‘ਧੁਰੰਧਰ 2’ ਦੀ ਸਫ਼ਲਤਾ ਤੋਂ ਬਾਅਦ ਰਣਵੀਰ ਨੂੰ ਯਾਮੀ ਗੌਤਮ ਨੇ ਦਿੱਤਾ 5 ਕਰੋੜ ਦਾ ਤੋਹਫ਼ਾ? ਕੀ ਹੈ ਵਾਇਰਲ ਵੀਡੀਓ ਦੀ ਸੱਚਾਈ?

ਇਸ ਟਵੀਟ ਵਿੱਚ ਦਾਅਵਾ ਕਰਦੇ ਹੋਏ ਇੱਕ ਵਿਅਕਤੀ ਨੇ ਲਿਖਿਆ, "ਧੁਰੰਧਰ 2 ਦੀ ਅਪਾਰ ਸਫ਼ਲਤਾ ਤੋਂ ਬਾਅਦ ਆਦਿਤਿਆ ਧਰ ਦੀ ਪਤਨੀ ਯਾਮੀ ਗੌਤਮ ਨੇ ਰਣਵੀਰ ਸਿੰਘ ਨੂੰ 5 ਕਰੋੜ ਦੀ ਜੀ.ਐਮ.ਸੀ. ਹਮਰ ਕਾਰ ਗਿਫਟ ਕੀਤੀ ਹੈ। ਰਣਵੀਰ ਸਿੰਘ ਪੂਰੇ ਸਟਾਈਲ ਵਿੱਚ ਆਪਣੇ ਫੈਨ ਦਾ ਜਨਮਦਿਨ ਮਨਾ ਰਹੇ ਹਨ, ਜਿਸ ਨਾਲ ਇਹ ਸਾਬਤ ਹੁੰਦਾ ਹੈ ਕਿ ਉਹਨਾਂ ਨੂੰ ਆਪਣੇ ਚਾਹੁਣ ਵਾਲਿਆਂ ਦੀ ਕਿੰਨੀ ਕਦਰ ਹੈ।"

ਕੀ ਸੱਚਮੁੱਚ ਯਾਮੀ ਗੌਤਮ ਨੇ ਦਿੱਤਾ ਇੰਨਾ ਮਹਿੰਗਾ ਤੋਹਫ਼ਾ?

ਲੋਕ ਅਜੇ ਯਾਮੀ ਗੌਤਮ ਦੇ ਇਸ ਕਦਮ ਦੀ ਸ਼ਲਾਘਾ ਕਰਨਾ ਸ਼ੁਰੂ ਹੀ ਕਰ ਰਹੇ ਸਨ ਕਿ ਉਸ ਤੋਂ ਪਹਿਲਾਂ ਹੀ ਕਈ ਯੂਜ਼ਰਸ ਨੇ ਇਸ ਖ਼ਬਰ ਨੂੰ ਫੇਕ ਦੱਸ ਦਿੱਤਾ। ਨਾਲ ਹੀ ਇਹ ਸਾਫ਼ ਕੀਤਾ ਕਿ ਇਹ ਵੀਡੀਓ ਹੁਣ ਦਾ ਨਹੀਂ, ਸਗੋਂ ਸਾਲ 2025 ਦਾ ਹੈ। ਰਣਵੀਰ ਸਿੰਘ ਨੂੰ ਯਾਮੀ ਜਾਂ ਆਦਿਤਿਆ ਧਰ ਵੱਲੋਂ ਅਜਿਹਾ ਕੋਈ ਮਹਿੰਗਾ ਤੋਹਫ਼ਾ ਨਹੀਂ ਮਿਲਿਆ ਹੈ।

ਯੂਜ਼ਰਸ ਨੇ ਫੇਕ ਨਿਊਜ਼ ਫੈਲਾਉਣ ਵਾਲੇ ਇਸ ਵਿਅਕਤੀ 'ਤੇ ਆਪਣਾ ਗੁੱਸਾ ਜ਼ਾਹਰ ਕਰਦੇ ਹੋਏ ਲਿਖਿਆ, "ਤੁਸੀਂ ਫੇਕ ਨਿਊਜ਼ ਕਿਉਂ ਪੋਸਟ ਕਰ ਰਹੇ ਹੋ... ਕੁਝ ਪੈਸਿਆਂ ਅਤੇ ਰੀਚ ਲਈ ਸੱਚਮੁੱਚ ਤੁਸੀਂ ਕਿਸੇ ਵੀ ਹੱਦ ਤੱਕ ਗਿਰ ਸਕਦੇ ਹੋ।"

ਦੂਜੇ ਯੂਜ਼ਰ ਨੇ ਫਟਕਾਰ ਲਗਾਉਂਦੇ ਹੋਏ ਲਿਖਿਆ, "ਇਸ ਝੂਠੇ ਬਿਰਤਾਂਤ ਅਤੇ ਕਹਾਣੀਆਂ ਨੂੰ ਫੈਲਾਉਣਾ ਬੰਦ ਕਰੋ, ਇਹ ਵੀਡੀਓ ਪੁਰਾਣਾ ਹੈ।"

ਉੱਥੇ ਹੀ ਇੱਕ ਹੋਰ ਯੂਜ਼ਰ ਨੇ ਮਜ਼ਾਕ ਲੈਂਦਿਆਂ ਲਿਖਿਆ,"ਕੀ ਇਸ 5 ਕਰੋੜ ਦੇ ਗਿਫਟ ਬਾਰੇ ਖੁਦ ਯਾਮੀ ਅਤੇ ਰਣਵੀਰ ਸਿੰਘ ਨੂੰ ਵੀ ਪਤਾ ਹੈ?"