- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
GDS ਦੀ ਦੂਜੀ ਮੈਰਿਟ ਲਿਸਟ 2026 ਇਸ ਤਰੀਕ ਨੂੰ ਹੋਵੇਗੀ ਜਾਰੀ, ਪਹਿਲੀ ਸੂਚੀ ਦੇ ਮੁਕਾਬਲੇ ਘੱਟ ਰਹਿ ਸਕਦੀ ਹੈ ਕੱਟ-ਆਫ
ਪਿਛਲੇ ਸਾਲ ਦੇ ਰੁਝਾਨ ਨੂੰ ਦੇਖੀਏ ਤਾਂ ਦਸਤਾਵੇਜ਼ ਤਸਦੀਕ ਦੀ ਪ੍ਰਕਿਰਿਆ ਪੂਰੀ ਹੋਣ ਤੋਂ 10 ਤੋਂ 15 ਦਿਨਾਂ ਦੇ ਅੰਦਰ ਦੂਜੀ ਮੈਰਿਟ ਲਿਸਟ ਜਾਰੀ ਕਰ ਦਿੱਤੀ ਜਾਂਦੀ ਹੈ। ਇਸ ਆਧਾਰ ’ਤੇ ਉਮੀਦ ਹੈ ਕਿ ਇੰਡੀਆ ਪੋਸਟ ਜੀਡੀਐੱਸ ਦੀ ਦੂਜੀ ਮੈਰਿਟ ਲਿਸਟ 10 ਤੋਂ 15 ਨਵੰਬਰ 2026 ਦਰਮਿਆਨ ਜਾਰੀ ਹੋ ਸਕਦੀ ਹੈ।
Posted By Sandip Kaur
Publish Date: Mon, 02 Nov 2026 02:02 PM (IST)
Updated Date: Mon, 02 Nov 2026 02:05 PM (IST)
ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: ਗ੍ਰਾਮੀਣ ਡਾਕ ਸੇਵਕ (ਜੀਡੀਐੱਸ) ਭਰਤੀ ਜੁਲਾਈ 2026 ਦੀ ਪਹਿਲੀ ਮੈਰਿਟ ਲਿਸਟ 12 ਅਕਤੂਬਰ ਨੂੰ ਜਾਰੀ ਕੀਤੀ ਗਈ ਸੀ। ਇਸ ਮੈਰਿਟ ਲਿਸਟ ਵਿੱਚ ਥਾਂ ਬਣਾਉਣ ਵਾਲੇ ਉਮੀਦਵਾਰਾਂ ਦੀ ਦਸਤਾਵੇਜ਼ ਤਸਦੀਕ ਦੀ ਪ੍ਰਕਿਰਿਆ 27 ਅਕਤੂਬਰ ਤੱਕ ਪੂਰੀ ਹੋ ਗਈ ਸੀ। ਹੁਣ ਪਹਿਲੇ ਪੜਾਅ ਦੀ ਪ੍ਰਕਿਰਿਆ ਮੁਕੰਮਲ ਹੋਣ ਤੋਂ ਬਾਅਦ ਉਮੀਦਵਾਰਾਂ ਨੂੰ ਦੂਜੀ ਮੈਰਿਟ ਲਿਸਟ ਜਾਰੀ ਹੋਣ ਦੀ ਉਡੀਕ ਹੈ, ਜੋ ਜਲਦੀ ਹੀ ਖ਼ਤਮ ਹੋ ਸਕਦੀ ਹੈ।
ਇਨ੍ਹਾਂ ਤਰੀਕਾਂ ਦਰਮਿਆਨ ਜਾਰੀ ਹੋ ਸਕਦੀ ਹੈ ਦੂਜੀ ਮੈਰਿਟ ਲਿਸਟ
ਪਿਛਲੇ ਸਾਲ ਦੇ ਰੁਝਾਨ ਨੂੰ ਦੇਖੀਏ ਤਾਂ ਦਸਤਾਵੇਜ਼ ਤਸਦੀਕ ਦੀ ਪ੍ਰਕਿਰਿਆ ਪੂਰੀ ਹੋਣ ਤੋਂ 10 ਤੋਂ 15 ਦਿਨਾਂ ਦੇ ਅੰਦਰ ਦੂਜੀ ਮੈਰਿਟ ਲਿਸਟ ਜਾਰੀ ਕਰ ਦਿੱਤੀ ਜਾਂਦੀ ਹੈ। ਇਸ ਆਧਾਰ ’ਤੇ ਉਮੀਦ ਹੈ ਕਿ ਇੰਡੀਆ ਪੋਸਟ ਜੀਡੀਐੱਸ ਦੀ ਦੂਜੀ ਮੈਰਿਟ ਲਿਸਟ 10 ਤੋਂ 15 ਨਵੰਬਰ 2026 ਦਰਮਿਆਨ ਜਾਰੀ ਹੋ ਸਕਦੀ ਹੈ।
ਧਿਆਨ ਰਹੇ ਕਿ ਸਾਰੇ ਸੂਬਿਆਂ ਦੀ ਮੈਰਿਟ ਲਿਸਟ ਵੱਖ-ਵੱਖ ਪੀਡੀਐੱਫ ਫਾਰਮੈਟ ਵਿੱਚ ਜਾਰੀ ਕੀਤੀ ਜਾਵੇਗੀ। ਇਸ ਵਿੱਚ ਸਫ਼ਲ ਉਮੀਦਵਾਰਾਂ ਦਾ ਸੀਰੀਅਲ ਨੰਬਰ, ਡਿਵੀਜ਼ਨ, ਦਫ਼ਤਰ, ਪੋਸਟ ਆਈਡੀ, ਅਹੁਦੇ ਦਾ ਨਾਂ, ਪੋਸਟ ਦੀ ਸ਼੍ਰੇਣੀ (ਵਰਗ), ਰਜਿਸਟ੍ਰੇਸ਼ਨ ਨੰਬਰ ਅਤੇ ਪ੍ਰਾਪਤ ਅੰਕ ਦਰਜ ਹੋਣਗੇ।
ਦੂਜੀ ਮੈਰਿਟ ਲਿਸਟ ਡਾਊਨਲੋਡ ਕਰਨ ਦਾ ਤਰੀਕਾ
- ਇੰਡੀਆ ਪੋਸਟ ਜੀਡੀਐੱਸ ਦੀ ਦੂਜੀ ਮੈਰਿਟ ਲਿਸਟ 2026 ਜਾਰੀ ਹੁੰਦੇ ਹੀ ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ indiapost.gov.in/gdsonlineengagement ’ਤੇ ਜਾਓ।
- ਵੈੱਬਸਾਈਟ ਦੇ ਹੋਮ ਪੇਜ ’ਤੇ 'Shortlisted Candidates: Schedule-II, July-2026' ’ਤੇ ਕਲਿੱਕ ਕਰੋ।
- ਇਸ ਤੋਂ ਬਾਅਦ ਆਪਣੇ ਸੂਬੇ ਦੀ ਚੋਣ ਕਰੋ ਅਤੇ ਉਸ ਦੇ ਹੇਠਾਂ ਦਿੱਤੇ '2nd Merit List PDF' ਲਿੰਕ ’ਤੇ ਕਲਿੱਕ ਕਰੋ।
- ਹੁਣ ਸਬੰਧਤ ਸੂਬੇ ਜਾਂ ਡਿਵੀਜ਼ਨ ਦੀ ਮੈਰਿਟ ਲਿਸਟ ਸਕਰੀਨ ’ਤੇ ਖੁੱਲ੍ਹ ਜਾਵੇਗੀ।
- ਇਸ ਨੂੰ ਡਾਊਨਲੋਡ ਕਰਕੇ ਆਪਣਾ ਰਜਿਸਟ੍ਰੇਸ਼ਨ ਨੰਬਰ ਅਤੇ ਹੋਰ ਜਾਣਕਾਰੀਆਂ ਚੈੱਕ ਕਰ ਸਕਦੇ ਹੋ।
ਇਸ ਵਾਰ ਪਹਿਲਾਂ ਨਾਲੋਂ ਘੱਟ ਰਹਿ ਸਕਦੀ ਹੈ ਕੱਟ-ਆਫ
ਪਹਿਲੀ ਮੈਰਿਟ ਲਿਸਟ ਵਿੱਚ ਕਈ ਸੂਬਿਆਂ ਦੀ ਕੱਟ-ਆਫ 99 ਤੋਂ 100 ਫ਼ੀਸਦੀ ਤੱਕ ਰਹੀ ਸੀ। ਹਾਲਾਂਕਿ, ਕੁਝ ਸੂਬਿਆਂ ਵਿੱਚ ਰਾਖਵੇਂ ਵਰਗਾਂ ਦੀ ਕੱਟ-ਆਫ ਘੱਟ ਵੀ ਰਹੀ ਸੀ। ਅਜਿਹੇ ਵਿੱਚ ਇਸ ਵਾਰ ਦੂਜੀ ਮੈਰਿਟ ਲਿਸਟ ਦੀ ਕੱਟ-ਆਫ ਵਿੱਚ ਗਿਰਾਵਟ ਆਉਣ ਦੀ ਪੂਰੀ ਉਮੀਦ ਹੈ।
ਦਸਤਾਵੇਜ਼ ਤਸਦੀਕ ਲਈ ਪਹਿਲਾਂ ਹੀ ਤਿਆਰ ਰੱਖੋ ਕਾਗਜ਼ਾਤ
ਜਿਨ੍ਹਾਂ ਉਮੀਦਵਾਰਾਂ ਦੇ ਨਾਂ ਮੈਰਿਟ ਲਿਸਟ ਵਿੱਚ ਦਰਜ ਹੋਣਗੇ, ਉਨ੍ਹਾਂ ਨੂੰ ਨਿਯੁਕਤੀ ਲਈ ਦਸਤਾਵੇਜ਼ ਤਸਦੀਕ ਦੀ ਪ੍ਰਕਿਰਿਆ ਵਿੱਚ ਸ਼ਾਮਲ ਹੋਣਾ ਪਵੇਗਾ। ਇਸ ਲਈ ਹੇਠ ਲਿਖੇ ਦਸਤਾਵੇਜ਼ਾਂ ਦੀ ਲੋੜ ਹੋਵੇਗੀ:
- ਦਸਵੀਂ ਜਾਂ ਸਬੰਧਤ ਪ੍ਰੀਖਿਆ ਦੀ ਮਾਰਕਸ਼ੀਟ।
- ਪਛਾਣ ਪੱਤਰ।
- ਜਾਤੀ ਸਰਟੀਫਿਕੇਟ।
- ਦਿਵਿਆਂਗਤਾ ਸਰਟੀਫਿਕੇਟ।
- ਆਰਥਿਕ ਤੌਰ ’ਤੇ ਕਮਜ਼ੋਰ ਵਰਗ (ਈਡਬਲਿਊਐੱਸ) ਦਾ ਸਰਟੀਫਿਕੇਟ।
- ਟਰਾਂਸਜੈਂਡਰ ਸਰਟੀਫਿਕੇਟ।
- ਜਨਮ ਮਿਤੀ ਦਾ ਸਰਟੀਫਿਕੇਟ।
- ਕਿਸੇ ਸਰਕਾਰੀ ਹਸਪਤਾਲ, ਸਰਕਾਰੀ ਡਿਸਪੈਂਸਰੀ ਜਾਂ ਸਰਕਾਰੀ ਮੁੱਢਲੇ ਸਿਹਤ ਕੇਂਦਰ ਆਦਿ ਦੇ ਮੈਡੀਕਲ ਅਧਿਕਾਰੀ ਵੱਲੋਂ ਜਾਰੀ ਮੈਡੀਕਲ ਸਰਟੀਫਿਕੇਟ (ਲਾਜ਼ਮੀ)।
- ਅਰੁਣਾਚਲ ਪ੍ਰਦੇਸ਼, ਸਿੱਕਮ ਜਾਂ ਗੋਆ ਸੂਬੇ ਵਿੱਚ ਨੌਕਰੀ ਦੇ ਮਾਮਲੇ ਵਿੱਚ ਆਦਿਵਾਸੀ, ਸਥਾਨਕ ਬੋਲੀਆਂ ਜਾਂ ਭਾਸ਼ਾ ਦੇ ਗਿਆਨ ਸਬੰਧੀ ਸਮਰੱਥ ਅਧਿਕਾਰੀ ਵੱਲੋਂ ਜਾਰੀ ਸਰਟੀਫਿਕੇਟ।
ਅਜਿਹੇ ਵਿੱਚ ਉਮੀਦਵਾਰਾਂ ਨੂੰ ਚਾਹੀਦਾ ਹੈ ਕਿ ਉਹ ਸਾਰੇ ਲੋੜੀਂਦੇ ਦਸਤਾਵੇਜ਼ ਪਹਿਲਾਂ ਹੀ ਤਿਆਰ ਕਰਕੇ ਰੱਖਣ, ਤਾਂ ਜੋ ਬਾਅਦ ਵਿੱਚ ਕਿਸੇ ਤਰ੍ਹਾਂ ਦੀ ਮੁਸ਼ਕਲ ਦਾ ਸਾਹਮਣਾ ਨਾ ਕਰਨਾ ਪਵੇ।