Vaibhav Suryavanshi ਦਾ ਡੈਬਿਊ ਪੱਕਾ? IND vs IRE T20I ਸੀਰੀਜ਼ ਤੋਂ ਪਹਿਲਾਂ ਬੇਲਫਾਸਟ ਪਹੁੰਚੇ ਮਾਤਾ-ਪਿਤਾ; VIDEO ਵਾਇਰਲ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤ ਬਨਾਮ ਆਇਰਲੈਂਡ ਦੇ ਪਹਿਲੇ ਟੀ-20ਆਈ ਮੈਚ ਤੋਂ ਪਹਿਲਾਂ ਹਰ ਕਿਸੇ ਦੀਆਂ ਨਜ਼ਰਾਂ 15 ਸਾਲ ਦੇ ਵੈਭਵ ਸੂਰਿਆਵੰਸ਼ੀ 'ਤੇ ਟਿਕੀਆਂ ਹੋਈਆਂ ਹਨ। ਸਭ ਤੋਂ ਵੱਡਾ ਸਵਾਲ ਇਹ ਉੱਠ ਰਿਹਾ ਹੈ ਕਿ ਕੀ ਵੈਭਵ ਸੂਰਿਆਵੰਸ਼ੀ ਨੂੰ ਇੰਟਰਨੈਸ਼ਨਲ ਡੈਬਿਊ ਦਾ ਮੌਕਾ ਮਿਲੇਗਾ? ਸਾਰੇ ਪ੍ਰਸ਼ੰਸਕ ਦੋ ਮੈਚਾਂ ਦੀ ਟੀ-20ਆਈ ਸੀਰੀਜ਼ ਦੇ ਆਗਾਜ਼ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।

ਇਸ ਸੀਰੀਜ਼ ਤੋਂ ਪਹਿਲਾਂ ਵੈਭਵ ਦੇ ਮਾਤਾ-ਪਿਤਾ ਉੱਤਰੀ ਆਇਰਲੈਂਡ ਅਤੇ ਬੇਲਫਾਸਟ ਵਿੱਚ ਟੀਮ ਇੰਡੀਆ ਦੇ ਹੋਟਲ ਵਿੱਚ ਪਹੁੰਚ ਚੁੱਕੇ ਹਨ। ਉਨ੍ਹਾਂ ਦੇ ਪਰਿਵਾਰ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਹੋਟਲ ਦੇ ਅੰਦਰ ਜਾਂਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਤੋਂ ਬਾਅਦ ਵੈਭਵ ਦੇ ਇੰਟਰਨੈਸ਼ਨਲ ਡੈਬਿਊ ਦੀ ਚਰਚਾ ਹੋਰ ਤੇਜ਼ ਹੋ ਗਈ ਹੈ।

Vaibhav Suryavanshi ਦਾ ਸੁਪਨਾ ਆਖ਼ਰਕਾਰ ਹੋਇਆ ਪੂਰਾ

ਦਰਅਸਲ, ਆਇਰਲੈਂਡ ਖ਼ਲਾਫ਼ ਦੋ ਮੈਚਾਂ ਦੀ ਟੀ-20ਆਈ ਸੀਰੀਜ਼ ਤੋਂ ਪਹਿਲਾਂ ਵੈਭਵ ਨੂੰ ਇੰਡੀਆ ਦੀ ਜਰਸੀ ਮਿਲੀ। ਪਹਿਲੀ ਵਾਰ ਭਾਰਤ ਦੀ ਜਰਸੀ ਮਿਲਣ ਤੋਂ ਬਾਅਦ ਬੀ.ਸੀ.ਸੀ.ਆਈ. ਦੀ ਵੀਡੀਓ ਵਿੱਚ ਵੈਭਵ ਨੇ ਕਿਹਾ, "ਮੇਰੇ ਕੋਲ ਸ਼ਬਦ ਨਹੀਂ ਹਨ। ਜਿਸ ਵਜ੍ਹਾ ਕਰਕੇ ਮੈਂ ਪਹਿਲੇ ਦਿਨ ਤੋਂ ਬੱਲਾ ਚੁੱਕਿਆ ਅਤੇ ਪ੍ਰੈਕਟਿਸ ਲਈ ਕ੍ਰਿਕਟ ਗਰਾਊਂਡ ਗਿਆ, ਅੱਜ ਉਹ ਸੁਪਨਾ ਪੂਰਾ ਹੋ ਗਿਆ ਹੈ। ਅੱਜ ਉਸ ਸਫ਼ਰ ਦਾ ਸਭ ਤੋਂ ਵੱਡਾ ਕਦਮ ਪੂਰਾ ਹੋਇਆ। ਮੈਂ ਸੱਚਮੁੱਚ ਇਸ ਅਹਿਸਾਸ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕਰ ਸਕਦਾ।"

15 ਸਾਲ ਦੇ ਇਸ ਨੌਜਵਾਨ ਸੈਂਸੇਸ਼ਨ ਨੇ ਇਹ ਵੀ ਮੰਨਿਆ ਕਿ ਜਦੋਂ ਉਨ੍ਹਾਂ ਨੇ ਪਹਿਲੀ ਵਾਰ ਟੀਮ ਇੰਡੀਆ ਦੀ ਜਰਸੀ ਦੇਖੀ ਤਾਂ ਉਨ੍ਹਾਂ ਨੂੰ ਯਕੀਨ ਹੀ ਨਹੀਂ ਹੋਇਆ। ਉਨ੍ਹਾਂ ਨੇ ਕਿਹਾ, "ਇਹ ਕਿਸੇ ਸੁਪਨੇ ਵਰਗਾ ਲੱਗਿਆ। ਜਿਵੇਂ ਹੀ ਮੈਂ ਉਹ ਟੀ-ਸ਼ਰਟ ਦੇਖੀ, ਮੇਰਾ ਹਾਸਾ ਰੁਕ ਹੀ ਨਹੀਂ ਰਿਹਾ ਸੀ। ਕਦੇ-ਕਦੇ ਅਜਿਹਾ ਕੁਝ ਹੋ ਜਾਂਦਾ ਹੈ ਜਿਸ ਬਾਰੇ ਤੁਸੀਂ ਸੋਚਿਆ ਵੀ ਨਹੀਂ ਹੁੰਦਾ। ਅਤੇ ਜਦੋਂ ਉਹ ਸੱਚਮੁੱਚ ਹੁੰਦਾ ਹੈ ਤਾਂ ਸਮਝ ਨਹੀਂ ਆਉਂਦਾ ਕਿ ਕਿਵੇਂ ਰਿਐਕਟ ਕਰੀਏ। ਮੇਰੇ ਨਾਲ ਬਿਲਕੁਲ ਅਜਿਹਾ ਹੀ ਹੋਇਆ।"

IPL ਹੀਰੋ ਤੋਂ ਟੀਮ ਇੰਡੀਆ ਤੱਕ ਦਾ ਸਫ਼ਰ

ਵੈਭਵ ਹਾਲ ਹੀ ਵਿੱਚ ਭਾਰਤੀ ਮੇਨਜ਼ ਟੀਮ ਵਿੱਚ ਚੁਣੇ ਜਾਣ ਵਾਲੇ ਸਭ ਤੋਂ ਘੱਟ ਉਮਰ ਦੇ ਖਿਡਾਰੀ ਬਣ ਗਏ ਹਨ। ਉਨ੍ਹਾਂ ਨੇ 36 ਸਾਲ ਪੁਰਾਣਾ ਰਿਕਾਰਡ ਤੋੜ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਸਚਿਨ ਤੇਂਦੁਲਕਰ ਦੇ ਨਾਮ ਸੀ। ਸਚਿਨ ਨੇ 1989 ਵਿੱਚ ਸਿਰਫ਼ 16 ਸਾਲ ਦੀ ਉਮਰ ਵਿੱਚ ਭਾਰਤ ਲਈ ਪਹਿਲਾ ਮੈਚ ਖੇਡਿਆ ਸੀ।

Just In

Vaibhav Sooryavanshi’s parents checked into Team India’s Hotel in Belfast. #INDvsIRE #TeamIndia #VaibhavSooryavanshi

Watch ⬇️⬇️ pic.twitter.com/gsXMi9MJGq

— Ray Sportz Cricket (@raysportz_cric) June 24, 2026

ਬਿਹਾਰ ਦੇ ਵੈਭਵ ਨੇ ਟੀਮ ਇੰਡੀਆ ਵਿੱਚ ਚੁਣੇ ਜਾਣ ਤੋਂ ਕੁਝ ਦਿਨ ਪਹਿਲਾਂ ਹੀ ਇੰਡੀਆ-ਏ ਲਈ ਸ਼ਾਨਦਾਰ ਪਾਰੀ ਖੇਡ ਕੇ ਖ਼ੂਬ ਸੁਰਖੀਆਂ ਬਟੋਰੀਆਂ ਸਨ। ਉਨ੍ਹਾਂ ਨੇ 21 ਜੂਨ ਨੂੰ ਦਾੰਬੁਲਾ ਵਿੱਚ ਸ਼੍ਰੀਲੰਕਾ-ਏ ਖ਼ਲਾਫ਼ ਟ੍ਰਾਈ-ਸੀਰੀਜ਼ ਫਾਈਨਲ ਵਿੱਚ ਸਿਰਫ਼ 29 ਗੇਂਦਾਂ ਵਿੱਚ 94 ਦੌੜਾਂ ਠੋਕੀਆਂ ਸਨ। ਉਨ੍ਹਾਂ ਨੇ ਉਸ ਪਾਰੀ ਵਿੱਚ ਸਿਰਫ਼ 11 ਗੇਂਦਾਂ ਵਿੱਚ ਆਪਣਾ ਅਰਧ-ਸੈਂਕੜਾ ਪੂਰਾ ਕੀਤਾ ਸੀ। ਇਹ ਲਿਸਟ-ਏ ਕ੍ਰਿਕਟ ਵਿੱਚ ਦੁਨੀਆ ਦੀ ਸਭ ਤੋਂ ਤੇਜ਼ ਫਿਫਟੀ ਦਾ ਨਵਾਂ ਰਿਕਾਰਡ ਹੈ। ਪਹਿਲਾਂ ਇਹ ਰਿਕਾਰਡ ਸ਼੍ਰੀਲੰਕਾ ਦੇ ਕੌਸ਼ਲਿਆ ਵੀਰਰਤਨੇ ਦੇ ਨਾਮ ਸੀ, ਜਿਨ੍ਹਾਂ ਨੇ 12 ਗੇਂਦਾਂ ਵਿੱਚ ਫਿਫਟੀ ਬਣਾਈ ਸੀ।

ਇੰਡੀਆ ਨੂੰ ਵੈਭਵ ਤੋਂ ਬਹੁਤ ਉਮੀਦਾਂ

ਆਈ.ਪੀ.ਐੱਲ. 2026 ਵਿੱਚ ਵੈਭਵ ਨੂੰ ਰਾਜਸਥਾਨ ਰਾਇਲਜ਼ ਲਈ ਸ਼ਾਨਦਾਰ ਖੇਡਣ ਦਾ ਇਨਾਮ ਵੀ ਮਿਲਿਆ। ਉਨ੍ਹਾਂ ਨੇ ਆਈ.ਪੀ.ਐੱਲ. ਵਿੱਚ ਸਭ ਤੋਂ ਵੱਧ 776 ਦੌੜਾਂ ਬਣਾਈਆਂ ਅਤੇ ਉਨ੍ਹਾਂ ਦਾ ਸਟ੍ਰਾਈਕ ਰੇਟ 237 ਦਾ ਸੀ। ਉਨ੍ਹਾਂ ਨੇ ਇਸ ਸੀਜ਼ਨ ਵਿੱਚ ਕੁੱਲ 72 ਛੱਕੇ ਲਗਾਏ ਅਤੇ ਔਰੇਂਜ ਕੈਪ, ਮੋਸਟ ਵੈਲਯੂਏਬਲ ਪਲੇਅਰ, ਇਮਰਜਿੰਗ ਪਲੇਅਰ, ਸੁਪਰ ਸਟ੍ਰਾਈਕਰ ਅਤੇ ਸੁਪਰ ਸਿਕਸਿਜ਼ ਵਰਗੇ ਵੱਡੇ ਐਵਾਰਡ ਵੀ ਜਿੱਤੇ। ਇਸੇ ਕਾਰਨ ਉਨ੍ਹਾਂ ਨੂੰ ਪਹਿਲੀ ਵਾਰ ਟੀਮ ਇੰਡੀਆ ਵਿੱਚ ਬੁਲਾਇਆ ਗਿਆ ਹੈ। ਹੁਣ ਭਾਰਤ ਨੂੰ ਵੈਭਵ ਤੋਂ ਬਹੁਤ ਉਮੀਦਾਂ ਹਨ।