India Post GDS Result 2026: ਦਸਤਾਵੇਜ਼ ਤਸਦੀਕ ਲਈ ਇਹ ਦਸਤਾਵੇਜ਼ ਰੱਖੋ ਤਿਆਰ, GDS ਦੀ ਪਹਿਲੀ ਮੈਰਿਟ ਲਿਸਟ ਇਸ ਤਾਰੀਖ ਤੱਕ ਆਉਣ ਦੀ ਉਮੀਦ

ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: ਇੰਡੀਆ ਪੋਸਟ ਗ੍ਰਾਮੀਣ ਡਾਕ ਸੇਵਕ (GDS) ਭਰਤੀ 2026 ਲਈ ਅਰਜ਼ੀਆਂ 19 ਸਤੰਬਰ ਤੱਕ ਲਈਆਂ ਗਈਆਂ ਸਨ। ਉੱਥੇ ਹੀ 23 ਤੋਂ 24 ਸਤੰਬਰ 2026 ਤੱਕ ਉਮੀਦਵਾਰਾਂ ਨੂੰ ਅਰਜ਼ੀ ਵਿੱਚ ਸੋਧ ਕਰਨ ਦਾ ਮੌਕਾ ਦਿੱਤਾ ਗਿਆ ਸੀ। ਇਸ ਭਰਤੀ ਲਈ ਅਰਜ਼ੀ ਦੇਣ ਵਾਲੇ ਲੱਖਾਂ ਉਮੀਦਵਾਰਾਂ ਨੂੰ ਨਤੀਜੇ ਜਾਰੀ ਹੋਣ ਦੀ ਉਡੀਕ ਹੈ, ਜੋ ਜਲਦ ਹੀ ਖ਼ਤਮ ਹੋ ਸਕਦੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਨਤੀਜਾ ਅਕਤੂਬਰ ਦੇ ਪਹਿਲੇ ਜਾਂ ਦੂਜੇ ਹਫ਼ਤੇ ਵਿੱਚ ਜਾਰੀ ਹੋਣ ਦੀ ਉਮੀਦ ਹੈ।

ਨਤੀਜਾ ਆਉਣ ਤੋਂ ਬਾਅਦ ਦਸਤਾਵੇਜ਼ ਤਸਦੀਕ ਪ੍ਰਕਿਰਿਆ ਵਿੱਚ ਹੋਣਾ ਪਵੇਗਾ ਸ਼ਾਮਲ

ਉਮੀਦਵਾਰਾਂ ਨੂੰ ਦੱਸ ਦੇਈਏ ਕਿ ਇਸ ਭਰਤੀ ਲਈ ਕਿਸੇ ਵੀ ਤਰ੍ਹਾਂ ਦੀ ਪ੍ਰੀਖਿਆ ਜਾਂ ਇੰਟਰਵਿਊ ਨਹੀਂ ਲਿਆ ਜਾਂਦਾ। ਮੈਰਿਟ ਲਿਸਟ ਵਿੱਚ ਸਥਾਨ ਬਣਾਉਣ ਵਾਲੇ ਉਮੀਦਵਾਰਾਂ ਨੂੰ ਸਿਰਫ਼ ਦਸਤਾਵੇਜ਼ ਤਸਦੀਕ ਪ੍ਰਕਿਰਿਆ ਵਿੱਚ ਸ਼ਾਮਲ ਹੋਣਾ ਪਵੇਗਾ। ਨਤੀਜਾ ਆਉਣ ਵਿੱਚ ਕੁਝ ਹੀ ਦਿਨ ਬਾਕੀ ਹਨ, ਇਸ ਲਈ ਤੁਸੀਂ ਆਪਣੇ ਸਾਰੇ ਦਸਤਾਵੇਜ਼ ਪਹਿਲਾਂ ਤੋਂ ਤਿਆਰ ਰੱਖੋ, ਤਾਂ ਜੋ ਨਿਯੁਕਤੀ ਦੌਰਾਨ ਕਿਸੇ ਤਰ੍ਹਾਂ ਦੀ ਸਮੱਸਿਆ ਨਾ ਆਵੇ।

ਲੋੜੀਂਦੇ ਦਸਤਾਵੇਜ਼

ਦਸਤਾਵੇਜ਼ਾਂ ਵਜੋਂ ਉਮੀਦਵਾਰ ਆਪਣੀ ਮਾਰਕਸ਼ੀਟ, ਪਛਾਣ ਪੱਤਰ, ਜਾਤੀ ਸਰਟੀਫਿਕੇਟ, ਦਿਵਿਆਂਗਜਨ ਸਰਟੀਫਿਕੇਟ, ਆਰਥਿਕ ਤੌਰ ’ਤੇ ਕਮਜ਼ੋਰ ਵਰਗ (EWS) ਸਰਟੀਫਿਕੇਟ, ਟ੍ਰਾਂਸਜੈਂਡਰ ਸਰਟੀਫਿਕੇਟ, ਜਨਮ ਮਿਤੀ ਦਾ ਸਰਟੀਫਿਕੇਟ ਅਤੇ ਕਿਸੇ ਸਰਕਾਰੀ ਹਸਪਤਾਲ/ਸਰਕਾਰੀ ਡਿਸਪੈਂਸਰੀ/ਸਰਕਾਰੀ ਪ੍ਰਾਇਮਰੀ ਹੈਲਥ ਸੈਂਟਰ ਆਦਿ ਦੇ ਮੈਡੀਕਲ ਅਫ਼ਸਰ ਵੱਲੋਂ ਜਾਰੀ ਮੈਡੀਕਲ ਸਰਟੀਫਿਕੇਟ (ਲਾਜ਼ਮੀ) ਤਿਆਰ ਰੱਖਣ।

ਅਰੁਣਾਚਲ ਪ੍ਰਦੇਸ਼, ਸਿੱਕਿਮ ਜਾਂ ਗੋਆ ਰਾਜ ਵਿੱਚ ਰੁਜ਼ਗਾਰ ਦੇ ਮਾਮਲੇ ਵਿੱਚ ਆਦਿਵਾਸੀ/ਸਥਾਨਕ ਬੋਲੀਆਂ ਜਾਂ ਭਾਸ਼ਾ ਦੇ ਗਿਆਨ ਸਬੰਧੀ ਸਮਰੱਥ ਅਧਿਕਾਰੀ ਵੱਲੋਂ ਜਾਰੀ ਸਰਟੀਫਿਕੇਟ ਵੀ ਤਿਆਰ ਰੱਖਣਾ ਹੋਵੇਗਾ। ਤਸਦੀਕ ਦੌਰਾਨ ਅਸਲ ਦਸਤਾਵੇਜ਼ਾਂ ਦੇ ਨਾਲ ਉਨ੍ਹਾਂ ਦੀਆਂ 2 ਫੋਟੋਕਾਪੀਆਂ ਦੇ ਸੈੱਟ ਵੀ ਨਾਲ ਲੈ ਕੇ ਜਾਣੇ ਹੋਣਗੇ।

ਇਨ੍ਹਾਂ Steps ਰਾਹੀਂ ਡਾਊਨਲੋਡ ਕਰ ਸਕੋਗੇ ਮੈਰਿਟ ਲਿਸਟ

Step 1: ਇੰਡੀਆ ਪੋਸਟ GDS ਜੁਲਾਈ ਰਿਜ਼ਲਟ 2026 ਚੈੱਕ ਕਰਨ ਲਈ ਅਧਿਕਾਰਤ ਵੈੱਬਸਾਈਟ indiapostgdsonline.gov.in ’ਤੇ ਜਾਣਾ ਹੋਵੇਗਾ।

Step2: ਵੈੱਬਸਾਈਟ ਦੇ ਹੋਮ ਪੇਜ ’ਤੇ Candidate's Corner ਵਿੱਚ ਸਭ ਤੋਂ ਹੇਠਾਂ Online Engagement ’ਤੇ ਜਾਣਾ ਹੋਵੇਗਾ।

Step 3: ਹੁਣ ਇੱਥੇ ਆਪਣਾ ਸੂਬਾ ਚੁਣੋ ਅਤੇ ਉਸ ਵਿੱਚ ਮੈਰਿਟ ਲਿਸਟ ਦੇ ਲਿੰਕ ’ਤੇ ਕਲਿੱਕ ਕਰੋ।

Step 4: ਇਸ ਤੋਂ ਬਾਅਦ ਸਕ੍ਰੀਨ ’ਤੇ ਇੱਕ PDF ਖੁੱਲ੍ਹੇਗੀ, ਜਿਸ ਵਿੱਚ ਤੁਸੀਂ ਆਪਣੀ ਜਾਣਕਾਰੀ ਚੈੱਕ ਕਰ ਸਕੋਗੇ।

ਮੈਰਿਟ ਲਿਸਟ ਵਿੱਚ ਸਫਲ ਉਮੀਦਵਾਰਾਂ ਦਾ ਪੋਸਟ ਨਾਮ, ਰਜਿਸਟ੍ਰੇਸ਼ਨ ਨੰਬਰ ਅਤੇ ਡਿਵੀਜ਼ਨ ਸਮੇਤ ਹੋਰ ਵੇਰਵੇ ਦਰਜ ਹੋਣਗੇ। ਨਤੀਜੇ ਨਾਲ ਸਬੰਧਤ ਤਾਜ਼ਾ ਅਪਡੇਟ ਲਈ ਉਮੀਦਵਾਰਾਂ ਨੂੰ ਸਮੇਂ-ਸਮੇਂ ’ਤੇ ਅਧਿਕਾਰਤ ਵੈੱਬਸਾਈਟ ’ਤੇ ਜਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।