34ਵੇਂ ਦਿਨ ‘ਗਦਾਧਾਰੀ’ ਬਣੀ ‘ਹਨੂਮਾਨ ਅੰਸ਼’, ‘ਨੀਮ ਕਰੌਲੀ ਬਾਬਾ’ ਦੀ ਕਿਰਪਾ ਨਾਲ ਬੁੱਧਵਾਰ ਨੂੰ ਦੁਨੀਆ ਭਰ ’ਚ ਹੋਈ ਦੌਲਤ ਦੀ ਭਾਰੀ ਬਾਰਿਸ਼

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਸ਼ੋਭਿਨਵ ਸਤਿਆ ਸਟਾਰਰ ਫਿਲਮ ਜਿਵੇਂ-ਜਿਵੇਂ ਸਿਨੇਮਾਘਰਾਂ ’ਚ ਸਮਾਂ ਬਿਤਾ ਰਹੀ ਹੈ, ਇਹ ਫਿਲਮ ਬਾਕਸ ਆਫਿਸ ’ਤੇ ਹੋਰ ਫਿਲਮਾਂ ਲਈ ਘਾਤਕ ਸਾਬਤ ਹੁੰਦੀ ਜਾ ਰਹੀ ਹੈ। ਲਗਾਤਾਰ 33 ਦਿਨਾਂ ਤੱਕ ਦੁਨੀਆ ਭਰ ਦੀ ਕਮਾਈ ਦੇ ਮਾਮਲੇ ’ਚ ਤੇਜ਼ ਰਫ਼ਤਾਰ ਨਾਲ ਦੌੜਣ ਵਾਲੀ ਇਹ ਫਿਲਮ 34ਵੇਂ ਦਿਨ ਬਾਕਸ ਆਫਿਸ ਦੀ ‘ਬਾਹੂਬਲੀ’ ਬਣ ਗਈ ਹੈ। ਫਿਲਮ ਨੇ ਬੁੱਧਵਾਰ ਨੂੰ ਦੁਨੀਆ ਭਰ ’ਚ ਕਿੰਨੇ ਕਰੋੜ ਰੁਪਏ ਦੀ ਕਮਾਈ ਕੀਤੀ, ਆਓ ਤੁਹਾਨੂੰ ਦੱਸਦੇ ਹਾਂ।

ਦੁਨੀਆ ਭਰ ’ਚ ‘ਹਨੂਮਾਨ ਅੰਸ਼’ ਨੇ ਬਣਾਈ ਆਪਣੀ ਧਾਕ

ਘਰੇਲੂ ਬਾਕਸ ਆਫਿਸ ’ਤੇ ਹਰ ਦਿਨ ਡਿਵੋਸ਼ਨਲ ਡਰਾਮਾ ਫਿਲਮ ‘ਹਨੂਮਾਨ ਅੰਸ਼’ ਲਗਭਗ 10 ਤੋਂ 11 ਕਰੋੜ ਰੁਪਏ ਦੀ ਕਮਾਈ ਕਰ ਰਹੀ ਹੈ। ਹਾਲਾਂਕਿ ਦੁਨੀਆ ਭਰ ’ਚ ਵੀ ਫਿਲਮ ਦਾ ਸਿੱਕਾ ਖੂਬ ਚੱਲਿਆ ਹੈ। ਸੈਕਨਿਲਕ ਡਾਟ ਕਾਮ ਦੀਆਂ ਰਿਪੋਰਟਾਂ ਮੁਤਾਬਕ, ਸ਼ੋਭਿਨਵ ਸਤਿਆ ਸਟਾਰਰ ਫਿਲਮ ‘ਹਨੂਮਾਨ ਅੰਸ਼’ ਨੇ ਦੁਨੀਆ ਭਰ ’ਚ ਲਗਭਗ 180 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਇਸ ਦੇ ਨਾਲ ਹੀ ਘਰੇਲੂ ਬਾਕਸ ਆਫਿਸ ’ਤੇ ਫਿਲਮ ਨੇ 153.13 ਕਰੋੜ ਰੁਪਏ ਦਾ ਨੈੱਟ ਕਲੈਕਸ਼ਨ ਕੀਤਾ ਹੈ। 2 ਕਰੋੜ ਰੁਪਏ ਦੇ ਬਜਟ ’ਚ ਬਣੀ ਇਸ ਫਿਲਮ ਨੇ ਬਾਕਸ ਆਫਿਸ ’ਤੇ ਸ਼ਾਨਦਾਰ ਕਮਾਈ ਕਰਦੇ ਹੋਏ ਘੱਟੋ-ਘੱਟ 7000% ਮੁਨਾਫ਼ਾ ਕਮਾਇਆ ਹੈ। ਹਾਲਾਂਕਿ ਸਮਾਂ ਬੀਤਣ ਦੇ ਨਾਲ ਫਿਲਮ ਦੀ ਰਫ਼ਤਾਰ ਹੋਰ ਵੀ ਵਧਦੀ ਜਾ ਰਹੀ ਹੈ।

‘ਹਨੂਮਾਨ ਅੰਸ਼’ ਦੇ ਸੀਕਵਲ ਦਾ ਫੈਨਜ਼ ਨੂੰ ਇੰਤਜ਼ਾਰ

‘ਹਨੂਮਾਨ ਅੰਸ਼’ ਦੀ ਕਹਾਣੀ ਜਿੱਥੇ ਖਤਮ ਹੋਈ, ਉੱਥੋਂ ਹੀ ਪ੍ਰਸ਼ੰਸਕਾਂ ਨੇ ਅੰਦਾਜ਼ਾ ਲਗਾ ਲਿਆ ਸੀ ਕਿ ਫਿਲਮ ਦਾ ਸੀਕਵਲ ਜ਼ਰੂਰ ਆਵੇਗਾ। ਫਿਲਮ ਦੇ ਡਾਇਰੈਕਟਰ ਵਿਸ਼ਾਲ ਚਤੁਰਵੇਦੀ ਨੇ ਖੁਦ ਫਿਲਮ ਦੇ ਸੀਕਵਲ ’ਤੇ ਮੋਹਰ ਲਗਾਈ ਸੀ ਤੇ ਦੱਸਿਆ ਸੀ ਕਿ ਇਸ ’ਤੇ ਕੰਮ ਸ਼ੁਰੂ ਹੋ ਚੁੱਕਾ ਹੈ। ਮੇਕਰਜ਼ ਨੇ ਇਹ ਵੀ ਦੱਸਿਆ ਕਿ ਉਹ ਪਹਿਲਾਂ ਤੋਂ ਹੀ ਇਸ ਫਿਲਮ ਨੂੰ ਤਿੰਨ ਹਿੱਸਿਆਂ ’ਚ ਬਣਾਉਣ ਦੀ ਯੋਜਨਾ ਬਣਾ ਰਹੇ ਸਨ। ਡਿਵੋਸ਼ਨਲ ਡਰਾਮਾ ਫਿਲਮ ਦੇ ਪਹਿਲੇ ਭਾਗ ’ਚ ਨੀਮ ਕਰੌਲੀ ਬਾਬਾ ਦੇ ਬਚਪਨ ਤੋਂ ਲੈ ਕੇ ਉਨ੍ਹਾਂ ਵੱਲੋਂ ਆਪਣੀਆਂ ਸਾਰੀਆਂ ਸਿੱਧੀਆਂ ਪ੍ਰਾਪਤ ਕਰਨ ਲਈ ਕੀਤੀ ਗਈ ਤਪੱਸਿਆ ਨੂੰ ਬੜੀ ਖੂਬਸੂਰਤੀ ਨਾਲ ਦਿਖਾਇਆ ਗਿਆ ਹੈ। ਹੁਣ ਇਸ ਟ੍ਰਿਲੋਜੀ ’ਚ ਵਿਸ਼ਾਲ ਚਤੁਰਵੇਦੀ, ਲਕਸ਼ਮਣ ਦਾਸ ਦੇ ਨਾਮ ਨਾਲ ਜਾਣੇ ਜਾਂਦੇ ਅਤੇ ਸਭ ਤੋਂ ਵੱਧ ਪੂਜੇ ਜਾਣ ਵਾਲੇ ਨੀਮ ਕਰੌਲੀ ਬਾਬਾ ਦੀ ਜ਼ਿੰਦਗੀ ਨੂੰ ਹੋਰ ਵੀ ਡੂੰਘਾਈ ਨਾਲ ਦਰਸਾਉਣਗੇ।

ਫਿਲਮ ਦੇ ਇੱਕ ਗੀਤ ਨੇ ਮਚਾਈ ਖੂਬ ਧੂਮ

ਫਿਲਮ ਦੀ ਸਿਰਫ਼ ਕਹਾਣੀ ਹੀ ਨਹੀਂ, ਸਗੋਂ ਇਸ ਦੇ ਗੀਤ ਵੀ ਦਰਸ਼ਕਾਂ ਨੂੰ ਬੇਹੱਦ ਪਸੰਦ ਆ ਰਹੇ ਹਨ। ਖਾਸ ਤੌਰ ’ਤੇ ‘ਹਨੂਮਾਨ ਅੰਸ਼’ ਦਾ ਗੀਤ ‘ਜਬ ਜ਼ਿਦ ਪੇ ਆ ਗਈ ਪਾਰਵਤੀ’ ਯੂਟਿਊਬ ’ਤੇ ਕਾਫ਼ੀ ਸੁਣਿਆ ਜਾ ਰਿਹਾ ਹੈ। ਇਸ ਗੀਤ ਨੂੰ ਸਾਧੂ ਤਿਵਾਰੀ ਨੇ ਆਪਣੀ ਆਵਾਜ਼ ਦਿੱਤੀ ਹੈ।