ਅਰਿਜੀਤ ਸਿੰਘ ਦੀ ਰਿਟਾਇਰਮੈਂਟ 'ਤੇ ਅਨੁਰਾਗ ਕਸ਼ਯਪ ਨੇ ਕੀਤੀ ਟਿੱਪਣੀ, ਬੋਲੇ- 'ਹਮੇਸ਼ਾ ਹਾਰਟਬ੍ਰੇਕ ਵਾਲਾ ਗਾਣਾ'

ਉਨ੍ਹਾਂ ਨੇ ਇੱਕ ਇੰਟਰਵਿਊ ਦੌਰਾਨ ਕਿਹਾ, "ਅਰਿਜੀਤ ਸਿੰਘ ਨੇ ਰਿਟਾਇਰਮੈਂਟ ਇਸ ਲਈ ਅਨਾਊਂਸ ਕੀਤੀ ਕਿਉਂਕਿ ਉਹ ਵਾਰ-ਵਾਰ (ਇੱਕੋ ਜਿਹੇ) ਗਾਣੇ ਗਾ ਕੇ ਥੱਕ ਗਏ ਸਨ। ਹਮੇਸ਼ਾ ਹਾਰਟਬ੍ਰੇਕ (ਦਿਲ ਟੁੱਟਣ) ਵਾਲੇ ਗਾਣੇ। ਉਹ ਸਿਰਫ਼ ਇੱਕ ਕਿਸਮ ਦੇ ਗਾਣੇ ਨਹੀਂ ਗਾਉਣਾ ਚਾਹੁੰਦੇ, ਸਗੋਂ ਉਨ੍ਹਾਂ ਦਾ ਹੁਨਰ ਇਨ੍ਹਾਂ ਗਾਣਿਆਂ ਤੋਂ ਕਿਤੇ ਜ਼ਿਆਦਾ ਹੈ। ਉਹ ਬਹੁਤ ਟੈਲੇਂਟਿਡ ਇਨਸਾਨ ਹਨ। ਮੈਨੂੰ ਯਾਦ ਹੈ ਕਿ ਸਾਨਿਆ ਮਲਹੋਤਰਾ ਦੀ ਫਿਲਮ 'ਪਗਲੈਟ' ਲਈ ਉਨ੍ਹਾਂ ਨੇ ਸੰਗੀਤ ਦਿੱਤਾ ਸੀ। ਇੱਕ ਗੱਲ ਹੋਰ ਦੱਸ ਦਿਆਂ ਕਿ ਉਹ ਫਿਲਮਮੇਕਰ ਵੀ ਹਨ। ਉਹ ਆਪਣੇ ਪੂਰੇ ਸ਼ਹਿਰ ਦਾ ਚੰਗੀ ਤਰ੍ਹਾਂ ਖਿਆਲ ਰੱਖਦੇ ਹਨ ਅਤੇ ਬਹੁਤ ਹੀ ਪ੍ਰਾਈਵੇਟ ਇਨਸਾਨ ਹਨ।"