਲਟਰ ਵ੍ਹਾਈਟ ਜੂਨੀਅਰ ਦਾ ਕਿਰਦਾਰ ਨਿਭਾ ਕੇ ਦੁਨੀਆ ਭਰ 'ਚ ਪਛਾਣ ਬਣਾਉਣ ਵਾਲੇ ਅਦਾਕਾਰ ਆਰ.ਜੇ. ਮਿੱਟੇ (RJ Mitte) ਦਾ ਦੇਹਾਂਤ ਹੋ ਗਿਆ ਹੈ। ਉਹ ਸਿਰਫ਼ 34 ਸਾਲ ਦੇ ਸਨ। ਇਸ ਖ਼ਬਰ ਨਾਲ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਅਤੇ ਮਨੋਰੰਜਨ ਜਗਤ 'ਚ ਸੋਗ ਦੀ ਲਹਿਰ ਫੈਲ ਗਈ ਹੈ।
Posted By Sunita
Publish Date: Tue, 13 Oct 2026 07:47 AM (IST)
Updated Date: Tue, 13 Oct 2026 07:49 AM (IST)
ਨਵੀਂ ਦਿੱਲੀ : ਨਾਨਾ ਪਾਟੇਕਰ ਦੇ ਦੇਹਾਂਤ ਦੀਆਂ ਖ਼ਬਰਾਂ ਤੋਂ ਲੋਕ ਅਜੇ ਉੱਭਰੇ ਵੀ ਨਹੀਂ ਸਨ ਕਿ ਹਾਲੀਵੁੱਡ ਤੋਂ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਟੀਵੀ ਸੀਰੀਜ਼ ‘ਬ੍ਰੇਕਿੰਗ ਬੈਡ’ 'ਚ ਵਾਲਟਰ ਵ੍ਹਾਈਟ ਜੂਨੀਅਰ ਦਾ ਕਿਰਦਾਰ ਨਿਭਾ ਕੇ ਦੁਨੀਆ ਭਰ 'ਚ ਪਛਾਣ ਬਣਾਉਣ ਵਾਲੇ ਅਦਾਕਾਰ ਆਰ.ਜੇ. ਮਿੱਟੇ (RJ Mitte) ਦਾ ਦੇਹਾਂਤ ਹੋ ਗਿਆ ਹੈ। ਉਹ ਸਿਰਫ਼ 34 ਸਾਲ ਦੇ ਸਨ। ਇਸ ਖ਼ਬਰ ਨਾਲ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਅਤੇ ਮਨੋਰੰਜਨ ਜਗਤ 'ਚ ਸੋਗ ਦੀ ਲਹਿਰ ਫੈਲ ਗਈ ਹੈ।
ਖ਼ਬਰਾਂ ਮੁਤਾਬਕ, ਉਨ੍ਹਾਂ ਦਾ ਦੇਹਾਂਤ ਸੋਮਵਾਰ ਨੂੰ ਟੈਕਸਾਸ ਦੇ ਬ੍ਰਾਊਨਜ਼ਵਿਲ 'ਚ ਹੋਇਆ। ਉਨ੍ਹਾਂ ਦੇ ਭਾਰਤੀ ਪ੍ਰਸ਼ੰਸਕ ਇਹ ਜਾਣ ਕੇ ਹੈਰਾਨ ਹਨ ਕਿ ਮਹਿਜ਼ 34 ਸਾਲ ਦੀ ਉਮਰ 'ਚ ਉਨ੍ਹਾਂ ਦੀ ਅਚਾਨਕ ਮੌਤ ਕਿਵੇਂ ਹੋ ਗਈ। ਆਰ.ਜੇ. ਮਿੱਟੇ ਸਿਰਫ਼ ਆਪਣੀ ਅਦਾਕਾਰੀ ਲਈ ਹੀ ਨਹੀਂ, ਸਗੋਂ ਦਿਵਿਆਂਗ ਲੋਕਾਂ ਦੇ ਹੱਕਾਂ ਲਈ ਆਵਾਜ਼ ਉਠਾਉਣ ਵਾਸਤੇ ਵੀ ਜਾਣੇ ਜਾਂਦੇ ਸਨ। ਉਹ ਚਾਹੁੰਦੇ ਸਨ ਕਿ ਫ਼ਿਲਮਾਂ ਅਤੇ ਟੈਲੀਵਿਜ਼ਨ ਦੀ ਦੁਨੀਆ 'ਚ ਦਿਵਿਆਂਗ ਲੋਕਾਂ ਨੂੰ ਵੀ ਬਰਾਬਰ ਮੌਕੇ ਮਿਲਣ। ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਦਿੰਦਿਆਂ ਕਰੀਬੀਆਂ ਨੇ ਉਨ੍ਹਾਂ ਨੂੰ ਇੱਕ ਪਿਆਰਾ ਇਨਸਾਨ, ਸਮਾਜ ਸੇਵਕ ਅਤੇ ਦਿਵਿਆਂਗ ਲੋਕਾਂ ਦੀ ਮਦਦ ਕਰਨ ਵਾਲੀ ਸ਼ਖ਼ਸੀਅਤ ਦੱਸਿਆ।
ਕਿਵੇਂ ਹੋਇਆ ਆਰ.ਜੇ. ਮਿੱਟੇ ਦਾ ਦੇਹਾਂਤ?
ਐਸੋਸੀਏਟਿਡ ਪ੍ਰੈੱਸ (AP) ਦੀ ਰਿਪੋਰਟ ਮੁਤਾਬਕ, ਕੈਮਰਨ ਕਾਊਂਟੀ ਦੀ ਜਸਟਿਸ ਆਫ਼ ਦ ਪੀਸ ਸਿੰਡੀ ਹਿਨੋਜੋਸਾ ਨੇ ਦੱਸਿਆ ਕਿ ਸੋਮਵਾਰ ਨੂੰ ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ ਕਰੀਬ 1:30 ਵਜੇ ਆਰ.ਜੇ. ਮਿੱਟੇ ਨੂੰ ਮ੍ਰਿਤਕ ਐਲਾਨਿਆ ਗਿਆ। ਜਿਸ ਥਾਂ ’ਤੇ ਉਹ ਮ੍ਰਿਤਕ ਮਿਲੇ, ਅਧਿਕਾਰੀ ਨੇ ਉਸ ਨੂੰ ਉਨ੍ਹਾਂ ਦਾ ਸੰਭਾਵਿਤ ਘਰ ਦੱਸਿਆ।
ਅਧਿਕਾਰੀ ਨੇ ਕਿਹਾ ਕਿ ਮੌਤ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਪੋਸਟਮਾਰਟਮ ਕਰਵਾਇਆ ਜਾਵੇਗਾ। ਉਨ੍ਹਾਂ ਦੇ ਪ੍ਰਤੀਨਿਧੀਆਂ ਨੇ ਇੱਕ ਬਿਆਨ ਜਾਰੀ ਕਰਕੇ ਦੁੱਖ ਪ੍ਰਗਟ ਕੀਤਾ। ਬਿਆਨ 'ਚ ਉਨ੍ਹਾਂ ਨੂੰ ਇੱਕ ਪਿਆਰਾ ਅਦਾਕਾਰ, ਪਰਉਪਕਾਰੀ ਅਤੇ ਦਿਵਿਆਂਗ ਲੋਕਾਂ ਦੇ ਅਧਿਕਾਰਾਂ ਲਈ ਸਮਰਪਿਤ ਸ਼ਖ਼ਸੀਅਤ ਦੱਸਿਆ ਗਿਆ।
ਹਾਲਾਂਕਿ, ਉਨ੍ਹਾਂ ਦੇ ਪ੍ਰਤੀਨਿਧੀਆਂ ਵੱਲੋਂ ਮੌਤ ਦੇ ਅਧਿਕਾਰਤ ਕਾਰਨਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ। ਅਮਰੀਕੀ ਵੈੱਬਸਾਈਟ TMZ ਨੇ ਇੱਕ ਕਾਊਂਟੀ ਅਧਿਕਾਰੀ ਦੇ ਹਵਾਲੇ ਨਾਲ ਖ਼ੁਦਕੁਸ਼ੀ ਦੀ ਸੰਭਾਵਨਾ ਜਤਾਈ ਹੈ। ਰਿਪੋਰਟ ਮੁਤਾਬਕ, ਮਾਮਲੇ ਦੀ ਜਾਂਚ ਜਾਰੀ ਹੈ। ਇਸ ਲਈ ਮੌਤ ਦੇ ਕਾਰਨ ਬਾਰੇ ਅਧਿਕਾਰਤ ਪੁਸ਼ਟੀ ਦੀ ਉਡੀਕ ਹੈ।
‘ਬ੍ਰੇਕਿੰਗ ਬੈਡ’ 'ਚ ਵਾਲਟਰ ਵ੍ਹਾਈਟ ਦੇ ਪੁੱਤਰ ਦਾ ਨਿਭਾਇਆ ਸੀ ਕਿਰਦਾਰ
ਆਰ.ਜੇ. ਮਿੱਟੇ ਨੂੰ ਸਭ ਤੋਂ ਵੱਧ ਪ੍ਰਸਿੱਧੀ ਅਮਰੀਕੀ ਕ੍ਰਾਈਮ ਡਰਾਮਾ ਸੀਰੀਜ਼ ‘ਬ੍ਰੇਕਿੰਗ ਬੈਡ’ ਤੋਂ ਮਿਲੀ ਸੀ। ਸਾਲ 2008 ਤੋਂ 2013 ਤੱਕ ਪ੍ਰਸਾਰਿਤ ਹੋਈ ਇਸ ਸੀਰੀਜ਼ ਦੇ ਪੰਜੇ ਸੀਜ਼ਨਾਂ 'ਚ ਉਨ੍ਹਾਂ ਨੇ ਵਾਲਟਰ ‘ਫਲਿਨ’ ਵ੍ਹਾਈਟ ਜੂਨੀਅਰ ਦਾ ਕਿਰਦਾਰ ਨਿਭਾਇਆ। ਉਹ ਇਸ ਸੀਰੀਜ਼ ਦੇ ਕੁੱਲ 56 ਐਪੀਸੋਡਾਂ 'ਚ ਨਜ਼ਰ ਆਏ।
ਇਸ ਸ਼ੋਅ 'ਚ ਉਨ੍ਹਾਂ ਦੇ ਪਿਤਾ ਦਾ ਕਿਰਦਾਰ ਅਦਾਕਾਰ ਬ੍ਰਾਇਨ ਕ੍ਰੈਨਸਟਨ ਨੇ ਨਿਭਾਇਆ ਸੀ। ਕਹਾਣੀ 'ਚ ਫਲਿਨ ਇੱਕ ਅਜਿਹਾ ਕਿਰਦਾਰ ਸੀ, ਜਿਸ ਦੀ ਆਪਣੇ ਪਰਿਵਾਰ ਦੀਆਂ ਮੁਸ਼ਕਲਾਂ ਵਿਚਕਾਰ ਆਪਣੀ ਵੱਖਰੀ ਪਛਾਣ ਸੀ।
ਆਰ.ਜੇ. ਮਿੱਟੇ ਨੂੰ ਇਸ ਭੂਮਿਕਾ ਲਈ ਖ਼ਾਸ ਤੌਰ ’ਤੇ ਸਰਾਹਿਆ ਗਿਆ, ਕਿਉਂਕਿ ਉਹ ਅਸਲ ਜ਼ਿੰਦਗੀ 'ਚ ਵੀ ਸੇਰੇਬ੍ਰਲ ਪਾਲਸੀ (Cerebral Palsy) ਨਾਲ ਜੀਅ ਰਹੇ ਸਨ।
ਤਿੰਨ ਸਾਲ ਦੀ ਉਮਰ 'ਚ ਲੱਗਾ ਸੀ ਬਿਮਾਰੀ ਦਾ ਪਤਾ
ਆਰ.ਜੇ. ਮਿੱਟੇ ਦਾ ਜਨਮ 21 ਅਗਸਤ 1992 ਨੂੰ ਹੋਇਆ ਸੀ। ਉਨ੍ਹਾਂ ਦਾ ਪੂਰਾ ਨਾਮ ਰੌਏ ਫਰੈਂਕ ਮਿੱਟੇ ਤੀਜਾ ਸੀ। ਮਹਿਜ਼ ਤਿੰਨ ਸਾਲ ਦੀ ਉਮਰ 'ਚ ਉਨ੍ਹਾਂ ਨੂੰ ਸੇਰੇਬ੍ਰਲ ਪਾਲਸੀ ਨਾਮਕ ਨਿਊਰੋਲੌਜੀਕਲ ਬਿਮਾਰੀ ਹੋਣ ਦਾ ਪਤਾ ਲੱਗਾ ਸੀ। ਇਸ ਦੇ ਬਾਵਜੂਦ ਉਨ੍ਹਾਂ ਨੇ ਅਦਾਕਾਰੀ ਪ੍ਰਤੀ ਆਪਣੇ ਜਨੂੰਨ ਨੂੰ ਕਦੇ ਘੱਟ ਨਹੀਂ ਹੋਣ ਦਿੱਤਾ।
ਸਾਲ 2006 'ਚ ਉਹ ਹਾਲੀਵੁੱਡ ਪਹੁੰਚੇ। ਇਸ ਤੋਂ ਪਹਿਲਾਂ, ਸਾਲ 2007 'ਚ ਉਨ੍ਹਾਂ ਨੇ ਟੀਵੀ ਸ਼ੋਅ ‘ਹੈਨਾ ਮੋਂਟਾਨਾ’ ਦੇ ਇੱਕ ਐਪੀਸੋਡ 'ਚ ਛੋਟੀ ਜਿਹੀ ਭੂਮਿਕਾ ਨਿਭਾਈ ਸੀ। ‘ਬ੍ਰੇਕਿੰਗ ਬੈਡ’ ਨੇ ਉਨ੍ਹਾਂ ਦੇ ਕਰੀਅਰ ਨੂੰ ਨਵੀਂ ਪਛਾਣ ਦਿੱਤੀ। ਬਾਅਦ 'ਚ ਉਹ ‘ਸ'ਚਡ ਐਟ ਬਰਥ’, ‘ਦਿ ਗਾਰਡੀਅਨਜ਼ ਆਫ਼ ਜਸਟਿਸ’ ਅਤੇ ‘ਟ੍ਰਾਇੰਫ’ ਵਰਗੇ ਪ੍ਰੋਜੈਕਟਾਂ 'ਚ ਵੀ ਨਜ਼ਰ ਆਏ। ‘ਬ੍ਰੇਕਿੰਗ ਬੈਡ’ ਤੋਂ ਇਲਾਵਾ, ਉਨ੍ਹਾਂ ਨੇ ਸਾਲ 2014 'ਚ ਫ੍ਰੀਫਾਰਮ ਡਰਾਮਾ ਸੀਰੀਜ਼ ‘ਸ'ਚਡ ਐਟ ਬਰਥ’ 'ਚ ਵ੍ਹੀਲਚੇਅਰ ਦੀ ਵਰਤੋਂ ਕਰਨ ਵਾਲੇ ਮੈਡੀਕਲ ਵਿਦਿਆਰਥੀ ਕੈਂਪਬੈਲ ਬਿੰਗਮੈਨ ਦਾ ਕਿਰਦਾਰ ਨਿਭਾਇਆ ਸੀ। ਇਸ ਤੋਂ ਇਲਾਵਾ, ਉਹ ਨੈੱਟਫਲਿਕਸ ਦੀ ਐਨੀਮੇਟਿਡ ਸੀਰੀਜ਼ ‘ਦਿ ਗਾਰਡੀਅਨਜ਼ ਆਫ਼ ਜਸਟਿਸ’ (2022) ਅਤੇ ‘ਦਿ ਓਕ ਰੂਮ’ (2020), ‘ਟ੍ਰਾਇੰਫ’ (2021) ਤੇ ‘ਟਾਕਿੰਗ ਟੂ ਸਟ੍ਰੇਂਜਰਜ਼’ (2026) ਵਰਗੀਆਂ ਫ਼ਿਲਮਾਂ ਦਾ ਵੀ ਹਿੱਸਾ ਰਹੇ।
ਸਮਾਜ ਸੇਵਾ 'ਚ ਵੀ ਦਿੱਤਾ ਵੱਡਾ ਯੋਗਦਾਨ
ਅਦਾਕਾਰੀ ਤੋਂ ਇਲਾਵਾ, ਆਰ.ਜੇ. ਮਿੱਟੇ ਸਮਾਜ ਸੇਵਾ ਦੇ ਖੇਤਰ 'ਚ ਵੀ ਸਰਗਰਮ ਸਨ। ਉਹ ‘ਯੂਨਾਈਟਿਡ ਸੇਰੇਬ੍ਰਲ ਪਾਲਸੀ’ ਅਤੇ ‘ਸ਼੍ਰਾਈਨਰਜ਼ ਚਿਲਡਰਨਜ਼’ ਦੇ ਬ੍ਰਾਂਡ ਅੰਬੈਸਡਰ ਰਹੇ ਅਤੇ ‘ਮਿੱਟੇ ਫਾਊਂਡੇਸ਼ਨ’ ਦੇ ਪ੍ਰਧਾਨ ਵਜੋਂ ਵੀ ਕੰਮ ਕਰਦੇ ਸਨ।
ਉਨ੍ਹਾਂ ਨੇ ਦਿਵਿਆਂਗ ਲੋਕਾਂ ਪ੍ਰਤੀ ਜਾਗਰੂਕਤਾ ਵਧਾਉਣ ਅਤੇ ਮਨੋਰੰਜਨ ਜਗਤ 'ਚ ਉਨ੍ਹਾਂ ਦੀ ਨੁਮਾਇੰਦਗੀ ਨੂੰ ਬਿਹਤਰ ਬਣਾਉਣ ਲਈ ਕੰਮ ਕੀਤਾ। ਉਹ ਯੂਨਾਈਟਿਡ ਸੇਰੇਬ੍ਰਲ ਪਾਲਸੀ ਅਤੇ ਸ਼੍ਰਾਈਨਰਜ਼ ਚਿਲਡਰਨਜ਼ ਨਾਲ ਵੀ ਜੁੜੇ ਹੋਏ ਸਨ।
ਪਿਛਲੇ ਕੁਝ ਸਮੇਂ ਤੋਂ ਉਹ ਆਪਣੀ ਫ਼ਿਲਮ ‘ਟਾਕਿੰਗ ਟੂ ਸਟ੍ਰੇਂਜਰਜ਼’ ਨੂੰ ਲੈ ਕੇ ਚਰਚਾ 'ਚ ਸਨ। ਉਨ੍ਹਾਂ ਦਾ ਦੇਹਾਂਤ ਅਜਿਹੇ ਕਲਾਕਾਰ ਦਾ ਵਿਛੋੜਾ ਹੈ, ਜਿਸ ਨੇ ਆਪਣੀ ਪਛਾਣ ਬਣਾਉਣ ਦੇ ਨਾਲ-ਨਾਲ ਦਿਵਿਆਂਗ ਭਾਈਚਾਰੇ ਦੇ ਹੱਕਾਂ ਲਈ ਵੀ ਆਵਾਜ਼ ਉਠਾਈ। ਉਨ੍ਹਾਂ ਦੇ ਅਚਾਨਕ ਚਲੇ ਜਾਣ ਨਾਲ ਹਾਲੀਵੁੱਡ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ 'ਚ ਡੂੰਘਾ ਸੋਗ ਹੈ।