ਇਟਲੀ ’ਚ Amitabh Bachchan ਦੀ ਸੁਪਰਹਿੱਟ ਫ਼ਿਲਮ ਦਾ ਕ੍ਰੇਜ਼, ਸਵੇਰੇ 3 ਵਜੇ ਤੱਕ 2000 ਲੋਕ ਦੇਖਦੇ ਰਹੇ ਸਨ ਮੂਵੀ; ਦਿਲਚਸਪ ਹੈ ਕਿੱਸਾ

ਕੌਣ ਬਣੇਗਾ ਕਰੋੜਪਤੀ 18 (Kaun Banega Crorepati 18) ’ਚ ਅਮਿਤਾਭ ਬੱਚਨ ਨੇ ਆਪਣੀ ਕਲਾਸਿਕ ਕਲਟ ਫ਼ਿਲਮ ਦਾ ਕਿੱਸਾ ਸਾਂਝਾ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਇਟਲੀ ਦੇ ਇੱਕ ਸ਼ਹਿਰ ’ਚ ਉਨ੍ਹਾਂ ਦੀ ਫ਼ਿਲਮ ਦੇਖਣ ਲਈ 2000 ਲੋਕ ਆਏ ਸਨ ਅਤੇ ਰਾਤ ਦੇ ਤਿੰਨ ਵਜੇ ਤੱਕ ਉਸ ਫ਼ਿਲਮ ਨੂੰ ਦੇਖਿਆ ਸੀ।

Posted By Anuradha Bains

Publish Date: Sun, 16 Aug 2026 12:14 PM (IST)

Updated Date: Sun, 16 Aug 2026 12:16 PM (IST)

ਇਟਲੀ ’ਚ Amitabh Bachchan ਦੀ ਸੁਪਰਹਿੱਟ ਫ਼ਿਲਮ ਦਾ ਕ੍ਰੇਜ਼, ਸਵੇਰੇ 3 ਵਜੇ ਤੱਕ 2000 ਲੋਕ ਦੇਖਦੇ ਰਹੇ ਸਨ ਮੂਵੀ; ਦਿਲਚਸਪ ਹੈ ਕਿੱਸਾ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਕੀ ਤੁਹਾਨੂੰ ਪਤਾ ਹੈ ਕਿ ਅਮਿਤਾਭ ਬੱਚਨ (Amitabh Bachchan) ਦੀ ਇੱਕ ਬਲਾਕਬਸਟਰ ਫ਼ਿਲਮ ਦਾ ਕ੍ਰੇਜ਼ ਵਿਦੇਸ਼ਾਂ ’ਚ ਵੀ ਸੀ। ਇਟਲੀ ’ਚ ਤਾਂ 2000 ਲੋਕਾਂ ਨੇ ਅੱਧੀ ਰਾਤ ਨੂੰ ਅਮਿਤਾਭ ਦੀ ਇਸ ਫ਼ਿਲਮ ਨੂੰ ਦੇਖਿਆ ਸੀ। ਹਾਲ ਹੀ ’ਚ, ਖ਼ੁਦ ਬਿੱਗ ਬੀ ਨੇ ਇਸ ਦਾ ਖੁਲਾਸਾ ਕੀਤਾ ਹੈ।

ਫ਼ਿਲਮ ਦੀ ਰਿਲੀਜ਼ ਨੂੰ ਹੋਏ 51 ਸਾਲ ਪੂਰੇ

ਜਿਸ ਫ਼ਿਲਮ ਦੀ ਇੱਥੇ ਚਰਚਾ ਹੋ ਰਹੀ ਹੈ, ਉਹ ਕੋਈ ਹੋਰ ਨਹੀਂ, 15 ਅਗਸਤ 1975 ਨੂੰ ਰਿਲੀਜ਼ ਹੋਈ ਰਮੇਸ਼ ਸਿੱਪੀ ਨਿਰਦੇਸ਼ਿਤ 'ਸ਼ੋਲੇ' (Sholay) ਹੈ। ਬੀਤੇ ਦਿਨ ਫ਼ਿਲਮ ਦੀ ਰਿਲੀਜ਼ ਨੂੰ ਪੂਰੇ 51 ਸਾਲ ਹੋ ਗਏ ਹਨ। ਅਭਿਨੇਤਾ ਨੇ ਕੇ.ਬੀ.ਸੀ. (KBC) ਦੇ ਮੰਚ 'ਤੇ ਇਸ ਫ਼ਿਲਮ ਨਾਲ ਜੁੜਿਆ ਕਿੱਸਾ ਸਾਂਝਾ ਕੀਤਾ।

ਇਟਲੀ ’ਚ ਹੋਈ ਸੀ ਫ਼ਿਲਮ ਦੀ ਸਕ੍ਰੀਨਿੰਗ

ਕੌਣ ਬਣੇਗਾ ਕਰੋੜਪਤੀ ਸੀਜ਼ਨ 18 ਦੇ ਹਾਲੀਆ ਐਪੀਸੋਡ ’ਚ ਡਾਕਟਰ ਗਣੇਸ਼ ਬਰਈਆ ਨਾਲ ਗੱਲਬਾਤ ਵਿੱਚ 'ਸ਼ੋਲੇ' ਦੀ ਸਾਂਭ-ਸੰਭਾਲ ਅਤੇ ਉਸ ਦੀ ਇਟਲੀ ਦੇ ਬੋਲੋਨਿਆ (Bologna) ’ਚ ਹੋਈ ਸਕ੍ਰੀਨਿੰਗ ਬਾਰੇ ਗੱਲ ਕੀਤੀ। 83 ਸਾਲਾ ਅਭਿਨੇਤਾ ਨੇ ਦੱਸਿਆ ਕਿ ਫ਼ਿਲਮ ਦੇ ਰੀਸਟੋਰ ਵਰਜ਼ਨ ਨੂੰ ਫ਼ਿਲਮ ਨਿਰਮਾਤਾ ਸ਼ਿਵੇਂਦਰ ਸਿੰਘ ਡੂੰਗਰਪੁਰ ਦੀ ਅਗਵਾਈ ਵਾਲੇ ਫ਼ਿਲਮ ਹੈਰੀਟੇਜ ਫਾਊਂਡੇਸ਼ਨ ਵੱਲੋਂ ਇਟਲੀ ਲਿਜਾਇਆ ਗਿਆ ਸੀ।

ਰਾਤ ਭਰ ਵਿਦੇਸ਼ੀਆਂ ਨੇ ਦੇਖੀ ਸੀ ਫ਼ਿਲਮ

ਅਮਿਤਾਭ ਬੱਚਨ ਨੇ ਦੱਸਿਆ, "ਬੋਲੋਨਿਆ ਇੱਕ ਸ਼ਹਿਰ ਦਾ ਨਾਮ ਹੈ। ਉੱਥੇ ਇੱਕ ਵੱਡਾ ਵਿਹੜਾ ਹੈ। ਜਿਵੇਂ ਵੱਡੇ-ਵੱਡੇ ਸ਼ਹਿਰਾਂ ਦੇ ਵਿਚਕਾਰ ਖੁੱਲ੍ਹਾ ਸਥਾਨ ਹੁੰਦਾ ਹੈ, ਉੱਥੇ ਕਰੀਬ ਦੋ ਹਜ਼ਾਰ ਇਟਾਲੀਅਨ ਲੋਕ ਰਾਤ 11 ਵਜੇ ਤੋਂ ਸਵੇਰੇ ਤਿੰਨ ਵਜੇ ਤੱਕ 'ਸ਼ੋਲੇ' ਦੇਖਦੇ ਰਹੇ।" ਭਾਰਤੀ ਸਿਨੇਮਾ ਦੀਆਂ ਫ਼ਿਲਮਾਂ ਨੂੰ ਸੁਰੱਖਿਅਤ ਰੱਖਣ ਦੇ ਯਤਨਾਂ ਤਹਿਤ ਫ਼ਿਲਮ ਹੈਰੀਟੇਜ ਫਾਊਂਡੇਸ਼ਨ ਨੇ 'ਸ਼ੋਲੇ' ਨੂੰ ਰੀਸਟੋਰ ਕੀਤਾ ਹੈ।

51 ਸਾਲ ਪਹਿਲਾਂ ਆਈ 'ਸ਼ੋਲੇ' ਵਿੱਚ ਅਮਿਤਾਭ ਬੱਚਨ, ਧਰਮਿੰਦਰ, ਹੇਮਾ ਮਾਲਿਨੀ, ਜਯਾ ਬੱਚਨ, ਅਮਜਦ ਖ਼ਾਨ ਅਤੇ ਸੰਜੀਵ ਕੁਮਾਰ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਸਨ।