ਦਲੇਰ ਮਹਿੰਦੀ ਤੋਂ ਬਾਅਦ ਸਟੇਜ ’ਤੇ ਹੋਇਆ ਸ਼ਿਲਪਾ ਰਾਓ ਦਾ ਅਪਮਾਨ, ਰਾਸ਼ਟਰੀ ਫ਼ਿਲਮ ਪੁਰਸਕਾਰ ਜੇਤੂ ਗਾਇਕਾ ਦਾ ਛਲਕਿਆ ਦਰਦ

71ਵੇਂ ਰਾਸ਼ਟਰੀ ਫ਼ਿਲਮ ਪੁਰਸਕਾਰਾਂ ਵਿੱਚ ਜਿੱਤ ਹਾਸਲ ਕਰਨ ਵਾਲੀ ਸ਼ਿਲਪਾ ਰਾਓ ਨੇ ਇਸ ਪੂਰੇ ਮਾਮਲੇ ਬਾਰੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ’ਤੇ ਪਹਿਲੀ ਪ੍ਰਤੀਕਿਰਿਆ ਸਾਂਝੀ ਕੀਤੀ ਹੈ। ਪੋਸਟ ਵਿੱਚ ਉਨ੍ਹਾਂ ਨੇ ਲਿਖਿਆ,“ਮੁੰਬਈ, ਅੱਜ ਰਾਤ ਮੇਰੇ ਦਿਲ ਦਾ ਇੱਕ ਛੋਟਾ ਜਿਹਾ ਹਿੱਸਾ ਟੁੱਟ ਗਿਆ। ਇੰਨੀ ਖ਼ੂਬਸੂਰਤ ਚੀਜ਼ ਨੂੰ ਸਾਡੇ ਤੋਂ ਇਸ ਤਰ੍ਹਾਂ ਖੋਹ ਲੈਣਾ ਬਹੁਤ ਦੁਖਦਾਈ ਹੈ ਪਰ ਜਦੋਂ ਸੰਗੀਤ ਬੰਦ ਹੋ ਗਿਆ, ਉਦੋਂ ਵੀ ਤੁਸੀਂ ਨਹੀਂ ਰੁਕੇ। ਜਿਸ ਤਰ੍ਹਾਂ ਤੁਸੀਂ ਮੇਰਾ ਨਾਮ ਪੁਕਾਰਦੇ ਰਹੇ, ਤੁਹਾਡੀਆਂ ਆਵਾਜ਼ਾਂ ਵਿੱਚ ਪਿਆਰ ਸੀ। ਮੈਂ ਇਹ ਸਭ ਮਹਿਸੂਸ ਕਰ ਸਕਦੀ ਸੀ। ਅੱਜ ਰਾਤ ਸਾਡੀ ਕਹਾਣੀ ਅਧੂਰੀ ਰਹਿ ਗਈ। ਮੈਂ ਤੁਹਾਡੇ ਸਾਰਿਆਂ ਨਾਲ ਵਾਅਦਾ ਕਰਦੀ ਹਾਂ ਕਿ ਮੈਂ ਜਲਦੀ ਹੀ ਵਾਪਸ ਆਵਾਂਗੀ। ਮੁੰਬਈ, ਮੈਂ ਤੁਹਾਨੂੰ ਹਮੇਸ਼ਾ-ਹਮੇਸ਼ਾ ਪਿਆਰ ਕਰਦੀ ਰਹਾਂਗੀ।”