- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਡਿਪ੍ਰੈਸ਼ਨ ’ਚ ਚਲੀ ਗਈ ਸੀ ਭਾਰਤ ਦੀ ਇਹ ਖਿਡਾਰਨ, ਕ੍ਰਿਕਟ ਛੱਡਣ ਦਾ ਬਣਾ ਲਿਆ ਸੀ ਮਨ; ਫਿਰ ਇਸ ਤਰ੍ਹਾਂ ਪਲਟੀ ਬਾਜ਼ੀ
ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਖਿਡਾਰਨ ਸ਼੍ਰੇਯੰਕਾ ਪਾਟਿਲ ਨੇ ਕਿਹਾ ਹੈ ਕਿ ਉਹ ਆਪਣੀ ਸੱਟ ਕਾਰਨ ਇੰਨੀ ਪਰੇਸ਼ਾਨ ਹੋ ਗਈ ਸੀ ਕਿ ਉਸ ਨੂੰ ਡਿਪ੍ਰੈਸ਼ਨ ਨੇ ਘੇਰ ਲਿਆ ਸੀ ਅਤੇ ਉਸ ਨੇ ਕ੍ਰਿਕਟ ਛੱਡਣ ਤੱਕ ਦਾ ਮਨ ਬਣਾ ਲਿਆ ਸੀ। ਸ਼੍ਰੇਯੰਕਾ ਨੇ ਐਤਵਾਰ ਨੂੰ ਪਾਕਿਸਤਾਨ ਖ਼ਿਲਾਫ਼ ਖੇਡੇ ਗਏ ਟੀ-20 ਵਰਲਡ ਕੱਪ ਦੇ ਮੈਚ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ।
Posted By Anuradha Bains
Publish Date: Mon, 15 Jun 2026 06:14 PM (IST)
Updated Date: Mon, 15 Jun 2026 06:16 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਖਿਡਾਰਨ ਸ਼੍ਰੇਯੰਕਾ ਪਾਟਿਲ ਨੇ ਕਿਹਾ ਹੈ ਕਿ ਉਹ ਆਪਣੀ ਸੱਟ ਕਾਰਨ ਇੰਨੀ ਪਰੇਸ਼ਾਨ ਹੋ ਗਈ ਸੀ ਕਿ ਉਸ ਨੂੰ ਡਿਪ੍ਰੈਸ਼ਨ ਨੇ ਘੇਰ ਲਿਆ ਸੀ ਅਤੇ ਉਸ ਨੇ ਕ੍ਰਿਕਟ ਛੱਡਣ ਤੱਕ ਦਾ ਮਨ ਬਣਾ ਲਿਆ ਸੀ। ਸ਼੍ਰੇਯੰਕਾ ਨੇ ਐਤਵਾਰ ਨੂੰ ਪਾਕਿਸਤਾਨ ਖ਼ਿਲਾਫ਼ ਖੇਡੇ ਗਏ ਟੀ-20 ਵਰਲਡ ਕੱਪ ਦੇ ਮੈਚ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ।
ਉਸ ਨੇ ਤਿੰਨ ਓਵਰਾਂ ਵਿੱਚ ਮਹਿਜ਼ 17 ਦੌੜਾਂ ਦਿੱਤੀਆਂ ਪਰ ਕੋਈ ਵੀ ਵਿਕਟ ਆਪਣੇ ਨਾਂ ਨਹੀਂ ਕਰ ਸਕੀ। ਹਾਲਾਂਕਿ, ਉਸ ਦੀ ਕਿਫ਼ਾਇਤੀ ਗੇਂਦਬਾਜ਼ੀ ਨੇ ਪਾਕਿਸਤਾਨ 'ਤੇ ਦਬਾਅ ਜ਼ਰੂਰ ਬਣਾਇਆ। ਪਾਕਿਸਤਾਨ ਦੇ ਖ਼ਿਲਾਫ਼ ਹੀ ਏਸ਼ੀਆ ਕੱਪ-2024 ਦੇ ਮੈਚ ਵਿੱਚ ਸ਼੍ਰੇਯੰਕਾ ਦੀ ਉਂਗਲ 'ਤੇ ਸੱਟ ਲੱਗ ਗਈ ਸੀ, ਜਿਸ ਕਾਰਨ ਉਹ 14 ਮਹੀਨੇ ਤੱਕ ਕ੍ਰਿਕਟ ਤੋਂ ਦੂਰ ਰਹੀ ਸੀ।
ਇਸ ਤਰ੍ਹਾਂ ਹੋਈ ਵਾਪਸੀ
ਇਸ ਤੋਂ ਇਲਾਵਾ ਉਸ ਨੂੰ ਦੋਵਾਂ ਪੈਰਾਂ ਦੀਆਂ ਪਿੰਡਲੀਆਂ (Calf Muscles) ਵਿੱਚ ਵੀ ਤਕਲੀਫ਼ ਹੋ ਗਈ ਸੀ। ਫਿਰ ਉਸ ਦਾ ਅੰਗੂਠਾ ਵੀ ਫ੍ਰੈਕਚਰ ਹੋ ਗਿਆ ਸੀ। ਇਨ੍ਹਾਂ ਸਾਰੀਆਂ ਮੁਸ਼ਕਲਾਂ ਨਾਲ ਜੂਝਣ ਤੋਂ ਬਾਅਦ ਉਸ ਨੇ ਵੂਮੈਨਸ ਪ੍ਰੀਮੀਅਰ ਲੀਗ (WPL) ਵਿੱਚ ਵਾਪਸੀ ਕੀਤੀ ਅਤੇ ਉਹ ਆਰ.ਸੀ.ਬੀ. (RCB) ਲਈ ਖੇਡੀ। ਸ਼੍ਰੇ
ਯੰਕਾ ਨੇ ਜੀਓਸਟਾਰ ਨਾਲ ਗੱਲਬਾਤ ਕਰਦਿਆਂ ਕਿਹਾ, "ਜੇਕਰ ਅੰਦਰੋਂ ਮੈਂ ਇਹ ਕਹਾਂ ਕਿ ਮੈਂ ਡਿਪ੍ਰੈਸ਼ਨ ਵਿੱਚ ਨਹੀਂ ਸੀ, ਤਾਂ ਮੈਂ ਝੂਠ ਬੋਲਾਂਗੀ। ਮੈਨੂੰ ਸੱਟ ਦੇ ਸ਼ੁਰੂਆਤੀ ਦੌਰ ਵਿੱਚ ਇਹੀ ਮਹਿਸੂਸ ਹੋਇਆ ਸੀ, ਪਰ ਮੇਰੇ ਅੰਦਰ ਦੀ ਆਵਾਜ਼ ਕਹਿ ਰਹੀ ਸੀ ਕਿ ਚਾਹੇ ਕੁਝ ਵੀ ਹੋ ਜਾਵੇ, ਮੈਨੂੰ ਇਸ ਖੇਡ ਨਾਲ ਪਿਆਰ ਹੈ। ਮੈਂ ਇੱਥੇ ਹਾਂ ਕਿਉਂਕਿ ਮੈਨੂੰ ਖੇਡਣਾ ਪਸੰਦ ਹੈ।"
ਉਸ ਨੇ ਅੱਗੇ ਕਿਹਾ, "ਇਸ ਲਈ ਮੈਂ ਉਸ ਕੰਮ ਤੋਂ ਹਾਰ ਨਹੀਂ ਮੰਨ ਸਕਦੀ ਜੋ ਮੈਨੂੰ ਕਰਨਾ ਪਸੰਦ ਹੈ। ਮੈਂ ਉਮੀਦ ਬਣਾਈ ਰੱਖੀ, ਮੇਰੇ ਪਿਤਾ ਮੇਰੇ ਨਾਲ ਗੱਲ ਕਰਦੇ ਰਹਿੰਦੇ ਸਨ ਅਤੇ ਮੇਰਾ ਪਰਿਵਾਰ ਵੀ ਮੇਰੇ ਨਾਲ ਸੀ। ਮੇਰੇ ਆਲੇ-ਦੁਆਲੇ ਦਾ ਮਾਹੌਲ ਅਤੇ ਇੱਕ ਮਜ਼ਬੂਤ ਸਪੋਰਟ ਸਿਸਟਮ ਹਮੇਸ਼ਾ ਮੇਰੇ ਕੋਲ ਰਿਹਾ।"
ਮੈਦਾਨ 'ਤੇ ਵਾਪਸੀ ਤੋਂ ਖ਼ੁਸ਼
ਸ਼੍ਰੇਯੰਕਾ ਨੇ ਕਿਹਾ ਕਿ ਉਹ ਮੈਦਾਨ 'ਤੇ ਵਾਪਸੀ ਕਰਕੇ ਬਹੁਤ ਖ਼ੁਸ਼ ਹੈ। ਉਸ ਨੇ ਕਿਹਾ, "ਮੈਨੂੰ ਮੈਦਾਨ 'ਤੇ ਵਾਪਸੀ ਕਰਨਾ ਬਹੁਤ ਪਸੰਦ ਹੈ ਅਤੇ ਹੁਣ ਮੈਂ ਇਸ ਅਹਿਸਾਸ ਨੂੰ ਆਪਣੇ ਤੋਂ ਦੂਰ ਨਹੀਂ ਜਾਣ ਦੇਣਾ ਚਾਹੁੰਦੀ।"
ਪਾਕਿਸਤਾਨ ਖ਼ਿਲਾਫ਼ ਆਪਣੀ ਗੇਂਦਬਾਜ਼ੀ ਬਾਰੇ ਸ਼੍ਰੇਯੰਕਾ ਨੇ ਕਿਹਾ, "ਮੈਨੂੰ ਪਾਵਰਪਲੇਅ ਵਿੱਚ ਗੇਂਦਬਾਜ਼ੀ ਕਰਨਾ ਪਸੰਦ ਹੈ, ਚਾਹੇ ਉਹ ਮੇਰੇ ਸਟੇਟ (ਰਾਜ) ਲਈ ਹੋਵੇ ਜਾਂ ਫਿਰ ਭਾਰਤ ਲਈ। ਦਬਾਅ ਵਿੱਚ ਗੇਂਦਬਾਜ਼ੀ ਕਰਨਾ ਸ਼ਾਨਦਾਰ ਹੁੰਦਾ ਹੈ ਕਿਉਂਕਿ ਮੈਨੂੰ ਇਹ ਪਸੰਦ ਹੈ। ਇਹ ਅਜਿਹਾ ਕੰਮ ਹੈ ਜੋ ਮੈਂ ਪਹਿਲਾਂ ਵੀ ਸਫਲਤਾਪੂਰਵਕ ਕਰ ਚੁੱਕੀ ਹਾਂ।"