- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਤੇਜ਼ ਗੇਂਦਬਾਜ਼ ਅਕਾਸ਼ ਦੀਪ ਦੇ ਵਿਆਹ 'ਚੋਂ ਕਿਉਂ ਕੋਹਲੀ, ਰੋਹਿਤ ਤੇ ਧੋਨੀ ਰਹੇ ਗੁੰਮ ? ਸਾਹਮਣੇ ਆਈ ਵਜ੍ਹਾ ਨੇ ਸਭ ਨੂੰ ਕੀਤਾ ਹੈਰਾਨ
ਅਕਾਸ਼ ਦੀਪ ਨੇ ਖ਼ੁਦ ਆਪਣੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕੀਤੀਆਂ ਹਨ। ਇਸ ਦੌਰਾਨ ਇੱਕ ਵੀਡੀਓ ਕਲਿੱਪ ਵਾਇਰਲ ਹੋ ਰਹੀ ਹੈ ਜਿਸ 'ਚ ਅਕਾਸ਼ ਦੀਪ ਟੈਗ ਹਨ, ਉਸ 'ਚ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਉਨ੍ਹਾਂ ਨੇ ਆਪਣੇ ਵਿਆਹ 'ਚ ਵਿਰਾਟ ਕੋਹਲੀ, ਐਮਐਸ ਧੋਨੀ ਅਤੇ ਰੋਹਿਤ ਸ਼ਰਮਾ ਨੂੰ ਸੱਦਾ ਕਿਉਂ ਨਹੀਂ ਦਿੱਤਾ? ਇਸ ਦੇ ਪਿੱਛੇ ਦੀ ਵਜ੍ਹਾ ਉਨ੍ਹਾਂ ਨੇ ਖ਼ੁਦ ਦੱਸੀ ਹੈ, ਜਿਸ ਦੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
Posted By Sunita
Publish Date: Thu, 25 Jun 2026 12:23 PM (IST)
Updated Date: Thu, 25 Jun 2026 12:25 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਟੀਮ ਦੇ ਤੇਜ਼ ਗੇਂਦਬਾਜ਼ ਅਕਾਸ਼ ਦੀਪ ਨੇ ਬੁੱਧਵਾਰ ਨੂੰ ਕਾਸ਼ੀ 'ਚ ਅਕਸ਼ਿਤਾ ਨਾਲ ਸੱਤ ਫੇਰੇ ਲਏ। ਵਿਆਹ ਸਮਾਗਮ ਦੌਰਾਨ ਉਨ੍ਹਾਂ ਦੇ ਪਰਿਵਾਰ, ਰਿਸ਼ਤੇਦਾਰਾਂ ਅਤੇ ਕਰੀਬੀ ਮਹਿਮਾਨਾਂ ਦੀ ਮੌਜੂਦਗੀ 'ਚ ਖ਼ੁਸ਼ੀਆਂ ਦਾ ਮਾਹੌਲ ਰਿਹਾ।
ਅਕਾਸ਼ ਦੀਪ ਨੇ ਖ਼ੁਦ ਆਪਣੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕੀਤੀਆਂ ਹਨ। ਇਸ ਦੌਰਾਨ ਇੱਕ ਵੀਡੀਓ ਕਲਿੱਪ ਵਾਇਰਲ ਹੋ ਰਹੀ ਹੈ ਜਿਸ 'ਚ ਅਕਾਸ਼ ਦੀਪ ਟੈਗ ਹਨ, ਉਸ 'ਚ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਉਨ੍ਹਾਂ ਨੇ ਆਪਣੇ ਵਿਆਹ 'ਚ ਵਿਰਾਟ ਕੋਹਲੀ, ਐਮਐਸ ਧੋਨੀ ਅਤੇ ਰੋਹਿਤ ਸ਼ਰਮਾ ਨੂੰ ਸੱਦਾ ਕਿਉਂ ਨਹੀਂ ਦਿੱਤਾ? ਇਸ ਦੇ ਪਿੱਛੇ ਦੀ ਵਜ੍ਹਾ ਉਨ੍ਹਾਂ ਨੇ ਖ਼ੁਦ ਦੱਸੀ ਹੈ, ਜਿਸ ਦੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
Look at Aakash Deep's reaction when his friend asked, "Bhaiya, aapne Virat Kohli Bhaiya, Dhoni Bhaiya aur Rohit Bhaiya ko apni shaadi mein kyun nahi bulaya?"
Aakash Deep replied, "Phir yahan shaadi nahi ho paati, bahar karni padti." 😂 pic.twitter.com/9vAgnwupVi
— Sonu (@Cricket_live247) June 25, 2026
ਦਰਅਸਲ, ਅਕਾਸ਼ ਦੀਪ ਦੇ ਵਿਆਹ ਦੀ ਇੱਕ ਵੀਡੀਓ 'ਚ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਉਨ੍ਹਾਂ ਨੇ ਕੋਹਲੀ, ਰੋਹਿਤ ਅਤੇ ਧੋਨੀ ਨੂੰ ਕਿਉਂ ਨਹੀਂ ਬੁਲਾਇਆ। ਅਕਾਸ਼ ਨੇ ਹੱਸਦੇ ਹੋਏ ਜਵਾਬ ਦਿੱਤਾ, "ਕੀ ਇੱਥੇ ਬਨਾਰਸ 'ਚ ਵਿਆਹ ਹੋ ਪਾਉਂਦਾ?" ਉਨ੍ਹਾਂ ਦਾ ਇਸ਼ਾਰਾ ਸੀ ਕਿ ਜੇਕਰ ਇਹ ਸਟਾਰ ਖਿਡਾਰੀ ਆਉਂਦੇ ਤਾਂ ਭੀੜ ਕਾਰਨ ਵਿਆਹ ਹੀ ਨਾ ਹੋ ਪਾਉਂਦਾ।
ਅਕਾਸ਼ ਦੀਪ ਦਾ ਕ੍ਰਿਕਟ ਕਰੀਅਰ
ਦੱਸ ਦੇਈਏ ਕਿ ਅਕਾਸ਼ ਦੀਪ ਨੇ ਭਾਰਤ ਲਈ 10 ਟੈਸਟ ਮੈਚ ਖੇਡੇ ਹਨ ਅਤੇ 28 ਵਿਕਟਾਂ ਲਈਆਂ ਹਨ। ਇੱਕ ਪਾਰੀ 'ਚ ਉਨ੍ਹਾਂ ਦਾ ਸਭ ਤੋਂ ਸ਼ਾਨਦਾਰ ਪ੍ਰਦਰਸ਼ਨ 6 ਵਿਕਟਾਂ ਦੇ ਕੇ 60 ਰਨ ਹੈ, ਜਦਕਿ ਇੱਕ ਮੈਚ 'ਚ 10 ਵਿਕਟਾਂ ਦੇ ਕੇ 112 ਰਨ ਹੈ। ਉਨ੍ਹਾਂ ਦੇ ਕਰੀਅਰ ਦਾ ਹੁਣ ਤੱਕ ਦਾ ਸਭ ਤੋਂ ਯਾਦਗਾਰ ਪਲ, ਪਿਛਲੇ ਸਾਲ ਇੰਗਲੈਂਡ ਵਿਰੁੱਧ ਬਰਮਿੰਘਮ ਟੈਸਟ ਸੀ। ਐਂਡਰਸਨ-ਤੈਂਦੁਲਕਰ ਸੀਰੀਜ਼ 'ਚ ਉਨ੍ਹਾਂ ਨੇ ਮੈਚ 'ਚ 12 ਵਿਕਟਾਂ ਝਟਕਾਈਆਂ ਸਨ।
ਇਸ ਤੋਂ ਇਲਾਵਾ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਅਕਾਸ਼ ਦੀਪ ਨੂੰ IPL 2026 ਲਈ ਖਰੀਦਿਆ ਸੀ, ਪਰ ਸੱਟ ਕਾਰਨ ਉਹ ਪੂਰਾ ਸੀਜ਼ਨ ਨਹੀਂ ਖੇਡ ਸਕੇ। ਉਨ੍ਹਾਂ ਦੀ ਕਮਰ 'ਚ ਸੱਟ ਲੱਗ ਗਈ ਸੀ। ਇਸੇ ਸੱਟ ਕਾਰਨ ਉਹ ਭਾਰਤ ਦੀ ਟੈਸਟ ਟੀਮ ਤੋਂ ਵੀ ਬਾਹਰ ਚੱਲ ਰਹੇ ਹਨ। ਅਕਾਸ਼ ਦੀਪ ਇਸ ਸਮੇਂ ਆਪਣੀ ਸੱਟ ਤੋਂ ਉਭਰ ਰਹੇ ਹਨ।