- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
SSC CGL 2026 Exam Date: SSC ਸੀਜੀਐੱਲ ਟੀਅਰ-1 ਪ੍ਰੀਖਿਆ ਦਾ ਸ਼ਡਿਊਲ ਜਾਰੀ, 30 ਸਤੰਬਰ ਤੋਂ ਇਸ ਤਾਰੀਖ ਤੱਕ ਹੋਣਗੀਆਂ ਪ੍ਰੀਖਿਆਵਾਂ
ਸਟਾਫ਼ ਸਿਲੈਕਸ਼ਨ ਕਮਿਸ਼ਨ (SSC) ਵੱਲੋਂ ਇਸ ਭਰਤੀ ਦੇ ਪਹਿਲੇ ਪੜਾਅ ਦੀ ਪ੍ਰੀਖਿਆ ਦੀਆਂ ਤਾਰੀਖਾਂ (SSC CGL Tier-1 exam dates) ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਐੱਸਐੱਸਸੀ ਵੱਲੋਂ ਸ਼ਡਿਊਲ ਦੀ ਜਾਣਕਾਰੀ ਅਧਿਕਾਰਤ ਵੈੱਬਸਾਈਟ ssc.gov.in ’ਤੇ ਨੋਟੀਫਿਕੇਸ਼ਨ ਜਾਰੀ ਕਰਕੇ ਸਾਂਝੀ ਕੀਤੀ ਗਈ ਹੈ।
Posted By Sandip Kaur
Publish Date: Sun, 13 Sep 2026 10:59 AM (IST)
Updated Date: Sun, 13 Sep 2026 11:02 AM (IST)
ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ : ਸੰਯੁਕਤ ਗ੍ਰੈਜੂਏਟ ਪੱਧਰੀ ਭਰਤੀ ਪ੍ਰੀਖਿਆ ਯਾਨੀ SSC CGL 2026 ਲਈ ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਲਈ ਵੱਡੀ ਖ਼ਬਰ ਹੈ। ਸਟਾਫ਼ ਸਿਲੈਕਸ਼ਨ ਕਮਿਸ਼ਨ (SSC) ਵੱਲੋਂ ਇਸ ਭਰਤੀ ਦੇ ਪਹਿਲੇ ਪੜਾਅ ਦੀ ਪ੍ਰੀਖਿਆ ਦੀਆਂ ਤਾਰੀਖਾਂ (SSC CGL Tier-1 exam dates) ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਐੱਸਐੱਸਸੀ ਵੱਲੋਂ ਸ਼ਡਿਊਲ ਦੀ ਜਾਣਕਾਰੀ ਅਧਿਕਾਰਤ ਵੈੱਬਸਾਈਟ ssc.gov.in ’ਤੇ ਨੋਟੀਫਿਕੇਸ਼ਨ ਜਾਰੀ ਕਰਕੇ ਸਾਂਝੀ ਕੀਤੀ ਗਈ ਹੈ।
ਦੇਖੋ ਸ਼ਡਿਊਲ
ਐੱਸਐੱਸਸੀ ਵੱਲੋਂ ਜਾਰੀ ਨੋਟਿਸ ਮੁਤਾਬਕ ਸੀਜੀਐੱਲ ਟੀਅਰ-1 ਪ੍ਰੀਖਿਆ ਦੇਸ਼ ਭਰ ਵਿੱਚ ਨਿਰਧਾਰਤ ਕੇਂਦਰਾਂ ’ਤੇ 30 ਸਤੰਬਰ ਤੋਂ ਸ਼ੁਰੂ ਹੋ ਕੇ 30 ਅਕਤੂਬਰ 2026 ਤੱਕ ਕਰਵਾਈ ਜਾਵੇਗੀ।
ਸਿਟੀ ਸਲਿੱਪ ਅਤੇ ਐਡਮਿਟ ਕਾਰਡ ਕਦੋਂ ਹੋਣਗੇ ਜਾਰੀ
ਇਸ ਭਰਤੀ ਲਈ ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਲਈ ਐੱਸਐੱਸਸੀ ਵੱਲੋਂ ਐਗਜ਼ਾਮ ਸਿਟੀ ਇੰਟੀਮੇਸ਼ਨ ਸਲਿੱਪ ਪ੍ਰੀਖਿਆ ਦੀ ਤਾਰੀਖ ਤੋਂ 10 ਦਿਨ ਪਹਿਲਾਂ ਜਾਰੀ ਕਰ ਦਿੱਤੀ ਜਾਵੇਗੀ। ਇਸ ਨਾਲ ਸਾਰੇ ਉਮੀਦਵਾਰ ਆਪਣੇ ਪ੍ਰੀਖਿਆ ਸ਼ਹਿਰ ਦੀ ਜਾਣਕਾਰੀ ਹਾਸਲ ਕਰਕੇ ਪਹਿਲਾਂ ਤੋਂ ਯਾਤਰਾ ਦੀ ਤਿਆਰੀ ਕਰ ਸਕਣਗੇ। ਇਸ ਤੋਂ ਇਲਾਵਾ ਐਡਮਿਟ ਕਾਰਡ ਐਗਜ਼ਾਮ ਦੀ ਤਾਰੀਖ ਤੋਂ 3 ਤੋਂ 4 ਦਿਨ ਪਹਿਲਾਂ ਉਪਲਬਧ ਕਰਵਾ ਦਿੱਤੇ ਜਾਣਗੇ।
ਐਗਜ਼ਾਮ ਪੈਟਰਨ
ਐੱਸਐੱਸਸੀ ਸੀਜੀਐੱਲ ਟੀਅਰ-1 ਪ੍ਰੀਖਿਆ ਵਿੱਚ ਉਮੀਦਵਾਰਾਂ ਤੋਂ ਬਹੁ-ਵਿਕਲਪੀ ਕਿਸਮ ਦੇ 100 ਸਵਾਲ ਪੁੱਛੇ ਜਾਣਗੇ। ਪ੍ਰਸ਼ਨ ਪੱਤਰ ਵਿੱਚ ਜਨਰਲ ਇੰਟੈਲੀਜੈਂਸ ਅਤੇ ਰੀਜ਼ਨਿੰਗ ਤੋਂ 25, ਜਨਰਲ ਅਵੇਅਰਨੈੱਸ ਤੋਂ 25, ਕਵਾਂਟੀਟੇਟਿਵ ਐਪਟੀਟਿਊਡ ਤੋਂ 25 ਅਤੇ ਇੰਗਲਿਸ਼ ਕੌਮਪ੍ਰਿਹੈਂਸ਼ਨ ਤੋਂ 25 ਸਵਾਲ ਪੁੱਛੇ ਜਾਣਗੇ। ਪ੍ਰਸ਼ਨ ਪੱਤਰ ਹੱਲ ਕਰਨ ਲਈ ਉਮੀਦਵਾਰਾਂ ਨੂੰ 1 ਘੰਟੇ ਦਾ ਸਮਾਂ ਦਿੱਤਾ ਜਾਵੇਗਾ।
ਹਰੇਕ ਸਹੀ ਉੱਤਰ ਲਈ 2 ਅੰਕ ਦਿੱਤੇ ਜਾਣਗੇ, ਜਦਕਿ ਗਲਤ ਉੱਤਰ ਦੇਣ ’ਤੇ 0.5 ਅੰਕਾਂ ਦੀ ਕਟੌਤੀ ਕੀਤੀ ਜਾਵੇਗੀ। ਜਿਹੜੇ ਉਮੀਦਵਾਰ ਟੀਅਰ-1 ਪ੍ਰੀਖਿਆ ਵਿੱਚ ਨਿਰਧਾਰਤ ਕਟਆਫ਼ ਅੰਕ ਹਾਸਲ ਕਰਨਗੇ, ਸਿਰਫ਼ ਉਹੀ ਟੀਅਰ-2 ਪ੍ਰੀਖਿਆ ਲਈ ਕੁਆਲੀਫਾਈ ਮੰਨੇ ਜਾਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਭਰਤੀ ਰਾਹੀਂ ਕੁੱਲ 12,256 ਖਾਲੀ ਅਸਾਮੀਆਂ ’ਤੇ ਨਿਯੁਕਤੀਆਂ ਕੀਤੀਆਂ ਜਾਣਗੀਆਂ।