ਵਿਰਾਟ ਕੋਹਲੀ ਨੂੰ ਪ੍ਰੇਮਾਨੰਦ ਮਹਾਰਾਜ ਦੇ ਆਸ਼ਰਮ ਜਾਣ ਲਈ ਮਿਲੇ ਸਨ 5 ਕਰੋੜ ਰੁਪਏ ! ਜਾਣੋ ਵਾਇਰਲ ਦਾਅਵੇ ਦੀ ਕੀ ਹੈ ਸੱਚਾਈ

ਸੋਸ਼ਲ ਮੀਡੀਆ 'ਤੇ ਇਹ ਗੱਲ ਵਾਇਰਲ ਹੋ ਰਹੀ ਹੈ ਕਿ ਜਦੋਂ ਵਿਰਾਟ ਅਤੇ ਅਨੁਸ਼ਕਾ ਪਹਿਲੀ ਵਾਰ ਪ੍ਰੇਮਾਨੰਦ ਮਹਾਰਾਜ ਦੇ ਆਸ਼ਰਮ ਗਏ ਸਨ ਤਾਂ ਇਸ ਲਈ ਉਨ੍ਹਾਂ ਨੂੰ ਪੰਜ ਕਰੋੜ ਰੁਪਏ ਦਿੱਤੇ ਗਏ ਸਨ। ਹਾਲਾਂਕਿ, ਇਸ ਦਾਅਵੇ ਦਾ ਕੋਈ ਅਧਿਕਾਰਤ ਸਰੋਤ ਸਾਹਮਣੇ ਨਹੀਂ ਆਇਆ ਹੈ ਅਤੇ ਨਾ ਹੀ ਹੁਣ ਤੱਕ ਇਸ ਦੀ ਪੁਸ਼ਟੀ ਹੋਈ ਹੈ।

Posted By Seema Anand

Publish Date: Tue, 06 Oct 2026 03:49 PM (IST)

Updated Date: Tue, 06 Oct 2026 04:16 PM (IST)

ਵਿਰਾਟ ਕੋਹਲੀ ਨੂੰ ਪ੍ਰੇਮਾਨੰਦ ਮਹਾਰਾਜ ਦੇ ਆਸ਼ਰਮ ਜਾਣ ਲਈ ਮਿਲੇ ਸਨ 5 ਕਰੋੜ ਰੁਪਏ ! ਜਾਣੋ ਵਾਇਰਲ ਦਾਅਵੇ ਦੀ ਕੀ ਹੈ ਸੱਚਾਈ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਅਤੇ ਉਨ੍ਹਾਂ ਦੀ ਪਤਨੀ ਅਨੁਸ਼ਕਾ ਸ਼ਰਮਾ ਨੂੰ ਕਈ ਵਾਰ ਵ੍ਰਿੰਦਾਵਨ 'ਚ ਪ੍ਰੇਮਾਨੰਦ ਮਹਾਰਾਜ ਕੋਲ ਜਾਂਦੇ ਅਤੇ ਉਨ੍ਹਾਂ ਨਾਲ ਗੱਲਬਾਤ ਕਰਦੇ ਦੇਖਿਆ ਗਿਆ ਹੈ। ਦੋਵੇਂ ਹੀ ਪ੍ਰੇਮਾਨੰਦ ਮਹਾਰਾਜ ਦੇ ਵੱਡੇ ਭਗਤ ਮੰਨੇ ਜਾਂਦੇ ਹਨ, ਪਰ ਇਸ ਵਿਚਕਾਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਇਕ ਗੱਲ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ ਅਤੇ ਕਈ ਤਰ੍ਹਾਂ ਦੇ ਸਵਾਲ ਵੀ ਖੜ੍ਹੇ ਕਰ ਦਿੱਤੇ ਹਨ।

ਕਿੱਥੋਂ ਉੱਠੀ ਇਹ ਗੱਲ

ਏਬੀਪੀ ਨਿਊਜ਼ ਮੁਤਾਬਕ ਇਹ ਦਾਅਵਾ ਸਭ ਤੋਂ ਪਹਿਲਾਂ 'ਫਲਾਹਾਰੀ ਮਹਾਰਾਜ' ਦੇ ਨਾਂ ਨਾਲ ਚਰਚਿਤ ਦਿਨੇਸ਼ ਸ਼ਰਮਾ ਨੇ ਕੀਤਾ ਸੀ, ਜੋ ਸ੍ਰੀ ਕ੍ਰਿਸ਼ਨ ਜਨਮਭੂਮੀ ਸੰਘਰਸ਼ ਨਿਆਸ ਦੇ ਪ੍ਰਧਾਨ ਵੀ ਹਨ। ਇਨ੍ਹਾਂ ਦੋਸ਼ਾਂ ਦੇ ਨਾਲ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਨੂੰ ਲਿਖੀ ਇਕ ਚਿੱਠੀ ਵੀ ਹੈ। ਦਾਅਵੇ ਮੁਤਾਬਕ, ਪ੍ਰਾਪਰਟੀ ਬਿਲਡਰ ਲਾਬੀ ਅਤੇ ਰਾਜਸਥਾਨ ਦੀ ਇਕ ਨਿੱਜੀ ਕੰਪਨੀ ਨੇ ਕੋਹਲੀ ਨੂੰ ਪ੍ਰੇਮਾਨੰਦ ਮਹਾਰਾਜ ਦੇ ਆਸ਼ਰਮ ਲਿਆਉਣ ਲਈ ਪੰਜ ਕਰੋੜ ਰੁਪਏ ਦਿੱਤੇ ਸਨ। ਕੋਹਲੀ ਆਪਣੀ ਪਤਨੀ ਅਨੁਸ਼ਕਾ ਨਾਲ ਜਨਵਰੀ 2023 'ਚ ਪਹਿਲੀ ਵਾਰ ਆਸ਼ਰਮ ਗਏ ਸਨ।

ਕਥਿਤ ਦਾਅਵੇ ਮੁਤਾਬਕ, ਇਸ ਦੇ ਪਿੱਛੇ ਮਕਸਦ ਆਸ਼ਰਮ ਅਤੇ ਮਹਾਰਾਜ ਦੀ ਲੋਕਪ੍ਰਿਯਤਾ ਵਧਾਉਣਾ ਸੀ। ਹਾਲਾਂਕਿ, ਪੰਜ ਕਰੋੜ ਰੁਪਏ ਦੇ ਜੋ ਦੋਸ਼ ਲਗਾਏ ਜਾ ਰਹੇ ਹਨ, ਉਨ੍ਹਾਂ ਦਾ ਕੋਈ ਪੱਕਾ ਸਬੂਤ ਸਾਹਮਣੇ ਨਹੀਂ ਆਇਆ ਹੈ ਅਤੇ ਇਹ ਸਿਰਫ਼ ਬੇਬੁਨਿਆਦ ਬਿਆਨਬਾਜ਼ੀ ਹੀ ਨਜ਼ਰ ਆ ਰਹੀ ਹੈ।

ਕਈ ਵਾਰ ਕਰ ਚੁੱਕੇ ਹਨ ਦਰਸ਼ਨ

ਉੱਥੇ ਦੇਖਿਆ ਜਾਵੇ ਤਾਂ ਕੋਹਲੀ ਅਤੇ ਉਨ੍ਹਾਂ ਦੀ ਪਤਨੀ ਕਈ ਵਾਰ ਪ੍ਰੇਮਾਨੰਦ ਮਹਾਰਾਜ ਦੇ ਦਰਸ਼ਨ ਕਰ ਚੁੱਕੇ ਹਨ ਅਤੇ ਉਨ੍ਹਾਂ ਦੇ ਸਤਿਸੰਗ 'ਚ ਸ਼ਾਮਲ ਹੋ ਚੁੱਕੇ ਹਨ। ਕੋਹਲੀ ਕਈ ਵਾਰ ਉਨ੍ਹਾਂ ਪ੍ਰਤੀ ਆਪਣੀ ਸ਼ਰਧਾ ਅਤੇ ਸਤਿਕਾਰ ਵੀ ਜ਼ਾਹਰ ਕਰ ਚੁੱਕੇ ਹਨ। ਅਜਿਹੇ 'ਚ ਕੋਹਲੀ ਅਤੇ ਅਨੁਸ਼ਕਾ ਨੂੰ ਆਸ਼ਰਮ ਆਉਣ ਲਈ ਪੈਸੇ ਦੇਣ ਦੇ ਜੋ ਦੋਸ਼ ਲਗਾਏ ਜਾ ਰਹੇ ਹਨ, ਉਨ੍ਹਾਂ ਦੇ ਕੋਈ ਪੱਕੇ ਸਬੂਤ ਹੁਣ ਤੱਕ ਨਹੀਂ ਮਿਲੇ ਹਨ ਅਤੇ ਇਹ ਸਿਰਫ਼ ਬਿਆਨਬਾਜ਼ੀ ਹੀ ਦਿਖਾਈ ਦਿੰਦੀ ਹੈ।