Good News! 81ਵੇਂ ਜਨਮਦਿਨ ਤੋਂ ਪਹਿਲਾਂ ਨਿਲਾਮ ਹੋਣਗੀਆਂ Amitabh Bachchan ਦੀਆਂ ਇਹ ਯਾਦਗਾਰ ਚੀਜ਼ਾਂ!

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ Amitabh Bachchan Birthday: ਸਦੀ ਦੇ ਮੈਗਾਸਟਾਰ ਅਮਿਤਾਭ ਬੱਚਨ ਪੰਜ ਦਹਾਕਿਆਂ ਤੋਂ ਹਿੰਦੀ ਸਿਨੇਮਾ 'ਤੇ ਰਾਜ ਕਰ ਰਹੇ ਹਨ। ਅਮਿਤਾਭ ਬੱਚਨ ਨੇ ਆਪਣੇ ਹਰ ਰੋਲ ਨਾਲ ਪ੍ਰਸ਼ੰਸਕਾਂ ਦੇ ਦਿਲਾਂ ਨੂੰ ਛੂਹ ਲਿਆ ਹੈ। ਬਿੱਗ ਬੀ ਦੇ ਪ੍ਰਸ਼ੰਸਕ ਉਨ੍ਹਾਂ ਦੀ ਇਕ ਝਲਕ ਪਾਉਣ ਲਈ ਬੇਤਾਬ ਹਨ, ਇਸ ਲਈ ਉਨ੍ਹਾਂ ਦੀਆਂ ਯਾਦਗਾਰਾਂ ਦੀ ਨਿਲਾਮੀ ਪ੍ਰਸ਼ੰਸਕਾਂ ਲਈ ਕਿਸੇ ਟ੍ਰੀਟ ਤੋਂ ਘੱਟ ਨਹੀਂ ਹੈ।

ਜੀ ਹਾਂ, ਇਸ ਵਾਰ ਅਮਿਤਾਭ ਬੱਚਨ ਦਾ 81ਵਾਂ ਜਨਮਦਿਨ ਬੇਹੱਦ ਖਾਸ ਹੋਣ ਵਾਲਾ ਹੈ, ਜਿਸ 'ਚ ਉਨ੍ਹਾਂ ਦੀਆਂ ਕੁਝ ਯਾਦਗਾਰ ਚੀਜ਼ਾਂ ਦੀ ਨਿਲਾਮੀ ਹੋਵੇਗੀ। ਜਿਵੇਂ ਕਿ ਤੁਸੀਂ ਜਾਣਦੇ ਹੋ, ਬਿਗ ਬੀ 11 ਅਕਤੂਬਰ 2023 ਨੂੰ 81 ਸਾਲ ਦੇ ਹੋ ਜਾਣਗੇ। ਬਿੱਗ ਬੀ ਦੇ ਜਨਮਦਿਨ ਨੂੰ ਖਾਸ ਬਣਾਉਣ ਲਈ ਇਤਿਹਾਸਕ ਨਿਲਾਮੀ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ।

ਅਮਿਤਾਭ ਬੱਚਨ ਦੇ ਜਨਮਦਿਨ 'ਤੇ ਨਿਲਾਮੀ ਦਾ ਆਯੋਜਨ

ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਹਿੰਦੀ ਸਿਨੇਮਾ ਨੂੰ ਰੌਸ਼ਨ ਕਰਨ ਵਾਲੇ ਅਮਿਤਾਭ ਬੱਚਨ ਦੇ ਜਨਮ ਦਿਨ ਨੂੰ ਖਾਸ ਬਣਾਉਣ ਲਈ ਇੱਕ ਨਿਲਾਮੀ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ । ਇਸ ਨਿਲਾਮੀ ਦੀ ਮੇਜ਼ਬਾਨੀ Rivas & Ives ਦੁਆਰਾ ਕੀਤੀ ਜਾ ਰਹੀ ਹੈ। 'ਬਚਨੇਲੀਆ' ਸਿਰਲੇਖ ਨਾਲ ਕਰਵਾਈ ਜਾ ਰਹੀ ਇਹ ਨਿਲਾਮੀ 5 ਤੋਂ 7 ਅਕਤੂਬਰ ਤੱਕ ਹੋਵੇਗੀ।

ਅਮਿਤਾਭ ਬੱਚਨ ਦੀਆਂ ਇਹ ਯਾਦਗਾਰ ਚੀਜ਼ਾਂ ਨਿਲਾਮ ਹੋਣਗੀਆਂ

ਅਮਿਤਾਭ ਬੱਚਨ ਦੀਆਂ ਜੋ ਚੀਜ਼ਾਂ ਨਿਲਾਮ ਕੀਤੀਆਂ ਜਾਣਗੀਆਂ, ਉਨ੍ਹਾਂ ਵਿੱਚ ਸ਼ੋਅ ਕਾਰਡ ਸੈੱਟ, ਫਿਲਮ ਦੇ ਪੋਸਟਰ, ਫੋਟੋਆਂ, ਲਾਬੀ ਕਾਰਡ, ਫਿਲਮ ਬੁੱਕਲੇਟਸ ਅਤੇ ਉਨ੍ਹਾਂ ਦੀਆਂ ਚੁਣੀਆਂ ਗਈਆਂ ਬਲਾਕਬਸਟਰ ਫਿਲਮਾਂ 'ਜ਼ੰਜੀਰ', 'ਦੀਵਾਰ', 'ਫਰਾਰ' ਅਤੇ 'ਸ਼ੋਲੇ' ਦੀ ਅਸਲੀ ਕਲਾਕਾਰੀ ਸ਼ਾਮਲ ਹੈ। ਇੰਨਾ ਹੀ ਨਹੀਂ, 'ਸ਼ੋਲੇ' ਦੀ ਸਫਲਤਾ ਤੋਂ ਬਾਅਦ ਰਮੇਸ਼ ਸਿੱਪੀ ਨੇ ਕਲਾਕਾਰਾਂ ਲਈ ਜੋ ਖਾਸ ਪਾਰਟੀ ਦਾ ਆਯੋਜਨ ਕੀਤਾ ਸੀ, ਉਸ ਦੀਆਂ ਤਸਵੀਰਾਂ ਵੀ ਨਿਲਾਮੀ 'ਚ ਮੌਜੂਦ ਹੋਣਗੀਆਂ।

ਇਸ ਤੋਂ ਇਲਾਵਾ ਫਿਲਮ 'ਮਜਬੂਰ' ਦੇ ਦੁਰਲੱਭ ਪੋਸਟਰ 'ਮਿ. ਨਟਵਰਲਾਲ, 'ਦਿ ਗ੍ਰੇਟ ਗੈਂਬਲਰ', 'ਕਾਲੀਆ', 'ਨਸੀਬ', 'ਸਿਲਸਿਲਾ' ਅਤੇ ਮਸ਼ਹੂਰ ਫੋਟੋਗ੍ਰਾਫਰ ਗੌਤਮ ਰਾਜਧਿਆਕਸ਼ ਦੁਆਰਾ ਸ਼ੂਟ ਕੀਤੀ ਗਈ ਅਮਿਤਾਭ ਦੀ ਦੁਰਲੱਭ ਸਟੂਡੀਓ ਪੋਰਟਰੇਟ ਵੀ ਨਿਲਾਮ ਕੀਤੀ ਜਾਵੇਗੀ ।

ਅਮਿਤਾਭ ਬੱਚਨ ਦੀ ਆਉਣ ਵਾਲੀ ਫਿਲਮ

81 ਸਾਲ ਦੀ ਉਮਰ 'ਚ ਵੀ ਅਮਿਤਾਭ ਬੱਚਨ ਫਿਲਮਾਂ 'ਚ ਕਾਫੀ ਸਰਗਰਮ ਹਨ। ਜਲਦ ਹੀ ਉਹ ਮੋਸਟ ਅਵੇਟਿਡ ਫਿਲਮਾਂ 'ਗਣਪਤ' ਅਤੇ 'ਕਲਕੀ 2898 ਈ.' 'ਚ ਨਜ਼ਰ ਆਉਣਗੇ। ਟਾਈਗਰ ਸ਼ਰਾਫ ਸਟਾਰਰ ਫਿਲਮ 'ਗਣਪਤ' 20 ਅਕਤੂਬਰ ਨੂੰ ਰਿਲੀਜ਼ ਹੋ ਰਹੀ ਹੈ, ਜਦੋਂ ਕਿ 'ਕਲਕੀ 2898' 12 ਜਨਵਰੀ 2024 ਨੂੰ ਪਰਦੇ 'ਤੇ ਆਵੇਗੀ।