- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਟੀਮ ਇੰਡੀਆ ਨੇ ਸੋਚਿਆ ਇਹ ਪਿਕਨਿਕ ਹੈ', ਭਾਰਤ ਦੀ ਹਾਰ ਤੋਂ ਬਾਅਦ ਭੜਕਿਆ ਸਾਬਕਾ ਬੱਲੇਬਾਜ਼; ਸ਼੍ਰੇਅਸ ਅਈਅਰ ਐਂਡ ਕੰਪਨੀ ਨੂੰ ਮਾਰੇ ਤਾਹਨੇ
ਟੀ-20 ਵਰਲਡ ਕੱਪ ਜੇਤੂ ਭਾਰਤੀ ਕ੍ਰਿਕਟ ਟੀਮ ਜਦੋਂ ਆਇਰਲੈਂਡ ਦੇ ਦੌਰੇ 'ਤੇ ਜਾ ਰਹੀ ਸੀ ਤਾਂ ਸਭ ਨੂੰ ਉਮੀਦ ਸੀ ਕਿ ਭਾਰਤ ਇੱਥੇ ਦੋਵੇਂ ਮੈਚ ਆਪਣੇ ਨਾਂ ਕਰੇਗਾ। ਹਾਲਾਂਕਿ, ਪਹਿਲੇ ਹੀ ਮੈਚ ਵਿੱਚ ਆਇਰਲੈਂਡ ਨੇ ਭਾਰਤ ਨੂੰ ਹਰਾ ਦਿੱਤਾ। ਇਸ ਹਾਰ ਤੋਂ ਬਾਅਦ ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਸਦਾਗੋਪਨ ਰਮੇਸ਼ ਕਾਫ਼ੀ ਦੁਖੀ ਹਨ ਅਤੇ ਉਨ੍ਹਾਂ ਨੇ ਟੀਮ ਇੰਡੀਆ ਨੂੰ ਜੰਮ ਕੇ ਤਾਹਨੇ ਮਾਰੇ ਹਨ।
Posted By Anuradha Bains
Publish Date: Sun, 28 Jun 2026 04:06 PM (IST)
Updated Date: Sun, 28 Jun 2026 04:07 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਟੀ-20 ਵਰਲਡ ਕੱਪ ਜੇਤੂ ਭਾਰਤੀ ਕ੍ਰਿਕਟ ਟੀਮ ਜਦੋਂ ਆਇਰਲੈਂਡ ਦੇ ਦੌਰੇ 'ਤੇ ਜਾ ਰਹੀ ਸੀ ਤਾਂ ਸਭ ਨੂੰ ਉਮੀਦ ਸੀ ਕਿ ਭਾਰਤ ਇੱਥੇ ਦੋਵੇਂ ਮੈਚ ਆਪਣੇ ਨਾਂ ਕਰੇਗਾ। ਹਾਲਾਂਕਿ, ਪਹਿਲੇ ਹੀ ਮੈਚ ਵਿੱਚ ਆਇਰਲੈਂਡ ਨੇ ਭਾਰਤ ਨੂੰ ਹਰਾ ਦਿੱਤਾ। ਇਸ ਹਾਰ ਤੋਂ ਬਾਅਦ ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਸਦਾਗੋਪਨ ਰਮੇਸ਼ ਕਾਫ਼ੀ ਦੁਖੀ ਹਨ ਅਤੇ ਉਨ੍ਹਾਂ ਨੇ ਟੀਮ ਇੰਡੀਆ ਨੂੰ ਜੰਮ ਕੇ ਤਾਹਨੇ ਮਾਰੇ ਹਨ।
ਆਇਰਲੈਂਡ ਨੇ ਭਾਰਤ ਨੂੰ ਪਹਿਲੇ ਮੈਚ ਵਿੱਚ 34 ਦੌੜਾਂ ਨਾਲ ਮਾਤ ਦਿੱਤੀ ਸੀ। ਇਹ ਆਇਰਲੈਂਡ ਦੀ ਭਾਰਤ ਖ਼ਿਲਾਫ਼ ਪਹਿਲੀ ਟੀ-20 ਜਿੱਤ ਸੀ। ਟੀਮ ਇੰਡੀਆ ਦੀ ਇਸ ਹਾਰ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ। ਅੱਜ ਦੋਵਾਂ ਟੀਮਾਂ ਵਿਚਾਲੇ ਦੂਜਾ ਅਤੇ ਆਖਰੀ ਮੈਚ ਖੇਡਿਆ ਜਾਣਾ ਹੈ ਅਤੇ ਇੱਥੇ ਟੀਮ ਇੰਡੀਆ ਸੀਰੀਜ਼ ਬਚਾਉਣ ਦੀ ਕੋਸ਼ਿਸ਼ ਕਰੇਗੀ।
'ਭਾਰਤ ਨੇ ਸੋਚਿਆ ਪਿਕਨਿਕ ਹੈ'
ਇੰਡੀਅਨ ਐਕਸਪ੍ਰੈਸ ਮੁਤਾਬਕ, ਰਮੇਸ਼ ਨੇ ਆਪਣੇ ਯੂਟਿਊਬ ਚੈਨਲ 'ਤੇ ਗੱਲਬਾਤ ਕਰਦਿਆਂ ਕਿਹਾ, "ਇਹ ਸਾਫ਼ ਸੀ ਕਿ ਭਾਰਤ ਨੇ ਇਹ ਮੈਚ ਕਾਫ਼ੀ ਹਲਕੇ ਵਿੱਚ ਲਿਆ ਸੀ। ਉਨ੍ਹਾਂ ਨੇ ਸੋਚਿਆ ਕਿ ਆਇਰਲੈਂਡ ਦੀ ਸੀਰੀਜ਼ ਪਿਕਨਿਕ ਟੂਰ ਹੈ ਜਿਸ ਨੂੰ ਉਹ ਆਸਾਨੀ ਨਾਲ ਜਿੱਤ ਲੈਣਗੇ। ਉਹ ਸਿਰਫ਼ ਇੰਗਲੈਂਡ ਸੀਰੀਜ਼ ਨੂੰ ਲੈ ਕੇ ਗੰਭੀਰ ਸਨ, ਪਰ ਆਇਰਲੈਂਡ ਨੇ ਭਾਰਤ ਨੂੰ ਸਬਕ ਸਿਖਾਇਆ ਕਿ ਆਇਰਲੈਂਡ ਕੋਈ ਪਿਕਨਿਕ ਮਨਾਉਣ ਵਾਲੀ ਜਗ੍ਹਾ ਨਹੀਂ ਹੈ।"
ਅਤਿ-ਆਤਮਵਿਸ਼ਵਾਸ ਦਾ ਹੋਇਆ ਨੁਕਸਾਨ
ਰਮੇਸ਼ ਨੇ ਕਿਹਾ ਕਿ ਭਾਰਤ ਨੂੰ ਅਤਿ-ਆਤਮਵਿਸ਼ਵਾਸੀ ਹੋਣ ਦਾ ਨੁਕਸਾਨ ਉਠਾਉਣਾ ਪਿਆ ਹੈ। ਉਨ੍ਹਾਂ ਨੇ ਕਿਹਾ, "ਆਇਰਲੈਂਡ ਸੀਰੀਜ਼ ਤਾਂ ਪਹਿਲਾਂ ਤੋਂ ਸ਼ੈਡਿਊਲ ਵੀ ਨਹੀਂ ਸੀ। ਇਹ ਖਾਣੇ ਦੇ ਮੇਨ ਕੋਰਸ ਵਿੱਚ ਅਚਾਰ ਵਾਂਗ ਸੀ ਜੋ ਕਿ ਇੰਗਲੈਂਡ ਹੈ। ਪਰ ਭਾਰਤ ਅਚਾਰ ਦਾ ਮਿਰਚ-ਮਸਾਲਾ ਨਹੀਂ ਝੱਲ ਸਕਿਆ। ਚਾਹੇ ਜੋ ਵੀ ਬਹਾਨਾ ਦਿੱਤਾ ਜਾਵੇ, ਇਹ ਹੈਰਾਨ ਕਰਨ ਵਾਲਾ ਹੈ ਅਤੇ ਟੀਮ ਇੰਡੀਆ ਲਈ ਬੁਰੀ ਹਾਰ ਹੈ।"
ਰਮੇਸ਼ ਨੇ ਕਿਹਾ, "ਅਤਿ-ਆਤਮਵਿਸ਼ਵਾਸ ਕਦੇ ਵੀ ਚੰਗਾ ਨਹੀਂ ਹੁੰਦਾ। ਇਸੇ ਕਾਰਨ ਉਸ ਦਿਨ ਭਾਰਤ ਦੀ ਹਾਰ ਹੋਈ। ਭਾਰਤੀ ਟੀਮ ਵਿੱਚ ਆਤਮਵਿਸ਼ਵਾਸ ਹੋਣਾ ਚਾਹੀਦਾ ਹੈ, ਪਰ ਅਤਿ-ਆਤਮਵਿਸ਼ਵਾਸ ਨਹੀਂ।"