ਰਾਮ ਗੋਪਾਲ ਵਰਮਾ ਦੀ ਭਵਿੱਖਬਾਣੀ: 'ਧੁਰੰਧਰ 2' ਬਣੇਗੀ ਪੈਨ-ਇੰਡੀਆ ਫਿਲਮਾਂ ਦਾ ਕਾਲ, ਸਾਊਥ ਦੇ ਸਿਨੇਮਾ 'ਤੇ ਪਵੇਗੀ ਭਾਰੀ!
'ਧੁਰੰਧਰ 2' (Dhurandhar 2) ਦੀ ਰਿਲੀਜ਼ ਨੂੰ ਲੈ ਕੇ ਸ਼ਾਇਦ ਰਾਮ ਗੋਪਾਲ ਵਰਮਾ (Ram Gopal Verma) ਤੋਂ ਵੱਧ ਉਤਸ਼ਾਹਿਤ ਕੋਈ ਹੋਰ ਨਹੀਂ ਹੈ। ਫਿਲਮ ਨਿਰਮਾਤਾ ਇਸ ਦਾ ਪਹਿਲਾ ਭਾਗ ਦੇਖਣ ਤੋਂ ਬਾਅਦ ਕਾਫੀ ਪ੍ਰਭਾਵਿਤ ਹੋਏ ਸਨ ਅਤੇ 'ਐਕਸ' (ਟਵਿੱਟਰ) 'ਤੇ ਇਸ ਦੀ ਰੱਜ ਕੇ ਤਾਰੀਫ ਕੀਤੀ ਸੀ। ਹੁਣ ਭਾਗ 2, ਜੋ ਕਿ 19 ਮਾਰਚ ਨੂੰ ਰਿਲੀਜ਼ ਹੋਣ ਵਾਲਾ ਹੈ, ਉਸ ਨੂੰ ਲੈ ਕੇ ਵੀ ਰਾਮ ਗੋਪਾਲ ਵਰਮਾ ਨੇ ਆਪਣੇ ਵਿਚਾਰ ਸਾਂਝੇ ਕੀਤੇ ਹਨ।
Posted By Sunita
Publish Date: Wed, 25 Feb 2026 11:12 AM (IST)
Updated Date: Wed, 25 Feb 2026 11:14 AM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : 'ਧੁਰੰਧਰ 2' (Dhurandhar 2) ਦੀ ਰਿਲੀਜ਼ ਨੂੰ ਲੈ ਕੇ ਸ਼ਾਇਦ ਰਾਮ ਗੋਪਾਲ ਵਰਮਾ (Ram Gopal Verma) ਤੋਂ ਵੱਧ ਉਤਸ਼ਾਹਿਤ ਕੋਈ ਹੋਰ ਨਹੀਂ ਹੈ। ਫਿਲਮ ਨਿਰਮਾਤਾ ਇਸ ਦਾ ਪਹਿਲਾ ਭਾਗ ਦੇਖਣ ਤੋਂ ਬਾਅਦ ਕਾਫੀ ਪ੍ਰਭਾਵਿਤ ਹੋਏ ਸਨ ਅਤੇ 'ਐਕਸ' (ਟਵਿੱਟਰ) 'ਤੇ ਇਸ ਦੀ ਰੱਜ ਕੇ ਤਾਰੀਫ ਕੀਤੀ ਸੀ। ਹੁਣ ਭਾਗ 2, ਜੋ ਕਿ 19 ਮਾਰਚ ਨੂੰ ਰਿਲੀਜ਼ ਹੋਣ ਵਾਲਾ ਹੈ, ਉਸ ਨੂੰ ਲੈ ਕੇ ਵੀ ਰਾਮ ਗੋਪਾਲ ਵਰਮਾ ਨੇ ਆਪਣੇ ਵਿਚਾਰ ਸਾਂਝੇ ਕੀਤੇ ਹਨ।
ਆਪਣੇ 'ਐਕਸ' ਅਕਾਊਂਟ 'ਤੇ ਨਿਰਮਾਤਾ ਨੇ ਇੱਕ ਲੰਮੀ-ਚੌੜੀ ਪੋਸਟ ਲਿਖ ਕੇ ਦੱਸਿਆ ਕਿ 'ਧੁਰੰਧਰ 2' ਆਉਣ ਵਾਲੀਆਂ ਹੋਰ ਪੈਨ ਇੰਡੀਆ ਫਿਲਮਾਂ ਲਈ ਖ਼ਤਰਨਾਕ ਸਾਬਤ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਆਦਿਤਿਆ ਧਰ (Aditya Dhar) ਅਤੇ ਰਣਵੀਰ ਸਿੰਘ (Ranveer Singh) ਦੀ ਇਹ ਫਿਲਮ ਸਿਨੇਮਾ ਜਗਤ ਨੂੰ ਪੂਰੀ ਤਰ੍ਹਾਂ ਬਦਲ ਦੇਵੇਗੀ।
ਦਿਮਾਗ 'ਤੇ ਡੂੰਘਾ ਪ੍ਰਭਾਵ ਪਾਉਂਦੇ ਹਨ ਕਿਰਦਾਰ
ਰਾਮ ਗੋਪਾਲ ਵਰਮਾ ਨੇ ਲਿਖਿਆ, “ਧੁਰੰਧਰ 2 ਇੱਕ ਅਜਿਹਾ ਐਸਟਰੋਇਡ (Asteroid) ਹੈ ਜੋ ਡਾਇਨਾਸੌਰ ਯੁੱਗ ਦਾ ਅੰਤ ਕਰ ਸਕਦਾ ਹੈ। ਇਸ ਫਿਲਮ ਵਿੱਚ ਪੂਰੀ ਸੰਭਾਵਨਾ ਹੈ ਕਿ ਇਹ ਇੱਕ ਨਵਾਂ ਬੈਂਚਮਾਰਕ ਸਥਾਪਤ ਕਰਕੇ ਪੈਨ ਇੰਡੀਆ ਫਿਲਮਾਂ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰ ਸਕਦੀ ਹੈ। ਇਸ ਦੀ ਅਲਟਰਾ-ਰੀਅਲਿਸਟਿਕ ਮੇਕਿੰਗ ਅਤੇ ਕਿਰਦਾਰ ਦਰਸ਼ਕਾਂ ਦੇ ਦਿਮਾਗ ਨੂੰ ਬੰਨ੍ਹ ਕੇ ਰੱਖਦੇ ਹਨ ਅਤੇ ਇੱਕ ਡੂੰਘਾ ਭਾਵਨਾਤਮਕ ਪ੍ਰਭਾਵ ਛੱਡਦੇ ਹਨ।”
ਫਿਲਮ ਨਿਰਮਾਤਾ ਨੇ ਅੱਗੇ ਕਿਹਾ, “ਇੱਕ ਵਾਰ ਜਦੋਂ ਦਰਸ਼ਕ ਇਸ ਨਵੇਂ ਪੱਧਰ 'ਤੇ ਬਣ ਰਹੀ ਫਿਲਮ ਦਾ ਸਵਾਦ ਚੱਖ ਲੈਣਗੇ, ਤਾਂ ਉਹ ਪੁਰਾਣੀ ਮਸਾਲਾ ਸ਼ੈਲੀ ਨੂੰ ਹੌਲੀ-ਹੌਲੀ ਭੁੱਲ ਜਾਣਗੇ। ਵੱਡੇ ਬਜਟ ਦੀਆਂ ਉਹ ਮਸਾਲਾ ਫਿਲਮਾਂ ਜੋ ਪਹਿਲਾਂ ਹੀ ਸ਼ੂਟਿੰਗ ਜਾਂ ਪੋਸਟ-ਪ੍ਰੋਡਕਸ਼ਨ ਦੇ ਪੜਾਅ ਵਿੱਚ ਹਨ, ਉਨ੍ਹਾਂ ਲਈ 'ਧੁਰੰਧਰ' ਦੁਆਰਾ ਤੈਅ ਕੀਤੇ ਗਏ ਨਵੇਂ ਸਟੈਂਡਰਡਸ ਦਾ ਮੁਕਾਬਲਾ ਕਰਨਾ ਬੇਹੱਦ ਮੁਸ਼ਕਲ ਹੋਵੇਗਾ।”
'ਟੌਕਸਿਕ' (Toxic) ਨਾਲ ਹੋਵੇਗਾ ਟਾਕਰਾ
ਦੱਸ ਦੇਈਏ ਕਿ ਇਸ ਤੋਂ ਕੁਝ ਸਮਾਂ ਪਹਿਲਾਂ ਰਾਮ ਗੋਪਾਲ ਵਰਮਾ ਨੇ ਰਣਵੀਰ ਸਿੰਘ ਦੀ 'ਧੁਰੰਧਰ' ਅਤੇ ਯਸ਼ (Yash) ਦੀ 'ਟੌਕਸਿਕ' ਵਿਚਕਾਰ ਫਰਕ ਬਾਰੇ ਗੱਲ ਕੀਤੀ ਸੀ। ਇਹ ਦੋਵੇਂ ਫਿਲਮਾਂ 19 ਮਾਰਚ ਨੂੰ ਰਿਲੀਜ਼ ਹੋਣ ਵਾਲੀਆਂ ਹਨ। ਉਨ੍ਹਾਂ ਨੇ ਲਿਖਿਆ ਸੀ ਕਿ ਇਹ ਮੁਕਾਬਲਾ 'ਨੌਰਥ ਬਨਾਮ ਸਾਊਥ' ਜਾਂ 'ਬਾਲੀਵੁੱਡ ਬਨਾਮ ਸੈਂਡਲਵੁੱਡ' ਦਾ ਨਹੀਂ ਹੈ। ਉਨ੍ਹਾਂ ਅਨੁਸਾਰ ਬੁਨਿਆਦੀ ਫਰਕ ਇਹ ਹੈ ਕਿ 'ਧੁਰੰਧਰ' ਦਰਸ਼ਕਾਂ ਦੀ ਸਮਝਦਾਰੀ (Intelligence) ਨੂੰ ਧਿਆਨ ਵਿੱਚ ਰੱਖ ਕੇ ਬਣਾਈ ਗਈ ਹੈ, ਜਦੋਂ ਕਿ ਯਸ਼ ਦੀ 'ਟੌਕਸਿਕ' ਉਨ੍ਹਾਂ ਨੂੰ ਬੇਵਕੂਫ ਮੰਨ ਕੇ ਚੱਲਦੀ ਹੈ।
RGV ਨੇ ਧੁਰੰਧਰ ਦੀ ਕਹਾਣੀ, ਅਦਾਕਾਰੀ ਅਤੇ ਆਦਿਤਿਆ ਧਰ ਦੇ ਵਿਜ਼ਨ ਦੀ ਰੱਜ ਕੇ ਸ਼ਲਾਘਾ ਕੀਤੀ ਹੈ। ਫਿਲਹਾਲ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਬਾਕਸ ਆਫਿਸ 'ਤੇ ਦੋਵੇਂ ਫਿਲਮਾਂ ਕਿਹੋ ਜਿਹਾ ਪ੍ਰਦਰਸ਼ਨ ਕਰਦੀਆਂ ਹਨ।