- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਮਾਤਾ ਸੀਤਾ' ਦਾ ਰੋਲ ਨਿਭਾ ਕੇ ਟ੍ਰੋਲ ਹੋਈ 'ਕੱਚਾ ਬਾਦਾਮ ਗਰਲ' Anjali Arora, ਨਹੀਂ ਪਿਆ ਕੋਈ ਅਸਰ; ਨਵਾਂ ਵੀਡੀਓ ਹੋਇਆ ਵਾਇਰਲ
ਹਾਲ ਹੀ ਵਿੱਚ, ਅੰਜਲੀ ਅਰੋੜਾ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਆਉਣ ਵਾਲੀ ਪੌਰਾਣਿਕ ਫ਼ਿਲਮ 'ਮਹਾਕਾਵਿ ਸ਼੍ਰੀ ਰਾਮਾਇਣ ਕਥਾ- ਸ਼੍ਰੀ ਰਾਮ ਕੀ' ਦਾ ਟੀਜ਼ਰ ਜਾਰੀ ਕੀਤਾ ਜਿਸ ਨੂੰ ਦੇਖਦਿਆਂ ਹੀ ਸੋਸ਼ਲ ਮੀਡੀਆ 'ਤੇ ਸਨਸਨੀ ਮੱਚ ਗਈ।
Posted By Anuradha Bains
Publish Date: Thu, 20 Aug 2026 04:00 PM (IST)
Updated Date: Thu, 20 Aug 2026 04:03 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। 'ਕੱਚਾ ਬਾਦਾਮ ਗਰਲ' ਦੇ ਨਾਂ ਨਾਲ ਮਸ਼ਹੂਰ ਅੰਜਲੀ ਅਰੋੜਾ (Anjali Arora) ਵੱਡੇ ਪਰਦੇ 'ਤੇ ਡੈਬਿਊ ਕਰਨ ਲਈ ਤਿਆਰ ਹੈ। ਉਹ 'ਮਹਾਕਾਵਿ ਸ਼੍ਰੀ ਰਾਮਾਇਣ ਕਥਾ- ਸ਼੍ਰੀ ਰਾਮ ਕੀ' (Mahakavya Shri Ramayan Katha- Shri Ram Ki) ਵਿੱਚ ਮਾਤਾ ਸੀਤਾ ਦੀ ਭੂਮਿਕਾ ਨਿਭਾਉਣ ਜਾ ਰਹੀ ਹੈ।
ਹਾਲ ਹੀ ਵਿੱਚ, ਅੰਜਲੀ ਅਰੋੜਾ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਆਉਣ ਵਾਲੀ ਪੌਰਾਣਿਕ ਫ਼ਿਲਮ 'ਮਹਾਕਾਵਿ ਸ਼੍ਰੀ ਰਾਮਾਇਣ ਕਥਾ- ਸ਼੍ਰੀ ਰਾਮ ਕੀ' ਦਾ ਟੀਜ਼ਰ ਜਾਰੀ ਕੀਤਾ ਜਿਸ ਨੂੰ ਦੇਖਦਿਆਂ ਹੀ ਸੋਸ਼ਲ ਮੀਡੀਆ 'ਤੇ ਸਨਸਨੀ ਮੱਚ ਗਈ।
ਸੀਤਾ ਦਾ ਰੋਲ ਨਿਭਾਉਣ 'ਤੇ ਹੋਈ ਟ੍ਰੋਲ
'ਲਾਕ-ਅੱਪ' ਵਿੱਚ ਨਜ਼ਰ ਆ ਚੁੱਕੀ ਅੰਜਲੀ ਅਰੋੜਾ ਨੂੰ ਮਾਤਾ ਸੀਤਾ ਦੇ ਲੁੱਕ ਵਿੱਚ ਦੇਖ ਕੇ ਸੋਸ਼ਲ ਮੀਡੀਆ ਦੋ ਹਿੱਸਿਆਂ ਵਿੱਚ ਵੰਡਿਆ ਗਿਆ। ਕਿਸੇ ਨੇ ਉਨ੍ਹਾਂ ਦੀ ਤਾਰੀਫ਼ ਕੀਤੀ ਤਾਂ ਕੁਝ ਨੇ ਉਨ੍ਹਾਂ ਨੂੰ ਟ੍ਰੋਲ ਕੀਤਾ। ਲੋਕਾਂ ਨੇ ਫ਼ਿਲਮ ਦੇ ਟੀਜ਼ਰ ਦੀ ਤੁਲਨਾ ਪ੍ਰਭਾਸ ਸਟਾਰਰ 'ਆਦਿਪੁਰਸ਼' (Adipurush) ਨਾਲ ਕੀਤੀ। ਸਭ ਤੋਂ ਵੱਧ ਟ੍ਰੋਲਿੰਗ ਅੰਜਲੀ ਨੂੰ ਝੱਲਣੀ ਪੈ ਰਹੀ ਹੈ। ਲੋਕ ਉਨ੍ਹਾਂ ਨੂੰ ਮਾਤਾ ਸੀਤਾ ਦੇ ਰੋਲ ਵਿੱਚ ਕਾਸਟ ਕਰਨ ਲਈ ਕਾਸਟਿੰਗ ਡਾਇਰੈਕਟਰ ਦੀ ਆਲੋਚਨਾ ਕਰ ਰਹੇ ਹਨ।
ਮੌਜ-ਮਸਤੀ ਕਰਦੀ ਦਿਖੀ ਅੰਜਲੀ ਅਰੋੜਾ
ਸੋਸ਼ਲ ਮੀਡੀਆ 'ਤੇ ਟ੍ਰੋਲਿੰਗ ਦੇ ਵਿਚਕਾਰ ਅੰਜਲੀ ਅਰੋੜਾ ਨੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਨਵਾਂ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਵਿੱਚ ਅਭਿਨੇਤਰੀ ਵਿਦੇਸ਼ ਵਿੱਚ ਖੂਬਸੂਰਤ ਵਾਦੀਆਂ ਦਾ ਆਨੰਦ ਲੈ ਰਹੀ ਹੈ। ਦਰਅਸਲ, 'ਲਾਕ ਅੱਪ' ਫੇਮ ਅੰਜਲੀ ਨੇ ਸਕਾਟਲੈਂਡ ਵੈਕੇਸ਼ਨ ਦਾ ਵੀਡੀਓ ਸ਼ੇਅਰ ਕੀਤਾ ਹੈ ਜਿਸ ਵਿੱਚ ਉਹ ਐਡਿਨਬਰਗ ਸਮੇਤ ਖੂਬਸੂਰਤ ਲੋਕੇਸ਼ਨਾਂ 'ਤੇ ਘੁੰਮ ਰਹੀ ਹੈ ਅਤੇ ਖੂਬਸੂਰਤ ਪਲਾਂ ਦਾ ਆਨੰਦ ਮਾਣ ਰਹੀ ਹੈ।
ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਅੰਜਲੀ ਅਰੋੜਾ ਨੇ ਕੈਪਸ਼ਨ ਵਿੱਚ ਲਿਖਿਆ, "ਕੁਝ ਥਾਵਾਂ ਅਜਿਹੀਆਂ ਯਾਦਾਂ ਛੱਡ ਜਾਂਦੀਆਂ ਹਨ ਜੋ ਹਮੇਸ਼ਾ ਤੁਹਾਡੇ ਦਿਲ ’ਚ ਵਸੀਆਂ ਰਹਿੰਦੀਆਂ ਹਨ।"
ਅੰਜਲੀ ਅਰੋੜਾ ਦਾ ਇਹ ਵੀਡੀਓ ਵੀ ਇੰਟਰਨੈੱਟ 'ਤੇ ਵਾਇਰਲ ਹੋ ਰਿਹਾ ਹੈ। ਫ਼ੈਨਜ਼ ਉਨ੍ਹਾਂ 'ਤੇ ਪਿਆਰ ਲੁਟਾ ਰਹੇ ਹਨ। ਉੱਥੇ ਹੀ ਕੁਝ ਉਨ੍ਹਾਂ ਦਾ ਵੈਸਟਰਨ ਲੁੱਕ ਦੇਖ ਕੇ ਕਹਿ ਰਹੇ ਹਨ ਕਿ ਉਨ੍ਹਾਂ ਨੂੰ ਥੋੜ੍ਹਾ ਰੁਕ ਜਾਣਾ ਚਾਹੀਦਾ ਹੈ ਕਿਉਂਕਿ ਉਹ ਸੀਤਾ ਦਾ ਰੋਲ ਨਿਭਾ ਰਹੀ ਹੈ।
ਕਦੋਂ ਰਿਲੀਜ਼ ਹੋਵੇਗੀ ਅੰਜਲੀ ਅਰੋੜਾ ਦੀ ਰਾਮਾਇਣ?
ਤੁਹਾਨੂੰ ਦੱਸ ਦੇਈਏ ਕਿ ਅੰਜਲੀ ਅਰੋੜਾ ਦੀ ਫ਼ਿਲਮ 'ਮਹਾਕਾਵਿ ਸ਼੍ਰੀ ਰਾਮਾਇਣ ਕਥਾ- ਸ਼੍ਰੀ ਰਾਮ ਕੀ' 25 ਸਤੰਬਰ ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਵੇਗੀ। ਅਭਿਸ਼ੇਕ ਸਿੰਘ ਦੇ ਨਿਰਦੇਸ਼ਨ ’ਚ ਬਣ ਰਹੀ ਫ਼ਿਲਮ ਵਿੱਚ ਦੇਵ ਸ਼ਰਮਾ ਰਾਮ ਦੀ ਭੂਮਿਕਾ ਨਿਭਾ ਰਹੇ ਹਨ, ਉੱਥੇ ਹੀ ਸ਼ੀਲ ਸ਼ਰਮਾ ਲਕਸ਼ਮਣ ਬਣੇ ਹਨ। ਫ਼ਿਲਮ ਵਿੱਚ ਰਜਨੀਸ਼ ਦੁੱਗਲ ਅਤੇ ਨਿਰਭੈ ਵਾਧਵਾ ਵੀ ਅਹਿਮ ਭੂਮਿਕਾਵਾਂ ਵਿੱਚ ਹਨ।