'ਭੂਤ ਬੰਗਲਾ' ਦਾ ਕਾਊਂਟਡਾਊਨ ਸ਼ੁਰੂ : ਅਕਸ਼ੈ ਕੁਮਾਰ ਦਾ ਧਮਾਕੇਦਾਰ ਅੰਦਾਜ਼ ਆਇਆ ਸਾਹਮਣੇ, ਜਾਣੋ ਕਦੋਂ ਹੋਵੇਗੀ ਰਿਲੀਜ਼

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਮੰਗਲਵਾਰ ਨੂੰ ਅਕਸ਼ੈ ਕੁਮਾਰ ਨੇ ਆਪਣੇ ਅਧਿਕਾਰਤ ਐਕਸ (Twitter) ਹੈਂਡਲ 'ਤੇ ਫ਼ਿਲਮ ਦਾ ਨਵਾਂ ਮੋਸ਼ਨ ਪੋਸਟਰ ਸਾਂਝਾ ਕੀਤਾ। ਇਸ ਪੋਸਟਰ ਵਿੱਚ ਅਕਸ਼ੈ ਕੁਮਾਰ ਇੱਕ ਸਿੰਘਾਸਨ ਵਰਗੀ ਕੁਰਸੀ 'ਤੇ ਬੈਠੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਧੋਤੀ ਪਹਿਨੀ ਹੋਈ ਹੈ ਅਤੇ ਗਲੇ ਤੇ ਹੱਥਾਂ ਵਿੱਚ ਰੁਦਰਾਕਸ਼ ਦੀਆਂ ਮਾਲਾਵਾਂ ਪਾਈਆਂ ਹੋਈਆਂ ਹਨ। ਇਸ ਲੁੱਕ ਨੇ ਪ੍ਰਸ਼ੰਸਕਾਂ ਨੂੰ ਫ਼ਿਲਮ 'ਭੁੱਲ ਭੁਲੱਈਆ' ਦੀ ਯਾਦ ਦਿਵਾ ਦਿੱਤੀ ਹੈ।

Dus ko denge das-tak, intezar karo tab tak…

Let the fun begin!#BhoothBangla in cinemas on 10th April 2026 👻 pic.twitter.com/8Lqs7JbsSR

— Akshay Kumar (@akshaykumar) February 24, 2026

ਕੈਪਸ਼ਨ 'ਚ ਦਿੱਤਾ ਖ਼ਾਸ ਸੁਨੇਹਾ

ਅਕਸ਼ੇ ਨੇ ਪੋਸਟਰ ਦੇ ਨਾਲ ਲਿਖਿਆ— "ਦਸ ਕੋ ਦੇਂਗੇ ਦਸਤਕ, ਇੰਤਜ਼ਾਰ ਕਰੋ ਤਬ ਤੱਕ, ਚੱਲੀਏ ਮਜ਼ਾ ਸ਼ੁਰੂ ਕਰਦੇ ਹਾਂ।" ਇਸ ਨਾਲ ਫ਼ਿਲਮ ਦੇ ਪ੍ਰਮੋਸ਼ਨ ਦਾ ਕਾਊਂਟਡਾਊਨ ਵੀ ਸ਼ੁਰੂ ਹੋ ਗਿਆ ਹੈ।

ਫ਼ਿਲਮ ਨਾਲ ਜੁੜੀਆਂ ਅਹਿਮ ਗੱਲਾਂ

ਅਕਸ਼ੈ ਕੁਮਾਰ ਅਤੇ ਪ੍ਰਿਯਦਰਸ਼ਨ ਦੀ ਜੋੜੀ ਨੇ ਪਹਿਲਾਂ 'ਹੇਰਾ ਫੇਰੀ', 'ਭੁੱਲ ਭੁਲੱਈਆ' ਅਤੇ 'ਗਰਮ ਮਸਾਲਾ' ਵਰਗੀਆਂ ਕਾਮੇਡੀ ਫ਼ਿਲਮਾਂ ਦਿੱਤੀਆਂ ਹਨ। ਹੁਣ 14 ਸਾਲਾਂ ਬਾਅਦ ਇਹ ਜੋੜੀ ਮੁੜ ਧਮਾਲ ਮਚਾਉਣ ਲਈ ਤਿਆਰ ਹੈ। ਫ਼ਿਲਮ ਵਿੱਚ ਅਕਸ਼ੈ ਕੁਮਾਰ ਦੇ ਨਾਲ ਵਾਮਿਕਾ ਗੱਬੀ, ਰਾਜਪਾਲ ਯਾਦਵ, ਤੱਬੂ, ਪਰੇਸ਼ ਰਾਵਲ ਅਤੇ ਮਨੋਜ ਜੋਸ਼ੀ ਵਰਗੇ ਦਿੱਗਜ ਕਲਾਕਾਰ ਨਜ਼ਰ ਆਉਣਗੇ। ਪਹਿਲਾਂ ਫ਼ਿਲਮ ਦੀ ਰਿਲੀਜ਼ ਡੇਟ ਨੂੰ ਲੈ ਕੇ ਕੁਝ ਭੰਬਲਭੂਸਾ ਸੀ ਪਰ ਹੁਣ ਇਹ ਸਾਫ਼ ਹੋ ਗਿਆ ਹੈ ਕਿ 'ਭੂਤ ਬੰਗਲਾ' 10 ਅਪ੍ਰੈਲ 2026 ਨੂੰ ਸਿਨੇਮਾਘਰਾਂ ਵਿੱਚ ਦਸਤਕ ਦੇਵੇਗੀ।