- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
15 ਮਿੰਟਾਂ 'ਚ ਹੋਇਆ ਸੀ ਹਿਨਾ ਖ਼ਾਨ ਤੇ ਰੌਕੀ ਦਾ ਵਿਆਹ, ਅਦਾਕਾਰਾ ਨੇ ਕਿਹਾ- 'ਜਾਂ ਤਾਂ ਅੱਗੇ ਵਧ ਜਾਓ ਜਾਂ...'
ਸਾਨੀਆ ਮਿਰਜ਼ਾ ਦੇ ਯੂਟਿਊਬ ਚੈਨਲ 'ਸਰਵਿੰਗ ਇਟ ਅੱਪ ਵਿਦ ਸਾਨੀਆ' 'ਤੇ ਗੱਲਬਾਤ ਕਰਦਿਆਂ ਹਿਨਾ ਖ਼ਾਨ ਨੇ ਕਿਹਾ, 'ਇਹ ਸਿਰਫ਼ ਅਚਾਨਕ ਲਿਆ ਗਿਆ ਇੱਕ ਫ਼ੈਸਲਾ ਸੀ। ਅਸੀਂ ਇਸ ਦੀ ਕੋਈ ਯੋਜਨਾ ਨਹੀਂ ਬਣਾਈ ਸੀ। ਮੈਨੂੰ ਨਹੀਂ ਲੱਗਦਾ ਕਿ ਅਸੀਂ ਵਿਆਹ ਕਰਨ ਲਈ ਤਿਆਰ ਸੀ
Posted By alisha
Publish Date: Sun, 01 Nov 2026 10:35 AM (IST)
Updated Date: Sun, 01 Nov 2026 10:42 AM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਟੀਵੀ ਅਦਾਕਾਰਾ ਹਿਨਾ ਖ਼ਾਨ ਨੇ ਰੌਕੀ ਜਾਇਸਵਾਲ ਨਾਲ 4 ਜੂਨ 2025 ਨੂੰ ਵਿਆਹ ਕੀਤਾ ਸੀ। ਇਹ ਵਿਆਹ ਮੁੰਬਈ ਸਥਿਤ ਉਨ੍ਹਾਂ ਦੇ ਘਰ ਦੀ ਛੱਤ 'ਤੇ ਬਹੁਤ ਹੀ ਸਾਦਗੀ ਅਤੇ ਨਿੱਜੀ ਮਾਹੌਲ ਵਿੱਚ ਹੋਇਆ ਸੀ।
ਵਿਆਹ 'ਚ ਸਿਰਫ਼ 20 ਲੋਕ ਹੋਏ ਸਨ ਸ਼ਾਮਲ
ਇਸ ਵਿਆਹ ਵਿੱਚ ਪਰਿਵਾਰ ਦੇ ਕਰੀਬ 20 ਮੈਂਬਰ ਅਤੇ ਨਜ਼ਦੀਕੀ ਲੋਕ ਹੀ ਸ਼ਾਮਲ ਹੋਏ ਸਨ। ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਦੌਰਾਨ ਹਿਨਾ ਖ਼ਾਨ ਨੇ ਦੱਸਿਆ ਕਿ ਵਿਆਹ ਕਰਨ ਦਾ ਉਨ੍ਹਾਂ ਦਾ ਫ਼ੈਸਲਾ ਬਹੁਤ ਹੀ ਅਚਾਨਕ ਲਿਆ ਗਿਆ ਸੀ ਅਤੇ ਇਸ ਲਈ ਉਨ੍ਹਾਂ ਨੇ ਸਿਰਫ਼ 15 ਮਿੰਟ ਲਏ ਸਨ। ![naidunia_image]()
-1793507171551.webp)
ਹਾਲ ਹੀ ਵਿੱਚ ਹੋਈ ਗੱਲਬਾਤ ਦੌਰਾਨ ਹਿਨਾ ਨੇ ਦੱਸਿਆ ਕਿ ਕੈਂਸਰ ਦੇ ਇਲਾਜ ਦੌਰਾਨ ਹੀ ਦੋਵਾਂ ਨੇ ਵਿਆਹ ਕਰਨ ਦਾ ਫ਼ੈਸਲਾ ਕੀਤਾ ਸੀ। ਇਹ ਫ਼ੈਸਲਾ ਇੰਨਾ ਅਚਾਨਕ ਲਿਆ ਗਿਆ ਸੀ ਕਿ ਉਹ ਆਪਣੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਤੱਕ ਭੁੱਲ ਗਏ ਸਨ।
ਹਿਨਾ ਨੇ ਨਹੀਂ ਕੀਤੀ ਸੀ ਕੋਈ ਪਲਾਨਿੰਗ
ਸਾਨੀਆ ਮਿਰਜ਼ਾ ਦੇ ਯੂਟਿਊਬ ਚੈਨਲ 'ਸਰਵਿੰਗ ਇਟ ਅੱਪ ਵਿਦ ਸਾਨੀਆ' 'ਤੇ ਗੱਲਬਾਤ ਕਰਦਿਆਂ ਹਿਨਾ ਖ਼ਾਨ ਨੇ ਕਿਹਾ, 'ਇਹ ਸਿਰਫ਼ ਅਚਾਨਕ ਲਿਆ ਗਿਆ ਇੱਕ ਫ਼ੈਸਲਾ ਸੀ। ਅਸੀਂ ਇਸ ਦੀ ਕੋਈ ਯੋਜਨਾ ਨਹੀਂ ਬਣਾਈ ਸੀ। ਮੈਨੂੰ ਨਹੀਂ ਲੱਗਦਾ ਕਿ ਅਸੀਂ ਵਿਆਹ ਕਰਨ ਲਈ ਤਿਆਰ ਸੀ ਜਾਂ ਅਜਿਹੀ ਕੋਈ ਗੱਲ ਸੀ। ਅਸੀਂ ਬਹੁਤ ਲੰਬੇ ਸਮੇਂ ਤੋਂ, ਲਗਪਗ 10 ਸਾਲ ਤੋਂ ਵੀ ਵੱਧ ਸਮੇਂ ਤੋਂ ਇਕੱਠੇ ਹਾਂ।'
ਹਿਨਾ ਨੇ ਅੱਗੇ ਕਿਹਾ, 'ਮੈਨੂੰ ਲੱਗਦਾ ਹੈ ਕਿ ਹੁਣ ਸਾਨੂੰ ਇਕੱਠੇ ਰਹਿੰਦਿਆਂ 13-14 ਸਾਲ ਹੋ ਗਏ ਹਨ। ਗੱਲ ਸਿਰਫ਼ ਇੰਨੀ ਸੀ ਕਿ ਆਪਣੀ ਸਿਹਤ ਨੂੰ ਲੈ ਕੇ ਮੈਂ ਜਿਸ ਦੌਰ ਵਿੱਚੋਂ ਲੰਘ ਰਹੀ ਸੀ, ਉਸ ਸਮੇਂ ਮੈਂ ਰੌਕੀ ਨੂੰ ਕਿਹਾ ਕਿ ਜਾਂ ਤਾਂ ਤੁਸੀਂ ਅੱਗੇ ਵਧ ਜਾਓ... ਕਿਸੇ ਹੋਰ ਨਾਲ ਵਿਆਹ ਕਰ ਲਓ, ਜਿਸ ਨਾਲ ਵੀ ਤੁਸੀਂ ਚਾਹੋ ਜਾਂ ਫਿਰ ਮੇਰੇ ਨਾਲ ਹੀ ਵਿਆਹ ਕਰ ਲਓ ਕਿਉਂਕਿ ਮੈਨੂੰ ਨਹੀਂ ਪਤਾ ਕਿ ਕੱਲ੍ਹ ਕੀ ਹੋਵੇਗਾ।'
ਜਦੋਂ ਸਾਨੀਆ ਨੇ ਪੁੱਛਿਆ, 'ਕੀ ਸੱਚਮੁੱਚ ਤੁਹਾਡਾ ਵਿਆਹ 15 ਮਿੰਟਾਂ ਵਿੱਚ ਹੋ ਗਿਆ ਸੀ?' ਤਾਂ ਹਿਨਾ ਨੇ ਜਵਾਬ ਦਿੱਤਾ ਕਿ ਹਾਂ, ਸ਼ਾਇਦ ਇਸ ਤੋਂ ਵੀ ਘੱਟ ਸਮੇਂ ਵਿੱਚ।
ਹਿਨਾ ਦੀ ਸਿਹਤ ਕਾਰਨ ਲਿਆ ਗਿਆ ਸੀ ਫ਼ੈਸਲਾ
ਇਸ ਤੋਂ ਬਾਅਦ ਸਾਨੀਆ ਨੇ ਪੁੱਛਿਆ ਕਿ ਕੀ ਇਹ ਫ਼ੈਸਲਾ ਮੁੱਖ ਤੌਰ 'ਤੇ ਹਿਨਾ ਦੀ ਸਿਹਤ ਦੀ ਸਥਿਤੀ ਕਾਰਨ ਲਿਆ ਗਿਆ ਸੀ? ਹਿਨਾ ਨੇ ਸਹਿਮਤੀ ਜਤਾਉਂਦਿਆਂ ਕਿਹਾ, 'ਤੁਸੀਂ ਬਿਲਕੁਲ ਸਹੀ ਕਹਿ ਰਹੇ ਹੋ।' ![naidunia_image]()
-1793507195290.webp)
ਹਿਨਾ ਨੇ ਦੱਸਿਆ ਕਿ ਉਹ ਦੋਵੇਂ ਇਸ ਫ਼ੈਸਲੇ ਨੂੰ ਲੈ ਕੇ ਇੰਨੇ ਬੇਫ਼ਿਕਰ ਸਨ ਕਿ ਆਪਣੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਵੀ ਭੁੱਲ ਗਏ ਸਨ। ਉਨ੍ਹਾਂ ਦੀ ਨਨਾਣ ਨੇ ਜਦੋਂ ਉਨ੍ਹਾਂ ਨੂੰ ਵਧਾਈ ਦਿੱਤੀ ਤਾਂ ਦੋਵਾਂ ਨੂੰ ਆਪਣੀ ਵਰ੍ਹੇਗੰਢ ਯਾਦ ਆਈ।
ਦੱਸਣਯੋਗ ਹੈ ਕਿ ਹਿਨਾ ਅਤੇ ਰੌਕੀ ਨੇ ਵਿਆਹ ਕਰਨ ਦਾ ਫ਼ੈਸਲਾ ਉਸ ਸਮੇਂ ਲਿਆ ਸੀ, ਜਦੋਂ ਹਿਨਾ ਖ਼ਾਨ ਸਟੇਜ 3 ਦੇ ਬ੍ਰੈਸਟ ਕੈਂਸਰ ਨਾਲ ਜੂਝ ਰਹੀ ਸੀ।