Amitabh Bachchan ਦੀ ਉਹ ਬਲਾਕਬਸਟਰ ਫ਼ਿਲਮ ਜਿਸ ਨੂੰ ਜਯਾ ਬੱਚਨ ਨੇ ਲਿਖਿਆ, ਹਿੱਟ ਸਨ ਫ਼ਿਲਮ ਦੇ ਗੀਤ ਤੇ ਡਾਇਲਾਗ

ਜਯਾ ਬੱਚਨ ਨੇ ਲਿਖੀ ਸੀ ਕਹਾਣੀ?

ਬਹੁਤ ਘੱਟ ਲੋਕ ਜਾਣਦੇ ਹੋਣਗੇ ਕਿ ਇਸ ਦੀ ਕਹਾਣੀ ਜਯਾ ਬੱਚਨ ਨੇ ਲਿਖੀ ਸੀ। ਜਯਾ ਬੱਚਨ ਅਦਾਕਾਰਾ ਅਤੇ ਸਿਆਸਤਦਾਨ ਹੋਣ ਦੇ ਨਾਲ-ਨਾਲ ਸਕ੍ਰਿਪਟ ਰਾਈਟਰ ਵੀ ਹਨ। ਫ਼ਿਲਮ ਬਾਕਸ ਆਫ਼ਿਸ 'ਤੇ ਸੁਪਰਹਿੱਟ ਸਾਬਤ ਹੋਈ ਸੀ ਅਤੇ ਇਸ ਦੇ ਡਾਇਲਾਗ ਵੀ ਬਹੁਤ ਹਿੱਟ ਹੋਏ ਸਨ।

ਫ਼ਿਲਮ ਦਾ ਡਾਇਲਾਗ "ਰਿਸ਼ਤੇ ਵਿੱਚ ਤਾਂ ਅਸੀਂ ਤੁਹਾਡੇ ਬਾਪ ਲਗਦੇ ਹਾਂ, ਨਾਮ ਹੈ ਸ਼ਹਿਨਸ਼ਾਹ" ਪ੍ਰਸ਼ੰਸਕਾਂ ਵਿਚਕਾਰ ਅੱਜ ਵੀ ਬਹੁਤ ਚਰਚਿਤ ਹੈ। ਜਯਾ ਬੱਚਨ ਉਸ ਸਮੇਂ ਫ਼ਿਲਮੀ ਦੁਨੀਆ ਤੋਂ ਕਾਫ਼ੀ ਦੂਰ ਸਨ ਅਤੇ ਉਨ੍ਹਾਂ ਨੇ ਇਸ ਫ਼ਿਲਮ ਦੀ ਕਹਾਣੀ ਲਿਖੀ ਸੀ। ਇਹ ਫ਼ਿਲਮ ਉਸ ਦੌਰ ਵਿੱਚ ਅਮਿਤਾਭ ਬੱਚਨ ਦੇ ਕਰੀਅਰ ਲਈ ਇੱਕ ਵੱਡਾ ਕਮਬੈਕ ਸਾਬਤ ਹੋਈ ਸੀ।

ਮਸ਼ਹੂਰ ਹੋਇਆ ਸੀ ਐਂਗਰੀ ਯੰਗ ਮੈਨ ਵਾਲਾ ਰੋਲ

ਫ਼ਿਲਮ ਦੀ ਅਸਲ ਕਹਾਣੀ ਜਯਾ ਬੱਚਨ ਨੇ ਲਿਖੀ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਅਮਿਤਾਭ ਬੱਚਨ ਦੇ 'ਐਂਗਰੀ ਯੰਗ ਮੈਨ' ਅਤੇ 'ਮਸੀਹਾ' ਵਾਲੇ ਕਿਰਦਾਰ ਨੂੰ ਧਿਆਨ ’ਚ ਰੱਖ ਕੇ ਸੁਪਰਹੀਰੋ ਵਰਗੀ ਕਹਾਣੀ ਬੁਣੀ ਸੀ। 'ਤੇਜ਼ਾਬ' ਅਤੇ 'ਕਿਆਮਤ ਸੇ ਕਿਆਮਤ ਤੱਕ' ਵਰਗੀਆਂ ਵੱਡੀਆਂ ਫ਼ਿਲਮਾਂ ਨਾਲ ਮੁਕਾਬਲੇ ਦੇ ਬਾਵਜੂਦ ਸ਼ਹਿਨਸ਼ਾਹ ਸਾਲ 1988 ਦੀ ਦੂਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਭਾਰਤੀ ਫ਼ਿਲਮ ਸੀ।

ਇਸ ਫ਼ਿਲਮ ਵਿੱਚ ਅਮਿਤਾਭ ਬੱਚਨ ਦਾ ਉਹ ਸਟੀਲ ਵਾਲਾ ਹੱਥ (ਲੋਹੇ ਦਾ ਪੰਜਾ) ਬਹੁਤ ਮਸ਼ਹੂਰ ਹੋਇਆ ਸੀ। ਕਿਹਾ ਜਾਂਦਾ ਹੈ ਕਿ ਉਹ ਸਟੀਲ ਦਾ ਪੰਜਾ ਅਤੇ ਜੈਕੇਟ ਕਾਫ਼ੀ ਭਾਰੀ ਸੀ। ਸ਼ਹਿਨਸ਼ਾਹ ਦਾ ਬਜਟ ਲਗਭਗ 3 ਕਰੋੜ ਰੁਪਏ ਸੀ ਅਤੇ ਇਸ ਨੇ ਬਾਕਸ ਆਫ਼ਿਸ 'ਤੇ ਕਰੀਬ 6 ਕਰੋੜ ਰੁਪਏ ਦੀ ਨੈੱਟ ਕਮਾਈ ਕੀਤੀ ਸੀ।

ਇਸ ਫ਼ਿਲਮ ਵਿੱਚ ਅਮਿਤਾਭ ਬੱਚਨ ਤੋਂ ਇਲਾਵਾ ਮੀਨਾਕਸ਼ੀ ਸ਼ੇਸ਼ਾਦਰੀ, ਪ੍ਰਾਣ, ਪ੍ਰੇਮ ਚੋਪੜਾ, ਅਮਰੀਸ਼ ਪੁਰੀ ਅਤੇ ਕਾਦਰ ਖ਼ਾਨ ਵਰਗੇ ਦਿੱਗਜ ਕਲਾਕਾਰਾਂ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ ਸਨ।