UGC NET June 2026: JRF, ਅਸਿਸਟੈਂਟ ਪ੍ਰੋਫੈਸਰ ਤੇ ਪੀਐੱਚਡੀ ਦਾਖ਼ਲੇ ਲਈ ਈ-ਸਰਟੀਫਿਕੇਟ ਜਾਰੀ, ਇੱਥੋਂ ਕਰੋ ਡਾਊਨਲੋਡ

ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਵੱਲੋਂ ਯੂਜੀਸੀ ਨੈੱਟ ਜੂਨ 2026 ਦੀ ਪ੍ਰੀਖਿਆ ਅਤੇ ਰੀ-ਐਗਜ਼ਾਮ ਦਾ ਨਤੀਜਾ ਜਾਰੀ ਕਰਨ ਤੋਂ ਬਾਅਦ ਹੁਣ ਈ-ਸਰਟੀਫਿਕੇਟ (E-Certificates) ਵੀ ਜਾਰੀ ਕਰ ਦਿੱਤੇ ਗਏ ਹਨ। ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ ugcnet.nta.nic.in ’ਤੇ ਲੌਗਇਨ ਵੇਰਵੇ ਦਰਜ ਕਰਕੇ ਈ-ਸਰਟੀਫਿਕੇਟ ਆਨਲਾਈਨ ਡਾਊਨਲੋਡ ਕਰ ਸਕਦੇ ਹਨ।

ਤਿੰਨ ਸ਼੍ਰੇਣੀਆਂ ਲਈ ਜਾਰੀ ਕੀਤੇ ਗਏ ਸਰਟੀਫਿਕੇਟ

ਐੱਨਟੀਏ ਵੱਲੋਂ ਯੂਜੀਸੀ ਨੈੱਟ ਜੂਨ 2026 ਸੈਸ਼ਨ ਦੀ ਪ੍ਰੀਖਿਆ ਲਈ ਈ-ਸਰਟੀਫਿਕੇਟ ਜਾਰੀ ਕੀਤੇ ਗਏ ਹਨ। ਉਮੀਦਵਾਰ ਤਿੰਨ ਸ਼੍ਰੇਣੀਆਂ—JRF, ਅਸਿਸਟੈਂਟ ਪ੍ਰੋਫੈਸਰ ਅਤੇ ਪੀਐੱਚਡੀ ਦਾਖ਼ਲਾ ਸ਼੍ਰੇਣੀ—ਲਈ ਸਰਟੀਫਿਕੇਟ ਡਾਊਨਲੋਡ ਕਰ ਸਕਦੇ ਹਨ।

ਸਰਟੀਫਿਕੇਟ ਡਾਊਨਲੋਡ ਕਰਨ ਦਾ ਤਰੀਕਾ

ਯੂਜੀਸੀ ਨੈੱਟ ਜੂਨ 2026 ਦਾ ਸਰਟੀਫਿਕੇਟ ਡਾਊਨਲੋਡ ਕਰਨ ਲਈ ਸਭ ਤੋਂ ਪਹਿਲਾਂ ਵੈੱਬਸਾਈਟ ugcnet.nta.nic.in ’ਤੇ ਜਾਓ।

ਹੋਮ ਪੇਜ ’ਤੇ Candidate Activity ਵਿੱਚ Issuance of e-Certificates for UGC-NET June 2026 Examination ’ਤੇ ਕਲਿੱਕ ਕਰੋ।

ਹੁਣ ਆਪਣਾ ਐਪਲੀਕੇਸ਼ਨ ਨੰਬਰ, ਪਾਸਵਰਡ ਅਤੇ ਦਿੱਤਾ ਗਿਆ ਕੈਪਚਾ ਕੋਡ ਦਰਜ ਕਰਕੇ ਸਬਮਿਟ ਬਟਨ ’ਤੇ ਕਲਿੱਕ ਕਰੋ।

ਇਸ ਤੋਂ ਬਾਅਦ ਤੁਹਾਡਾ ਸਰਟੀਫਿਕੇਟ ਸਕ੍ਰੀਨ ’ਤੇ ਖੁੱਲ੍ਹ ਜਾਵੇਗਾ, ਜਿਸ ਨੂੰ ਤੁਸੀਂ ਉੱਥੋਂ ਡਾਊਨਲੋਡ ਕਰ ਸਕਦੇ ਹੋ।

ਦਾਖ਼ਲੇ ਲਈ ਕੀਤਾ ਜਾ ਸਕਦਾ ਹੈ ਇਸਤੇਮਾਲ

ਯੂਜੀਸੀ ਨੈੱਟ ਈ-ਸਰਟੀਫਿਕੇਟ ਦੀ ਵਰਤੋਂ ਪੀਐੱਚਡੀ ਦਾਖ਼ਲੇ ਸਮੇਤ ਹੋਰ ਜ਼ਰੂਰੀ ਥਾਵਾਂ ’ਤੇ ਕੀਤੀ ਜਾ ਸਕਦੀ ਹੈ। ਵਧੇਰੇ ਜਾਣਕਾਰੀ ਲਈ ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ ’ਤੇ ਜਾ ਸਕਦੇ ਹਨ।

ਦਸੰਬਰ ਸੈਸ਼ਨ ਲਈ ਅਰਜ਼ੀਆਂ ਜਲਦ ਸ਼ੁਰੂ ਹੋਣ ਦੀ ਉਮੀਦ

ਐੱਨਟੀਏ ਵੱਲੋਂ ਯੂਜੀਸੀ ਨੈੱਟ ਦਸੰਬਰ ਪ੍ਰੀਖਿਆ ਲਈ ਪ੍ਰੀਖਿਆ ਦੀਆਂ ਤਰੀਕਾਂ ਦਾ ਐਲਾਨ ਪਹਿਲਾਂ ਹੀ ਕੀਤਾ ਜਾ ਚੁੱਕਾ ਹੈ। ਜਾਰੀ ਕੀਤੇ ਗਏ ਪ੍ਰੀਖਿਆ ਕੈਲੰਡਰ ਮੁਤਾਬਕ, ਯੂਜੀਸੀ ਨੈੱਟ (December Cycle) ਦੀ ਪ੍ਰੀਖਿਆ 14 ਤੋਂ 19 ਦਸੰਬਰ 2026 ਤੱਕ ਦੇਸ਼ ਭਰ ਦੇ ਨਿਰਧਾਰਤ ਪ੍ਰੀਖਿਆ ਕੇਂਦਰਾਂ ’ਤੇ ਕਰਵਾਈ ਜਾਵੇਗੀ।

ਪਿਛਲੇ ਸਾਲ ਅਕਤੂਬਰ ਮਹੀਨੇ ਤੋਂ ਹੀ ਪ੍ਰੀਖਿਆ ਲਈ ਅਰਜ਼ੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਸਨ। ਅਜਿਹੇ ਵਿੱਚ ਉਮੀਦਵਾਰਾਂ ਨੂੰ ਉਮੀਦ ਹੈ ਕਿ ਦਸੰਬਰ ਸੈਸ਼ਨ ਲਈ ਜਲਦ ਹੀ ਨੋਟੀਫਿਕੇਸ਼ਨ ਜਾਰੀ ਕਰਕੇ ਅਰਜ਼ੀਆਂ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਜਾ ਸਕਦੀ ਹੈ।