- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦਿਲਜੀਤ ਦੁਸਾਂਝ ਦੇ 'Aroma' ਗੀਤ 'ਤੇ ਮਚਿਆ ਬਵਾਲ, LGBTQ ਭਾਈਚਾਰੇ ਖ਼ਿਲਾਫ਼ ਇਤਰਾਜ਼ਯੋਗ ਬੋਲਾਂ 'ਤੇ ਛਿੜਿਆ ਵਿਵਾਦ
ਗੀਤ ਵਿੱਚ ਟ੍ਰਾਂਸਜੈਂਡਰ ਲੋਕਾਂ ਬਾਰੇ ਇਤਰਾਜ਼ਯੋਗ ਬੋਲ (ਲਿਰਿਕਸ) ਵਰਤੇ ਗਏ ਹਨ, ਜਿਸ ਕਾਰਨ ਹੁਣ LGBTQ ਭਾਈਚਾਰੇ ਦੇ ਲੋਕਾਂ ਵਿੱਚ ਦਿਲਜੀਤ ਖ਼ਿਲਾਫ਼ ਭਾਰੀ ਗੁੱਸਾ ਦੇਖਣ ਨੂੰ ਮਿਲ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਪੰਜਾਬੀ ਗਾਇਕ ਨੂੰ ਜੰਮ ਕੇ ਟ੍ਰੋਲ ਵੀ ਕੀਤਾ ਜਾ ਰਿਹਾ ਹੈ।
Posted By alisha
Publish Date: Thu, 04 Jun 2026 12:06 PM (IST)
Updated Date: Thu, 04 Jun 2026 12:12 PM (IST)
ਮਨੋਰੰਜਨ ਡੈਸਕ, ਨਵੀਂ ਦਿੱਲੀ : ਮਸ਼ਹੂਰ ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੁਸਾਂਝ ਦਾ ਨਾਮ ਆਏ ਦਿਨ ਕਿਸੇ ਨਾ ਕਿਸੇ ਮਾਮਲੇ ਨੂੰ ਲੈ ਕੇ ਚਰਚਾ ਵਿੱਚ ਬਣਿਆ ਰਹਿੰਦਾ ਹੈ। ਮੌਜੂਦਾ ਸਮੇਂ ਵਿੱਚ ਇੱਕ ਪਾਸੇ ਉਹ ਆਪਣੀ ਆਉਣ ਵਾਲੀ ਫ਼ਿਲਮ 'ਮੈਂ ਵਾਪਸ ਆਊਂਗਾ' ਨੂੰ ਲੈ ਕੇ ਲਾਈਮਲਾਈਟ ਵਿੱਚ ਹਨ ਤਾਂ ਦੂਜੇ ਪਾਸੇ ਆਪਣੇ ਨਵੇਂ ਗੀਤ 'ਅਰੋਮਾ' ਨੂੰ ਲੈ ਕੇ ਵੀ ਦਿਲਜੀਤ ਦਾ ਨਾਮ ਸੁਰਖੀਆਂ ਬਟੋਰ ਰਿਹਾ ਹੈ।
ਕਰੀਬ ਮਹੀਨਾ ਪਹਿਲਾਂ ਰਿਲੀਜ਼ ਹੋਏ ਦਿਲਜੀਤ ਦੁਸਾਂਝ ਦੇ 'ਅਰੋਮਾ' ਗੀਤ ਵਿੱਚ ਕਿੰਨਰ ਸਮਾਜ ਦੇ ਲੋਕਾਂ ਖ਼ਿਲਾਫ਼ ਵਿਵਾਦਿਤ ਸ਼ਬਦ ਸੁਣਨ ਨੂੰ ਮਿਲੇ ਹਨ, ਜਿਸ ਨੂੰ ਲੈ ਕੇ ਹੁਣ ਗਾਇਕ ਦੀ ਤਿੱਖੀ ਆਲੋਚਨਾ ਕੀਤੀ ਜਾ ਰਹੀ ਹੈ। ਕੀ ਹੈ ਪੂਰਾ ਮਾਮਲਾ, ਆਓ ਜਾਣਦੇ ਹਾਂ।
Happy Pride 🏳️🌈 Month to all the homophobes, so called “man” and specially to @diljitdosanjh hope you are enjoying the success of your new song Aroma by putting lyrics with hateful words towards the lgbtq community and also promoting gun violence! That’s real weak masculinity iyk!
— Dhruval (@itsDhruval) June 1, 2026
ਵਿਵਾਦਾਂ 'ਚ ਦਿਲਜੀਤ ਦੁਸਾਂਝ ਦਾ 'ਅਰੋਮਾ' ਗੀਤ
ਬੀਤੀ 23 ਅਪ੍ਰੈਲ ਨੂੰ ਦਿਲਜੀਤ ਦੁਸਾਂਝ ਦਾ 'ਅਰੋਮਾ' ਗੀਤ ਰਿਲੀਜ਼ ਕੀਤਾ ਗਿਆ ਸੀ, ਜਿਸ ਨੂੰ ਲੋਕਾਂ ਨੇ ਕਾਫ਼ੀ ਪਸੰਦ ਵੀ ਕੀਤਾ ਪਰ ਹੁਣ ਉਨ੍ਹਾਂ ਦੇ ਇਸ ਲੇਟੈਸਟ ਗੀਤ ਨੂੰ ਲੈ ਕੇ ਵੱਡੀ ਕੰਟਰੋਵਰਸੀ ਖੜ੍ਹੀ ਹੋ ਗਈ ਹੈ।
ਦਰਅਸਲ, ਗੀਤ ਵਿੱਚ ਟ੍ਰਾਂਸਜੈਂਡਰ ਲੋਕਾਂ ਬਾਰੇ ਇਤਰਾਜ਼ਯੋਗ ਬੋਲ (ਲਿਰਿਕਸ) ਵਰਤੇ ਗਏ ਹਨ, ਜਿਸ ਕਾਰਨ ਹੁਣ LGBTQ ਭਾਈਚਾਰੇ ਦੇ ਲੋਕਾਂ ਵਿੱਚ ਦਿਲਜੀਤ ਖ਼ਿਲਾਫ਼ ਭਾਰੀ ਗੁੱਸਾ ਦੇਖਣ ਨੂੰ ਮਿਲ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਪੰਜਾਬੀ ਗਾਇਕ ਨੂੰ ਜੰਮ ਕੇ ਟ੍ਰੋਲ ਵੀ ਕੀਤਾ ਜਾ ਰਿਹਾ ਹੈ। ਇੱਕ ਯੂਜ਼ਰ ਨੇ ਐਕਸ ਹੈਂਡਲ 'ਤੇ ਟਵੀਟ ਕਰਦਿਆਂ ਲਿਖਿਆ, "ਸਾਰੇ ਹੋਮੋਫੋਬਸ, ਕਥਿਤ ਮਰਦਾਂ ਅਤੇ ਖ਼ਾਸ ਕਰਕੇ ਦਿਲਜੀਤ ਦੁਸਾਂਝ ਨੂੰ 'ਹੈਪੀ ਪ੍ਰਾਈਡ ਮੰਥ'। ਉਮੀਦ ਹੈ ਕਿ ਤੁਸੀਂ ਆਪਣੇ ਨਵੇਂ ਗੀਤ Aroma ਦੀ ਸਫ਼ਲਤਾ ਦਾ ਆਨੰਦ ਮਾਣ ਰਹੇ ਹੋਵੋਗੇ, ਜਿਸ ਵਿੱਚ ਤੁਸੀਂ LGBTQ ਭਾਈਚਾਰੇ ਖ਼ਿਲਾਫ਼ ਨਫ਼ਰਤ ਭਰੇ ਬੋਲ ਲਿਖੇ ਹਨ ਅਤੇ ਨਾਲ ਹੀ ਬੰਦੂਕ ਸੱਭਿਆਚਾਰ ਨੂੰ ਵੀ ਉਤਸ਼ਾਹਿਤ ਕੀਤਾ ਹੈ। ਜੇਕਰ ਤੁਸੀਂ ਸਮਝਦੇ ਹੋ ਤਾਂ ਦੱਸ ਦਿਆਂ, ਇਹੀ ਅਸਲੀ ਕਮਜ਼ੋਰ ਮਰਦਾਨਗੀ ਹੈ।" ![naidunia_image]()
ਇਸ ਤਰ੍ਹਾਂ LGBTQ ਭਾਈਚਾਰੇ ਦੇ ਕਈ ਲੋਕਾਂ ਨੇ ਮਿਲ ਕੇ ਸੋਸ਼ਲ ਮੀਡੀਆ 'ਤੇ ਦਿਲਜੀਤ ਖ਼ਿਲਾਫ਼ ਮੋਰਚਾ ਖੋਲ੍ਹ ਦਿੱਤਾ ਹੈ ਅਤੇ ਗਾਇਕ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਦਿਲਜੀਤ ਦਾ ਨਾਮ ਹੋਰਨਾਂ ਕਾਰਨਾਂ ਕਰਕੇ ਵਿਵਾਦਾਂ ਵਿੱਚ ਰਹਿ ਚੁੱਕਾ ਹੈ।
ਇਸ ਫ਼ਿਲਮ 'ਚ ਨਜ਼ਰ ਆਉਣਗੇ ਦਿਲਜੀਤ ਦੁਸਾਂਝ
ਜੇਕਰ ਦਿਲਜੀਤ ਦੁਸਾਂਝ ਦੀ ਅਗਲੀ ਫ਼ਿਲਮ ਦੀ ਗੱਲ ਕਰੀਏ ਤਾਂ ਉਸ ਦਾ ਨਾਮ 'ਮੈਂ ਵਾਪਸ ਆਊਂਗਾ' ਹੈ, ਜਿਸ ਦਾ ਨਿਰਦੇਸ਼ਨ ਇਮਤਿਆਜ਼ ਅਲੀ ਨੇ ਕੀਤਾ ਹੈ। 12 ਜੂਨ ਨੂੰ ਦਿਲਜੀਤ ਦੀ ਇਹ ਫ਼ਿਲਮ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। 'ਮੈਂ ਵਾਪਸ ਆਊਂਗਾ' ਵਿੱਚ ਵੇਦਾਂਗ ਰੈਨਾ ਅਤੇ ਸ਼ਰਵਰੀ ਵਾਘ ਵਰਗੇ ਕਲਾਕਾਰ ਵੀ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।