- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਗੌਤਮ ਗੰਭੀਰ ਦੀ ਜਗ੍ਹਾ ਰਿਕੀ ਪੋਂਟਿੰਗ ਬਣਨਗੇ ਟੀਮ ਇੰਡੀਆ ਦੇ ਨਵੇਂ ਕੋਚ! ਸਾਬਕਾ ਦਿੱਗਜ ਦੇ ਦਾਅਵੇ ਨਾਲ ਕ੍ਰਿਕਟ ਜਗਤ 'ਚ ਮਚੀ ਹਲਚਲ
ਇੰਗਲੈਂਡ ਦੇ ਸਾਬਕਾ ਕਪਤਾਨ ਮਾਈਕਲ ਵਾਨ ਨੇ ਇੱਕ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਿਆ ਸੀ ਕਿ ਸ਼੍ਰੇਅਸ ਅਈਅਰ ਟੀ-20 ਟੀਮ ਦੇ ਕਪਤਾਨ ਬਣੇ ਹਨ ਤਾਂ ਉਨ੍ਹਾਂ ਨੂੰ ਲੱਗਿਆ ਸੀ ਕਿ ਰਿਕੀ ਪੋਂਟਿੰਗ ਹੁਣ ਹੈੱਡ ਕੋਚ ਬਣਨਗੇ। ਅਈਅਰ ਲੰਬੇ ਸਮੇਂ ਤੋਂ ਟੀ-20 ਟੀਮ ਤੋਂ ਬਾਹਰ ਸਨ ਅਤੇ ਆਇਰਲੈਂਡ ਖ਼ਿਲਾਫ਼ ਕਪਤਾਨ ਵਜੋਂ ਡੈਬਿਊ ਕਰਨ ਤੋਂ ਪਹਿਲਾਂ ਉਨ੍ਹਾਂ ਨੇ ਆਖਰੀ ਵਾਰ ਟੀਮ ਇੰਡੀਆ ਲਈ ਟੀ-20 ਕ੍ਰਿਕਟ ਸਾਲ 2023 ਵਿੱਚ ਖੇਡਿਆ ਸੀ।
Posted By Anuradha Bains
Publish Date: Sun, 28 Jun 2026 03:56 PM (IST)
Updated Date: Sun, 28 Jun 2026 03:57 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਇੰਗਲੈਂਡ ਦੇ ਸਾਬਕਾ ਕਪਤਾਨ ਮਾਈਕਲ ਵਾਨ ਨੇ ਇੱਕ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਿਆ ਸੀ ਕਿ ਸ਼੍ਰੇਅਸ ਅਈਅਰ ਟੀ-20 ਟੀਮ ਦੇ ਕਪਤਾਨ ਬਣੇ ਹਨ ਤਾਂ ਉਨ੍ਹਾਂ ਨੂੰ ਲੱਗਿਆ ਸੀ ਕਿ ਰਿਕੀ ਪੋਂਟਿੰਗ ਹੁਣ ਹੈੱਡ ਕੋਚ ਬਣਨਗੇ। ਅਈਅਰ ਲੰਬੇ ਸਮੇਂ ਤੋਂ ਟੀ-20 ਟੀਮ ਤੋਂ ਬਾਹਰ ਸਨ ਅਤੇ ਆਇਰਲੈਂਡ ਖ਼ਿਲਾਫ਼ ਕਪਤਾਨ ਵਜੋਂ ਡੈਬਿਊ ਕਰਨ ਤੋਂ ਪਹਿਲਾਂ ਉਨ੍ਹਾਂ ਨੇ ਆਖਰੀ ਵਾਰ ਟੀਮ ਇੰਡੀਆ ਲਈ ਟੀ-20 ਕ੍ਰਿਕਟ ਸਾਲ 2023 ਵਿੱਚ ਖੇਡਿਆ ਸੀ।
ਇਸ ਤੋਂ ਬਾਅਦ ਅਈਅਰ ਨੇ ਕਪਤਾਨ ਵਜੋਂ ਖ਼ੁਦ ਨੂੰ ਸਾਬਤ ਕੀਤਾ ਅਤੇ ਹੁਣ ਉਨ੍ਹਾਂ ਦੀ ਟੀਮ ਵਿੱਚ ਵਾਪਸੀ ਹੋ ਚੁੱਕੀ ਹੈ। ਅਜਿਹੇ ਵਿੱਚ ਵਾਨ ਦਾ ਮੰਨਣਾ ਹੈ ਕਿ ਅਈਅਰ ਦੀ ਵਾਪਸੀ ਦੇ ਨਾਲ ਉਨ੍ਹਾਂ ਨੂੰ ਲੱਗਿਆ ਸੀ ਕਿ ਹੁਣ ਪੋਂਟਿੰਗ ਟੀਮ ਇੰਡੀਆ ਦੇ ਨਵੇਂ ਹੈੱਡ ਕੋਚ ਬਣਨਗੇ। ਉਨ੍ਹਾਂ ਨੇ ਇਸ ਦਾ ਕਾਰਨ ਪੋਂਟਿੰਗ ਅਤੇ ਅਈਅਰ ਦੀ ਆਈਪੀਐਲ (IPL) ਵਿੱਚ ਕੋਚ-ਕਪਤਾਨ ਵਜੋਂ ਸਫ਼ਲਤਾ ਨੂੰ ਦੱਸਿਆ ਹੈ। ਇਸ ਜੋੜੀ ਨੇ ਪੰਜਾਬ ਨੂੰ ਆਈਪੀਐਲ 2025 ਦੇ ਫਾਈਨਲ ਤੱਕ ਪਹੁੰਚਾਇਆ ਸੀ ਅਤੇ ਇਸੇ ਨੂੰ ਦੇਖਦੇ ਹੋਏ ਵਾਨ ਨੇ ਇਹ ਵੱਡਾ ਬਿਆਨ ਦਿੱਤਾ ਹੈ।
ਮਾਈਕਲ ਵਾਨ ਨੇ ਦਿੱਤਾ ਵੱਡਾ ਬਿਆਨ
ਅਜਿੰਕਿਆ ਰਹਾਣੇ ਦੇ ਨਾਲ ਯੂਟਿਊਬ ਚੈਨਲ 'ਤੇ ਗੱਲਬਾਤ ਕਰਦਿਆਂ ਵਾਨ ਨੇ ਕਿਹਾ, "ਜਦੋਂ ਮੈਂ ਪਹਿਲੀ ਵਾਰ ਇਹ ਸੁਣਿਆ ਤਾਂ ਮੈਨੂੰ ਲੱਗਿਆ ਕਿ ਹੁਣ ਰਿਕੀ ਪੋਂਟਿੰਗ ਕੋਚ ਬਣਨਗੇ। ਉਹ ਦੋਵੇਂ ਇੱਕ ਜੋੜੀ ਵਜੋਂ ਜਾਣੇ ਜਾਂਦੇ ਹਨ। ਉਹ ਬਹੁਤ ਹੀ ਚੰਗੇ ਖਿਡਾਰੀ ਅਤੇ ਬਿਹਤਰੀਨ ਕਪਤਾਨ ਹਨ। ਇਸ ਤੋਂ ਇਹ ਵੀ ਪਤਾ ਲੱਗਦਾ ਹੈ ਕਿ ਭਾਰਤੀ ਕ੍ਰਿਕਟ ਵਿੱਚ ਕਿੰਨੀ ਗਹਿਰਾਈ ਹੈ। ਤੁਸੀਂ ਉਸ ਕਪਤਾਨ ਨੂੰ ਵੀ ਬਾਹਰ ਕਰ ਦਿੰਦੇ ਹੋ, ਜਿਸ ਨੇ ਤੁਹਾਨੂੰ ਹੁਣੇ-ਹੁਣੇ ਟੀ-20 ਵਿਸ਼ਵ ਕੱਪ ਵਿੱਚ ਜਿੱਤ ਦਿਵਾਈ ਹੋਵੇ। ਮੈਨੂੰ ਨਹੀਂ ਲੱਗਦਾ ਕਿ ਅਜਿਹਾ ਕਿਸੇ ਹੋਰ ਦੇਸ਼ ਵਿੱਚ ਹੁੰਦਾ ਹੋਵੇਗਾ।"
ਸਾਬਕਾ ਇੰਗਲਿਸ਼ ਕਪਤਾਨ ਨੇ ਅੱਗੇ ਕਿਹਾ, ਅਗਲੇ ਟੀ-20 ਵਰਲਡ ਕੱਪ ਤੋਂ ਪਹਿਲਾਂ ਅਈਅਰ ਲਈ ਇਹ ਇੱਕ ਸ਼ਾਨਦਾਰ ਮੌਕਾ ਹੈ। ਉਨ੍ਹਾਂ ਨੂੰ ਪਤਾ ਹੈ ਕਿ ਇੰਗਲੈਂਡ ਦੌਰੇ 'ਤੇ ਉਨ੍ਹਾਂ ਕੋਲ ਇੱਕ ਬਿਹਤਰੀਨ ਟੀਮ ਹੈ। ਇਹ ਵੀ ਮੰਨਣਾ ਪਵੇਗਾ ਕਿ ਭਾਰਤ ਇਸ ਸੀਰੀਜ਼ ਨੂੰ ਜਿੱਤਣ ਲਈ ਪ੍ਰਬਲ ਦਾਅਵੇਦਾਰ ਹੈ। ਉਹ ਹਮੇਸ਼ਾ ਹੀ ਸੀਰੀਜ਼ ਜਿੱਤਣ ਲਈ ਪ੍ਰਬਲ ਦਾਅਵੇਦਾਰ ਹੁੰਦੇ ਹਨ ਕਿਉਂਕਿ ਉਹ ਦੁਨੀਆ ਦੀ ਸਰਵੋਤਮ ਟੀਮ ਹਨ। ਇੰਗਲੈਂਡ ਨੂੰ ਉਨ੍ਹਾਂ ਦਾ ਮੁਕਾਬਲਾ ਕਰਨ ਲਈ ਚੰਗੀ ਕ੍ਰਿਕਟ ਖੇਡਣੀ ਪਵੇਗੀ।
ਭਾਰਤ ਬਨਾਮ ਇੰਗਲੈਂਡ ਸੀਰੀਜ਼
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਟੀ-20 ਸੀਰੀਜ਼ 1 ਜੁਲਾਈ ਤੋਂ ਖੇਡੀ ਜਾਣੀ ਹੈ। ਦੋਵਾਂ ਟੀਮਾਂ ਵਿਚਾਲੇ 5 ਮੈਚਾਂ ਦੀ ਟੀ-20 ਸੀਰੀਜ਼ ਹੋਵੇਗੀ। ਅਈਅਰ ਦੀ ਕਪਤਾਨੀ ਵਾਲੀ ਟੀਮ ਕੋਲ ਸੀਰੀਜ਼ ਵਿੱਚ ਜਿੱਤ ਹਾਸਲ ਕਰਨ ਦਾ ਬਿਹਤਰੀਨ ਮੌਕਾ ਹੈ।