- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਰਕਾਰੀ ਨੌਕਰੀ ਛੱਡ ਚੁਣਿਆ ਕ੍ਰਿਕਟ ਦਾ ਰਾਹ! ਟੀਮ ਇੰਡੀਆਂ 'ਚ ਡੈਬਿਊ ਤੋਂ ਬਾਅਦ ਪ੍ਰਿੰਸ ਯਾਦਵ ਦੇ ਪਿਤਾ ਹੋਏ ਭਾਵੁਕ, ਬੋਲੇ- ਜਿਹੜੇ ਗੱਲ ਨਹੀਂ ਕਰਦੇ ਸਨ, ਉਹ ਵੀ ਦੇ ਰਹੇ ਨੇ ਵਧਾਈਆਂ
ਯੁਵਾ ਤੇਜ਼ ਗੇਂਦਬਾਜ਼ ਪ੍ਰਿੰਸ ਯਾਦਵ ਨੇ ਆਈਪੀਐਲ 2026 (IPL 2026) ਵਿੱਚ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਚੋਣ ਭਾਰਤੀ ਟੀਮ ਵਿੱਚ ਹੋਈ। ਪ੍ਰਿੰਸ ਨੂੰ ਅਫ਼ਗਾਨਿਸਤਾਨ ਖ਼ਿਲਾਫ਼ ਇੰਕਾਨਾ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਗਏ ਦੂਜੇ ਵਨਡੇ ਮੈਚ ਵਿੱਚ ਡੈਬਿਊ (ਸ਼ੁਰੂਆਤ) ਕਰਨ ਦਾ ਮੌਕਾ ਮਿਲਿਆ। ਉਨ੍ਹਾਂ ਦੇ ਡੈਬਿਊ ਤੋਂ ਬਾਅਦ ਹੁਣ ਪਿਤਾ ਰਾਮ ਨਿਵਾਸ ਬਹੁਤ ਖ਼ੁਸ਼ ਦਿਖਾਈ ਦੇ ਰਹੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਹੁਣ ਉਨ੍ਹਾਂ ਨਾਲ ਉਹ ਲੋਕ ਵੀ ਸੰਪਰਕ ਕਰ ਰਹੇ ਹਨ, ਜੋ ਕਦੇ ਗੱਲ ਕਰਨਾ ਵੀ ਪਸੰਦ ਨਹੀਂ ਕਰਦੇ ਸਨ।
Posted By Sunita
Publish Date: Wed, 17 Jun 2026 05:39 PM (IST)
Updated Date: Wed, 17 Jun 2026 05:40 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਯੁਵਾ ਤੇਜ਼ ਗੇਂਦਬਾਜ਼ ਪ੍ਰਿੰਸ ਯਾਦਵ ਨੇ ਆਈਪੀਐਲ 2026 (IPL 2026) ਵਿੱਚ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਚੋਣ ਭਾਰਤੀ ਟੀਮ ਵਿੱਚ ਹੋਈ। ਪ੍ਰਿੰਸ ਨੂੰ ਅਫ਼ਗਾਨਿਸਤਾਨ ਖ਼ਿਲਾਫ਼ ਇੰਕਾਨਾ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਗਏ ਦੂਜੇ ਵਨਡੇ ਮੈਚ ਵਿੱਚ ਡੈਬਿਊ (ਸ਼ੁਰੂਆਤ) ਕਰਨ ਦਾ ਮੌਕਾ ਮਿਲਿਆ। ਉਨ੍ਹਾਂ ਦੇ ਡੈਬਿਊ ਤੋਂ ਬਾਅਦ ਹੁਣ ਪਿਤਾ ਰਾਮ ਨਿਵਾਸ ਬਹੁਤ ਖ਼ੁਸ਼ ਦਿਖਾਈ ਦੇ ਰਹੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਹੁਣ ਉਨ੍ਹਾਂ ਨਾਲ ਉਹ ਲੋਕ ਵੀ ਸੰਪਰਕ ਕਰ ਰਹੇ ਹਨ, ਜੋ ਕਦੇ ਗੱਲ ਕਰਨਾ ਵੀ ਪਸੰਦ ਨਹੀਂ ਕਰਦੇ ਸਨ।
ਪ੍ਰਿੰਸ ਦੇ ਪਿਤਾ ਰਾਮ ਨਿਵਾਸ ਨੇ ਇਹ ਵੀ ਖ਼ੁਲਾਸਾ ਕੀਤਾ ਕਿ ਉਹ ਨਹੀਂ ਚਾਹੁੰਦੇ ਸਨ ਕਿ ਪ੍ਰਿੰਸ ਕ੍ਰਿਕਟਰ ਬਣੇ। ਉਨ੍ਹਾਂ ਦਾ ਮੰਨਣਾ ਸੀ ਕਿ ਪ੍ਰਿੰਸ ਦਾ ਕਰੀਅਰ ਸੁਰੱਖਿਅਤ ਹੋਣਾ ਚਾਹੀਦਾ ਹੈ ਅਤੇ ਇਸ ਦੇ ਲਈ ਉਹ ਆਪਣੇ ਪੁੱਤਰ ਨੂੰ ਨੌਕਰੀ ਕਰਨ ਲਈ ਕਹਿੰਦੇ ਸਨ। ਰਾਮ ਨਿਵਾਸ ਖ਼ੁਦ ਰੇਲਵੇ ਸੁਰੱਖਿਆ ਵਿਸ਼ੇਸ਼ ਬਲ (RPSF) ਵਿੱਚ ਆਪਣੀਆਂ ਸੇਵਾਵਾਂ ਦੇ ਚੁੱਕੇ ਸਨ ਅਤੇ ਪੁੱਤਰ ਨੂੰ ਵੀ ਇਸੇ ਰਾਹ 'ਤੇ ਤੋਰਨਾ ਚਾਹੁੰਦੇ ਸਨ, ਪਰ ਪ੍ਰਿੰਸ ਨੇ ਵੱਖਰਾ ਰਾਹ ਚੁਣਿਆ ਅਤੇ ਹੁਣ ਟੀਮ ਇੰਡੀਆਂ ਲਈ ਡੈਬਿਊ ਕਰ ਲਿਆ।
ਪ੍ਰਿੰਸ ਯਾਦਵ ਦੇ ਪਿਤਾ ਰਾਮ ਨਿਵਾਸ ਨੇ ਕੀਤਾ ਵੱਡਾ ਖ਼ੁਲਾਸਾ
'ਟਾਈਮਜ਼ ਆਫ਼ ਇੰਡੀਆ' ਨਾਲ ਗੱਲਬਾਤ ਕਰਦਿਆਂ ਪ੍ਰਿੰਸ ਦੇ ਪਿਤਾ ਰਾਮ ਨਿਵਾਸ ਨੇ ਕਿਹਾ, "ਮੈਂ ਕਦੇ ਵੀ ਨਹੀਂ ਸੋਚਿਆ ਸੀ ਕਿ ਅਜਿਹਾ ਦਿਨ ਆਵੇਗਾ। ਅੱਜ ਮੇਰਾ ਫ਼ੋਨ ਲਗਾਤਾਰ ਵੱਜ ਰਿਹਾ ਹੈ। ਸਾਡੇ ਬੂਹੇ 'ਤੇ ਲੋਕ ਵਧਾਈਆਂ ਦੇਣ ਲਈ ਖੜ੍ਹੇ ਹਨ। ਇੱਥੋਂ ਤੱਕ ਕਿ ਉਹ ਲੋਕ ਵੀ ਆ ਰਹੇ ਹਨ, ਜੋ ਸਾਡੇ ਨਾਲ ਪਹਿਲਾਂ ਗੱਲ ਤੱਕ ਨਹੀਂ ਕਰਦੇ ਸਨ। ਮੇਰੇ ਕੋਲ ਅੱਜ ਕੁੱਝ ਵੀ ਕਹਿਣ ਲਈ ਸ਼ਬਦ ਨਹੀਂ ਹਨ। ਮੈਂ ਬਾਜ਼ਾਰ ਵਿੱਚ ਖ਼ਰੀਦਦਾਰੀ ਲਈ ਖੜ੍ਹਾ ਸੀ ਅਤੇ ਉਸ ਤੋਂ ਬਾਅਦ ਮੈਨੂੰ ਲਗਾਤਾਰ ਫ਼ੋਨ ਆਉਣ ਲੱਗੇ। ਮੈਂ ਸਾਮਾਨ ਕਿਸੇ ਹੋਰ ਦਿਨ ਖ਼ਰੀਦ ਲਵਾਂਗਾ, ਅੱਜ ਸਾਰਿਆਂ ਦੇ ਫ਼ੋਨਾਂ ਦਾ ਜਵਾਬ ਦੇ ਰਿਹਾ ਹਾਂ।"
ਪ੍ਰਿੰਸ ਦੇ ਪਿਤਾ ਨੇ ਅੱਗੇ ਕਿਹਾ, "ਜਦੋਂ ਉਹ 17-18 ਸਾਲਾਂ ਦਾ ਸੀ, ਤਾਂ ਕ੍ਰਿਕਟ ਤੋਂ ਇਲਾਵਾ ਉਸ ਨੂੰ ਕੁੱਝ ਵੀ ਦਿਖਾਈ ਨਹੀਂ ਦਿੰਦਾ ਸੀ। ਇੱਕ ਤਨਖਾਹ ਲੈਣ ਵਾਲਾ ਮੁਲਾਜ਼ਮ ਆਪਣੇ ਬੱਚੇ ਦੇ ਜੀਵਨ ਵਿੱਚ ਸਥਿਰਤਾ (ਸੁਰੱਖਿਆ) ਤੋਂ ਇਲਾਵਾ ਹੋਰ ਕੀ ਦੇਖਣਾ ਚਾਹੇਗਾ? ਮੈਂ ਸੋਚਿਆ ਕਿ ਅੱਜ-ਕੱਲ੍ਹ ਦੇ ਬੱਚਿਆਂ 'ਤੇ ਜ਼ਿਆਦਾ ਦਬਾਅ ਵੀ ਨਹੀਂ ਪਾਉਣਾ ਚਾਹੀਦਾ, ਇਸ ਲਈ ਮੈਂ ਚੁੱਪ ਰਿਹਾ। ਮੈਨੂੰ ਉਸ 'ਤੇ ਕਈ ਵਾਰ ਗੁੱਸਾ ਵੀ ਆਉਂਦਾ ਸੀ ਪਰ ਮੈਂ ਚੁੱਪ ਰਹਿੰਦਾ ਸੀ।"
ਪਿਤਾ ਨੇ ਬਣਾਇਆ ਸੀ ਸਰਕਾਰੀ ਨੌਕਰੀ ਦਾ ਦਬਾਅ
ਪ੍ਰਿੰਸ ਦੇ ਪਿਤਾ ਚਾਹੁੰਦੇ ਸਨ ਕਿ ਉਨ੍ਹਾਂ ਦਾ ਪੁੱਤਰ ਵੀ ਉਨ੍ਹਾਂ ਵਾਂਗ ਸਰਕਾਰੀ ਨੌਕਰੀ ਕਰੇ। ਹਾਲਾਂਕਿ, ਇਸ ਖਿਡਾਰੀ ਦੇ ਮਨ ਵਿੱਚ ਕੁੱਝ ਹੋਰ ਹੀ ਚੱਲ ਰਿਹਾ ਸੀ। ਪਿਤਾ ਨੇ ਪੁੱਤਰ 'ਤੇ ਕਈ ਵਾਰ ਸਰਕਾਰੀ ਨੌਕਰੀਆਂ ਦੀ ਪ੍ਰੀਖਿਆ ਦੇਣ ਦਾ ਦਬਾਅ ਬਣਾਇਆ ਅਤੇ ਪ੍ਰਿੰਸ ਨੇ ਪ੍ਰੀਖਿਆਵਾਂ ਦਿੱਤੀਆਂ ਵੀ। ਕਈ ਵਾਰ ਉਹ ਅਸਫ਼ਲ ਹੋਏ, ਪਰ ਕਈ ਵਾਰ ਜਦੋਂ ਪ੍ਰੀਖਿਆ ਪਾਸ ਕਰ ਲੈਂਦੇ, ਤਾਂ ਉਹ ਅੱਗੇ ਇੰਟਰਵਿਊ ਦੇਣ ਹੀ ਨਹੀਂ ਜਾਂਦੇ ਸਨ।