- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IND vs AFG: ਰਿਹੈਬ ਤੋਂ ਸਿੱਧਾ ਪਲੇਇੰਗ 11 'ਚ ਹੋਵੇਗੀ ਐਂਟਰੀ! ਤੀਜੇ ਵਨਡੇ 'ਚ ਇਸ ਤੇਜ਼ ਗੇਂਦਬਾਜ਼ ਦੀ ਚਮਕੇਗੀ ਕਿਸਮਤ
ਭਾਰਤ ਅਤੇ ਅਫ਼ਗਾਨਿਸਤਾਨ ਵਿਚਾਲੇ ਖੇਡੀ ਜਾ ਰਹੀ 3 ਵਨਡੇ ਮੈਚਾਂ ਦੀ ਸੀਰੀਜ਼ ਦਾ ਆਖਰੀ ਮੁਕਾਬਲਾ ਸ਼ਨੀਵਾਰ ਨੂੰ ਚੇਨਈ ਦੇ ਐਮਏ ਚਿਦੰਬਰਮ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਇਹ ਮੈਚ ਦੁਪਹਿਰ 1:30 ਵਜੇ ਸ਼ੁਰੂ ਹੋਵੇਗਾ। ਪਹਿਲੇ 2 ਮੈਚ ਜਿੱਤ ਕੇ ਸੀਰੀਜ਼ ਆਪਣੇ ਨਾਮ ਕਰ ਚੁੱਕੀ ਸ਼ੁਭਮਨ ਗਿੱਲ ਦੀ ਕਪਤਾਨੀ ਵਾਲੀ ਟੀਮ ਦੀ ਨਜ਼ਰ ਕਲੀਨ ਸਵੀਪ 'ਤੇ ਹੈ। ਦੂਜੇ ਪਾਸੇ ਮਹਿਮਾਨ ਟੀਮ ਜਿੱਤ ਦੇ ਨਾਲ ਵਿਦਾਈ ਲੈਣਾ ਚਾਹੇਗੀ। ਇਸ ਮੈਚ 'ਚ ਭਾਰਤ ਦੀ ਪਲੇਇੰਗ 11 'ਚ ਇੱਕ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ।
Posted By Sunita
Publish Date: Fri, 19 Jun 2026 01:41 PM (IST)
Updated Date: Fri, 19 Jun 2026 01:42 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤ ਅਤੇ ਅਫ਼ਗਾਨਿਸਤਾਨ ਵਿਚਾਲੇ ਖੇਡੀ ਜਾ ਰਹੀ 3 ਵਨਡੇ ਮੈਚਾਂ ਦੀ ਸੀਰੀਜ਼ ਦਾ ਆਖਰੀ ਮੁਕਾਬਲਾ ਸ਼ਨੀਵਾਰ ਨੂੰ ਚੇਨਈ ਦੇ ਐਮਏ ਚਿਦੰਬਰਮ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਇਹ ਮੈਚ ਦੁਪਹਿਰ 1:30 ਵਜੇ ਸ਼ੁਰੂ ਹੋਵੇਗਾ। ਪਹਿਲੇ 2 ਮੈਚ ਜਿੱਤ ਕੇ ਸੀਰੀਜ਼ ਆਪਣੇ ਨਾਮ ਕਰ ਚੁੱਕੀ ਸ਼ੁਭਮਨ ਗਿੱਲ ਦੀ ਕਪਤਾਨੀ ਵਾਲੀ ਟੀਮ ਦੀ ਨਜ਼ਰ ਕਲੀਨ ਸਵੀਪ 'ਤੇ ਹੈ। ਦੂਜੇ ਪਾਸੇ ਮਹਿਮਾਨ ਟੀਮ ਜਿੱਤ ਦੇ ਨਾਲ ਵਿਦਾਈ ਲੈਣਾ ਚਾਹੇਗੀ। ਇਸ ਮੈਚ 'ਚ ਭਾਰਤ ਦੀ ਪਲੇਇੰਗ 11 'ਚ ਇੱਕ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ।
ਯਸ਼ਸਵੀ ਨੂੰ ਬਣਾਉਣੀਆਂ ਹੋਣਗੀਆਂ ਦੌੜਾਂ
ਰੋਹਿਤ ਸ਼ਰਮਾ ਅਤੇ ਯਸ਼ਸਵੀ ਜਾਇਸਵਾਲ ਪਾਰੀ ਦੀ ਸ਼ੁਰੂਆਤ ਕਰ ਸਕਦੇ ਹਨ। ਪਿਛਲੇ ਮੈਚ 'ਚ ਫੇਲ੍ਹ ਰਹੇ ਯਸ਼ਸਵੀ ਦੀ ਨਜ਼ਰ ਵੱਡੇ ਸਕੋਰ 'ਤੇ ਹੋਵੇਗੀ। ਉੱਥੇ ਹੀ ਰੋਹਿਤ ਨੂੰ ਵੀ ਫਿਫਟੀ (ਅਰਧ-ਸੈਂਕੜੇ) ਦੀ ਤਲਾਸ਼ ਖ਼ਤਮ ਕਰਨੀ ਹੋਵੇਗੀ। 3 ਨੰਬਰ 'ਤੇ ਕਪਤਾਨ ਗਿੱਲ ਉਤਰ ਸਕਦੇ ਹਨ। ਗਿੱਲ ਇੰਨੀਂ ਦਿਨੀਂ ਬੱਲੇ ਨਾਲ ਅੱਗ ਉਗਲ ਰਹੇ ਹਨ। ਉਹ ਪਹਿਲੇ ਦੋਵਾਂ ਵਨਡੇ ਮੈਚਾਂ 'ਚ 'ਪਲੇਅਰ ਆਫ਼ ਦਿ ਮੈਚ' ਰਹੇ ਹਨ। ਪਹਿਲੇ ਵਨਡੇ 'ਚ ਗਿੱਲ ਨੇ 84 ਅਤੇ ਦੂਜੇ ਮੁਕਾਬਲੇ 'ਚ 154 ਦੌੜਾਂ ਬਣਾਈਆਂ।
2 ਸਪਿਨਰਾਂ ਨੂੰ ਮੌਕਾ
ਨੰਬਰ 4 'ਤੇ ਈਸ਼ਾਨ ਕਿਸ਼ਨ ਨੂੰ ਭੇਜਿਆ ਜਾ ਸਕਦਾ ਹੈ। ਈਸ਼ਾਨ ਨੇ ਵੀ ਪਿਛਲੇ ਮੈਚ 'ਚ ਸੈਂਕੜਾ (125) ਲਗਾਇਆ ਸੀ। 5 ਨੰਬਰ 'ਤੇ ਉਪ-ਕਪਤਾਨ ਸ਼੍ਰੇਅਸ ਅਈਅਰ ਨੂੰ ਅਜ਼ਮਾਇਆ ਜਾ ਸਕਦਾ ਹੈ। ਕੇਐਲ ਰਾਹੁਲ ਲੋਅਰ ਆਰਡਰ ਨੂੰ ਮਜ਼ਬੂਤੀ ਦੇਣਗੇ। ਵਾਸ਼ਿੰਗਟਨ ਸੁੰਦਰ ਅਤੇ ਕੁਲਦੀਪ ਯਾਦਵ ਸਪਿਨਰ ਦੀ ਭੂਮਿਕਾ 'ਚ ਨਜ਼ਰ ਆ ਸਕਦੇ ਹਨ। ਤੇਜ਼ ਗੇਂਦਬਾਜ਼ੀ 'ਚ ਇੱਕ ਬਦਲਾਅ ਹੋ ਸਕਦਾ ਹੈ।
ਰਾਣਾ ਨੂੰ ਮਿਲ ਸਕਦੀ ਹੈ ਜਗ੍ਹਾ
ਤੀਜੇ ਵਨਡੇ ਤੋਂ ਪਹਿਲਾਂ ਹਰਸ਼ਿਤ ਰਾਣਾ ਨੂੰ ਭਾਰਤੀ ਸਕੁਐਡ 'ਚ ਸ਼ਾਮਲ ਕੀਤਾ ਗਿਆ। ਅਜਿਹੇ 'ਚ ਉਨ੍ਹਾਂ ਨੂੰ ਚੇਨਈ 'ਚ ਮੌਕਾ ਮਿਲ ਸਕਦਾ ਹੈ। ਰਾਣਾ ਨੇ ਬੈਂਗਲੁਰੂ ਦੇ COE 'ਚ ਆਪਣਾ ਰਿਹੈਬ ਪੂਰਾ ਕੀਤਾ ਅਤੇ ਹੁਣ ਚੇਨਈ 'ਚ ਟੀਮ ਇੰਡੀਆ ਨਾਲ ਜੁੜ ਰਹੇ ਹਨ। ਜੇਕਰ ਰਾਣਾ ਨੂੰ ਮੌਕਾ ਮਿਲਦਾ ਹੈ ਤਾਂ ਗੁਰਨੂਰ ਬਰਾੜ ਦਾ ਪੱਤਾ ਕੱਟ ਸਕਦਾ ਹੈ। ਇਸ ਦੇ ਨਾਲ ਹੀ ਪ੍ਰਿੰਸ ਯਾਦਵ ਅਤੇ ਅਰਸ਼ਦੀਪ ਸਿੰਘ ਅੰਤਿਮ 11 'ਚ ਨਜ਼ਰ ਆ ਸਕਦੇ ਹਨ।
ਭਾਰਤ ਦੀ ਸੰਭਾਵਿਤ ਪਲੇਇੰਗ 11
ਯਸ਼ਸਵੀ ਜਾਇਸਵਾਲ, ਰੋਹਿਤ ਸ਼ਰਮਾ, ਸ਼ੁਭਮਨ ਗਿੱਲ (ਕਪਤਾਨ), ਈਸ਼ਾਨ ਕਿਸ਼ਨ (ਵਿਕਟਕੀਪਰ), ਸ਼੍ਰੇਅਸ ਅਈਅਰ, ਕੇਐਲ ਰਾਹੁਲ, ਵਾਸ਼ਿੰਗਟਨ ਸੁੰਦਰ, ਕੁਲਦੀਪ ਯਾਦਵ, ਹਰਸ਼ਿਤ ਰਾਣਾ, ਅਰਸ਼ਦੀਪ ਸਿੰਘ, ਪ੍ਰਿੰਸ ਯਾਦਵ।
ਤੀਜੇ ਵਨਡੇ ਲਈ ਭਾਰਤੀ ਟੀਮ
ਸ਼ੁਭਮਨ ਗਿੱਲ (ਕਪਤਾਨ), ਰੋਹਿਤ ਸ਼ਰਮਾ, ਸ਼੍ਰੇਅਸ ਅਈਅਰ (ਉਪ-ਕਪਤਾਨ), ਕੇਐਲ ਰਾਹੁਲ (ਵਿਕਟਕੀਪਰ), ਈਸ਼ਾਨ ਕਿਸ਼ਨ (ਵਿਕਟਕੀਪਰ), ਨਿਤੀਸ਼ ਕੁਮਾਰ ਰੈੱਡੀ, ਵਾਸ਼ਿੰਗਟਨ ਸੁੰਦਰ, ਕੁਲਦੀਪ ਯਾਦਵ, ਅਰਸ਼ਦੀਪ ਸਿੰਘ, ਪ੍ਰਸਿੱਧ ਕ੍ਰਿਸ਼ਨਾ, ਪ੍ਰਿੰਸ ਯਾਦਵ, ਗੁਰਨੂਰ ਬਰਾੜ, ਹਰਸ਼ ਦੂਬੇ, ਯਸ਼ਸਵੀ ਜਾਇਸਵਾਲ, ਹਰਸ਼ਿਤ ਰਾਣਾ।