Bafta 'ਚ ਆਲੀਆ ਭੱਟ ਦਾ 'ਨਮਸਕਾਰ'... ਇੰਟਰਨੈਸ਼ਨਲ ਸਟੇਜ 'ਤੇ ਦਿੱਤੀ ਹਿੰਦੀ ਸਪੀਚ, ਸਾਊਥ ਅਦਾਕਾਰਾ ਵੀ ਹੋਈ ਫੈਨ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਸੋਮਵਾਰ ਨੂੰ ਬਾਫ਼ਟਾ (BAFTA) ਅਵਾਰਡ 2026 ਦੇ ਜੇਤੂਆਂ ਦਾ ਐਲਾਨ ਕੀਤਾ ਗਿਆ। ਹਿੰਦੀ ਸਿਨੇਮਾ ਦੀ ਲੇਡੀ ਸੁਪਰਸਟਾਰ ਆਲੀਆ ਭੱਟ ਨੇ ਇਸ ਅੰਤਰਰਾਸ਼ਟਰੀ ਫਿਲਮ ਪੁਰਸਕਾਰ ਵਿੱਚ ਐਵਾਰਡ ਪ੍ਰੈਜ਼ੈਂਟਰ ਬਣ ਕੇ ਦੇਸ਼ ਦਾ ਨਾਂ ਰੌਸ਼ਨ ਕੀਤਾ ਹੈ। ਇਸ ਦੇ ਨਾਲ ਹੀ ਹਿੰਦੀ ਭਾਸ਼ਾ ਵਿੱਚ ਆਲੀਆ ਵੱਲੋਂ ਦਿੱਤੀ ਗਈ ਸਪੀਚ ਹਰ ਪਾਸੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।

79ਵੇਂ ਬ੍ਰਿਟਿਸ਼ ਫਿਲਮ ਅਕੈਡਮੀ ਐਵਾਰਡ ਸਮਾਰੋਹ ਦੌਰਾਨ ਜਿਵੇਂ ਹੀ ਆਲੀਆ ਭੱਟ ਨੇ 'ਨਮਸਕਾਰ' ਕਿਹਾ, ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਤਾਲੀਆਂ ਦੀ ਗੜਗੜਾਹਟ ਨਾਲ ਉਨ੍ਹਾਂ ਦਾ ਸਵਾਗਤ ਕੀਤਾ। ਹੁਣ ਸੋਸ਼ਲ ਮੀਡੀਆ 'ਤੇ ਆਲੀਆ ਦਾ ਇਹ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਅਤੇ ਇੱਕ ਮਸ਼ਹੂਰ ਸਾਊਥ ਅਦਾਕਾਰਾ ਵੀ ਉਨ੍ਹਾਂ ਦੀ ਮੁਰੀਦ ਹੋ ਗਈ ਹੈ।

ਬਾਫ਼ਟਾ ਐਵਾਰਡ 2026 ਵਿੱਚ ਆਲੀਆ ਦਾ ਜਲਵਾ

ਆਲੀਆ ਭੱਟ ਦੀ ਮੌਜੂਦਗੀ ਕਾਰਨ ਬਾਫ਼ਟਾ ਅਵਾਰਡ 2026 ਲਗਾਤਾਰ ਸੁਰਖੀਆਂ ਬਟੋਰ ਰਿਹਾ ਹੈ। ਇਸ ਇੰਟਰਨੈਸ਼ਨਲ ਸਟੇਜ 'ਤੇ ਜਿਵੇਂ ਹੀ ਆਲੀਆ ਨੇ ਐਂਟਰੀ ਮਾਰੀ ਅਤੇ ਹਿੰਦੀ ਵਿੱਚ 'ਨਮਸਕਾਰ' ਕਿਹਾ, ਉਸ ਅੰਦਾਜ਼ ਨੇ ਹਰ ਕਿਸੇ ਨੂੰ ਪ੍ਰਭਾਵਿਤ ਕੀਤਾ।

View this post on Instagram

A post shared by BAFTA (@bafta)

ਬ੍ਰਿਟਿਸ਼ ਫਿਲਮ ਅਕੈਡਮੀ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਆਲੀਆ ਦੀ ਇਸ ਹਿੰਦੀ ਸਪੀਚ ਦਾ ਵੀਡੀਓ ਸਾਂਝਾ ਕੀਤਾ ਹੈ, ਜਿਸ ਦੀ ਕਵਰੇਜ ਬੀਬੀਸੀ (BBC) ਵੱਲੋਂ ਕੀਤੀ ਗਈ ਹੈ। ਵੀਡੀਓ ਵਿੱਚ ਆਲੀਆ ਭੱਟ ਭਾਰਤੀ ਸਿਨੇਮਾ ਅਤੇ ਸੱਭਿਆਚਾਰ ਦਾ ਮਾਣ ਵਧਾਉਂਦੀ ਨਜ਼ਰ ਆ ਰਹੀ ਹੈ।

ਸਮਾਂਥਾ ਰੂਥ ਪ੍ਰਭੂ ਨੇ ਕੀਤੀ ਤਾਰੀਫ਼

ਸਿਰਫ਼ ਫੈਨਜ਼ ਹੀ ਨਹੀਂ, ਸਗੋਂ ਸਾਊਥ ਸਿਨੇਮਾ ਦੀ ਦਿੱਗਜ ਅਦਾਕਾਰਾ ਸਮਾਂਥਾ ਰੂਥ ਪ੍ਰਭੂ ਨੇ ਵੀ ਆਲੀਆ ਭੱਟ ਦੀ ਤਾਰੀਫ਼ ਕੀਤੀ ਹੈ। ਸਮਾਂਥਾ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ਵਿੱਚ ਆਲੀਆ ਦੀ ਵੀਡੀਓ ਸਾਂਝੀ ਕਰਦਿਆਂ ਉਨ੍ਹਾਂ ਨੂੰ ਚੀਅਰ ਕੀਤਾ ਹੈ।

ਇਸ ਭਾਰਤੀ ਫਿਲਮ ਨੇ ਮਾਰੀ ਬਾਜ਼ੀ

79ਵੇਂ ਬਾਫ਼ਟਾ ਐਵਾਰਡ ਵਿੱਚ ਭਾਰਤੀ ਮੂਲ ਦੀ ਫਿਲਮ 'ਬੂਂਗ' (Boong) ਨੇ ਜਿੱਤ ਹਾਸਲ ਕੀਤੀ ਹੈ। ਇਸ ਮਣੀਪੁਰੀ ਫਿਲਮ ਨੇ 'ਬੈਸਟ ਚਿਲਡਰਨ ਐਂਡ ਫੈਮਿਲੀ ਫਿਲਮ' ਦੀ ਸ਼੍ਰੇਣੀ ਵਿੱਚ ਐਵਾਰਡ ਜਿੱਤਿਆ ਹੈ। ਇਸ ਫਿਲਮ ਦੇ ਨਿਰਮਾਤਾ ਫਰਹਾਨ ਅਖਤਰ ਹਨ ਅਤੇ ਫਿਲਮ ਦੀ ਇਸ ਸਫਲਤਾ ਨੇ ਭਾਰਤੀ ਸਿਨੇਮਾ ਦਾ ਸਿਰ ਉੱਚਾ ਕਰ ਦਿੱਤਾ ਹੈ।