Kriti Sanon ਦੇ 'ਰੱਖੜੀ' ਇਸ਼ਤਿਹਾਰ 'ਤੇ ਭੜਕੀ ਕੰਗਨਾ ਰਣੌਤ, ਬਿਕਨੀ ਪਾਉਣ 'ਤੇ ਕੱਢਿਆ ਗੁੱਸਾ ਤੇ ਦੱਸਿਆ 'ਘਿਣਾਉਣਾ'

ਕੰਗਨਾ ਰਣੌਤ ਬਾਲੀਵੁੱਡ ਦੀ ਉਹ ਅਦਾਕਾਰਾ ਹੈ, ਜੋ ਆਪਣੇ ਬੇਬਾਕ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ। ਗੱਲ ਬਾਲੀਵੁੱਡ ਦੀ ਹੋਵੇ ਜਾਂ ਦੇਸ਼ ਦੀ, ਉਹ ਆਪਣੀ ਰਾਏ ਰੱਖਣ ਤੋਂ ਪਿੱਛੇ ਨਹੀਂ ਹੱਟਦੀ। ਹੁਣ ਹਾਲ ਹੀ ਵਿੱਚ ਕੰਗਨਾ ਰਣੌਤ ਨੇ ਆਪਣੇ ਅਧਿਕਾਰਕ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਸਟੋਰੀ ਪੋਸਟ ਕਰਦਿਆਂ ਬਿਕਨੀ ਪਾ ਕੇ ਰੱਖੜੀ ਬੰਨ੍ਹਣ ਨੂੰ ਲੈ ਕੇ ਕ੍ਰਿਤੀ 'ਤੇ ਅਸਿੱਧੇ ਤੌਰ 'ਤੇ ਨਿਸ਼ਾਨਾ ਸਾਧਿਆ ਹੈ।

Posted By Anuradha Bains

Publish Date: Tue, 25 Aug 2026 03:50 PM (IST)

Updated Date: Tue, 25 Aug 2026 03:54 PM (IST)

Kriti Sanon ਦੇ 'ਰੱਖੜੀ' ਇਸ਼ਤਿਹਾਰ 'ਤੇ ਭੜਕੀ ਕੰਗਨਾ ਰਣੌਤ, ਬਿਕਨੀ ਪਾਉਣ 'ਤੇ ਕੱਢਿਆ ਗੁੱਸਾ ਤੇ ਦੱਸਿਆ 'ਘਿਣਾਉਣਾ'

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਕ੍ਰਿਤੀ ਸੈਨਨ ਇਨ੍ਹੀਂ ਦਿਨੀਂ ਲਗਾਤਾਰ ਇੰਟਰਨੈੱਟ 'ਤੇ ਛਾਈ ਹੋਈ ਹੈ। ਇੱਕ ਪਾਸੇ ਜਿੱਥੇ ਉਸ ਦੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫ਼ਿਲਮ 'ਕਾਕਟੇਲ 2' (Cocktail 2) ਨੈੱਟਫਲਿਕਸ (Netflix) 'ਤੇ ਟ੍ਰੈਂਡ ਕਰ ਰਹੀ ਹੈ, ਤਾਂ ਦੂਜੇ ਪਾਸੇ ਅਦਾਕਾਰਾ ਹਾਲ ਹੀ ਵਿੱਚ ਗਹਿਣਿਆਂ ਨਾਲ ਜੁੜੇ ਰੱਖੜੀ ਦੇ ਤਿਉਹਾਰ ਨੂੰ ਮਨਾਉਂਦੇ ਹੋਏ ਇੱਕ ਇਸ਼ਤਿਹਾਰ ਵਿੱਚ ਨਜ਼ਰ ਆਈ ਹੈ, ਜਿਸ ਵਿੱਚ ਇਸ ਖ਼ਾਸ ਤਿਉਹਾਰ ਦੇ ਮੌਕੇ 'ਤੇ ਆਪਣੇ ਪਹਿਰਾਵੇ (ਆਊਟਫਿਟ) ਨੂੰ ਲੈ ਕੇ ਉਸ ਨੂੰ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਕੰਗਨਾ ਰਣੌਤ ਵੀ ਉਨ੍ਹਾਂ ਲੋਕਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਈ ਹੈ ਜੋ 'ਰੱਖੜੀ' ਦੇ ਇਸ਼ਤਿਹਾਰ ’ਚ ਬਿਕਨੀ ਟੌਪ ਪਹਿਨਣ ਲਈ ਅਦਾਕਾਰਾ ਦੀ ਆਲੋਚਨਾ ਕਰ ਰਹੇ ਹਨ।

ਕੰਗਨਾ ਰਣੌਤ ਨੇ ਬਿਨਾਂ ਨਾਮ ਲਏ ਕ੍ਰਿਤੀ 'ਤੇ ਸਾਧਿਆ ਨਿਸ਼ਾਨਾ

ਕੰਗਨਾ ਰਣੌਤ ਨੇ ਲਿਖਿਆ, "ਅੱਜ ਔਰਤਾਂ ਲਈ ਇਹ ਬਹੁਤ ਵਧੀਆ ਸਮਾਂ ਹੈ, ਕਿਉਂਕਿ ਸਾਡੇ ਅਲਮਾਰੀਆਂ ਕਈ ਤਰ੍ਹਾਂ ਦੇ ਕੱਪੜਿਆਂ ਨਾਲ ਭਰੀਆਂ ਹੋਈਆਂ ਹਨ। ਅੱਜ ਦੀਆਂ ਔਰਤਾਂ ਵਿਸ਼ਵ ਪੱਧਰ 'ਤੇ ਆਪਣਾ ਨਾਮ ਬਣਾ ਰਹੀਆਂ ਹਨ। ਕਾਕਟੇਲ ਡਰੈੱਸਾਂ ਤੋਂ ਲੈ ਕੇ ਲਹਿੰਗਾ ਚੋਲੀ ਤੱਕ, ਜੀਨਸ ਤੋਂ ਲੈ ਕੇ ਸਾੜੀਆਂ ਤੱਕ, ਬਿਕਨੀ ਤੋਂ ਲੈ ਕੇ ਸਲਵਾਰ-ਕਮੀਜ਼ ਤੱਕ, ਸਾਡੇ ਕੋਲ ਬਹੁਤ ਸਾਰੇ ਆਪਸ਼ਨ ਉਪਲਬਧ ਹਨ। ਤਾਂ ਫਿਰ ਤੁਹਾਨੂੰ ਆਪਣੇ ਭਰਾ ਨੂੰ ਬਿਕਨੀ ਜਾਂ ਅੰਡਰਗਾਰਮੈਂਟ ਪਾ ਕੇ ਰੱਖੜੀ ਕਿਉਂ ਬੰਨ੍ਹਣੀ ਪੈਂਦੀ ਹੈ? ਤੁਹਾਡੇ ਸਾਰੇ ਸਟਾਈਲਿੰਗ ਆਪਸ਼ਨ ਕਿੱਥੇ ਹਨ? ਇਹ ਇਸ਼ਤਿਹਾਰ ਜਾਣਬੁੱਝ ਕੇ ਘਿਣਾਉਣਾ ਬਣਾਉਣ ਲਈ ਤਿਆਰ ਕੀਤਾ ਗਿਆ ਹੈ।"

ਰਾਖੀ ਦੇ ਇਸ਼ਤਿਹਾਰ ਨੂੰ ਲੈ ਕੇ ਯੂਜ਼ਰਸ ਨੇ ਕੀਤੀ ਆਲੋਚਨਾ

ਦਰਅਸਲ, ਕ੍ਰਿਤੀ ਸੈਨਨ ਨੇ ਰੱਖੜੀ ਦੇ ਇਸ਼ਤਿਹਾਰ ਵਿੱਚ ਇੱਕ ਇੰਡੋ-ਵੈਸਟਰਨ ਪਹਿਰਾਵਾ ਪਾਇਆ ਸੀ, ਜਿਸ ’ਚ ਬ੍ਰੇਲੇਟ ਤੋਂ ਪ੍ਰੇਰਿਤ ਬਲਾਊਜ਼-ਕੇਪ ਅਤੇ ਇੱਕ ਡਰੈਪਡ ਸਕਰਟ ਸੀ। ਸੋਸ਼ਲ ਮੀਡੀਆ ਯੂਜ਼ਰਸ ਨੂੰ ਰਾਖੀ ਦੇ ਮੌਕੇ 'ਤੇ ਉਸਦਾ ਪਹਿਰਾਵਾ ਬਿਲਕੁਲ ਵੀ ਪਸੰਦ ਨਹੀਂ ਆਇਆ। ਇੱਕ ਯੂਜ਼ਰ ਨੇ ਲਿਖਿਆ, "ਪੂਜਾ ਥਾਲੀ ਕਿੱਥੇ ਹੈ? ਤੁਸੀਂ ਆਪਣੇ ਭਰਾ ਦੇ ਸਾਹਮਣੇ ਬ੍ਰਾ ਕਿਉਂ ਪਾਈ ਹੋਈ ਹੈ? ਕੀ ਇਹ ਰੱਖੜੀ ਹੈ? ਤਿਲਕ ਕਿੱਥੇ ਹੈ?"

ਇੱਕ ਹੋਰ ਯੂਜ਼ਰ ਨੇ ਇਸ਼ਤਿਹਾਰ ਨੂੰ ਜ਼ਬਰਦਸਤੀ ਦਾ ਭੜਕਾਊ ਇਸ਼ਤਿਹਾਰ ਦੱਸਿਆ ਹੈ। ਯੂਜ਼ਰ ਨੇ ਲਿਖਿਆ, "ਕ੍ਰਿਤੀ ਦਾ ਇਸ਼ਤਿਹਾਰ ਇੰਝ ਲੱਗ ਰਿਹਾ ਹੈ ਕਿ ਜਿਵੇਂ ਇਹ ਲੋਕਾਂ ਨੂੰ ਗੁੱਸਾ ਦਿਵਾਉਣ ਦੇ ਹਿਸਾਬ ਨਾਲ ਹੀ ਬਣਾਇਆ ਗਿਆ ਹੈ। ਇਹ ਏਜੰਸੀ ਅਤੇ ਬ੍ਰਾਂਡ ਇਸ ਗੱਲ ਤੋਂ ਜਾਣੂ ਹਨ ਕਿ ਉਹ ਕੀ ਕਰ ਰਹੇ ਹਨ।" ਇੱਕ ਹੋਰ ਯੂਜ਼ਰ ਨੇ ਲਿਖਿਆ, "ਰੱਖੜੀ 'ਤੇ ਕੋਈ ਵੀ ਔਰਤ ਅਜਿਹੇ ਕੱਪੜੇ ਨਹੀਂ ਪਹਿਨਦੀ ਹੈ। ਤੁਹਾਨੂੰ ਸ਼ਰਮ ਆਉਣੀ ਚਾਹੀਦੀ ਹੈ ਕ੍ਰਿਤੀ ਸੈਨਨ।"