- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬਦਲੇ ਦੇ ਮੂਡ 'ਚ ਵੈਭਵ ਸੂਰਿਆਵੰਸ਼ੀ! ਸ਼੍ਰੀਲੰਕਾਈ ਗੇਂਦਬਾਜ਼ ਦੇ ਇੱਕੋ ਓਵਰ 'ਚ ਕੁੱਟੇ 26 ਰਨ, ਮਚਾਇਆ ਤੂਫ਼ਾਨ
ਟ੍ਰਾਈ-ਸੀਰੀਜ਼ ਦੇ ਫਾਈਨਲ 'ਚ ਅੱਜ ਤਿਲਕ ਵਰਮਾ ਦੀ ਕਪਤਾਨੀ ਵਾਲੀ ਇੰਡੀਆ-ਏ ਦਾ ਸਾਹਮਣਾ ਸ੍ਰੀਲੰਕਾ-ਏ ਨਾਲ ਹੋ ਰਿਹਾ ਹੈ। ਇਹਨਾਂ ਦੋਵਾਂ ਟੀਮਾਂ ਵਿਚਾਲੇ ਜੋ ਪਿਛਲਾ ਮੈਚ ਖੇਡਿਆ ਗਿਆ ਸੀ, ਉਸ 'ਚ ਕਾਫੀ ਵਿਵਾਦ ਹੋਇਆ ਸੀ ਅਤੇ ਵੈਭਵ ਸੂਰਿਆਵੰਸ਼ੀ ਦੀ ਸ੍ਰੀਲੰਕਾਈ ਖਿਡਾਰੀਆਂ ਨਾਲ ਲੜਾਈ ਵੀ ਹੋ ਗਈ ਸੀ। ਹੁਣ ਫਾਈਨਲ 'ਚ ਵੈਭਵ ਅਤੇ ਟੀਮ ਇੰਡੀਆ ਦੋਵੇਂ ਹੀ ਉਸ ਦਾ ਬਦਲਾ ਲੈਣ ਦੇ ਇਰਾਦੇ ਨਾਲ ਉਤਰਨਗੇ।
Posted By Sunita
Publish Date: Sun, 21 Jun 2026 10:35 AM (IST)
Updated Date: Sun, 21 Jun 2026 10:36 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਟ੍ਰਾਈ-ਸੀਰੀਜ਼ ਦੇ ਫਾਈਨਲ 'ਚ ਅੱਜ ਤਿਲਕ ਵਰਮਾ ਦੀ ਕਪਤਾਨੀ ਵਾਲੀ ਇੰਡੀਆ-ਏ ਦਾ ਸਾਹਮਣਾ ਸ੍ਰੀਲੰਕਾ-ਏ ਨਾਲ ਹੋ ਰਿਹਾ ਹੈ। ਇਹਨਾਂ ਦੋਵਾਂ ਟੀਮਾਂ ਵਿਚਾਲੇ ਜੋ ਪਿਛਲਾ ਮੈਚ ਖੇਡਿਆ ਗਿਆ ਸੀ, ਉਸ 'ਚ ਕਾਫੀ ਵਿਵਾਦ ਹੋਇਆ ਸੀ ਅਤੇ ਵੈਭਵ ਸੂਰਿਆਵੰਸ਼ੀ ਦੀ ਸ੍ਰੀਲੰਕਾਈ ਖਿਡਾਰੀਆਂ ਨਾਲ ਲੜਾਈ ਵੀ ਹੋ ਗਈ ਸੀ। ਹੁਣ ਫਾਈਨਲ 'ਚ ਵੈਭਵ ਅਤੇ ਟੀਮ ਇੰਡੀਆ ਦੋਵੇਂ ਹੀ ਉਸ ਦਾ ਬਦਲਾ ਲੈਣ ਦੇ ਇਰਾਦੇ ਨਾਲ ਉਤਰਨਗੇ।
ਹਾਲਾਂਕਿ, ਸ੍ਰੀਲੰਕਾ ਨੂੰ ਇਸ ਮੈਚ 'ਚ ਹਲਕੇ 'ਚ ਨਹੀਂ ਲਿਆ ਜਾ ਸਕਦਾ। ਉਹ ਪਹਿਲਾਂ ਵੀ ਭਾਰਤ ਨੂੰ ਹਰਾ ਚੁੱਕਾ ਹੈ ਅਤੇ ਇੱਕ ਵਾਰ ਫਿਰ ਉਸਦੀ ਕੋਸ਼ਿਸ਼ ਇਹੀ ਇਤਿਹਾਸ ਦੁਹਰਾਉਣ ਦੀ ਹੋਵੇਗੀ।
ਵੈਭਵ ਨੇ ਮਚਾਇਆ ਤੂਫ਼ਾਨ
ਵੈਭਵ ਸੂਰਿਆਵੰਸ਼ੀ ਨੇ ਮੈਚ 'ਚ ਆਪਣਾ ਤੂਫ਼ਾਨੀ ਅਵਤਾਰ ਦਿਖਾਇਆ ਹੈ। ਉਨ੍ਹਾਂ ਨੇ ਤੀਜਾ ਓਵਰ ਸੁੱਟਣ ਆਏ ਮੁਹੰਮਦ ਸ਼ਿਰਾਜ਼ ਦੇ ਓਵਰ 'ਚ ਕੁੱਲ 26 ਦੌੜਾਂ ਕੁੱਟ ਦਿੱਤੀਆਂ। ਤਿੰਨ ਓਵਰਾਂ ਤੋਂ ਬਾਅਦ ਭਾਰਤ ਦਾ ਸਕੋਰ ਬਿਨਾਂ ਕਿਸੇ ਨੁਕਸਾਨ ਦੇ 51 ਦੌੜਾਂ ਹੈ।
ਭਾਰਤੀ ਪਾਰੀ ਦੀ ਸ਼ੁਰੂਆਤ
ਭਾਰਤ ਦੀ ਪਾਰੀ ਸ਼ੁਰੂ ਹੋ ਚੁੱਕੀ ਹੈ। ਵੈਭਵ ਸੂਰਿਆਵੰਸ਼ੀ ਦੇ ਨਾਲ ਪ੍ਰਿਆਂਸ਼ ਆਰਿਆ ਪਾਰੀ ਦੀ ਸ਼ੁਰੂਆਤ ਕਰ ਰਹੇ ਹਨ। ਦੋਵਾਂ 'ਤੇ ਟੀਮ ਨੂੰ ਮਜ਼ਬੂਤ ਸ਼ੁਰੂਆਤ ਦੇਣ ਦੀ ਵੱਡੀ ਜ਼ਿੰਮੇਵਾਰੀ ਹੈ।
ਦੋਵਾਂ ਟੀਮਾਂ ਦੀ ਪਲੇਇੰਗ-11 (Playing-11)
ਸ੍ਰੀਲੰਕਾ-ਏ ਦੀ ਪਲੇਇੰਗ-11:
ਸਹਾਨ ਅਰਾਚਚੀਗੇ (ਕਪਤਾਨ), ਨਿਰੋਸ਼ਨ ਡਿਕਵੇਲਾ (ਵਿਕੇਟਕੀਪਰ), ਅਵਿਸ਼ਕਾ ਫਰਨਾਂਡੋ, ਨੁਵਾਨੀਡੂ ਫਰਨਾਂਡੋ, ਸਦੀਰਾ ਸਮਰਾਵਿਕਰਮਾ, ਰਵਿੰਦੂ ਫਰਨਾਂਡੋ, ਵਾਨੁਜਾ ਸਹਾਨ, ਮੁਹੰਮਦ ਸ਼ਿਰਾਜ਼, ਵਿਜੇਕਾਂਤ ਵਿਆਸਕਾਂਤ, ਦੁਲਾਜ ਸਮੁਦਿਤਾ, ਕੁਗਾਥਾਸ ਮਾਥੁਲਾਨ।
ਇੰਡੀਆ-ਏ ਦੀ ਪਲੇਇੰਗ-11:
ਤਿਲਕ ਵਰਮਾ (ਕਪਤਾਨ), ਪ੍ਰਿਆਂਸ਼ ਆਰਿਆ, ਵੈਭਵ ਸੂਰਿਆਵੰਸ਼ੀ, ਰਿਤੂਰਾਜ ਗਾਇਕਵਾੜ, ਕੁਮਾਰ ਕੁਸ਼ਾਗਰਾ (ਵਿਕੇਟਕੀਪਰ), ਸੂਰਿਆਸ਼ ਸ਼ੇਡਗੇ, ਨਿਸ਼ਾਂਤ ਸਿੰਧੂ, ਅਨੁਕੂਲ ਰਾਏ, ਵਿਪਰਾਜ ਨਿਗਮ, ਅਸ਼ੋਕ ਸ਼ਰਮਾ, ਯਸ਼ ਠਾਕੁਰ।
ਸ੍ਰੀਲੰਕਾ ਨੇ ਜਿੱਤਿਆ ਟਾਸ
ਸ੍ਰੀਲੰਕਾਈ ਕਪਤਾਨ ਸਹਾਨ ਅਰਾਚਚੀਗੇ ਨੇ ਇਸ ਮੈਚ 'ਚ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ।
ਵੈਭਵ ਸੂਰਿਆਵੰਸ਼ੀ 'ਤੇ ਰਹਿਣਗੀਆਂ ਨਜ਼ਰਾਂ
ਇਸ ਮੈਚ 'ਚ ਸਭ ਦੀਆਂ ਨਜ਼ਰਾਂ ਇੱਕ ਵਾਰ ਫਿਰ ਵੈਭਵ ਸੂਰਿਆਵੰਸ਼ੀ 'ਤੇ ਟਿਕੀਆਂ ਹੋਈਆਂ ਹਨ। ਪਿਛਲੀ ਵਾਰ ਜਦੋਂ ਇਹ ਦੋਵੇਂ ਟੀਮਾਂ ਆਹਮੋ-ਸਾਹਮਣੇ ਹੋਈਆਂ ਸਨ, ਤਾਂ ਸੁਪਰ ਓਵਰ 'ਚ ਸ੍ਰੀਲੰਕਾ ਨੇ ਜਿੱਤ ਹਾਸਲ ਕੀਤੀ ਸੀ। ਮੈਚ ਤੋਂ ਬਾਅਦ ਵੈਭਵ ਦੀ ਸ੍ਰੀਲੰਕਾਈ ਖਿਡਾਰੀਆਂ ਨਾਲ ਬਹਿਸਬਾਜ਼ੀ ਹੋ ਗਈ ਸੀ। ਅੱਜ ਵੈਭਵ ਬੱਲੇ ਨਾਲ ਉਸ ਦਾ ਬਦਲਾ ਲੈਣ ਦੇ ਫਿਰਾਕ 'ਚ ਹਨ।
ਖ਼ਿਤਾਬ ਲਈ ਹੋਵੇਗੀ ਜੰਗ
ਡਾਂਬੁਲਾ 'ਚ ਅੱਜ ਟ੍ਰਾਈ-ਸੀਰੀਜ਼ ਦਾ ਫਾਈਨਲ ਮੁਕਾਬਲਾ ਖੇਡਿਆ ਜਾ ਰਿਹਾ ਹੈ। ਇਸ ਖ਼ਿਤਾਬੀ ਮੈਚ 'ਚ ਇੰਡੀਆ-ਏ ਦਾ ਸਾਹਮਣਾ ਮੇਜ਼ਬਾਨ ਸ੍ਰੀਲੰਕਾ-ਏ ਨਾਲ ਹੈ। ਦੋਵੇਂ ਹੀ ਟੀਮਾਂ ਕਾਫੀ ਮਜ਼ਬੂਤ ਹਨ ਅਤੇ ਇਸੇ ਕਾਰਨ ਮੈਚ ਦੇ ਬੇਹੱਦ ਰੋਮਾਂਚਕ ਹੋਣ ਦੀ ਪੂਰੀ ਉਮੀਦ ਹੈ।