'ਮੈਂ ਕਰਮਾ ਦਾ ਇੰਤਜਾਰ ਨਹੀਂ...' ਸਾਰਾ ਅਲੀ ਖ਼ਾਨ ਤੇ ਅੰਮ੍ਰਿਤਾ ਸਿੰਘ ਤੋਂ ਬਦਲਾ ਲੈਣਗੇ Orry; ਖੁੱਲ੍ਹੇਆਮ ਦਿੱਤੀ ਵੱਡੀ ਚਿਤਾਵਨੀ

ਓਰੀ ਨੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰਦਿਆਂ ਅੱਗੇ ਕਿਹਾ, "ਜਦੋਂ ਮੈਂ ਇਸ ਸਾਲ ਉਨ੍ਹਾਂ ਨੂੰ ਅਨਫਾਲੋ ਕੀਤਾ ਤਾਂ ਮੈਨੂੰ ਲੱਗਿਆ ਕਿ ਜੇਕਰ ਮੈਂ ਉਨ੍ਹਾਂ ਨਾਲ ਦਿਖਾਵੇ ਦੀ ਦੋਸਤੀ ਰੱਖਦਾ ਹਾਂ ਤਾਂ ਉਨ੍ਹਾਂ ਦੀ ਮਾਂ ਵੱਲੋਂ ਮੈਨੂੰ ਦਿੱਤੀਆਂ ਗਾਲ੍ਹਾਂ ਅਤੇ ਜੋ ਕੁਝ ਵੀ ਹੋਇਆ, ਉਹ ਸਭ ਉਨ੍ਹਾਂ ਲਈ ਠੀਕ ਹੋਵੇਗਾ।

Posted By alisha

Publish Date: Tue, 03 Nov 2026 03:54 PM (IST)

Updated Date: Tue, 03 Nov 2026 03:59 PM (IST)

'ਮੈਂ ਕਰਮਾ ਦਾ ਇੰਤਜਾਰ ਨਹੀਂ...' ਸਾਰਾ ਅਲੀ ਖ਼ਾਨ ਤੇ ਅੰਮ੍ਰਿਤਾ ਸਿੰਘ ਤੋਂ ਬਦਲਾ ਲੈਣਗੇ Orry; ਖੁੱਲ੍ਹੇਆਮ ਦਿੱਤੀ ਵੱਡੀ ਚਿਤਾਵਨੀ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਬਾਲੀਵੁੱਡ ਗਲਿਆਰਿਆਂ ਵਿੱਚ ਕਾਫ਼ੀ ਸਮਾਂ ਪਹਿਲਾਂ ਸਾਰਾ ਅਲੀ ਖ਼ਾਨ ਅਤੇ ਸੋਸ਼ਲ ਮੀਡੀਆ ਇਨਫਲੂਐਂਸਰ ਓਰੀ ਵਿਚਾਲੇ ਹੋਏ ਝਗੜੇ ਦੀ ਖ਼ਬਰ ਸਾਹਮਣੇ ਆਈ ਸੀ। ਓਰੀ ਨੇ ਸਾਰਾ ਅਲੀ ਖ਼ਾਨ ਅਤੇ ਉਸ ਦੇ ਭਰਾ ਇਬਰਾਹਿਮ ਨੂੰ ਇੰਸਟਾਗ੍ਰਾਮ 'ਤੇ ਅਨਫਾਲੋ ਕਰ ਦਿੱਤਾ ਸੀ ਅਤੇ ਇਸ ਪੂਰੇ ਵਿਵਾਦ ਦਾ ਦੋਸ਼ ਉਨ੍ਹਾਂ ਦੀ ਮਾਂ ਅੰਮ੍ਰਿਤਾ ਸਿੰਘ 'ਤੇ ਲਗਾਇਆ ਸੀ।

ਹੁਣ ਇੱਕ ਵਾਰ ਫਿਰ ਓਰੀ ਨੇ ਸਾਰਾ ਅਲੀ ਖ਼ਾਨ ਨਾਲ ਆਪਣੀ ਦੁਸ਼ਮਣੀ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਉਸ ਨੇ ਸਾਫ਼ ਸ਼ਬਦਾਂ ਵਿੱਚ ਕਿਹਾ ਹੈ ਕਿ ਉਹ ਇਸ ਦਾ ਬਦਲਾ ਜ਼ਰੂਰ ਲਵੇਗਾ। ਇੰਨਾ ਹੀ ਨਹੀਂ, ਉਸ ਨੇ ਅਦਾਕਾਰਾ ਅੰਮ੍ਰਿਤਾ ਸਿੰਘ 'ਤੇ ਵੀ ਕਈ ਗੰਭੀਰ ਦੋਸ਼ ਲਗਾਏ ਹਨ।

'ਜਦੋਂ ਉਹ ਵੱਡੇ ਕੇਸ 'ਚ ਫਸੀ ਸੀ ਤਾਂ ਮੈਂ ਉਸ ਦੇ ਨਾਲ ਖੜ੍ਹਾ ਸੀ'

ਨੇਹਾ ਧੂਪੀਆ ਅਤੇ ਅੰਗਦ ਬੇਦੀ ਦੇ ਸ਼ੋਅ ਵਿੱਚ ਇੱਕ ਗੇਮ ਸੈਗਮੈਂਟ ਦੌਰਾਨ ਓਰੀ ਨੇ ਸਾਰਾ ਅਲੀ ਖ਼ਾਨ ਨੂੰ ਅਨਫਾਲੋ ਕਰਨ ਦੇ ਮਾਮਲੇ 'ਤੇ ਖੁੱਲ੍ਹ ਕੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ।

ਉਸ ਨੇ ਕਿਹਾ, "ਉਨ੍ਹਾਂ ਦੀ ਮਾਂ ਨੇ ਮੇਰੇ 'ਤੇ ਬਹੁਤ ਚੀਕਿਆ ਸੀ, ਇਸ ਲਈ ਮੈਂ ਉਨ੍ਹਾਂ ਨੂੰ ਵੀ ਅਨਫਾਲੋ ਕਰ ਦਿੱਤਾ। ਤੁਸੀਂ ਮੈਨੂੰ ਪੁੱਛ ਰਹੇ ਸੀ ਕਿ ਕੀ ਦੋਸਤੀ ਵਿੱਚ ਦਿਖਾਵਾ ਵੀ ਹੁੰਦਾ ਹੈ। ਸਾਰਾ ਮੇਰੀ ਬਚਪਨ ਦੀ ਦੋਸਤ ਸੀ। ਅਸੀਂ ਕਾਲਜ ਦੇ ਸਮੇਂ ਅਤੇ ਉਸ ਤੋਂ 10 ਸਾਲ ਬਾਅਦ ਤੱਕ ਵੀ ਦੋਸਤ ਰਹੇ।"

ਓਰੀ ਨੇ ਸਾਰਾ 'ਤੇ ਆਪਣਾ ਗੁੱਸਾ ਜ਼ਾਹਰ ਕਰਦਿਆਂ ਅੱਗੇ ਕਿਹਾ, "ਜਦੋਂ ਉਹ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਮੁਸ਼ਕਲ ਦੌਰ ਵਿੱਚੋਂ ਲੰਘ ਰਹੀ ਸੀ, ਉਦੋਂ ਵੀ ਮੈਂ ਉਸ ਦੇ ਨਾਲ ਸੀ। ਅਸੀਂ ਉਸ ਸਮੇਂ ਗੋਆ ਵਿੱਚ ਸੀ, ਜਦੋਂ ਉਹ ਇੱਕ ਵੱਡੇ ਕੇਸ ਵਿੱਚ ਫਸ ਗਈ ਸੀ ਅਤੇ ਮੈਂ ਹੀ ਸੀ ਜੋ ਉਸ ਦੇ ਨਾਲ ਖੜ੍ਹਾ ਰਿਹਾ। ਜ਼ਿੰਦਗੀ ਵਿੱਚ ਇੱਕ ਵਾਰ ਅਜਿਹਾ ਮੌਕਾ ਆਇਆ ਜਦੋਂ ਉਸ ਨੂੰ ਮੇਰੇ ਲਈ ਖੜ੍ਹਾ ਹੋਣਾ ਚਾਹੀਦਾ ਸੀ, ਪਰ ਉਹ ਗਾਇਬ ਹੋ ਗਈ। ਉਸ ਸਮੇਂ ਮੈਨੂੰ ਬਹੁਤ ਬੁਰਾ ਲੱਗਿਆ।"

'ਉਸ ਨੇ ਕਦੇ ਮੇਰੇ ਤੋਂ ਮਾਫ਼ੀ ਨਹੀਂ ਮੰਗੀ'

ਸਾਰਾ ਅਲੀ ਖ਼ਾਨ ਨਾਲ ਦੋਸਤੀ ਟੁੱਟਣ ਬਾਰੇ ਗੱਲ ਕਰਦਿਆਂ ਓਰੀ ਨੇ ਅੱਗੇ ਕਿਹਾ, "ਉਸ ਨੇ ਇੱਕ ਵਾਰ ਫ਼ੋਨ ਕਰਕੇ ਮੇਰਾ ਹਾਲ-ਚਾਲ ਤੱਕ ਨਹੀਂ ਪੁੱਛਿਆ ਕਿ ਮੈਂ ਠੀਕ ਹਾਂ ਜਾਂ ਨਹੀਂ। ਮੈਂ ਸੋਚਿਆ ਕਿ ਜਦੋਂ ਉਹ ਬੁਰੇ ਦੌਰ ਵਿੱਚੋਂ ਲੰਘ ਰਹੀ ਸੀ ਅਤੇ ਉਸ ਦੀ ਜ਼ਿੰਦਗੀ ਵਿੱਚ ਉਥਲ-ਪੁਥਲ ਮਚੀ ਹੋਈ ਸੀ, ਉਦੋਂ ਸਾਰਿਆਂ ਨੇ ਮੈਨੂੰ ਉਸ ਦਾ ਸਾਥ ਛੱਡਣ ਦੀ ਸਲਾਹ ਦਿੱਤੀ ਸੀ ਪਰ ਫਿਰ ਵੀ ਮੈਂ ਉਸ ਦੇ ਨਾਲ ਰਿਹਾ। ਮੈਂ ਉਸ ਸਮੇਂ ਉਸ ਦੀ ਮਾਂ ਅਤੇ ਭਰਾ ਸਮੇਤ ਸਾਰਿਆਂ ਦਾ ਧਿਆਨ ਰੱਖਿਆ। ਪਰ ਜਦੋਂ ਹਾਲਾਤ ਬਦਲੇ ਤਾਂ ਸਭ ਕੁਝ ਉਲਟ ਹੋ ਗਿਆ।"

'ਮੈਂ ਕਰਮਾ ਦਾ ਇੰਤਜ਼ਾਰ ਨਹੀਂ ਕਰਦਾ'

ਇਸੇ ਗੇਮ ਸੈਗਮੈਂਟ ਦੌਰਾਨ ਓਰੀ ਨੇ ਖੁੱਲ੍ਹੇਆਮ ਸਾਰਾ ਅਤੇ ਉਸ ਦੀ ਮਾਂ ਤੋਂ ਬਦਲਾ ਲੈਣ ਦੀ ਗੱਲ ਵੀ ਕਹੀ।

ਉਸ ਨੇ ਕਿਹਾ, "ਮੈਂ ਆਪਣੇ ਮਨ ਵਿੱਚ ਸਾਲਾਂ ਤੱਕ ਨਾਰਾਜ਼ਗੀ ਰੱਖਦਾ ਹਾਂ ਅਤੇ ਮੈਂ ਇਸ ਦਾ ਬਦਲਾ ਲਵਾਂਗਾ। ਮੈਂ ਬਹੁਤ ਗੁਪਤ ਸੁਭਾਅ ਦਾ ਹਾਂ। ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਤੁਸੀਂ ਮੈਨੂੰ ਦੁੱਖ ਪਹੁੰਚਾ ਦਿਓਗੇ ਅਤੇ ਮੈਂ ਕੁਝ ਨਹੀਂ ਕਹਾਂਗਾ ਤਾਂ ਤੁਸੀਂ ਗ਼ਲਤ ਹੋ। ਮੈਂ ਕਰਮਾ ਦਾ ਇੰਤਜ਼ਾਰ ਨਹੀਂ ਕਰਦਾ। ਮੈਂ ਖ਼ੁਦ ਉਨ੍ਹਾਂ ਤੋਂ ਬਦਲਾ ਲਵਾਂਗਾ ਅਤੇ ਇਹ ਉਸ ਸਮੇਂ ਹੋਵੇਗਾ ਜਦੋਂ ਤੁਸੀਂ ਇਸ ਬਾਰੇ ਸੋਚ ਵੀ ਨਹੀਂ ਰਹੇ ਹੋਵੋਗੇ। ਜੇਕਰ ਤੁਸੀਂ ਮੇਰਾ ਦਿਲ ਦੁਖਾਇਆ ਹੈ ਤਾਂ ਮੈਂ ਵੀ ਤੁਹਾਨੂੰ ਦੁੱਖ ਪਹੁੰਚਾਵਾਂਗਾ। ਮੈਂ ਆਪਣੇ ਦੁਸ਼ਮਣਾਂ ਤੋਂ ਬਦਲਾ ਲੈਂਦਾ ਹਾਂ।"

ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਸਾਲ 2021 ਵਿੱਚ ਵੀ ਓਰੀ ਨੇ ਇੱਕ ਇੰਟਰਵਿਊ ਦੌਰਾਨ ਦਾਅਵਾ ਕੀਤਾ ਸੀ ਕਿ ਅੰਮ੍ਰਿਤਾ ਸਿੰਘ ਨੇ ਉਸ ਨੂੰ ਅਜਿਹੇ ਮਾਨਸਿਕ ਸਦਮੇ ਵਿੱਚੋਂ ਲੰਘਾਇਆ ਸੀ, ਜਿਸ ਦਾ ਤਜਰਬਾ ਉਸ ਨੂੰ ਪਹਿਲਾਂ ਕਦੇ ਨਹੀਂ ਹੋਇਆ ਸੀ। ਉਸ ਨੇ ਇਹ ਵੀ ਦੱਸਿਆ ਸੀ ਕਿ ਇਹ ਉਸ ਦੀ ਜ਼ਿੰਦਗੀ ਦਾ ਸਭ ਤੋਂ ਬੁਰਾ ਦੌਰ ਸੀ।