RMS CET 2026: ਨੈਸ਼ਨਲ ਮਿਲਟਰੀ ਸਕੂਲ ਦਾਖਲਾ ਪ੍ਰੀਖਿਆ ਲਈ ਆਨਲਾਈਨ ਅਰਜ਼ੀਆਂ ਸ਼ੁਰੂ, ਛੇਵੀਂ ਤੇ ਨੌਵੀਂ ਜਮਾਤ 'ਚ ਦਾਖਲੇ ਲਈ ਕਰੋ ਅਪਲਾਈ

ਛੇਵੀਂ ਅਤੇ ਨੌਵੀਂ ਜਮਾਤ ਵਿੱਚ ਦਾਖਲੇ ਲਈ ਯੋਗਤਾ

ਛੇਵੀਂ ਜਮਾਤ ਲਈ: ਦਾਖਲੇ ਵਾਸਤੇ ਬੱਚੇ ਦਾ ਪੰਜਵੀਂ ਜਮਾਤ ਪਾਸ ਜਾਂ ਪੰਜਵੀਂ ਜਮਾਤ ਵਿੱਚ ਪੜ੍ਹ ਰਿਹਾ ਹੋਣਾ ਜ਼ਰੂਰੀ ਹੈ। ਇਸ ਦੇ ਨਾਲ ਹੀ 31 ਮਾਰਚ 2027 ਨੂੰ ਵਿਦਿਆਰਥੀ ਦੀ ਉਮਰ 10 ਤੋਂ 13 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ।

ਨੌਵੀਂ ਜਮਾਤ ਲਈ: ਵਿਦਿਆਰਥੀ ਦਾ ਅੱਠਵੀਂ ਜਮਾਤ ਪਾਸ ਜਾਂ ਅੱਠਵੀਂ ਜਮਾਤ ਵਿੱਚ ਪੜ੍ਹ ਰਿਹਾ ਹੋਣਾ ਲਾਜ਼ਮੀ ਹੈ। 31 ਮਾਰਚ 2027 ਨੂੰ ਵਿਦਿਆਰਥੀ ਦੀ ਉਮਰ 10 ਤੋਂ 16 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ।

RMS CET Application Form 2026

ਅਰਜ਼ੀ ਭਰਨ ਦਾ ਤਰੀਕਾ

ਮਾਪੇ ਆਪਣੇ ਬੱਚੇ ਦਾ ਫਾਰਮ ਘਰ ਬੈਠੇ ਖੁਦ ਭਰ ਸਕਦੇ ਹਨ। ਅਰਜ਼ੀ ਦੇਣ ਲਈ ਹੇਠ ਲਿਖੇ Steps ਦੀ ਪਾਲਣਾ ਕਰੋ:

1. ਸਭ ਤੋਂ ਪਹਿਲਾਂ ਵੈੱਬਸਾਈਟ exams.nta.nic.in/rmscet ’ਤੇ ਜਾਓ।

2. ਹੋਮ ਪੇਜ ’ਤੇ ‘Latest News’ ਵਿੱਚ RMS CET – 2026 Online Application ’ਤੇ ਕਲਿੱਕ ਕਰੋ।

3. ‘New Registration’ ’ਤੇ ਕਲਿੱਕ ਕਰਕੇ ਮੰਗੀ ਗਈ ਜਾਣਕਾਰੀ ਭਰੋ ਅਤੇ ਰਜਿਸਟ੍ਰੇਸ਼ਨ ਪੂਰੀ ਕਰੋ।

4. ਇਸ ਤੋਂ ਬਾਅਦ ਹੋਰ ਲੋੜੀਂਦੇ ਵੇਰਵੇ ਭਰ ਕੇ ਫਾਰਮ ਪੂਰਾ ਕਰੋ।

5. ਆਪਣੀ ਫੋਟੋ ਅਤੇ ਦਸਤਖ਼ਤ ਅਪਲੋਡ ਕਰੋ।

6. ਸ਼੍ਰੇਣੀ ਅਨੁਸਾਰ ਨਿਰਧਾਰਤ ਅਰਜ਼ੀ ਫੀਸ ਜਮ੍ਹਾਂ ਕਰੋ।

7. ਫਾਰਮ ਸਬਮਿਟ ਕਰੋ ਅਤੇ ਇਸ ਦਾ ਪ੍ਰਿੰਟਆਉਟ ਕੱਢ ਕੇ ਰੱਖ ਲਓ।

ਕਿੰਨੀ ਹੋਵੇਗੀ ਅਰਜ਼ੀ ਫੀਸ?

* ਜਨਰਲ ਅਤੇ ਓਬੀਸੀ ਸ਼੍ਰੇਣੀ: 1,000 ਰੁਪਏ।

* ਐੱਸਸੀ, ਐੱਸਟੀ ਅਤੇ ਡਿਊਟੀ ਦੌਰਾਨ ਸ਼ਹੀਦ ਹੋਏ ਕਰਮਚਾਰੀਆਂ ਦੇ ਆਸ਼ਰਿਤ: 750 ਰੁਪਏ।

* ਲੇਟ ਫੀਸ ਨਾਲ ਅਰਜ਼ੀ ਦੇਣ ’ਤੇ: 500 ਰੁਪਏ ਵਾਧੂ ਜਮ੍ਹਾਂ ਕਰਨੇ ਪੈਣਗੇ।

ਨੋਟ: ਅਰਜ਼ੀ ਦੇਣ ਤੋਂ ਪਹਿਲਾਂ ਐੱਨਟੀਏ ਦੀ ਅਧਿਕਾਰਤ ਵੈੱਬਸਾਈਟ ’ਤੇ ਜਾਰੀ ਨੋਟੀਫਿਕੇਸ਼ਨ ਵਿੱਚ ਯੋਗਤਾ, ਉਮਰ ਸੀਮਾ ਅਤੇ ਫੀਸ ਦੀ ਪੁਸ਼ਟੀ ਕਰ ਲਓ।