- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Government Jobs 2026: ਰੇਲਵੇ, ਬੈਂਕ, ਪੁਲਿਸ ਤੇ ਟੀਚਰ ਸਮੇਤ ਇਨ੍ਹਾਂ ਮਹਿਕਮਿਆਂ 'ਚ 1 ਲੱਖ ਦੇ ਕਰੀਬ ਅਸਾਮੀਆਂ 'ਤੇ ਭਰਤੀ, ਜਲਦ ਕਰੋ ਅਪਲਾਈ
Govt Job Vacancy : ਅਕਤੂਬਰ ਮਹੀਨਾ ਨੌਕਰੀ ਦੀ ਤਲਾਸ਼ ਕਰ ਰਹੇ ਉਮੀਦਵਾਰਾਂ ਲਈ ਮਹੱਤਵਪੂਰਨ ਸਾਬਤ ਹੋ ਸਕਦਾ ਹੈ। ਤੁਸੀਂ ਆਪਣੀ ਯੋਗਤਾ ਦੇ ਅਨੁਸਾਰ ਨਿਰਧਾਰਤ ਤਰੀਕਾਂ ਦੇ ਅੰਦਰ ਆਨਲਾਈਨ ਮਾਧਿਅਮ ਰਾਹੀਂ ਫਾਰਮ ਭਰ ਸਕਦੇ ਹੋ। ਅਰਜ਼ੀ ਦੇਣ ਤੋਂ ਬਾਅਦ ਭਰਤੀ ਦੀ ਚੰਗੀ ਤਰ੍ਹਾਂ ਤਿਆਰੀ ਕਰਕੇ ਸਰਕਾਰੀ ਨੌਕਰੀ ਹਾਸਲ ਕਰਨ ਦਾ ਸੁਪਨਾ ਪੂਰਾ ਕੀਤਾ ਜਾ ਸਕਦਾ ਹੈ।
Posted By Seema Anand
Publish Date: Sun, 04 Oct 2026 02:04 PM (IST)
Updated Date: Sun, 04 Oct 2026 02:08 PM (IST)
ਜੌਬ ਡੈਸਕ, ਨਵੀਂ ਦਿੱਲੀ : ਸਾਡੇ ਦੇਸ਼ 'ਚ ਸਰਕਾਰੀ ਨੌਕਰੀ ਦੀ ਆਪਣੀ ਹੀ ਅਹਿਮੀਅਤ ਹੈ। ਹਰ ਕੋਈ ਸਰਕਾਰੀ ਨੌਕਰੀ ਹਾਸਲ ਕਰਨ ਦਾ ਸੁਪਨਾ ਜ਼ਰੂਰ ਦੇਖਦਾ ਹੈ। ਅਕਤੂਬਰ ਮਹੀਨਾ ਸ਼ੁਰੂ ਹੋ ਚੁੱਕਾ ਹੈ ਅਤੇ ਇਸ ਸਮੇਂ ਦੇਸ਼ ਭਰ 'ਚ ਪੁਲਿਸ, ਟੀਚਰ, ਰੇਲਵੇ, ਬੈਂਕ, SSC ਸਮੇਤ ਵੱਖ-ਵੱਖ ਵਿਭਾਗਾਂ 'ਚ ਕਰੀਬ 1 ਲੱਖ ਅਸਾਮੀਆਂ 'ਤੇ ਭਰਤੀਆਂ ਚੱਲ ਰਹੀਆਂ ਹਨ। ਇਹ ਭਰਤੀਆਂ ਅਨਪੜ੍ਹ, 8ਵੀਂ ਪਾਸ ਤੋਂ ਲੈ ਕੇ ਗ੍ਰੈਜੂਏਸ਼ਨ ਅਤੇ ਪੋਸਟ-ਗ੍ਰੈਜੂਏਸ਼ਨ ਪਾਸ ਕਰ ਚੁੱਕੇ ਨੌਜਵਾਨਾਂ ਲਈ ਹਨ।
ਅਜਿਹੇ 'ਚ ਅਕਤੂਬਰ ਮਹੀਨਾ ਨੌਕਰੀ ਦੀ ਤਲਾਸ਼ ਕਰ ਰਹੇ ਉਮੀਦਵਾਰਾਂ ਲਈ ਮਹੱਤਵਪੂਰਨ ਸਾਬਤ ਹੋ ਸਕਦਾ ਹੈ। ਤੁਸੀਂ ਆਪਣੀ ਯੋਗਤਾ ਦੇ ਅਨੁਸਾਰ ਨਿਰਧਾਰਤ ਤਰੀਕਾਂ ਦੇ ਅੰਦਰ ਆਨਲਾਈਨ ਮਾਧਿਅਮ ਰਾਹੀਂ ਫਾਰਮ ਭਰ ਸਕਦੇ ਹੋ। ਅਰਜ਼ੀ ਦੇਣ ਤੋਂ ਬਾਅਦ ਭਰਤੀ ਦੀ ਚੰਗੀ ਤਰ੍ਹਾਂ ਤਿਆਰੀ ਕਰਕੇ ਸਰਕਾਰੀ ਨੌਕਰੀ ਹਾਸਲ ਕਰਨ ਦਾ ਸੁਪਨਾ ਪੂਰਾ ਕੀਤਾ ਜਾ ਸਕਦਾ ਹੈ।
Punjab and Haryana High Court 'ਚ ਕਲਰਕ ਦੀਆਂ 1270 ਅਸਾਮੀਆਂ ਲਈ ਭਰਤੀ ਦਾ ਐਲਾਨ
ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਵੱਲੋਂ ਕਲਰਕ ਦੀਆਂ 1270 ਖਾਲੀ ਅਸਾਮੀਆਂ ਨੂੰ ਭਰਨ ਲਈ ਨੋਟੀਫਿਕੇਸ਼ਨ ਜਾਰੀ ਕਰਕੇ ਭਰਤੀ ਦਾ ਐਲਾਨ ਕੀਤਾ ਗਿਆ ਹੈ। ਨੋਟੀਫਿਕੇਸ਼ਨ ਮੁਤਾਬਕ ਇਸ ਭਰਤੀ ਲਈ ਆਨਲਾਈਨ ਅਰਜ਼ੀ ਪ੍ਰਕਿਰਿਆ 7 ਅਕਤੂਬਰ ਸ਼ਾਮ 4 ਵਜੇ ਤੋਂ ਸ਼ੁਰੂ ਹੋਵੇਗੀ, ਜੋ ਨਿਰਧਾਰਤ ਆਖਰੀ ਤਰੀਕ 4 ਨਵੰਬਰ 2026 ਤੱਕ ਜਾਰੀ ਰਹੇਗੀ। ਯੋਗ ਅਤੇ ਇੱਛੁਕ ਉਮੀਦਵਾਰ ਭਰਤੀ 'ਚ ਸ਼ਾਮਲ ਹੋਣ ਲਈ ਸਿਰਫ਼ ਆਨਲਾਈਨ ਮਾਧਿਅਮ ਰਾਹੀਂ ਅਰਜ਼ੀ ਦੇ ਸਕਣਗੇ।
Rajasthan Safai Karmi Vacancy 2026: ਅਨਪੜ੍ਹ ਉਮੀਦਵਾਰਾਂ ਲਈ ਰਾਜਸਥਾਨ 'ਚ 24 ਹਜ਼ਾਰ ਤੋਂ ਵੱਧ ਅਸਾਮੀਆਂ
ਰਾਜਸਥਾਨ ਸਰਕਾਰ ਵੱਲੋਂ ਸਫਾਈ ਕਰਮਚਾਰੀ ਦੀਆਂ 24,752 ਖਾਲੀ ਅਸਾਮੀਆਂ 'ਤੇ ਭਰਤੀ ਕੀਤੀ ਜਾ ਰਹੀ ਹੈ। ਇਸ ਭਰਤੀ 'ਚ ਅਨਪੜ੍ਹ ਜਾਂ ਬਿਨਾਂ ਪੜ੍ਹੇ-ਲਿਖੇ ਵਿਅਕਤੀ ਵੀ ਅਪਲਾਈ ਕਰ ਸਕਦੇ ਹਨ। ਹਾਲਾਂਕਿ 1 ਜਨਵਰੀ 2027 ਨੂੰ ਆਧਾਰ ਮੰਨਦੇ ਹੋਏ ਉਮੀਦਵਾਰ ਦੀ ਘੱਟੋ-ਘੱਟ ਉਮਰ 21 ਸਾਲ ਅਤੇ ਵੱਧ ਤੋਂ ਵੱਧ ਉਮਰ 40 ਸਾਲ ਤੋਂ ਜ਼ਿਆਦਾ ਨਹੀਂ ਹੋਣੀ ਚਾਹੀਦੀ। ਰਾਖਵੀਂ ਸ਼੍ਰੇਣੀ ਦੇ ਉਮੀਦਵਾਰਾਂ ਨੂੰ ਵੱਧ ਤੋਂ ਵੱਧ ਉਮਰ ਹੱਦ 'ਚ ਛੋਟ ਦਿੱਤੀ ਜਾਵੇਗੀ। ਫਾਰਮ ਭਰਨ ਦੀ ਆਖਰੀ ਤਰੀਕ 13 ਅਕਤੂਬਰ 2026 ਨਿਰਧਾਰਤ ਕੀਤੀ ਗਈ ਹੈ।
MP Police Constable GD Recruitment 2026: MP ਪੁਲਿਸ ਕਾਂਸਟੇਬਲ ਦੇ 7500 ਅਹੁਦਿਆਂ 'ਤੇ ਭਰਤੀ
ਮੱਧ ਪ੍ਰਦੇਸ਼ ਪੁਲਿਸ 'ਚ ਕਾਂਸਟੇਬਲ GD ਦੀਆਂ 7,500 ਖਾਲੀ ਅਸਾਮੀਆਂ 'ਤੇ ਭਰਤੀ ਹੋ ਰਹੀ ਹੈ। ਇਸ ਭਰਤੀ ਲਈ ਉਮੀਦਵਾਰ ਨੇ ਮਾਨਤਾ ਪ੍ਰਾਪਤ ਬੋਰਡ/ਸੰਸਥਾ ਤੋਂ 10+2 ਪ੍ਰਣਾਲੀ ਤਹਿਤ 10ਵੀਂ ਜਾਂ 12ਵੀਂ ਜਮਾਤ ਜਾਂ ਇਸ ਦੇ ਬਰਾਬਰ ਦੀ ਪ੍ਰੀਖਿਆ ਪਾਸ ਕੀਤੀ ਹੋਣੀ ਚਾਹੀਦੀ ਹੈ। ਅਨੁਸੂਚਿਤ ਜਨਜਾਤੀ ਵਰਗ ਦੇ ਉਹ ਉਮੀਦਵਾਰ ਜਿਨ੍ਹਾਂ ਨੇ 8ਵੀਂ ਜਮਾਤ ਪਾਸ ਕੀਤੀ ਹੈ, ਉਹ ਵੀ ਅਪਲਾਈ ਕਰ ਸਕਦੇ ਹਨ।
ਉਮੀਦਵਾਰ ਦੀ ਉਮਰ 1 ਅਕਤੂਬਰ 2026 ਤੱਕ 18 ਸਾਲ ਪੂਰੀ ਹੋਣੀ ਚਾਹੀਦੀ ਹੈ। ਮੱਧ ਪ੍ਰਦੇਸ਼ ਦੇ ਜਨਰਲ ਅਤੇ EWS ਵਰਗ ਅਤੇ ਹੋਰ ਰਾਜਾਂ ਦੇ ਉਮੀਦਵਾਰਾਂ ਦੀ ਉਮਰ 33 ਸਾਲ ਤੋਂ ਜ਼ਿਆਦਾ ਨਹੀਂ ਹੋਣੀ ਚਾਹੀਦੀ। ਰਾਖਵੀਂ ਸ਼੍ਰੇਣੀ ਦੇ ਉਮੀਦਵਾਰਾਂ ਨੂੰ ਨਿਯਮਾਂ ਅਨੁਸਾਰ ਵੱਧ ਤੋਂ ਵੱਧ ਉਮਰ ਹੱਦ 'ਚ ਛੋਟ ਦਿੱਤੀ ਜਾਵੇਗੀ। ਭਰਤੀ ਲਈ ਅਪਲਾਈ ਕਰਨ ਦੀ ਆਖਰੀ ਤਰੀਕ 6 ਅਕਤੂਬਰ 2026 ਹੈ।
MP ASI Subedar Bharti 2026: ASI ਤੇ ਸੂਬੇਦਾਰ ਭਰਤੀ ਲਈ 8 ਅਕਤੂਬਰ ਤਕ ਕਰੋ ਅਪਲਾਈ
ਮੱਧ ਪ੍ਰਦੇਸ਼ 'ਚ ਅਸਿਸਟੈਂਟ ਸਬ-ਇੰਸਪੈਕਟਰ (ASI) ਅਤੇ ਸੂਬੇਦਾਰ (Stenographer) ਦੀਆਂ 655 ਅਸਾਮੀਆਂ 'ਤੇ ਭਰਤੀ ਹੋ ਰਹੀ ਹੈ। ਇਸ ਭਰਤੀ 'ਚ ਸ਼ਾਮਲ ਹੋਣ ਲਈ 8 ਅਕਤੂਬਰ 2026 ਤੱਕ ਅਪਲਾਈ ਕੀਤਾ ਜਾ ਸਕਦਾ ਹੈ। ਉਮੀਦਵਾਰ ਨੇ ਮਾਨਤਾ ਪ੍ਰਾਪਤ ਬੋਰਡ/ਸੰਸਥਾ ਤੋਂ 12ਵੀਂ ਜਮਾਤ ਪਾਸ ਕੀਤੀ ਹੋਣੀ ਚਾਹੀਦੀ ਹੈ। ਇਸ ਦੇ ਨਾਲ ਹੀ ਅਹੁਦੇ ਦੇ ਅਨੁਸਾਰ CPCT/DOEACC ਵੱਲੋਂ ਕਰਵਾਈ ਗਈ ਡਿਪਲੋਮਾ ਪ੍ਰੀਖਿਆ, ITI ਤੋਂ ਕੰਪਿਊਟਰ ਸਰਟੀਫਿਕੇਟ, ਇੰਜੀਨੀਅਰਿੰਗ, MCA, BCA, ਕੰਪਿਊਟਰ ਸਾਇੰਸ ਜਾਂ ਪੌਲੀਟੈਕਨਿਕ ਡਿਪਲੋਮਾ ਆਦਿ ਦੀ ਯੋਗਤਾ ਵੀ ਮੰਗੀ ਗਈ ਹੈ। ਅਰਜ਼ੀ ਦੇ ਸਮੇਂ ਉਮੀਦਵਾਰ ਦੀ ਵੱਧ ਤੋਂ ਵੱਧ ਉਮਰ ਵਰਗ ਦੇ ਅਨੁਸਾਰ 33/38 ਸਾਲ ਤੋਂ ਜ਼ਿਆਦਾ ਨਹੀਂ ਹੋਣੀ ਚਾਹੀਦੀ। ਉਮਰ ਦੀ ਗਣਨਾ 8 ਅਕਤੂਬਰ 2026 ਦੇ ਆਧਾਰ 'ਤੇ ਕੀਤੀ ਜਾਵੇਗੀ।
BPSC TRE 4 Vacancy 2026: ਬਿਹਾਰ 'ਚ 33,320 ਅਧਿਆਪਕ ਅਸਾਮੀਆਂ
ਬਿਹਾਰ 'ਚ ਚੌਥੀ ਅਧਿਆਪਕ ਭਰਤੀ ਲਈ ਅਰਜ਼ੀ ਪ੍ਰਕਿਰਿਆ ਜਾਰੀ ਹੈ। ਇਸ ਭਰਤੀ ਲਈ ਅਪਲਾਈ ਕਰਨ ਦੀ ਆਖਰੀ ਤਰੀਕ 25 ਅਕਤੂਬਰ ਨਿਰਧਾਰਤ ਕੀਤੀ ਗਈ ਹੈ। ਯੋਗਤਾ ਪੂਰੀ ਕਰਨ ਵਾਲੇ ਨੌਜਵਾਨ ਨਿਰਧਾਰਤ ਤਰੀਕ ਦੇ ਅੰਦਰ ਆਨਲਾਈਨ ਅਰਜ਼ੀ ਕਰ ਸਕਦੇ ਹਨ।
JSSC Para Teacher Vacancy 2026: ਝਾਰਖੰਡ 'ਚ ਪੈਰਾ ਟੀਚਰ ਦੀਆਂ 7299 ਅਸਾਮੀਆਂ
ਝਾਰਖੰਡ 'ਚ ਸੰਵਿਦਾ ਅਰਥਾਤ ਪੈਰਾ ਟੀਚਰ ਦੀਆਂ 7,299 ਖਾਲੀ ਅਸਾਮੀਆਂ 'ਤੇ ਭਰਤੀ ਕੱਢੀ ਗਈ ਹੈ। ਇਸ ਭਰਤੀ 'ਚ ਸ਼ਾਮਲ ਹੋਣ ਲਈ 18 ਅਕਤੂਬਰ 2026 ਤੱਕ ਫਾਰਮ ਭਰਿਆ ਜਾ ਸਕਦਾ ਹੈ।
Canara Bank Recruitment 2026: ਕੇਨਰਾ ਬੈਂਕ 'ਚ ਗ੍ਰੈਜੂਏਟ ਅਪ੍ਰੈਂਟਿਸ ਦੀ ਭਰਤੀ
ਕੇਨਰਾ ਬੈਂਕ 'ਚ ਗ੍ਰੈਜੂਏਟ ਅਪ੍ਰੈਂਟਿਸ ਦੀਆਂ 3,500 ਅਸਾਮੀਆਂ 'ਤੇ ਭਰਤੀ ਹੋ ਰਹੀ ਹੈ। ਇਸ ਭਰਤੀ ਲਈ ਉਮੀਦਵਾਰ ਦਾ ਸਿਰਫ਼ ਗ੍ਰੈਜੂਏਸ਼ਨ ਪਾਸ ਹੋਣਾ ਲਾਜ਼ਮੀ ਹੈ। ਉਮੀਦਵਾਰ ਦੀ ਘੱਟੋ-ਘੱਟ ਉਮਰ 20 ਸਾਲ ਅਤੇ ਵੱਧ ਤੋਂ ਵੱਧ ਉਮਰ 28 ਸਾਲ ਤੋਂ ਜ਼ਿਆਦਾ ਨਹੀਂ ਹੋਣੀ ਚਾਹੀਦੀ। ਰਾਖਵੀਂ ਸ਼੍ਰੇਣੀ ਦੇ ਨੌਜਵਾਨਾਂ ਨੂੰ ਉੱਪਰੀ ਉਮਰ ਹੱਦ 'ਚ ਨਿਯਮਾਂ ਅਨੁਸਾਰ ਛੋਟ ਦਿੱਤੀ ਜਾਵੇਗੀ। ਅਰਜ਼ੀ ਦੀ ਆਖਰੀ ਤਰੀਕ 17 ਅਕਤੂਬਰ 2026 ਹੈ।
UP Teacher Bharti 2026: ਉੱਤਰ ਪ੍ਰਦੇਸ਼ 'ਚ 15,012 ਅਧਿਆਪਕ ਅਹੁਦਿਆਂ 'ਤੇ ਭਰਤੀ
ਉੱਤਰ ਪ੍ਰਦੇਸ਼ ਸਿੱਖਿਆ ਸੇਵਾ ਚੋਣ ਕਮਿਸ਼ਨ (UPESSC) ਵੱਲੋਂ ਕੁੱਲ 15,012 ਅਧਿਆਪਕ ਅਸਾਮੀਆਂ 'ਤੇ ਭਰਤੀ ਕੀਤੀ ਜਾ ਰਹੀ ਹੈ। ਅਸ਼ਾਸਕੀ ਸਹਾਇਤਾ ਪ੍ਰਾਪਤ ਮਾਧਿਅਮਿਕ ਸਕੂਲਾਂ 'ਚ ਸਹਾਇਕ ਅਧਿਆਪਕ ਸੰਬੰਧਤ ਪ੍ਰਾਇਮਰੀ ਦੀਆਂ 897 ਖਾਲੀ ਅਸਾਮੀਆਂ ਅਤੇ ਬੇਸਿਕ ਸਿੱਖਿਆ ਵਿਭਾਗ 'ਚ ਸਹਾਇਕ ਅਧਿਆਪਕ, ਸ਼ਹਿਰੀ (URBAN) ਦੀਆਂ 11,508 ਅਸਾਮੀਆਂ ਲਈ ਭਰਤੀ ਕੱਢੀ ਗਈ ਹੈ। ਇਸ ਤੋਂ ਇਲਾਵਾ PGT ਦੀਆਂ 2,607 ਅਸਾਮੀਆਂ 'ਤੇ ਵੀ ਭਰਤੀ ਚੱਲ ਰਹੀ ਹੈ। ਉਮੀਦਵਾਰ ਨਿਰਧਾਰਤ ਤਰੀਕ ਦੇ ਅੰਦਰ ਅਪਲਾਈ ਕਰ ਸਕਦੇ ਹਨ।
Railway Recruitment 2026: ਰੇਲਵੇ 'ਚ ਪੈਰਾਮੈਡੀਕਲ ਅਸਾਮੀਆਂ ਲਈ ਅਪਲਾਈ ਕਰੋ
ਰੇਲਵੇ 'ਚ ਪੈਰਾਮੈਡੀਕਲ ਦੀਆਂ 590 ਖਾਲੀ ਅਸਾਮੀਆਂ 'ਤੇ ਭਰਤੀ ਚੱਲ ਰਹੀ ਹੈ। ਇਸ 'ਚ ਸ਼ਾਮਲ ਹੋਣ ਲਈ 14 ਅਕਤੂਬਰ 2026 ਤੱਕ ਅਰਜ਼ੀ ਅਤੇ 16 ਅਕਤੂਬਰ 2026 ਤੱਕ ਫੀਸ ਜਮ੍ਹਾਂ ਕੀਤੀ ਜਾ ਸਕਦੀ ਹੈ।
ਮਾਨਤਾ ਪ੍ਰਾਪਤ ਯੂਨੀਵਰਸਿਟੀ/ਸੰਸਥਾ ਤੋਂ ਸਬੰਧਤ ਖੇਤਰ 'ਚ BSc, ਡਿਪਲੋਮਾ, GNM, D.Pharm, DMLT ਪਾਸ ਉਮੀਦਵਾਰ ਅਪਲਾਈ ਕਰ ਸਕਦੇ ਹਨ। ਪੈਰਾਮੈਡੀਕਲ ਅਹੁਦਿਆਂ ਲਈ ਉਮੀਦਵਾਰ ਦੀ ਘੱਟੋ-ਘੱਟ ਉਮਰ ਅਹੁਦੇ ਦੇ ਅਨੁਸਾਰ 18 ਸਾਲ ਅਤੇ ਵੱਧ ਤੋਂ ਵੱਧ ਉਮਰ 40 ਸਾਲ ਤੋਂ ਜ਼ਿਆਦਾ ਨਹੀਂ ਹੋਣੀ ਚਾਹੀਦੀ। ਰਾਖਵੀਂ ਸ਼੍ਰੇਣੀ ਦੇ ਉਮੀਦਵਾਰਾਂ ਨੂੰ ਨਿਯਮਾਂ ਅਨੁਸਾਰ ਉੱਪਰੀ ਉਮਰ ਹੱਦ 'ਚ ਛੋਟ ਮਿਲੇਗੀ।
SSC CHSL Vacancy 2026: 2536 ਅਹੁਦਿਆਂ 'ਤੇ ਭਰਤੀ
SSC ਵੱਲੋਂ CHSL Recruitment 2026 ਕੱਢੀ ਗਈ ਹੈ। ਇਸ 'ਚ ਸ਼ਾਮਲ ਹੋਣ ਲਈ 7 ਅਕਤੂਬਰ ਤੱਕ ਅਰਜ਼ੀ ਅਤੇ 8 ਅਕਤੂਬਰ ਤੱਕ ਫੀਸ ਜਮ੍ਹਾਂ ਕੀਤੀ ਜਾ ਸਕਦੀ ਹੈ। ਇਸ ਭਰਤੀ ਲਈ 12ਵੀਂ ਪਾਸ ਉਮੀਦਵਾਰ ਅਪਲਾਈ ਕਰ ਸਕਦੇ ਹਨ। ਇਸ ਰਾਹੀਂ ਕੁੱਲ 2,536 ਅਹੁਦਿਆਂ 'ਤੇ ਨਿਯੁਕਤੀਆਂ ਕੀਤੀਆਂ ਜਾਣਗੀਆਂ।
UP Anganwadi Bharti 2026: ਆਂਗਣਵਾੜੀ ਵਰਕਰ ਤੇ ਹੈਲਪਰ ਦੀ ਭਰਤੀ
ਉੱਤਰ ਪ੍ਰਦੇਸ਼ ਦੇ ਵੱਖ-ਵੱਖ ਜ਼ਿਲ੍ਹਿਆਂ 'ਚ ਇਸ ਸਮੇਂ ਆਂਗਣਵਾੜੀ ਵਰਕਰ ਅਤੇ ਹੈਲਪਰ ਦੇ ਅਹੁਦਿਆਂ 'ਤੇ ਭਰਤੀ ਹੋ ਰਹੀ ਹੈ। ਇਸ 'ਚ ਸਿਰਫ਼ 12ਵੀਂ ਪਾਸ ਮਹਿਲਾ ਉਮੀਦਵਾਰ ਹੀ ਅਪਲਾਈ ਕਰ ਸਕਦੀਆਂ ਹਨ। ਅਰਜ਼ੀ ਦੀ ਆਖਰੀ ਤਰੀਕ ਜ਼ਿਲ੍ਹੇ ਦੇ ਅਨੁਸਾਰ ਵੱਖ-ਵੱਖ ਨਿਰਧਾਰਤ ਕੀਤੀ ਗਈ ਹੈ। ਫਿਲਹਾਲ 1300 ਤੋਂ ਵੱਧ ਅਹੁਦਿਆਂ 'ਤੇ ਅਰਜ਼ੀਆਂ ਜਾਰੀ ਹਨ।
ਆਈਟੀਬੀਪੀ 'ਚ ਵੀ ਚੱਲ ਰਹੀ ਭਰਤੀ
ਇੰਡੋ-ਤਿੱਬਤੀ ਬਾਰਡਰ ਪੁਲਿਸ (ITBP) 'ਚ ਹੈੱਡ ਕਾਂਸਟੇਬਲ (ਮੋਟਰ ਮਕੈਨਿਕ) ਦੀਆਂ 37 ਅਸਾਮੀਆਂ 'ਤੇ ਭਰਤੀ ਚੱਲ ਰਹੀ ਹੈ। ਇਸ ਲਈ 28 ਅਕਤੂਬਰ ਤੱਕ ਅਪਲਾਈ ਕੀਤਾ ਜਾ ਸਕਦਾ ਹੈ। ਉਮੀਦਵਾਰ ਨੇ 12ਵੀਂ ਪਾਸ ਕਰਨ ਦੇ ਨਾਲ ਸਬੰਧਤ ਟਰੇਡ 'ਚ ITI ਸਰਟੀਫਿਕੇਟ ਜਾਂ ਆਟੋਮੋਬਾਈਲ ਇੰਜੀਨੀਅਰਿੰਗ 'ਚ 3 ਸਾਲ ਦਾ ਕੋਰਸ ਕੀਤਾ ਹੋਣਾ ਚਾਹੀਦਾ ਹੈ।
ਇਸ ਤੋਂ ਇਲਾਵਾ CRPF 'ਚ ਵੀ ਕਾਂਸਟੇਬਲ ਅਤੇ ਹੈੱਡ ਕਾਂਸਟੇਬਲ ਦੀਆਂ 521 ਅਸਾਮੀਆਂ 'ਤੇ ਭਰਤੀ ਕੱਢੀ ਗਈ ਹੈ, ਜਿਸ ਲਈ ਅਰਜ਼ੀਆਂ 12 ਅਕਤੂਬਰ ਤੋਂ ਸ਼ੁਰੂ ਹੋਣਗੀਆਂ।
ਇਨ੍ਹਾਂ ਤੋਂ ਇਲਾਵਾ ਅਕਤੂਬਰ ਮਹੀਨੇ 'ਚ ਸੁਪਰੀਮ ਕੋਰਟ 'ਚ ਜੂਨੀਅਰ ਕੋਰਟ ਅਸਿਸਟੈਂਟ ਭਰਤੀ ਲਈ ਵੀ ਅਰਜ਼ੀਆਂ ਸ਼ੁਰੂ ਹੋਣ ਵਾਲੀਆਂ ਹਨ। ਇਸ ਦੇ ਨਾਲ ਹੀ ਰੇਲਵੇ 'ਚ ਅਪ੍ਰੈਂਟਿਸ ਅਹੁਦਿਆਂ, Bank of Baroda 'ਚ ਸਪੈਸ਼ਲਿਸਟ ਅਫਸਰ, Indian Army TGC-145 'ਚ ਇੰਜੀਨੀਅਰਿੰਗ ਗ੍ਰੈਜੂਏਟ ਨੌਜਵਾਨਾਂ ਲਈ, IIT Jodhpur 'ਚ ਨਾਨ-ਫੈਕਲਟੀ ਅਹੁਦਿਆਂ, Assam Rifles 'ਚ ਟੈਕਨੀਕਲ ਅਤੇ ਟਰੇਡਸਮੈਨ ਅਹੁਦਿਆਂ, ਭਾਰਤੀ ਪ੍ਰੈੱਸ ਕੌਂਸਲ 'ਚ ASO ਅਹੁਦਿਆਂ ਅਤੇ UPSC 'ਚ ਲਾਅ ਅਫਸਰ-ਸਪੈਸ਼ਲਿਸਟ ਸਮੇਤ ਹੋਰ ਅਹੁਦਿਆਂ 'ਤੇ ਵੀ ਭਰਤੀਆਂ ਚੱਲ ਰਹੀਆਂ ਹਨ। ਉਮੀਦਵਾਰ ਆਪਣੀ ਯੋਗਤਾ ਦੇ ਅਨੁਸਾਰ ਆਖਰੀ ਤਰੀਕ ਨੂੰ ਧਿਆਨ 'ਚ ਰੱਖਦੇ ਹੋਏ ਅਰਜ਼ੀ ਫਾਰਮ ਭਰ ਸਕਦੇ ਹਨ।