- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅਗਨੀਵੀਰਾਂ ਨੂੰ ਦੀਵਾਲੀ ਦਾ ਤੋਹਫ਼ਾ : 75% ਸੈਨਿਕਾਂ ਨੂੰ ਮਿਲੇਗਾ 2 ਸਾਲ ਦਾ ਸੇਵਾ ਵਿਸਥਾਰ, CDS ਨੇ ਕੀਤਾ ਐਲਾਨ
CDS ਵੱਲੋਂ ਕੀਤੇ ਗਏ ਐਲਾਨ ਅਨੁਸਾਰ ਅਗਨੀਵੀਰ ਦੇ ਅਹੁਦਿਆਂ 'ਤੇ ਕੰਮ ਕਰ ਰਹੇ 75 ਫ਼ੀਸਦੀ ਸੈਨਿਕਾਂ ਨੂੰ ਦੋ ਸਾਲ ਦਾ ਸੇਵਾ ਵਿਸਥਾਰ ਮਿਲੇਗਾ। ਉੱਥੇ ਹੀ 25 ਫ਼ੀਸਦੀ ਅਜਿਹੇ ਅਗਨੀਵੀਰ, ਜੋ ਲੋਅ ਪ੍ਰੋਫਾਈਲ ਰਹਿਣਗੇ, ਉਨ੍ਹਾਂ ਨੂੰ ਸੇਵਾ ਵਿਸਥਾਰ ਨਹੀਂ ਮਿਲੇਗਾ।
Posted By Seema Anand
Publish Date: Wed, 04 Nov 2026 03:16 PM (IST)
Updated Date: Wed, 04 Nov 2026 04:02 PM (IST)
ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ : ਭਾਰਤੀ ਫ਼ੌਜ 'ਚ ਅਗਨੀਵੀਰ ਦੇ ਅਹੁਦਿਆਂ 'ਤੇ ਨੌਕਰੀ ਕਰ ਰਹੇ ਸੈਨਿਕਾਂ ਲਈ ਵੱਡੀ ਖ਼ਬਰ ਹੈ। ਭਾਰਤ ਦੇ ਮੌਜੂਦਾ ਚੀਫ਼ ਆਫ਼ ਡਿਫੈਂਸ ਸਟਾਫ਼ (CDS) ਜਨਰਲ ਐੱਨ. ਐੱਸ. ਰਾਜਾ ਸੁਬਰਾਮਣੀ ਨੇ ਅਗਨੀਵੀਰਾਂ ਨੂੰ ਦੋ ਸਾਲ ਦਾ ਸੇਵਾ ਵਿਸਥਾਰ ਦੇਣ ਦਾ ਐਲਾਨ ਕੀਤਾ ਹੈ। ਅਜਿਹੇ 'ਚ ਹੁਣ ਅਗਨੀਵੀਰਾਂ ਦਾ ਕਾਰਜਕਾਲ 4 ਦੀ ਬਜਾਏ 6 ਸਾਲ ਹੋ ਜਾਵੇਗਾ। ਕੈਬਨਿਟ ਵੱਲੋਂ ਇਸ ਫ਼ੈਸਲੇ ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।
ਦੀਵਾਲੀ 'ਤੇ ਅਗਨੀਵੀਰਾਂ ਨੂੰ ਮਿਲਿਆ ਤੋਹਫ਼ਾ
ਤੁਹਾਨੂੰ ਦੱਸ ਦੇਈਏ ਕਿ ਪਹਿਲਾਂ ਤੋਂ ਹੀ ਇਸ ਸਬੰਧੀ ਮੀਟਿੰਗ ਚੱਲ ਰਹੀ ਸੀ। ਇਸ ਤੋਂ ਬਾਅਦ ਕੈਬਨਿਟ ਵੱਲੋਂ ਇਸ ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ ਅਤੇ ਹੁਣ ਦੀਵਾਲੀ ਤੋਂ ਪਹਿਲਾਂ ਅਗਨੀਵੀਰਾਂ ਨੂੰ ਸੇਵਾ ਵਿਸਥਾਰ ਦਾ ਤੋਹਫ਼ਾ ਮਿਲਿਆ ਹੈ।
ਮੁਲਾਂਕਣ ਦੇ ਆਧਾਰ 'ਤੇ ਮਿਲੇਗਾ ਸੇਵਾ ਵਿਸਥਾਰ
ਸੀਡੀਐੱਸ ਨੇ ਦੱਸਿਆ ਕਿ ਦੋ ਸਾਲ ਦਾ ਸੇਵਾ ਵਿਸਥਾਰ ਹਾਸਲ ਕਰਨ ਵਾਲੇ ਅਗਨੀਵੀਰਾਂ ਨੂੰ ਉਨ੍ਹਾਂ ਦੇ ਪ੍ਰਦਰਸ਼ਨ ਦੇ ਮੁਲਾਂਕਣ ਦੇ ਆਧਾਰ 'ਤੇ ਪੱਕੇ ਅਹੁਦੇ ਦਿੱਤੇ ਜਾ ਸਕਦੇ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਜਿਨ੍ਹਾਂ ਅਗਨੀਵੀਰਾਂ ਨੂੰ ਸੇਵਾ ਵਿਸਥਾਰ ਮਿਲੇਗਾ, ਉਨ੍ਹਾਂ ਨੂੰ ਬਿਹਤਰ ਤਨਖ਼ਾਹ ਅਤੇ ਭੱਤੇ ਵੀ ਮਿਲਣਗੇ। ਕੈਬਨਿਟ ਦੇ ਇਸ ਫ਼ੈਸਲੇ ਨਾਲ ਸਾਰੇ ਅਗਨੀਵੀਰਾਂ ਲਈ ਹਥਿਆਰਬੰਦ ਸੈਨਾਵਾਂ 'ਚ ਸ਼ਾਮਲ ਹੋਣ ਦਾ ਰਾਹ ਖੁੱਲ੍ਹ ਗਿਆ ਹੈ।
75 ਫ਼ੀਸਦੀ ਸੈਨਿਕਾਂ ਨੂੰ ਮਿਲੇਗਾ ਸੇਵਾ ਵਿਸਥਾਰ
ਸੀਡੀਐੱਸ ਵੱਲੋਂ ਕੀਤੇ ਗਏ ਐਲਾਨ ਅਨੁਸਾਰ ਅਗਨੀਵੀਰ ਦੇ ਅਹੁਦਿਆਂ 'ਤੇ ਕੰਮ ਕਰ ਰਹੇ 75 ਫ਼ੀਸਦੀ ਸੈਨਿਕਾਂ ਨੂੰ ਦੋ ਸਾਲ ਦਾ ਸੇਵਾ ਵਿਸਥਾਰ ਮਿਲੇਗਾ। ਉੱਥੇ ਹੀ 25 ਫ਼ੀਸਦੀ ਅਜਿਹੇ ਅਗਨੀਵੀਰ, ਜੋ ਲੋਅ ਪ੍ਰੋਫਾਈਲ ਰਹਿਣਗੇ, ਉਨ੍ਹਾਂ ਨੂੰ ਸੇਵਾ ਵਿਸਥਾਰ ਨਹੀਂ ਮਿਲੇਗਾ।
ਨਵੰਬਰ ਤੋਂ ਪਹਿਲਾ ਬੈਚ ਹੋ ਰਿਹਾ ਸੀ ਸੇਵਾਮੁਕਤ
ਇੰਡੀਅਨ ਨੇਵੀ ਦਾ ਪਹਿਲਾ ਬੈਚ 21 ਨਵੰਬਰ ਨੂੰ, ਏਅਰਫੋਰਸ ਦੇ ਅਗਨੀਵੀਰਾਂ ਦਾ ਪਹਿਲਾ ਬੈਚ 21 ਦਸੰਬਰ ਨੂੰ ਅਤੇ ਇੰਡੀਅਨ ਆਰਮੀ ਦੇ ਅਗਨੀਵੀਰਾਂ ਦਾ ਪਹਿਲਾ ਬੈਚ 31 ਦਸੰਬਰ ਨੂੰ ਸੇਵਾ ਮੁਕਤ ਹੋਣ ਵਾਲਾ ਸੀ। ਹੁਣ 75 ਫ਼ੀਸਦੀ ਸੈਨਿਕਾਂ ਨੂੰ ਦੋ ਸਾਲ ਹੋਰ ਨੌਕਰੀ ਕਰਨ ਦਾ ਮੌਕਾ ਮਿਲੇਗਾ।