- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਡੇਬਿਊ 'ਚ ਹੀ ਵਰਲਡ ਕੱਪ...', Ramayana ਦੀ ਗ੍ਰੈਂਡ ਰਿਲੀਜ਼ 'ਤੇ ਬੋਲੇ ਨਮਿਤ ਮਲਹੋਤਰਾ, ਸਚਿਨ ਤੇਂਦੁਲਕਰ ਨਾਲ ਕੀਤੀ ਖ਼ੁਦ ਦੀ ਤੁਲਨਾ
ਨਮਿਤ ਨੇ ਕਿਹਾ ਹੈ ਕਿ ਉਨ੍ਹਾਂ ਦਾ ਸੁਪਨਾ ਇਸ ਫ਼ਿਲਮ ਰਾਹੀਂ ਭਾਰਤੀ ਕਹਾਣੀਆਂ ਨੂੰ ਗਲੋਬਲ ਪੱਧਰ 'ਤੇ ਪਹੁੰਚਾਉਣਾ ਹੈ। ਹੁਣ ਇੱਕ ਨਵੇਂ ਇੰਟਰਵਿਊ ਵਿੱਚ, ਉਨ੍ਹਾਂ ਨੇ ਆਪਣੇ ਇਸ ਸੁਪਨੇ 'ਤੇ ਫਿਰ ਤੋਂ ਜ਼ੋਰ ਦਿੱਤਾ ਅਤੇ ਖ਼ੁਦ ਦੀ ਤੁਲਨਾ ਕ੍ਰਿਕਟ ਦੇ ਦਿੱਗਜ ਸਚਿਨ ਤੇਂਦੁਲਕਰ ਨਾਲ ਕੀਤੀ।
Posted By Anuradha Bains
Publish Date: Thu, 05 Nov 2026 12:55 PM (IST)
Updated Date: Thu, 05 Nov 2026 12:58 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਰਣਬੀਰ ਕਪੂਰ (Ranbir Kapoor) ਦੀ ਰਾਮਾਇਣਮ (Ramayana) ਨੂੰ ਲੈ ਕੇ ਪ੍ਰਸ਼ੰਸਕ ਉਤਸ਼ਾਹਿਤ ਹਨ। ਨਿਤੇਸ਼ ਤਿਵਾਰੀ ਦੇ ਨਿਰਦੇਸ਼ਨ ਹੇਠ ਬਣੀ ਇਹ ਫ਼ਿਲਮ ਦੁਨੀਆ ਭਰ 'ਚ 70,000 ਸਕ੍ਰੀਨਜ਼ 'ਤੇ ਰਿਲੀਜ਼ ਹੋ ਚੁੱਕੀ ਹੈ।
ਇਹ ਅੰਕੜਾ ਹੁਣ ਤੱਕ ਕਿਸੇ ਵੀ ਭਾਰਤੀ ਫ਼ਿਲਮ ਦੀ ਰਿਲੀਜ਼ ਦੇ ਮੁਕਾਬਲੇ ਦੁੱਗਣੇ ਤੋਂ ਵੀ ਜ਼ਿਆਦਾ ਹੈ। ਇਸ ਦੀ ਗਲੋਬਲ ਗ੍ਰੈਂਡ ਰਿਲੀਜ਼ 'ਤੇ ਫ਼ਿਲਮ ਦੇ ਪ੍ਰੋਡਿਊਸਰ ਨਮਿਤ ਮਲਹੋਤਰਾ ਨੇ ਕਈ ਗੱਲਾਂ ਕਹੀਆਂ ਹਨ।
ਨਮਿਤ ਨੇ ਸਚਿਨ ਤੇਂਦੁਲਕਰ ਨਾਲ ਕੀਤੀ ਤੁਲਨਾ
ਨਮਿਤ ਨੇ ਕਿਹਾ ਹੈ ਕਿ ਉਨ੍ਹਾਂ ਦਾ ਸੁਪਨਾ ਇਸ ਫ਼ਿਲਮ ਰਾਹੀਂ ਭਾਰਤੀ ਕਹਾਣੀਆਂ ਨੂੰ ਗਲੋਬਲ ਪੱਧਰ 'ਤੇ ਪਹੁੰਚਾਉਣਾ ਹੈ। ਹੁਣ ਇੱਕ ਨਵੇਂ ਇੰਟਰਵਿਊ ਵਿੱਚ, ਉਨ੍ਹਾਂ ਨੇ ਆਪਣੇ ਇਸ ਸੁਪਨੇ 'ਤੇ ਫਿਰ ਤੋਂ ਜ਼ੋਰ ਦਿੱਤਾ ਅਤੇ ਖ਼ੁਦ ਦੀ ਤੁਲਨਾ ਕ੍ਰਿਕਟ ਦੇ ਦਿੱਗਜ ਸਚਿਨ ਤੇਂਦੁਲਕਰ ਨਾਲ ਕੀਤੀ। ![naidunia_image]()
.jpg)
ਰਿਲੀਜ਼ ਤੋਂ ਪਹਿਲਾਂ, 'ਰਾਮਾਇਣਮ' ਦਾ ਵਰਲਡ ਪ੍ਰੀਮੀਅਰ ਲਾਸ ਏਂਜਲਸ ਵਿੱਚ 'ਅਕੈਡਮੀ ਮਿਊਜ਼ੀਅਮ ਆਫ਼ ਮੋਸ਼ਨ ਪਿਕਚਰਜ਼' ਦੇ 'ਡੇਵਿਡ ਗੇਫੇਨ ਥੀਏਟਰ' ਵਿੱਚ ਹੋਇਆ, ਜਿੱਥੇ ਆਸਕਰ ਲਈ ਨਾਮਜ਼ਦ ਹੋਣ ਵਾਲੀਆਂ ਫ਼ਿਲਮਾਂ ਦਿਖਾਈਆਂ ਜਾਂਦੀਆਂ ਹਨ।
ਨਵੇਂ ਅੰਦਾਜ਼ 'ਚ ਪੇਸ਼ ਕਰਨ ਦਾ ਮੌਕਾ ਮਿਲਿਆ - ਨਮਿਤ
ਇਸ ਨੂੰ ਕਿਸੇ ਭਾਰਤੀ ਫ਼ਿਲਮ ਲਈ ਇੱਕ ਬਹੁਤ ਵੱਡੀ ਪ੍ਰਾਪਤੀ ਮੰਨਿਆ ਗਿਆ। ਪੀ.ਟੀ.ਆਈ. (PTI) ਨਾਲ ਗੱਲਬਾਤ ਕਰਦਿਆਂ ਨਮਿਤ ਨੇ ਕਿਹਾ, 'ਇਸ ਸਮੇਂ ਮੈਂ ਸਭ ਤੋਂ ਜ਼ਿਆਦਾ ਧੰਨਵਾਦੀ ਮਹਿਸੂਸ ਕਰ ਰਿਹਾ ਹਾਂ। ਮੇਰੇ ਲਈ ਇਹ ਗੱਲ ਅਟੱਲ ਹੈ ਕਿ ਸਾਡੀ ਫ਼ਿਲਮ ਇੰਡਸਟਰੀ 100 ਸਾਲ ਤੋਂ ਜ਼ਿਆਦਾ ਪੁਰਾਣੀ ਹੈ ਅਤੇ ਮੈਨੂੰ 'ਰਾਮਾਇਣਮ' ਨੂੰ ਪ੍ਰੋਡਿਊਸ ਕਰਨ ਅਤੇ ਇਸ ਨੂੰ ਦੁਨੀਆ ਦੇ ਸਾਹਮਣੇ ਇੱਕ ਬਿਲਕੁਲ ਨਵੇਂ ਅੰਦਾਜ਼ ਵਿੱਚ ਪੇਸ਼ ਕਰਨ ਦਾ ਇਹ ਸੁਨਹਿਰੀ ਮੌਕਾ ਮਿਲਿਆ ਹੈ।'
'ਮੇਰੇ ਤੋਂ ਪਹਿਲਾਂ ਕਈ ਪੀੜ੍ਹੀਆਂ ਦੇ ਫ਼ਿਲਮਮੇਕਰ ਆਏ ਹਨ, ਜਿਨ੍ਹਾਂ ਨੇ ਭਾਰਤ ਵਿੱਚ ਬਿਹਤਰੀਨ ਕੰਮ ਕੀਤਾ ਹੈ। ਪਰ, ਇਸ ਤਰ੍ਹਾਂ ਦੀ 'ਰਾਮਾਇਣਮ' ਕਿਸੇ ਵੀ ਭਾਰਤੀ ਫ਼ਿਲਮਮੇਕਰ ਨੇ ਪਹਿਲਾਂ ਕਦੇ ਨਹੀਂ ਬਣਾਈ ਹੈ। ਅੱਜ ਮੈਨੂੰ ਇਹ ਮੌਕਾ ਮਿਲਿਆ ਹੈ। ਇਹ ਬਿਲਕੁਲ ਉਂਝ ਹੀ ਹੈ ਜਿਵੇਂ ਸਚਿਨ ਤੇਂਦੁਲਕਰ ਨੂੰ ਉਨ੍ਹਾਂ ਦੇ ਡੇਬਿਊ ਮੈਚ ਵਿੱਚ ਹੀ ਵਰਲਡ ਕੱਪ ਖੇਡਣ ਲਈ ਚੁਣ ਲਿਆ ਜਾਵੇ।'
ਵਿਦੇਸ਼ੀ ਦਰਸ਼ਕਾਂ ਨੂੰ ਕਰਵਾਉਣਾ ਸੀ ਜਾਣੂ
ਵਾਮੀਕੀ ਦੁਆਰਾ ਰਚਿਤ ਮਹਾਕਾਵਿ 'ਤੇ ਆਧਾਰਿਤ ਰਾਮਾਇਣ ਇੱਕ ਅਜਿਹੀ ਕਹਾਣੀ ਹੈ ਜਿਸ ਨੂੰ ਲਗਭਗ ਹਰ ਭਾਰਤੀ ਜਾਣਦਾ ਹੈ। ਪਰ ਪੱਛਮੀ ਦੇਸ਼ਾਂ ਦੇ ਲੋਕਾਂ ਲਈ, ਇਹ ਕਾਫ਼ੀ ਹੱਦ ਤੱਕ ਨਵੀਂ ਹੈ। ਨਮਿਤ ਦਾ ਕਹਿਣਾ ਹੈ ਕਿ ਇਸ ਫ਼ਿਲਮ ਰਾਹੀਂ ਉਹ ਪੱਛਮੀ ਦਰਸ਼ਕਾਂ ਨੂੰ ਇਸ ਕਹਾਣੀ ਨਾਲ ਜਾਣੂ ਕਰਵਾਉਣਾ ਚਾਹੁੰਦੇ ਹਨ।
ਨਿਤੇਸ਼ ਤਿਵਾਰੀ ਦੁਆਰਾ ਨਿਰਦੇਸ਼ਿਤ ਅਤੇ ਨਮਿਤ ਦੀ 'ਪ੍ਰਾਈਮ ਫੋਕਸ' ਤੇ ਯਸ਼ ਦੀ 'ਮਾਨਸਟਰ ਮਾਈਂਡ ਕ੍ਰਿਏਸ਼ਨਜ਼' ਦੁਆਰਾ ਨਿਰਮਿਤ 'ਰਾਮਾਇਣ' ਵਿੱਚ ਰਣਬੀਰ ਕਪੂਰ ਭਗਵਾਨ ਰਾਮ ਦੇ ਰੂਪ ਵਿੱਚ, ਸਾਈ ਪੱਲਵੀ ਸੀਤਾ ਦੇ ਰੂਪ ਵਿੱਚ ਅਤੇ ਯਸ਼ ਰਾਵਣ ਦੇ ਰੂਪ ਵਿੱਚ ਨਜ਼ਰ ਆਏ ਹਨ।