- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬਿੱਗ ਬੌਸ 20 ਐਲੀਮੀਨੇਸ਼ਨ: ਇੱਕ ਕੰਟੈਸਟੈਂਟ ਦਾ ਟੁੱਟਿਆ ਜੇਤੂ ਬਣਨ ਦਾ ਸੁਪਨਾ, ਦੂਜੇ ਹਫ਼ਤੇ ’ਚ ਸਲਮਾਨ ਨੇ ਦਿਖਾਇਆ ਮੁੱਖ ਦਰਵਾਜ਼ਾ; ਹੋਇਆ ਪਹਿਲਾ ਐਲੀਮੀਨੇਸ਼ਨ
ਬਿੱਗ ਬੌਸ ਸੀਜ਼ਨ 20 ਤੋਂ ਪਹਿਲਾ ਐਲੀਮੀਨੇਸ਼ਨ ਹੋ ਚੁੱਕਾ ਹੈ। ‘ਬੁਲੀ ਗੈਂਗ’ ਦਾ ਹਿੱਸਾ ਕਹੇ ਜਾਣ ਵਾਲੇ ਆਸਿਫ, ਸਕਾਊਟ ਤੇ ਰੋਹੇਦ ’ਚੋਂ ਇੱਕ ਕੰਟੈਸਟੈਂਟ ਦਾ ਜੇਤੂ ਬਣਨ ਦਾ ਸੁਪਨਾ ਟੁੱਟ ਗਿਆ। ਕੌਣ ਹੈ ਉਹ ਕੰਟੈਸਟੈਂਟ, ਜਿਸ ਦਾ ਸਫ਼ਰ ਹੋਇਆ ਖ਼ਤਮ? ਹੇਠਾਂ ਪੜ੍ਹੋ ਪੂਰੀ ਜਾਣਕਾਰੀ।
Posted By Paramjit Kaur
Publish Date: Sat, 19 Sep 2026 12:03 PM (IST)
Updated Date: Sat, 19 Sep 2026 12:05 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਬਿੱਗ ਬੌਸ ਸੀਜ਼ਨ 20 (Bigg Boss 20) ਨੂੰ ਸ਼ੁਰੂ ਹੋਏ 2 ਹਫ਼ਤੇ ਪੂਰੇ ਹੋਣ ਵਾਲੇ ਹਨ। ਪਹਿਲੇ ਹਫ਼ਤੇ ਜਿੱਥੇ ‘ਤਥਾਸਤੂ’ ਟਾਸਕ ਦੌਰਾਨ ਉਦਿਤੀ ਤੇ ਕਨਿਕਾ ਮਾਨ ਦੀ ਇੱਕ-ਇੱਕ ਲਾਈਫਲਾਈਨ ਖੋਹ ਲਈ ਗਈ ਸੀ, ਉੱਥੇ ਹੀ ਦੂਜੇ ਹਫ਼ਤੇ ’ਚ ਨੌਮੀਨੇਸ਼ਨ ਨੂੰ ਲੈ ਕੇ ਹੋਈ ਚਰਚਾ ਕਾਰਨ ਬਿੱਗ ਬੌਸ ਨੇ ਖ਼ੁਦ ਸਕਾਊਟ, ਰੋਹੇਦ ਖ਼ਾਨ ਤੇ ਆਸਿਫ ਨੂੰ ਇਸ ਹਫ਼ਤੇ ਘਰ ਤੋਂ ਬੇਘਰ ਹੋਣ ਦੇ ਖ਼ਤਰੇ ’ਚ ਪਾ ਦਿੱਤਾ ਸੀ। ਹੁਣ ਇਨ੍ਹਾਂ ਤਿੰਨਾਂ ’ਚੋਂ ਦੂਜੇ ਹਫ਼ਤੇ ’ਚ ਸਲਮਾਨ ਖ਼ਾਨ (Salman Khan) ਨੇ ਕਿਸ ਨੂੰ ਐਲੀਮੀਨੇਟ ਕੀਤਾ, ਇਸ ਦੀ ਜਾਣਕਾਰੀ ਵੀ ਸਾਹਮਣੇ ਆ ਚੁੱਕੀ ਹੈ।
ਬਿੱਗ ਬੌਸ 20 ਦੇ ਦੂਜੇ ਹਫ਼ਤੇ ’ਚ ਬਾਹਰ ਹੋਇਆ ਇਹ ਕੰਟੈਸਟੈਂਟ
ਬਿੱਗ ਬੌਸ ਨਾਲ ਜੁੜੀ ਹਰ ਅਪਡੇਟ ਦੇਣ ਵਾਲੇ ਇੱਕ ਐਕਸ (X) ਪੇਜ ਦੇ ਮੁਤਾਬਕ, ਦੂਜੇ ਹਫ਼ਤੇ ’ਚ ਨੌਮੀਨੇਟ ਕੀਤੇ ਗਏ ਮੈਂਬਰਾਂ ’ਚੋਂ ਜਿਸ ਦਾ ਜੇਤੂ ਬਣਨ ਦਾ ਸੁਪਨਾ ਟੁੱਟਿਆ, ਉਹ ਆਸਟ੍ਰੀਆ ਦੇ ਰਹਿਣ ਵਾਲੇ ਅਦਾਕਾਰ ਰੋਹੇਦ ਖ਼ਾਨ ਹਨ। ਬਿੱਗ ਬੌਸ ਨੇ ਭਾਵੇਂ ਰੋਹੇਦ ਨੂੰ ਇੱਕ ਜੀਵਨਦਾਨ ਦਿੱਤਾ ਹੋਵੇ, ਪਰ ਦਰਸ਼ਕਾਂ ਨੂੰ ਉਨ੍ਹਾਂ ਦਾ ਗੇਮ ਬਿਲਕੁਲ ਪਸੰਦ ਨਹੀਂ ਆ ਰਿਹਾ ਸੀ। ਇਸ ਕਾਰਨ ਸਲਮਾਨ ਖ਼ਾਨ ਨੇ ਉਨ੍ਹਾਂ ਨੂੰ ਐਲੀਮੀਨੇਟ ਕਰ ਦਿੱਤਾ। ਇਹ ਐਪੀਸੋਡ ਹਫ਼ਤੇ ਦੇ ਅੰਤ ’ਚ ਪ੍ਰਸਾਰਿਤ ਕੀਤਾ ਜਾਵੇਗਾ।
ਕਿਸ ਨੇ ਵਿਗਾੜਿਆ ਰੋਹੇਦ ਦਾ ਘਰ ਦੇ ਅੰਦਰ ਗੇਮ?
ਸਲਮਾਨ ਖ਼ਾਨ ਦੇ ਸ਼ੋਅ ਬਿੱਗ ਬੌਸ ਸੀਜ਼ਨ 20 ’ਚ ਸ਼ੁਰੂ ਤੋਂ ਹੀ ਘਰ ਦੋ ਹਿੱਸਿਆਂ ’ਚ ਵੰਡਿਆ ਹੋਇਆ ਹੈ। ਇੱਕ ਗਰੁੱਪ ’ਚ ਜਿੱਥੇ ਆਮ੍ਰਪਾਲੀ ਦੂਬੇ, ਲਵ ਗਿੱਲ, ਯੰਗ, ਸਕਾਊਟ, ਆਸਿਫ, ਮੈਰੀ ਕੌਮ ਤੇ ਰੋਹੇਦ ਹਨ, ਉੱਥੇ ਹੀ ਦੂਜੇ ਗਰੁੱਪ ’ਚ ਮਾਹੀ ਵਿਜ, ਅਰਸ਼ਿਫਾ ਖ਼ਾਨ, ਉਦਿਤੀ ਤੇ ਕਾਜ਼ੀ ਸ਼ਾਮਲ ਹਨ। ਹਾਲਾਂਕਿ, ਕਨਿਕਾ ਮਾਨ, ਗੁੱਲੂ ਤੇ ਈਸ਼ਾ ਰੇਖੀ ਦਾ ਵੀ ਘਰ ’ਚ ਆਪਣਾ ਗਰੁੱਪ ਹੈ। ਇਸ ਤੋਂ ਇਲਾਵਾ ਅਮਨ ਕਦੇ ਆਸਿਫ ਦੇ ਗਰੁੱਪ ’ਚ ਤਾਂ ਕਦੇ ਮਾਹੀ ਦੇ ਗਰੁੱਪ ’ਚ ਨਜ਼ਰ ਆਉਂਦੇ ਹਨ।
‘ਬੁਲੀ ਗੈਂਗ’ ਕਹੇ ਜਾਣ ਵਾਲੇ ਆਮ੍ਰਪਾਲੀ ਦੂਬੇ (Amrapali Dubey) ਦੇ ਗਰੁੱਪ ਮੈਂਬਰ ਰੋਹੇਦ ਨੇ ਜਦੋਂ ਬਿੱਗ ਬੌਸ ਦੇ ਘਰ ’ਚ ਕਦਮ ਰੱਖਿਆ ਸੀ, ਤਾਂ ਲੱਗਦਾ ਸੀ ਕਿ ਉਹ ਆਪਣੇ ਆਕਰਸ਼ਣ ਨਾਲ ਪੂਰੇ ਘਰ ’ਤੇ ਆਪਣਾ ਪ੍ਰਭਾਵ ਛੱਡਣਗੇ।
ਪਰ ਪਹਿਲੇ ਹਫ਼ਤੇ ਤੋਂ ਬਾਅਦ ਦੂਜੇ ਹਫ਼ਤੇ ’ਚ ਉਹ ਆਪਣੀ ਹੀ ਗੈਂਗ ਦੇ ਵਿਚਕਾਰ ਦੱਬਦੇ ਚਲੇ ਗਏ। ਇਸ ਕਾਰਨ ਉਨ੍ਹਾਂ ਦਾ ਗੇਮ ਖ਼ਰਾਬ ਹੋ ਗਿਆ ਤੇ ਉਹ ਸ਼ੋਅ ਤੋਂ ਬਾਹਰ ਹੋ ਗਏ।
ਬਿੱਗ ਬੌਸ ਨੇ ਇਸ ਵਾਰ ਕੰਟੈਸਟੈਂਟਸ ਨੂੰ ਸਪੱਸ਼ਟ ਤੌਰ ’ਤੇ ਕਿਹਾ ਸੀ ਕਿ ਹੁਣ ਗੇਮ ਖੁੱਲ੍ਹੇ ਤੌਰ ’ਤੇ ਖੇਡਿਆ ਜਾਵੇਗਾ, ਪਰ ਇਸ ਦੇ ਬਾਵਜੂਦ ਘਰ ’ਚ ਪਹਿਲੇ ਹਫ਼ਤੇ ਤੋਂ ਹੀ ਸਿਆਸਤ ਸ਼ੁਰੂ ਹੋ ਚੁੱਕੀ ਹੈ।