ਬੁੱਕ ਕਰ ਲਓ Toxic ਦੀ ਟਿਕਟ! Kiara Advani ਨੇ ਸ਼ੇਅਰ ਕੀਤਾ ਫਿਲਮ ਦਾ BTS ਵੀਡੀਓ, ਰਿਲੀਜ਼ ਤੋਂ ਪਹਿਲਾਂ ਦਿਖਾਈ ਖਾਸ ਝਲਕ

ਅਦਾਕਾਰਾ ਕਿਆਰਾ ਆਡਵਾਨੀ ਨੇ ਆਪਣੀ ਆਉਣ ਵਾਲੀ ਫਿਲਮ 'Toxic' ਨੂੰ ਸਿਰਫ਼ ਇੱਕ ਪਰੀ-ਕਹਾਣੀ ਤੋਂ ਕਿਤੇ ਵੱਧ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਵੱਖ-ਵੱਖ ਖੇਤਰਾਂ ਤੋਂ ਆਏ ਕਰੀਏਟਿਵ ਵਿਜ਼ਨ ਅਤੇ ਟੈਲੈਂਟ ਨੇ ਮਿਲ ਕੇ ਇਸ ਨੂੰ ਬਣਾਇਆ ਹੈ, ਜਿਸ ਨੂੰ ਫਿਲਮ ਦੇ ਡਾਇਰੈਕਟਰ ਇੱਕ 'ਅਨੋਖਾ ਜਾਦੂ' (peculiar alchemy) ਕਹਿੰਦੇ ਹਨ।

Posted By Anuradha Bains

Publish Date: Fri, 21 Aug 2026 04:04 PM (IST)

Updated Date: Fri, 21 Aug 2026 04:08 PM (IST)

ਬੁੱਕ ਕਰ ਲਓ Toxic ਦੀ ਟਿਕਟ! Kiara Advani ਨੇ ਸ਼ੇਅਰ ਕੀਤਾ ਫਿਲਮ ਦਾ BTS ਵੀਡੀਓ, ਰਿਲੀਜ਼ ਤੋਂ ਪਹਿਲਾਂ ਦਿਖਾਈ ਖਾਸ ਝਲਕ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਯਸ਼, ਕਿਆਰਾ ਆਡਵਾਨੀ, ਨਯਨਤਾਰਾ, ਹੁਮਾ ਕੁਰੈਸ਼ੀ ਅਤੇ ਰੁਕਮਣੀ ਵਸੰਤ ਵਰਗੇ ਸਿਤਾਰਿਆਂ ਨਾਲ ਸਜੀ ਮੋਸਟ ਅਵੇਟਿਡ ਫਿਲਮ 'ਟੌਕਸਿਕ' (Toxic) ਦਾ ਦਰਸ਼ਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਦੌਰਾਨ ਫਿਲਮ ਦੀ ਐਡਵਾਂਸ ਬੁਕਿੰਗ ਸ਼ੁਰੂ ਹੋ ਚੁੱਕੀ ਹੈ ਅਤੇ ਇਸ ਮੌਕੇ 'ਤੇ ਅਦਾਕਾਰਾ ਕਿਆਰਾ ਆਡਵਾਨੀ ਨੇ ਇੱਕ ਖਾਸ ਵੀਡੀਓ ਸ਼ੇਅਰ ਕੀਤੀ ਹੈ।

ਸਿਰਫ਼ ਪਰੀ-ਕਹਾਣੀ ਨਹੀਂ ਹੈ ਟੌਕਸਿਕ

'ਟੌਕਸਿਕ' ਦੀ ਐਡਵਾਂਸ ਬੁਕਿੰਗ ਖੁੱਲ੍ਹੀ

ਕਿਆਰਾ ਨੇ ਇੰਸਟਾਗ੍ਰਾਮ (Instagram) 'ਤੇ ਫਿਲਮ ਦੀ ਮੇਕਿੰਗ ਦਾ ਇੱਕ BTS ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ, 'ਇਹ ਫਿਲਮ ਸਿਰਫ਼ ਇੱਕ ਪਰੀ-ਕਹਾਣੀ ਨਹੀਂ ਹੈ, ਸਗੋਂ ਇਸ ਨੂੰ ਬਣਾਉਣ ਦਾ ਅਨੁਭਵ ਵੀ ਅਜਿਹਾ ਹੀ ਸੀ। ਇੱਕ ਸੋਚ, ਹਰ ਜਗ੍ਹਾ ਤੋਂ ਆਇਆ ਟੈਲੈਂਟ ਅਤੇ ਹਰ ਕਿਸੇ ਦਾ ਆਪਣੇ ਕੰਮ ਨੂੰ ਸ਼ਾਨਦਾਰ ਤਰੀਕੇ ਨਾਲ ਕਰਨਾ, ਇਨ੍ਹਾਂ ਸਾਰਿਆਂ ਨੇ ਮਿਲ ਕੇ 'Toxic' ਨੂੰ ਆਕਾਰ ਦਿੱਤਾ ਹੈ। ਇਸ ਨੂੰ ਸਾਡੇ ਡਾਇਰੈਕਟਰ 'ਅਨੋਖਾ ਜਾਦੂ' ਕਹਿੰਦੇ ਹਨ। ਟੌਕਸਿਕ ਦੀ ਟਿਕਟ ਬੁੱਕ ਕਰੋ, ਫਿਲਮ 26 ਅਗਸਤ ਨੂੰ ਸਿਨੇਮਾਘਰਾਂ ਵਿੱਚ ਆਵੇਗੀ'।

ਟੌਕਸਿਕ ਬਾਰੇ

'ਟੌਕਸਿਕ: ਅ ਫੇਅਰੀ ਟੇਲ ਫਾਰ ਗ੍ਰੋਨ-ਅਪਸ' (Toxic: A Fairytale For Grown Ups) ਇੱਕ ਗੈਂਗਸਟਰ ਫਿਲਮ ਹੈ। ਇਸ ’ਚ ਯਸ਼ ਦੋਹਰੀ ਭੂਮਿਕਾ ਵਿੱਚ ਹਨ ਅਤੇ ਉਨ੍ਹਾਂ ਦੇ ਨਾਲ ਕਿਆਰਾ, ਨਯਨਤਾਰਾ, ਹੁਮਾ ਕੁਰੈਸ਼ੀ, ਤਾਰਾ ਸੁਤਾਰੀਆ ਅਤੇ ਰੁਕਮਣੀ ਵਸੰਤ ਵੀ ਹਨ।

ਕੀ ਹੈ ਫਿਲਮ ਦੀ ਕਹਾਣੀ?

ਇਹ ਫਿਲਮ ਰਾਇਆ ਦੀ ਜ਼ਿੰਦਗੀ 'ਤੇ ਆਧਾਰਿਤ ਹੈ, ਜੋ ਇੱਕ ਹਿੰਸਕ ਗੈਂਗਸਟਰ ਅਤੇ ਪਲੇਬੁਆਏ ਸੀ। ਉਸ ਨੇ ਅੰਡਰਵਰਲਡ ਦੀ ਦੁਨੀਆ ਵਿੱਚ ਕਾਫ਼ੀ ਤਾਕਤ ਹਾਸਲ ਕੀਤੀ ਪਰ ਬਾਅਦ ਵਿੱਚ ਉਸ ਦਾ ਪਤਨ ਹੋ ਗਿਆ। ਕਈ ਸਾਲਾਂ ਬਾਅਦ, ਉਸ ਦਾ ਸਾਹਮਣਾ ਆਪਣੇ ਅਸਲੀ ਪੁੱਤਰ ਰੂਮੀ/ਟਿਕਟ ਨਾਲ ਹੁੰਦਾ ਹੈ, ਜੋ ਰਾਇਆ ਤੋਂ ਬਦਲਾ ਲੈਂਦਾ ਹੈ, ਕਿਉਂਕਿ ਰਾਇਆ ਨੇ ਉਸ ਨੂੰ ਅਤੇ ਉਸ ਦੀ ਮਾਂ ਨੂੰ ਛੱਡ ਦਿੱਤਾ ਸੀ।