- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸ਼੍ਰੀਦੇਵੀ ਨੂੰ ਮਨਾਉਣ ਲਈ Amitabh Bachchan ਨੇ ਟਰੱਕ ਭਰ ਕੇ ਭੇਜੇ ਸਨ ਫੁੱਲ, ਅਦਾਕਾਰਾ ਨੇ ਰਿਜੈਕਟ ਕਰ ਦਿੱਤੀ ਸੀ ਬਿਗ ਬੀ ਦੀ ਫਿਲਮ
ਦਰਅਸਲ ਇਸ ਕਿੱਸੇ ਅਨੁਸਾਰ 1992 ਵਿੱਚ ਰਿਲੀਜ਼ ਹੋਈ ਫਿਲਮ 'ਖੁਦਾ ਗਵਾਹ' (Khuda Gawah) ਵਿੱਚ ਨਿਰਦੇਸ਼ਕ ਬਿਗ ਬੀ ਨਾਲ ਸ਼੍ਰੀਦੇਵੀ ਨੂੰ ਲੈਣਾ ਚਾਹੁੰਦੇ ਸਨ ਪਰ ਅਦਾਕਾਰਾ ਉਸ ਵੇਲੇ ਸਿਰਫ਼ ਗਲੈਮਰਸ ਰੋਲ ਨਹੀਂ ਕਰਨਾ ਚਾਹੁੰਦੀ ਸੀ। ਅਜਿਹੇ ਵਿੱਚ ਉਨ੍ਹਾਂ ਨੇ ਉਸ ਫਿਲਮ ਨੂੰ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਸੀ।
Posted By Anuradha Bains
Publish Date: Fri, 11 Sep 2026 04:55 PM (IST)
Updated Date: Fri, 11 Sep 2026 04:59 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਵੱਡੇ ਪਰਦੇ 'ਤੇ ਤਾਂ ਅਸੀਂ ਕਈ ਦਿਲਚਸਪ ਕਹਾਣੀਆਂ ਦੇਖਦੇ ਹਾਂ ਪਰ ਪਰਦੇ ਦੇ ਪਿੱਛੇ ਵੀ ਕਈ ਮਜ਼ੇਦਾਰ ਅਤੇ ਖੂਬਸੂਰਤ ਕਹਾਣੀਆਂ ਛੁਪੀਆਂ ਹੁੰਦੀਆਂ ਹਨ। ਅਜਿਹਾ ਹੀ ਪਰਦੇ ਦੇ ਪਿੱਛੇ ਦਾ ਇੱਕ ਕਿੱਸਾ ਹੈ ਅਮਿਤਾਭ ਬੱਚਨ ਅਤੇ ਸ਼੍ਰੀਦੇਵੀ ਦਾ।
ਸ਼੍ਰੀਦੇਵੀ ਨੇ ਰਿਜੈਕਟ ਕਰ ਦਿੱਤੀ ਸੀ ਫਿਲਮ
ਦਰਅਸਲ ਇਸ ਕਿੱਸੇ ਅਨੁਸਾਰ 1992 ਵਿੱਚ ਰਿਲੀਜ਼ ਹੋਈ ਫਿਲਮ 'ਖੁਦਾ ਗਵਾਹ' (Khuda Gawah) ਵਿੱਚ ਨਿਰਦੇਸ਼ਕ ਬਿਗ ਬੀ ਨਾਲ ਸ਼੍ਰੀਦੇਵੀ ਨੂੰ ਲੈਣਾ ਚਾਹੁੰਦੇ ਸਨ ਪਰ ਅਦਾਕਾਰਾ ਉਸ ਵੇਲੇ ਸਿਰਫ਼ ਗਲੈਮਰਸ ਰੋਲ ਨਹੀਂ ਕਰਨਾ ਚਾਹੁੰਦੀ ਸੀ। ਅਜਿਹੇ ਵਿੱਚ ਉਨ੍ਹਾਂ ਨੇ ਉਸ ਫਿਲਮ ਨੂੰ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਸੀ। ![naidunia_image]()
ਅਮਿਤਾਭ ਬੱਚਨ ਨੇ ਭੇਜਿਆ ਸੀ ਫੁੱਲਾਂ ਨਾਲ ਭਰਿਆ ਟਰੱਕ
ਸ਼੍ਰੀਦੇਵੀ ਉਸ ਦੌਰ ਦੀਆਂ ਟੌਪ ਐਕਟਰੈਸਾਂ ਵਿੱਚੋਂ ਇੱਕ ਸੀ ਅਤੇ ਜਦੋਂ ਉਨ੍ਹਾਂ ਨੇ ਇਹ ਫਿਲਮ ਰਿਜੈਕਟ ਕੀਤੀ ਅਤੇ ਇਸ ਨੂੰ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਤਾਂ ਅਮਿਤਾਭ ਬੱਚਨ ਨੇ ਉਨ੍ਹਾਂ ਨੂੰ ਮਨਾਉਣ ਲਈ ਇੱਕ ਖਾਸ ਅੰਦਾਜ਼ ਅਪਣਾਇਆ।
ਅਮਿਤਾਭ ਬੱਚਨ ਨੇ ਸ਼ੂਟਿੰਗ ਸੈੱਟ 'ਤੇ ਗੁਲਾਬ ਦੇ ਫੁੱਲਾਂ ਨਾਲ ਭਰਿਆ ਇੱਕ ਪੂਰਾ ਟਰੱਕ ਸ਼੍ਰੀਦੇਵੀ ਲਈ ਭੇਜ ਦਿੱਤਾ, ਜਿਸ ਨੂੰ ਦੇਖ ਕੇ ਸ਼੍ਰੀਦੇਵੀ ਹੈਰਾਨ ਰਹਿ ਗਈ ਪਰ ਖੁਸ਼ ਵੀ ਹੋਈ। ਉਨ੍ਹਾਂ ਨੂੰ ਬਿਗ ਬੀ ਦੇ ਇਸ ਤਰ੍ਹਾਂ ਮਨਾਉਣ ਦਾ ਅੰਦਾਜ਼ ਕਾਫੀ ਪਸੰਦ ਆਇਆ ਅਤੇ ਉਨ੍ਹਾਂ ਨੇ ਫਿਲਮ ਲਈ ਹਾਂ ਕਰ ਦਿੱਤੀ।
ਕੋਰੀਓਗ੍ਰਾਫਰ ਸਰੋਜ ਖਾਨ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਸੀ ਕਿ ਉਹ ਟਰੱਕ ਆਇਆ ਅਤੇ ਉਸ ਦੇ ਸਾਰੇ ਗੁਲਾਬ ਸ਼੍ਰੀਦੇਵੀ 'ਤੇ ਵਰ੍ਹਾਏ ਗਏ। ਉਹ ਪਲ ਬਿਲਕੁਲ ਸ਼ਾਨਦਾਰ ਲੱਗ ਰਿਹਾ ਸੀ। ![naidunia_image]()
ਅਦਾਕਾਰਾ ਨੇ ਰੱਖੀ ਸੀ ਸ਼ਰਤ
ਹਾਲਾਂਕਿ ਫਿਲਮ ਲਈ ਹਾਂ ਕਹਿਣ ਦੇ ਨਾਲ ਹੀ ਅਦਾਕਾਰਾ ਨੇ ਇੱਕ ਸ਼ਰਤ ਵੀ ਰੱਖੀ। ਉਹ ਇਹ ਸੀ ਕਿ ਉਹ ਫਿਲਮ ਵਿੱਚ ਮਾਂ ਅਤੇ ਧੀ ਦਾ ਡਬਲ ਰੋਲ ਪਲੇਅ ਕਰੇਗੀ।
'ਖੁਦਾ ਗਵਾਹ' ਬਾਰੇ
'ਖੁਦਾ ਗਵਾਹ', 1992 ਦੀ ਇੱਕ ਭਾਰਤੀ ਐਪਿਕ ਕ੍ਰਾਈਮ-ਐਕਸ਼ਨ ਫਿਲਮ ਹੈ, ਜਿਸ ਨੂੰ ਮੁਕੁਲ ਐੱਸ. ਆਨੰਦ ਨੇ ਲਿਖਿਆ ਅਤੇ ਡਾਇਰੈਕਟ ਕੀਤਾ ਸੀ। ਇਸ ਫਿਲਮ ’ਚ ਅਮਿਤਾਭ ਬੱਚਨ, ਸ਼੍ਰੀਦੇਵੀ (ਦੋਹਰੀ ਭੂਮਿਕਾ ਵਿੱਚ), ਨਾਗਾਰਜੁਨ, ਸ਼ਿਲਪਾ ਸ਼ਿਰੋਡਕਰ, ਡੈਨੀ ਡੇਨਜ਼ੋਂਗਪਾ ਅਤੇ ਕਿਰਨ ਕੁਮਾਰ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ।
ਕੀ ਹੈ ਫਿਲਮ ਦੀ ਕਹਾਣੀ?
ਇਸ ਦਾ ਸੰਗੀਤ ਲਕਸ਼ਮੀਕਾਂਤ-ਪਿਆਰੇਲਾਲ ਨੇ ਦਿੱਤਾ ਸੀ। ਇਹ ਫਿਲਮ 'ਇਨਕਲਾਬ' (1984) ਅਤੇ 'ਆਖਰੀ ਰਸਤਾ' (1986) ਤੋਂ ਬਾਅਦ ਸ਼੍ਰੀਦੇਵੀ ਅਤੇ ਬੱਚਨ ਦੀ ਤੀਜੀ ਇਕੱਠਿਆਂ ਕੀਤੀ ਗਈ ਫਿਲਮ ਸੀ। ਅਫਗਾਨਿਸਤਾਨ ਅਤੇ ਭਾਰਤ ਦੀ ਪਿਛੋਕੜ 'ਤੇ ਬਣੀ ਇਹ ਫਿਲਮ ਬਾਦਸ਼ਾਹ ਖਾਨ ਦੀ ਕਹਾਣੀ ਹੈ, ਜੋ ਇੱਕ ਅਫਗਾਨ ਯੋਧਾ ਹੈ ਅਤੇ ਆਪਣੀ ਪ੍ਰੇਮਿਕਾ ਬੇਨਜ਼ੀਰ ਦੇ ਪਿਤਾ ਦੇ ਕਤਲ ਦਾ ਬਦਲਾ ਲੈਣ ਲਈ ਭਾਰਤ ਆਉਂਦਾ ਹੈ। ਆਪਣਾ ਮਿਸ਼ਨ ਪੂਰਾ ਕਰਨ ਤੋਂ ਬਾਅਦ, ਉਸ 'ਤੇ ਇੱਕ ਹੋਰ ਕਤਲ ਦਾ ਝੂਠਾ ਦੋਸ਼ ਲਗਾਇਆ ਜਾਂਦਾ ਹੈ ਅਤੇ ਉਸ ਨੂੰ ਭਾਰਤ ਵਿੱਚ ਜੇਲ੍ਹ ਵਿੱਚ ਡੱਕ ਦਿੱਤਾ ਜਾਂਦਾ ਹੈ।