'ਮੈਨੂੰ ਪਟਕ-ਪਟਕ ਕੇ ਮਾਰਿਆ...' Mahabharat ਦੀ 'ਦ੍ਰੌਪਦੀ' ਨਾਲ 10 ਸਾਲ ਪਹਿਲਾਂ ਹੋਇਆ ਸੀ ਹਾਦਸਾ, ਝੱਲਣੇ ਪਏ ਦੋ ਬ੍ਰੇਨ ਹੈਮਰੇਜ
ਬੀਆਰ ਚੋਪੜਾ (BR Chopra) ਦੀ ਮਕਬੂਲ ਟੈਲੀਵਿਜ਼ਨ ਸੀਰੀਜ਼ 'ਮਹਾਭਾਰਤ' (Mahabharat) ਨੂੰ ਅੱਜ ਵੀ ਪ੍ਰਸ਼ੰਸਕਾਂ ਵੱਲੋਂ ਉਨਾ ਹੀ ਪਿਆਰ ਮਿਲਦਾ ਹੈ ਜਿੰਨਾ ਸਾਲਾਂ ਪਹਿਲਾਂ ਮਿਲਦਾ ਸੀ। ਇਸ ਦੇ ਕਿਰਦਾਰ ਵੀ ਬਹੁਤ ਮਸ਼ਹੂਰ ਹੋਏ। ਉਨ੍ਹਾਂ ਵਿੱਚੋਂ ਹੀ ਇੱਕ ਹੈ ਦ੍ਰੌਪਦੀ ਦੀ ਭੂਮਿਕਾ ਨਿਭਾ ਚੁੱਕੀ ਅਦਾਕਾਰਾ ਰੂਪਾ ਗਾਂਗੁਲੀ।
Posted By Anuradha Bains
Publish Date: Sun, 31 May 2026 12:21 PM (IST)
Updated Date: Sun, 31 May 2026 12:24 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਬੀਆਰ ਚੋਪੜਾ (BR Chopra) ਦੀ ਮਕਬੂਲ ਟੈਲੀਵਿਜ਼ਨ ਸੀਰੀਜ਼ 'ਮਹਾਭਾਰਤ' (Mahabharat) ਨੂੰ ਅੱਜ ਵੀ ਪ੍ਰਸ਼ੰਸਕਾਂ ਵੱਲੋਂ ਉਨਾ ਹੀ ਪਿਆਰ ਮਿਲਦਾ ਹੈ ਜਿੰਨਾ ਸਾਲਾਂ ਪਹਿਲਾਂ ਮਿਲਦਾ ਸੀ। ਇਸ ਦੇ ਕਿਰਦਾਰ ਵੀ ਬਹੁਤ ਮਸ਼ਹੂਰ ਹੋਏ। ਉਨ੍ਹਾਂ ਵਿੱਚੋਂ ਹੀ ਇੱਕ ਹੈ ਦ੍ਰੌਪਦੀ ਦੀ ਭੂਮਿਕਾ ਨਿਭਾ ਚੁੱਕੀ ਅਦਾਕਾਰਾ ਰੂਪਾ ਗਾਂਗੁਲੀ।
ਮਹਾਭਾਰਤ ਦੀ ਗੱਲ ਜਦੋਂ ਵੀ ਆਉਂਦੀ ਹੈ ਤਾਂ ਦ੍ਰੌਪਦੀ ਦੇ 'ਚੀਰ ਹਰਨ' ਦਾ ਜ਼ਿਕਰ ਹਮੇਸ਼ਾ ਹੁੰਦਾ ਹੈ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਅੱਜ ਤੋਂ 10 ਸਾਲ ਪਹਿਲਾਂ ਰੂਪਾ ਗਾਂਗੁਲੀ (Roopa Ganguly) ਨਾਲ ਬਿਲਕੁਲ ਚੀਰ ਹਰਨ ਵਰਗਾ ਹਾਦਸਾ ਵਾਪਰਿਆ ਸੀ? ਜੀ ਹਾਂ, ਅਦਾਕਾਰਾ 'ਤੇ ਜਾਨਲੇਵਾ ਹਮਲਾ ਹੋਇਆ ਸੀ, ਜਿਸ ਨੂੰ ਯਾਦ ਕਰਕੇ ਉਨ੍ਹਾਂ ਦਾ ਮਨ ਅੱਜ ਵੀ ਕੰਬ ਜਾਂਦਾ ਹੈ।
ਅਣਪਛਾਤੇ ਹਮਲਾਵਰਾਂ ਨੇ ਕੀਤਾ ਹਮਲਾ
ਸੀਰੀਅਲ ਵਿੱਚ ਦਿਖਾਏ ਗਏ ਚੀਰ ਹਰਨ ਦੇ ਸੀਨ ਨੇ ਸਾਲ 2016 ਵਿੱਚ ਉਨ੍ਹਾਂ ਨਾਲ ਵਾਪਰੀ ਅਸਲ ਜ਼ਿੰਦਗੀ ਦੀ ਘਟਨਾ ਦੀਆਂ ਯਾਦਾਂ ਤਾਜ਼ਾ ਕਰ ਦਿੱਤੀਆਂ। ਇਸ ਦਿਨ ਰੂਪਾ 'ਤੇ ਕਾਕਦੀਪ ਦੇ ਨੇੜੇ ਈਸ਼ਵਰੀਪੁਰ ਪਿੰਡ ਤੋਂ ਕੋਲਕਾਤਾ ਪਰਤਦੇ ਸਮੇਂ ਅਣਪਛਾਤੇ ਹਮਲਾਵਰਾਂ ਨੇ ਹਮਲਾ ਕੀਤਾ ਸੀ।
हे कृष्ण हे कृष्ण हे कृष्ण #महाभारत #Mahabharat pic.twitter.com/RE0TJSmek3
— Roopa Ganguly (@RoopaSpeaks) April 20, 2020
ਅਦਾਕਾਰਾ ਨੂੰ ਗੱਡੀ 'ਚੋਂ ਉਤਾਰ ਕੇ ਕੁੱਟਿਆ ਸੀ
ਰੂਪਾ ਗਾਂਗੁਲੀ ਨੇ ਟਵਿੱਟਰ 'ਤੇ ਇਸ ਘਟਨਾ ਦਾ ਜ਼ਿਕਰ ਕੀਤਾ ਸੀ। ਦ੍ਰੌਪਦੀ ਦੇ ਚੀਰ ਹਰਨ ਵਾਲੀ ਵੀਡੀਓ ਸਾਂਝੀ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, 'ਮੈਨੂੰ ਕੁਝ ਦਿਨਾਂ ਤੋਂ ਯਾਦ ਆ ਰਿਹਾ ਹੈ, 22 ਮਈ 2016 ਡਾਇਮੰਡ ਹਾਰਬਰ ਦੀ ਉਹ ਘਟਨਾ, ਜਦੋਂ 17-18 ਲੋਕਾਂ ਨੇ ਪੁਲਿਸ ਨੂੰ ਨਾਲ ਲੈ ਕੇ, ਮੈਨੂੰ ਗੱਡੀ ਵਿੱਚੋਂ ਉਤਾਰ ਕੇ ਸੜਕ 'ਤੇ ਪਟਕ-ਪਟਕ ਕੇ ਮਾਰਿਆ ਸੀ। ਗੱਡੀ ਦੀ ਭੰਨ-ਤੋੜ ਕੀਤੀ ਅਤੇ ਮੈਨੂੰ ਦੋ ਬ੍ਰੇਨ ਹੈਮਰੇਜ ਝੱਲਣੇ ਪਏ। ਬੱਸ, ਮੈਂ ਮਰੀ ਨਹੀਂ। ਮੈਂ ਇੱਕ ਰੈਲੀ ਡਰਾਈਵਰ ਹਾਂ, ਉੱਥੋਂ ਨਿਕਲ ਕੇ ਆ ਗਈ।'
ਦੱਸ ਦੇਈਏ ਕਿ ਭਾਜਪਾ ਮੈਂਬਰ ਰੂਪਾ ਗਾਂਗੁਲੀ ਉਸ ਘਟਨਾ ਦਾ ਜ਼ਿਕਰ ਕਰ ਰਹੇ ਸਨ, ਜਦੋਂ ਕੋਲਕਾਤਾ ਦੇ ਡਾਇਮੰਡ ਹਾਰਬਰ ਦੇ ਨੇੜੇ ਅਣਪਛਾਤੇ ਹਮਲਾਵਰਾਂ ਨੇ ਉਨ੍ਹਾਂ ਦੇ ਕਾਫ਼ਲੇ 'ਤੇ ਹਮਲਾ ਕਰ ਦਿੱਤਾ ਸੀ। ਇਸ ਹਮਲੇ ਵਿੱਚ ਉਨ੍ਹਾਂ ਦੇ ਸਿਰ 'ਤੇ ਗੰਭੀਰ ਸੱਟਾਂ ਲੱਗੀਆਂ ਸਨ ਅਤੇ ਉਨ੍ਹਾਂ ਦੀ ਗੱਡੀ ਦੀ ਭੰਨ-ਤੋੜ ਕੀਤੀ ਗਈ ਸੀ।