Indian Navy Agniveer Apprentice 2026: ਇੰਡੀਅਨ ਨੇਵੀ 'ਚ ਅਗਨੀਵੀਰ ਅਪ੍ਰੈਂਟਿਸਸ਼ਿਪ ਲਈ ਅਪਲਾਈ ਕਰਨਾ ਸ਼ੁਰੂ, ਇੱਥੇ ਦੇਖੋ ਯੋਗਤਾ ਸਮੇਤ ਹੋਰ ਵੇਰਵੇ

ਜੌਬ ਡੈਸਕ, ਨਵੀਂ ਦਿੱਲੀ: ਇੰਡੀਅਨ ਨੇਵੀ (ਭਾਰਤੀ ਨੇਵੀ) ਵੱਲੋਂ ਅਗਨੀਵੀਰ ਅਪ੍ਰੈਂਟਿਸਸ਼ਿਪ ਦੇ ਅਹੁਦਿਆਂ 'ਤੇ ਭਰਤੀ ਲਈ ਅਧਿਕਾਰਤ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਗਿਆ ਹੈ। ਜੋ ਉਮੀਦਵਾਰ ਇੰਡੀਅਨ ਨੇਵੀ 'ਚ ਬਤੌਰ ਅਗਨੀਵੀਰ ਅਪ੍ਰੈਂਟਿਸਸ਼ਿਪ ਦੇ ਅਹੁਦਿਆਂ 'ਤੇ ਨੌਕਰੀ ਕਰਨਾ ਚਾਹੁੰਦੇ ਹਨ, ਉਨ੍ਹਾਂ ਉਮੀਦਵਾਰਾਂ ਲਈ ਇਹ ਇਕ ਸੁਨਹਿਰੀ ਮੌਕਾ ਹੈ। ਅਪ੍ਰੈਂਟਿਸਸ਼ਿਪ ਲਈ ਆਨਲਾਈਨ ਅਪਲਾਈ ਕਰਨਾ ਸ਼ੁਰੂ ਹੋ ਗਿਆ ਹੈ।

ਚਾਹਵਾਨ ਤੇ ਯੋਗ ਉਮੀਦਵਾਰ 29 ਜੂਨ, 2026 ਤਕ ਅਗਨੀਵੀਰ ਅਪ੍ਰੈਂਟਿਸਸ਼ਿਪ ਲਈ ਅਪਲਾਈ ਕਰ ਸਕਦੇ ਹਨ। ਇਸ ਦੇ ਨਾਲ ਹੀ ਉਮੀਦਵਾਰਾਂ ਨੂੰ ਫਾਰਮ 'ਚ ਕੁਰੈਕਸ਼ਨ ਕਰਨ ਦਾ ਮੌਕਾ ਵੀ ਦਿੱਤਾ ਜਾਵੇਗਾ। ਉਮੀਦਵਾਰ 06 ਜੁਲਾਈ, 2026 ਤਕ ਆਪਣੇ ਫਾਰਮ 'ਚ ਸੁਧਾਰ ਕਰ ਸਕਦੇ ਹਨ।

ਜ਼ਰੂਰੀ ਵਿਦਿਅਕ ਯੋਗਤਾ

ਇੰਡੀਅਨ ਨੇਵੀ 'ਚ ਅਗਨੀਵੀਰ ਅਪ੍ਰੈਂਟਿਸਸ਼ਿਪ ਲਈ ਅਪਲਾਈ ਕਰਨ ਵਾਸਤੇ ਉਮੀਦਵਾਰਾਂ ਨੇ ਭਾਰਤ ਦੇ ਕਿਸੇ ਮਾਨਤਾ ਪ੍ਰਾਪਤ ਸੰਸਥਾ ਤੋਂ ਦਸਵੀਂ ਜਮਾਤ ਘੱਟੋ-ਘੱਟ 50 ਫ਼ੀਸਦੀ ਅੰਕਾਂ ਨਾਲ ਪਾਸ ਕੀਤੀ ਹੋਣੀ ਚਾਹੀਦੀ ਹੈ।

ਐਗਜ਼ਾਮ ਪੈਟਰਨ

ਲਿਖਤੀ ਪ੍ਰੀਖਿਆ 'ਚ ਉਮੀਦਵਾਰਾਂ ਤੋਂ 100 ਅੰਕਾਂ ਦੇ 100 ਸਵਾਲ ਪੁੱਛੇ ਜਾਣਗੇ। ਪ੍ਰੀਖਿਆ ਹਿੰਦੀ ਤੇ ਅੰਗਰੇਜ਼ੀ ਦੋਵਾਂ ਭਾਸ਼ਾਵਾਂ 'ਚ ਕਰਵਾਈ ਜਾਵੇਗੀ। ਪ੍ਰੀਖਿਆ 'ਚ ਉਮੀਦਵਾਰਾਂ ਤੋਂ ਬਹੁ-ਵਿਕਲਪੀ (MCQs) ਕਿਸਮ ਦੇ ਸਵਾਲ ਪੁੱਛੇ ਜਾਣਗੇ। ਲਿਖਤੀ ਪ੍ਰੀਖਿਆ ਇਕ ਘੰਟੇ ਲਈ ਹੋਵੇਗੀ। ਪ੍ਰੀਖਿਆ 'ਚ ਉਮੀਦਵਾਰਾਂ ਤੋਂ ਜਨਰਲ ਨੌਲੇਜ, ਵਿਗਿਆਨ, ਗਣਿਤ ਅਤੇ ਸਬੰਧਤ ਟ੍ਰੇਡ 'ਚੋਂ ਸਵਾਲ ਪੁੱਛੇ ਜਾਣਗੇ। ਪ੍ਰੀਖਿਆ 'ਚ ਗ਼ਲਤ ਉੱਤਰ ਲਈ ਇਕ-ਚੌਥਾਈ (1/4) ਅੰਕ ਦੀ ਨੈਗੇਟਿਵ ਮਾਰਕਿੰਗ ਵੀ ਕੀਤੀ ਜਾਵੇਗੀ। ਪ੍ਰੀਖਿਆ 'ਚ ਸਫ਼ਲ ਹੋਏ ਉਮੀਦਵਾਰਾਂ ਨੂੰ ਸਟੇਜ-2 ਦੀ ਪ੍ਰੀਖਿਆ ਲਈ ਬੁਲਾਇਆ ਜਾਵੇਗਾ।

ਪ੍ਰੀਖਿਆ ਫ਼ੀਸ

ਅਗਨੀਵੀਰ ਅਪ੍ਰੈਂਟਿਸਸ਼ਿਪ ਲਈ ਅਪਲਾਈ ਕਰਨ ਵਾਸਤੇ ਉਮੀਦਵਾਰਾਂ ਨੂੰ ਪ੍ਰੀਖਿਆ ਫ਼ੀਸ ਦਾ ਭੁਗਤਾਨ ਕਰਨਾ ਲਾਜ਼ਮੀ ਹੈ। ਸਾਰੀਆਂ ਕੈਟਾਗਰੀਆਂ ਦੇ ਉਮੀਦਵਾਰਾਂ ਲਈ ਪ੍ਰੀਖਿਆ ਫ਼ੀਸ 550 ਰੁਪਏ ਨਿਰਧਾਰਤ ਕੀਤੀ ਗਈ ਹੈ।

ਖ਼ੁਦ ਕਿਵੇਂ ਅਪਲਾਈ ਕਰੀਏ

ਇੰਡੀਅਨ ਨੇਵੀ 'ਚ ਅਗਨੀਵੀਰ ਅਪ੍ਰੈਂਟਿਸਸ਼ਿਪ ਦੇ ਅਹੁਦਿਆਂ ਲਈ ਅਪਲਾਈ ਕਰਨਾ ਸ਼ੁਰੂ ਹੋ ਗਿਆ ਹੈ। ਇੱਥੇ ਉਮੀਦਵਾਰਾਂ ਦੀ ਸਹਾਇਤਾ ਲਈ ਆਨਲਾਈਨ ਅਪਲਾਈ ਕਰਨ ਦੇ ਸਟੈੱਪਸ ਦੱਸੇ ਗਏ ਹਨ। ਉਮੀਦਵਾਰ ਇਨ੍ਹਾਂ ਸਟੈੱਪਸ ਨੂੰ ਫਾਲੋ ਕਰ ਕੇ ਆਪਣਾ ਫਾਰਮ ਭਰ ਸਕਦੇ ਹਨ।

• ਅਪਲਾਈ ਕਰਨ ਲਈ ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ joinindiannavy.gov.in 'ਤੇ ਜਾਓ।
• ਇਸ ਤੋਂ ਬਾਅਦ ਵੈੱਬਸਾਈਟ ਦੇ ਹੋਮਪੇਜ 'ਤੇ "Register" ਸੈਕਸ਼ਨ 'ਤੇ ਕਲਿੱਕ ਕਰੋ।
• ਹੁਣ ਮੰਗੀ ਗਈ ਸਾਰੀ ਜਾਣਕਾਰੀ ਨੂੰ ਧਿਆਨ ਨਾਲ ਦਰਜ ਕਰੋ।
• ਇਸ ਤੋਂ ਬਾਅਦ ਲੋੜੀਂਦੇ ਦਸਤਾਵੇਜ਼ਾਂ ਦੀ ਸਕੈਨ ਕਾਪੀ ਅਪਲੋਡ ਕਰੋ।
• ਹੁਣ ਨਿਰਧਾਰਤ ਪ੍ਰੀਖਿਆ ਫ਼ੀਸ ਦਾ ਭੁਗਤਾਨ ਕਰੋ।
• ਫਾਰਮ ਭਰਨ ਤੋਂ ਬਾਅਦ ਅਖ਼ੀਰ 'ਚ ਇਸ ਦਾ ਇਕ ਪ੍ਰਿੰਟ ਆਊਟ ਵੀ ਜ਼ਰੂਰ ਕੱਢ ਲਓ।