UGC NET 2026: ਅਰਜ਼ੀ ਫਾਰਮ 'ਚ ਸੁਧਾਰ ਲਈ ਵਿੰਡੋ ਖੁੱਲ੍ਹੀ, ਜਾਣੋ ਕਿਹੜੀਆਂ ਜਾਣਕਾਰੀਆਂ 'ਚ ਕਰ ਸਕਦੇ ਹੋ ਤਬਦੀਲੀ

ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: ਨੈਸ਼ਨਲ ਟੈਸਟਿੰਗ ਏਜੰਸੀ (ਐੱਨਟੀਏ) ਵੱਲੋਂ ਯੂਜੀਸੀ ਨੈੱਟ ਦਸੰਬਰ 2026 ਦੇ ਅਰਜ਼ੀ ਫਾਰਮ ਵਿੱਚ ਸੁਧਾਰ ਲਈ ਕਰੈਕਸ਼ਨ ਵਿੰਡੋ ਖੋਲ੍ਹ ਦਿੱਤੀ ਗਈ ਹੈ। ਇਹ ਵਿੰਡੋ 4 ਨਵੰਬਰ 2026 ਨੂੰ ਰਾਤ 11 ਵੱਜ ਕੇ 50 ਮਿੰਟ ਤੱਕ ਖੁੱਲ੍ਹੀ ਰਹੇਗੀ। ਅਜਿਹੇ ਵਿੱਚ ਜਿਨ੍ਹਾਂ ਉਮੀਦਵਾਰਾਂ ਤੋਂ ਅਰਜ਼ੀ ਭਰਦੇ ਸਮੇਂ ਨਾਂ ਦੀ ਸਪੈਲਿੰਗ ਜਾਂ ਹੋਰ ਕੋਈ ਗ਼ਲਤੀ ਹੋ ਗਈ ਹੈ, ਉਹ ਨਿਰਧਾਰਤ ਸਮੇਂ ਅੰਦਰ ਅਧਿਕਾਰਤ ਵੈੱਬਸਾਈਟ ugcnet.nta.nic.in ’ਤੇ ਜਾ ਕੇ ਆਨਲਾਈਨ ਸੁਧਾਰ ਕਰ ਸਕਦੇ ਹਨ।

ਕਿਹੜੀਆਂ ਜਾਣਕਾਰੀਆਂ ਵਿੱਚ ਕੀਤਾ ਜਾ ਸਕਦਾ ਹੈ ਸੁਧਾਰ

ਐੱਨਟੀਏ ਵੱਲੋਂ ਦੱਸਿਆ ਗਿਆ ਹੈ ਕਿ ਅਰਜ਼ੀ ਫਾਰਮ ਦੇ ਕਿਹੜੇ ਵੇਰਵਿਆਂ ਵਿੱਚ ਤਬਦੀਲੀ ਕੀਤੀ ਜਾ ਸਕਦੀ ਹੈ ਅਤੇ ਕਿਹੜਿਆਂ ਵਿੱਚ ਨਹੀਂ।

ਇਨ੍ਹਾਂ ਜਾਣਕਾਰੀਆਂ ਵਿੱਚ ਕਰ ਸਕਦੇ ਹੋ ਸੋਧ

- ਉਮੀਦਵਾਰ ਦਾ ਨਾਂ

- ਪਿਤਾ ਦਾ ਨਾਂ

- ਮਾਤਾ ਦਾ ਨਾਂ

ਇਨ੍ਹਾਂ ਜਾਣਕਾਰੀਆਂ ਵਿੱਚ ਨਹੀਂ ਹੋਵੇਗੀ ਤਬਦੀਲੀ

- ਮੋਬਾਈਲ ਨੰਬਰ

- ਈਮੇਲ ਪਤਾ

- ਪੱਕਾ ਜਾਂ ਮੌਜੂਦਾ ਰਿਹਾਇਸ਼ੀ ਪਤਾ

- ਅਪਲੋਡ ਕੀਤੀ ਗਈ ਫੋਟੋ

- ਅਪਲੋਡ ਕੀਤੇ ਗਏ ਦਸਤਖ਼ਤ

ਇਸ ਤਰ੍ਹਾਂ ਕਰੋ ਫਾਰਮ ਵਿੱਚ ਸੁਧਾਰ

1. ਯੂਜੀਸੀ ਨੈੱਟ ਦੇ ਅਰਜ਼ੀ ਫਾਰਮ ਵਿੱਚ ਸੁਧਾਰ ਕਰਨ ਲਈ ਅਧਿਕਾਰਤ ਵੈੱਬਸਾਈਟ ’ਤੇ ਜਾਓ।

2. ਹੋਮ ਪੇਜ ’ਤੇ ਕਰੈਕਸ਼ਨ/ਐਪਲੀਕੇਸ਼ਨ ਫਾਰਮ ਦੇ ਲਿੰਕ ’ਤੇ ਕਲਿੱਕ ਕਰੋ।

3. ਲੌਗਇਨ ’ਤੇ ਕਲਿੱਕ ਕਰਨ ਤੋਂ ਬਾਅਦ ਮੰਗੀ ਗਈ ਜਾਣਕਾਰੀ ਭਰੋ।

4. ਫਾਰਮ ਖੁੱਲ੍ਹਣ ਤੋਂ ਬਾਅਦ ਸਬੰਧਤ ਜਾਣਕਾਰੀਆਂ ਵਿੱਚ ਲੋੜੀਂਦੀ ਸੋਧ ਕਰੋ।

5. ਫਾਰਮ ਸਬਮਿਟ ਕਰ ਦਿਓ ਅਤੇ ਇਸ ਦਾ ਨਵਾਂ ਪ੍ਰਿੰਟਆਊਟ ਕੱਢ ਕੇ ਆਪਣੇ ਕੋਲ ਰੱਖ ਲਓ।

ਪ੍ਰੀਖਿਆ ਦੀ ਤਰੀਕ, ਐਡਮਿਟ ਕਾਰਡ ਅਤੇ ਸਿਟੀ ਸਲਿੱਪ

ਨੈਸ਼ਨਲ ਟੈਸਟਿੰਗ ਏਜੰਸੀ ਵੱਲੋਂ ਯੂਜੀਸੀ ਨੈੱਟ ਦਸੰਬਰ ਸੈਸ਼ਨ ਦੀ ਪ੍ਰੀਖਿਆ 14 ਤੋਂ 18 ਦਸੰਬਰ ਅਤੇ 21 ਦਸੰਬਰ 2026 ਨੂੰ ਦੇਸ਼ ਭਰ ਦੇ ਨਿਰਧਾਰਤ ਪ੍ਰੀਖਿਆ ਕੇਂਦਰਾਂ ਵਿੱਚ ਕਰਵਾਈ ਜਾਵੇਗੀ। ਪ੍ਰੀਖਿਆ ਲਈ ਸਿਟੀ ਇੰਟੀਮੇਸ਼ਨ ਸਲਿੱਪ 23 ਨਵੰਬਰ 2026 ਨੂੰ ਅਤੇ ਐਡਮਿਟ ਕਾਰਡ 7 ਦਸੰਬਰ 2026 ਨੂੰ ਜਾਰੀ ਕੀਤੇ ਜਾਣਗੇ।