ਕਾਨੂੰਨੀ ਪੰਗੇ ’ਚ ਫਸੇ ਅਜੇ ਦੇਵਗਨ, ਸਾਊਥ ਫ਼ਿਲਮ ਮੇਕਰ ਨੇ 'ਭੋਲਾ' ਖ਼ਿਲਾਫ਼ ਖੜਕਾਇਆ ਅਦਾਲਤ ਦਾ ਦਰਵਾਜ਼ਾ

'ਬਾਰ ਐਂਡ ਬੈਂਚ' ਦੀ ਰਿਪੋਰਟ ਅਨੁਸਾਰ, ਸ਼ਿਕਾਇਤ ਵਿੱਚ ਅਜਿਹੇ ਕਈ ਸਮਝੌਤਿਆਂ ਦਾ ਜ਼ਿਕਰ ਕੀਤਾ ਗਿਆ ਹੈ, ਜਿਸ ਦੀ ਸ਼ੁਰੂਆਤ ਫਰਵਰੀ 2020 ਵਿੱਚ ਰਿਲਾਇੰਸ ਗਰੁੱਪ ਦੀ ਇੱਕ ਕੰਪਨੀ ਨਾਲ ਸਾਂਝੇਦਾਰੀ ਨਾਲ ਹੋਈ ਸੀ। 29 ਮਾਰਚ 2023 ਨੂੰ, ਰਿਲਾਇੰਸ ਐਂਟਰਟੇਨਮੈਂਟ ਸਟੂਡੀਓਜ਼ ਅਤੇ 'ਕੈਥੀ' ਬਣਾਉਣ ਵਾਲੀ ਕੰਪਨੀ ਨੇ ਫ਼ਿਲਮ 'ਭੋਲਾ' ਦੇ ਹਿੰਦੀ ਵਰਜ਼ਨ ਲਈ ਇੱਕ 'ਰੀਮੇਕ ਰਾਈਟਸ ਅਸਾਈਨਮੈਂਟ ਐਗਰੀਮੈਂਟ' 'ਤੇ ਦਸਤਖਤ ਕੀਤੇ ਸਨ।

ਕੀ 'ਕੈਥੀ' ਦਾ ਰੀਮੇਕ ਹੈ 'ਭੋਲਾ'?

ਅਜੇ ਦੇਵਗਨ ਵੱਲੋਂ ਨਿਰਦੇਸ਼ਿਤ ਅਤੇ ਅਭਿਨੈ ਵਾਲੀ ਫ਼ਿਲਮ 'ਭੋਲਾ', ਅਧਿਕਾਰਤ ਤੌਰ 'ਤੇ 2019 ਦੀ ਤਮਿਲ ਹਿੱਟ ਫ਼ਿਲਮ 'ਕੈਥੀ' ਦਾ ਰੀਮੇਕ ਹੈ, ਜਿਸ ਵਿੱਚ ਕਾਰਥੀ ਨੇ ਮੁੱਖ ਭੂਮਿਕਾ ਨਿਭਾਈ ਸੀ ਅਤੇ ਜਿਸਦਾ ਨਿਰਦੇਸ਼ਨ ਲੋਕੇਸ਼ ਕਨਗਰਾਜ ਨੇ ਕੀਤਾ ਸੀ। ਇਹ ਫ਼ਿਲਮ ਇੱਕ ਅਜਿਹੇ ਸਾਬਕਾ ਅਪਰਾਧੀ ਦੀ ਕਹਾਣੀ ਹੈ, ਜੋ ਆਪਣੀ ਧੀ ਨੂੰ ਦੁਬਾਰਾ ਮਿਲਣ ਦੀ ਕੋਸ਼ਿਸ਼ ਵਿੱਚ ਅਪਰਾਧ ਅਤੇ ਕਾਨੂੰਨ-ਵਿਵਸਥਾ ਨਾਲ ਜੁੜੀ ਇੱਕ ਖ਼ਤਰਨਾਕ ਯਾਤਰਾ 'ਤੇ ਨਿਕਲਦਾ ਹੈ।

ਕੰਟਰੈਕਟ ਰੱਦ ਕਰਨ ਦੀ ਚਿਤਾਵਨੀ

ਉਨ੍ਹਾਂ ਨੇ ਚੇਤਾਵਨੀ ਵਿੱਚ ਕਿਹਾ ਕਿ ਜੇਕਰ 30 ਦਿਨਾਂ ਦੇ ਅੰਦਰ ਪੈਸਿਆਂ ਦਾ ਭੁਗਤਾਨ ਨਹੀਂ ਕੀਤਾ ਗਿਆ, ਤਾਂ ਉਹ ਆਪਣੇ-ਆਪ ਹੀ ਕੰਟਰੈਕਟ ਖਤਮ ਕਰ ਦੇਣਗੇ ਅਤੇ ਫ਼ਿਲਮ ਦੇ ਸਾਰੇ ਅਧਿਕਾਰ ਆਪਣੇ ਕੋਲ ਰੱਖ ਲੈਣਗੇ। ਡ੍ਰੀਮ ਵਾਰੀਅਰ ਨੇ ਜ਼ੋਰ ਦੇ ਕੇ ਕਿਹਾ ਕਿ 27 ਨਵੰਬਰ 2024 ਨੂੰ ਇਕਰਾਰਨਾਮਾ ਰੱਦ ਹੋਣ ਤੋਂ ਬਾਅਦ, 'ਭੋਲਾ' ਦੇ ਰੀਮੇਕ ਅਤੇ ਵਪਾਰੀਕਰਨ ਦੇ ਸਾਰੇ ਅਧਿਕਾਰ ਵਾਪਸ 'ਸਮਝੌਤਾ 1' ਦੇ ਤਹਿਤ ਆ ਗਏ ਹਨ।

OTT ਪਲੇਟਫਾਰਮਾਂ 'ਤੇ ਵੀ ਮੁਕੱਦਮਾ

22 ਮਾਰਚ 2026 ਨੂੰ, ਮੌਜੂਦਾ ਕਮਰਸ਼ੀਅਲ ਇੰਟਲੈਕਚੁਅਲ ਪ੍ਰਾਪਰਟੀ ਦਾ ਮੁਕੱਦਮਾ ਦਾਇਰ ਕੀਤਾ ਗਿਆ। ਰਿਲਾਇੰਸ ਅਤੇ ਅਜੇ ਦੇਵਗਨ ਫ਼ਿਲਮਜ਼ ਨੂੰ 'ਭੋਲਾ' ਦੀ ਵੰਡ, ਪ੍ਰਸਾਰਣ, ਸਟ੍ਰੀਮਿੰਗ ਜਾਂ ਉਸ ਤੋਂ ਕਿਸੇ ਵੀ ਤਰੀਕੇ ਨਾਲ ਪੈਸੇ ਕਮਾਉਣ ਤੋਂ ਰੋਕਣ ਲਈ, ਤਮਿਲ ਫ਼ਿਲਮ ਨਿਰਮਾਤਾਵਾਂ ਨੇ ਮਨਾਹੀ ਦੇ ਹੁਕਮ ਜਾਰੀ ਕਰਨ ਦੀ ਬੇਨਤੀ ਕੀਤੀ ਹੈ। ਇਸ ਤੋਂ ਇਲਾਵਾ, ਟੀ-ਸੀਰੀਜ਼, ਜ਼ੀ ਸਿਨੇਮਾ ਅਤੇ ਐਮਾਜ਼ਾਨ ਪ੍ਰਾਈਮ ਵੀਡੀਓ ਸਮੇਤ ਕਈ OTT ਪਲੇਟਫਾਰਮਾਂ 'ਤੇ ਵੀ ਮੁਕੱਦਮਾ ਦਾਇਰ ਕੀਤਾ ਗਿਆ ਹੈ।