- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਖੇਡਾਂ ਲਈ ਪੜ੍ਹਾਈ ਕੁਰਬਾਨ ਕਰਨ ਵਾਲੀ GEN Z ਐਥਲੀਟ ਈਸ਼ਾ ਸਿੰਘ ਦਾ ਕਮਾਲ, Asian Games 25 ਮੀਟਰ ਪਿਸਟਲ 'ਚ ਜਿੱਤਿਆ ਸਿਲਵਰ ਮੈਡਲ
ਜਾਪਾਨ ਦੇ ਆਇਚੀ-ਨਾਗੋਯਾ 'ਚ ਭਾਰਤ ਦੀ ਈਸ਼ਾ ਸਿੰਘ ਨੇ ਮਹਿਲਾਵਾਂ ਦੀ 25 ਮੀਟਰ ਪਿਸਟਲ ਫਾਈਨਲ 'ਚ ਸਿਲਵਰ ਮੈਡਲ ਜਿੱਤਿਆ ਹੈ। ਈਸ਼ਾ ਸਿੰਘ ਨੇ ਇਸ ਤੋਂ ਪਹਿਲਾਂ 2022 ਹਾਂਗਝੋਊ 'ਚ ਵੀ ਸਿਲਵਰ ਮੈਡਲ ਆਪਣੇ ਨਾਮ ਕੀਤਾ ਸੀ ਅਤੇ ਇਸ ਵਾਰ ਵੀ ਆਪਣੇ ਪ੍ਰਦਰਸ਼ਨ ਨੂੰ ਦੁਹਰਾਇਆ ਹੈ।
Posted By Seema Anand
Publish Date: Mon, 28 Sep 2026 03:10 PM (IST)
Updated Date: Mon, 28 Sep 2026 03:13 PM (IST)
ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ : "ਪੜ੍ਹੋਗੇ-ਲਿਖੋਗੇ ਬਣੋਗੇ ਨਵਾਬ, ਖੇਡੋਗੇ-ਕੁੱਦੋਗੇ ਹੋਵੋਗੇ ਖਰਾਬ" ਇਹ ਕਹਾਵਤ ਹੁਣ ਪੁਰਾਣੀ ਹੋ ਗਈ ਹੈ। ਮੌਜੂਦਾ ਸਮੇਂ 'ਚ ਖੇਡ ਇੰਨੀ ਅੱਗੇ ਵੱਧ ਚੁੱਕੀਆਂ ਹਨ ਕਿ ਕਈ ਵਾਰ ਬਾਕੀ ਲੋਕ ਪਿੱਛੇ ਰਹਿ ਜਾਂਦੇ ਹਨ। ਹਾਲਾਂਕਿ, ਇਸ ਲਈ ਪੂਰੇ ਸਮਰਪਣ ਦੀ ਲੋੜ ਹੁੰਦੀ ਹੈ। ਅਜਿਹਾ ਨਹੀਂ ਹੈ ਕਿ ਸਿਰਫ਼ ਆਮ ਤੌਰ 'ਤੇ ਗੇਮਜ਼ ਖੇਡ ਕੇ ਹੀ ਤੁਸੀਂ ਅੱਗੇ ਵੱਧ ਸਕਦੇ ਹੋ। ਖੇਡਾਂ 'ਚ ਅੱਗੇ ਵਧਣ ਲਈ ਮਿਹਨਤ ਅਤੇ ਸਖ਼ਤ ਤਿਆਰੀ ਦੀ ਲੋੜ ਹੁੰਦੀ ਹੈ।
GEN Z ਐਥਲੀਟ ਈਸ਼ਾ ਸਿੰਘ ਨੇ ਏਸ਼ੀਅਨ ਗੇਮਜ਼ 'ਚ ਹਾਸਲ ਕੀਤਾ ਸਿਲਵਰ ਮੈਡਲ
ਜਾਪਾਨ ਦੇ ਆਇਚੀ-ਨਾਗੋਯਾ 'ਚ ਭਾਰਤ ਦੀ ਈਸ਼ਾ ਸਿੰਘ ਨੇ ਮਹਿਲਾਵਾਂ ਦੀ 25 ਮੀਟਰ ਪਿਸਟਲ ਫਾਈਨਲ 'ਚ ਸਿਲਵਰ ਮੈਡਲ ਜਿੱਤਿਆ ਹੈ। ਈਸ਼ਾ ਸਿੰਘ ਨੇ ਇਸ ਤੋਂ ਪਹਿਲਾਂ 2022 ਹਾਂਗਝੋਊ 'ਚ ਵੀ ਸਿਲਵਰ ਮੈਡਲ ਆਪਣੇ ਨਾਮ ਕੀਤਾ ਸੀ ਅਤੇ ਇਸ ਵਾਰ ਵੀ ਆਪਣੇ ਪ੍ਰਦਰਸ਼ਨ ਨੂੰ ਦੁਹਰਾਇਆ ਹੈ।
ਸ਼ੁਰੂਆਤੀ ਪੜ੍ਹਾਈ ਤੋਂ ਬਾਅਦ ਕੀਤੀ ਹੋਮ ਸਕੂਲਿੰਗ
ਤੁਹਾਨੂੰ ਦੱਸ ਦੇਈਏ ਕਿ ਈਸ਼ਾ ਸਿੰਘ ਨੇ ਆਪਣੀ ਸ਼ੁਰੂਆਤੀ ਸਿੱਖਿਆ ਹੈਦਰਾਬਾਦ ਦੇ 'ਬੋਲਟਨ ਸਕੂਲ' ਅਤੇ 'ਰੇਕੇਲਫੋਰਡ ਹਾਈ ਸਕੂਲ' ਤੋਂ ਪੂਰੀ ਕੀਤੀ। ਪਰ ਇਸ ਤੋਂ ਬਾਅਦ ਨਿਸ਼ਾਨੇਬਾਜ਼ੀ (ਸ਼ੂਟਿੰਗ) ਦੇ ਸਖ਼ਤ ਅਤੇ ਰੁਝੇਵੇਂ ਭਰੇ ਟ੍ਰੇਨਿੰਗ ਸ਼ਡਿਊਲ ਕਾਰਨ ਉਨ੍ਹਾਂ ਨੇ ਹੋਮ ਸਕੂਲਿੰਗ ਦਾ ਰਾਹ ਚੁਣਿਆ, ਤਾਂ ਜੋ ਉਹ ਆਪਣੀ ਪੜ੍ਹਾਈ ਅਤੇ ਖੇਡ ਵਿਚਾਲੇ ਸੰਤੁਲਨ ਬਣਾ ਸਕਣ।
ਈਸ਼ਾ ਦੇ ਪਿਤਾ ਵੀ ਇੱਕ ਸਪੋਰਟਸਮੈਨ ਰਹੇ ਹਨ। ਅਜਿਹੇ 'ਚ ਉਨ੍ਹਾਂ ਦਾ ਮੰਨਣਾ ਹੈ ਕਿ ਕਿਤਾਬੀ ਗਿਆਨ ਤੋਂ ਇਲਾਵਾ ਬੱਚਿਆਂ ਦੇ ਸਮੁੱਚੇ ਵਿਕਾਸ ਅਤੇ ਅਨੁਸ਼ਾਸਨ ਲਈ ਖੇਡਾਂ ਬੇਹੱਦ ਜ਼ਰੂਰੀ ਹਨ।
ਈਸ਼ਾ ਸਿੰਘ ਦਾ ਜੀਵਨ ਪਰਿਚੈ
ਈਸ਼ਾ ਸਿੰਘ ਦਾ ਜਨਮ 1 ਜਨਵਰੀ 2005 ਨੂੰ ਹੈਦਰਾਬਾਦ 'ਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਦਾ ਨਾਮ ਸਚਿਨ ਸਿੰਘ ਅਤੇ ਮਾਤਾ ਦਾ ਨਾਮ ਸ਼੍ਰੀਲਤਾ ਹੈ। ਹੈਦਰਾਬਾਦ ਦੇ ਗਾਚੀਬੌਲੀ ਐਥਲੈਟਿਕ ਸਟੇਡੀਅਮ 'ਚ ਸ਼ੂਟਿੰਗ ਰੇਂਜ ਜਾਣ ਤੋਂ ਬਾਅਦ ਉਨ੍ਹਾਂ ਨੂੰ ਏਅਰ ਪਿਸਟਲ 'ਚ ਕਰੀਅਰ ਬਣਾਉਣ ਦੀ ਪ੍ਰੇਰਣਾ ਮਿਲੀ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਗੋ-ਕਾਰਟਿੰਗ, ਬੈਡਮਿੰਟਨ, ਟੈਨਿਸ ਅਤੇ ਸਕੇਟਿੰਗ 'ਚ ਵੀ ਆਪਣਾ ਹੱਥ ਅਜ਼ਮਾਇਆ।
ਸ਼ੁਰੂਆਤ 'ਚ ਉਨ੍ਹਾਂ ਦੀ ਪ੍ਰੈਕਟਿਸ ਲਈ ਪਿਤਾ ਨੇ ਘਰ 'ਚ ਹੀ ਪ੍ਰੈਕਟਿਸ ਰੇਂਜ ਤਿਆਰ ਕੀਤੀ। ਇਸ ਤੋਂ ਬਾਅਦ ਬਿਹਤਰ ਤਿਆਰੀ ਲਈ ਉਨ੍ਹਾਂ ਨੇ ਓਲੰਪਿਕ ਮੈਡਲਿਸਟ ਗਗਨ ਨਾਰੰਗ ਦੀ ਗਨ ਫਾਰ ਗਲੋਰੀ ਅਕੈਡਮੀ ਜੁਆਇਨ ਕੀਤੀ। ਈਸ਼ਾ ਸਿੰਘ 2023 ਤੋਂ ਲੈ ਕੇ ਹੁਣ ਤੱਕ ਦਰਜਨਾਂ ਮੈਡਲ ਹਾਸਲ ਕਰ ਚੁੱਕੀ ਹੈ। ਈਸ਼ਾ ਸਿੰਘ ਨੂੰ ਉਨ੍ਹਾਂ ਦੇ ਯੋਗਦਾਨ ਲਈ 2023 'ਚ ਅਰਜੁਨ ਐਵਾਰਡ ਅਤੇ 2024 'ਚ ਇੰਡੀਅਨ ਸਪੋਰਟਸ ਆਨਰਜ਼ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ।