- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IND vs AFG : ਨਿਤੀਸ਼ ਕੁਮਾਰ ਰੈੱਡੀ ਦਾ ਨਾਂ ਲੈ ਕੇ ਸਾਬਕਾ ਦਿੱਗਜ ਨੇ ਹਾਰਦਿਕ ਪਾਂਡਿਆ 'ਤੇ ਕੱਸਿਆ ਤਨਜ਼, ਆਪਸ਼ਨ ਲੱਭਣ ਦੀ ਕਹੀ ਗੱਲ
ਨਿਤੀਸ਼ ਕੁਮਾਰ ਰੈੱਡੀ ਨੇ ਅਫ਼ਗਾਨਿਸਤਾਨ ਦੇ ਖ਼ਿਲਾਫ਼ ਖੇਡੇ ਗਏ ਪਹਿਲੇ ਵਨਡੇ ਮੈਚ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਉਨ੍ਹਾਂ ਨੇ ਚਾਰ ਓਵਰਾਂ ਵਿੱਚ 31 ਦੌੜਾਂ ਦੇ ਕੇ ਦੋ ਅਹਿਮ ਵਿਕਟਾਂ ਚਟਕਾਈਆਂ। ਉਨ੍ਹਾਂ ਦੇ ਇਸ ਬਿਹਤਰੀਨ ਪ੍ਰਦਰਸ਼ਨ ਤੋਂ ਬਾਅਦ ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਆਕਾਸ਼ ਚੋਪੜਾ ਨੇ ਹਾਰਦਿਕ ਪਾਂਡਿਆ 'ਤੇ ਤੰਜ ਕੱਸਿਆ ਹੈ ਅਤੇ ਉਨ੍ਹਾਂ ਦੀ ਉਪਲਬਧਤਾ ਨੂੰ ਲੈ ਕੇ ਵੱਡੀ ਟਿੱਪਣੀ ਕੀਤੀ ਹੈ।
Posted By alisha
Publish Date: Sun, 14 Jun 2026 03:03 PM (IST)
Updated Date: Sun, 14 Jun 2026 03:57 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਨਿਤੀਸ਼ ਕੁਮਾਰ ਰੈੱਡੀ ਨੇ ਅਫ਼ਗਾਨਿਸਤਾਨ ਦੇ ਖ਼ਿਲਾਫ਼ ਖੇਡੇ ਗਏ ਪਹਿਲੇ ਵਨਡੇ ਮੈਚ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਉਨ੍ਹਾਂ ਨੇ ਚਾਰ ਓਵਰਾਂ ਵਿੱਚ 31 ਦੌੜਾਂ ਦੇ ਕੇ ਦੋ ਅਹਿਮ ਵਿਕਟਾਂ ਚਟਕਾਈਆਂ। ਉਨ੍ਹਾਂ ਦੇ ਇਸ ਬਿਹਤਰੀਨ ਪ੍ਰਦਰਸ਼ਨ ਤੋਂ ਬਾਅਦ ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਆਕਾਸ਼ ਚੋਪੜਾ ਨੇ ਹਾਰਦਿਕ ਪਾਂਡਿਆ 'ਤੇ ਤੰਜ ਕੱਸਿਆ ਹੈ ਅਤੇ ਉਨ੍ਹਾਂ ਦੀ ਉਪਲਬਧਤਾ ਨੂੰ ਲੈ ਕੇ ਵੱਡੀ ਟਿੱਪਣੀ ਕੀਤੀ ਹੈ।
ਦੱਸ ਦੇਈਏ ਕਿ ਭਾਰਤ ਨੇ ਪਹਿਲੇ ਵਨਡੇ ਵਿੱਚ ਅਫ਼ਗਾਨਿਸਤਾਨ ਨੂੰ ਪੰਜ ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਪਾਂਡਿਆ ਸੱਟ ਕਾਰਨ ਇਸ ਸੀਰੀਜ਼ ਦਾ ਹਿੱਸਾ ਨਹੀਂ ਹਨ ਅਤੇ ਉਨ੍ਹਾਂ ਦੇ ਵਿਕਲਪ ਵਜੋਂ ਨਿਤੀਸ਼ ਕੁਮਾਰ ਰੈੱਡੀ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।
ਪਾਂਡਿਆ ਦਾ ਬਦਲ ਲੱਭਣਾ ਜ਼ਰੂਰੀ
ਆਕਾਸ਼ ਚੋਪੜਾ ਨੇ ਕਿਹਾ ਹੈ ਕਿ ਭਾਰਤ ਨੂੰ ਹੁਣ ਪਾਂਡਿਆ ਦਾ ਪੱਕਾ ਬਦਲ ਲੱਭਣਾ ਪਵੇਗਾ ਕਿਉਂਕਿ ਉਹ ਅਕਸਰ ਸੱਟਾਂ ਨਾਲ ਜੂਝਦੇ ਰਹਿੰਦੇ ਹਨ ਅਤੇ ਬਹੁਤ ਹੀ ਸੀਮਤ ਕ੍ਰਿਕਟ ਖੇਡਦੇ ਹਨ। ਆਕਾਸ਼ ਨੇ ਆਪਣੇ ਯੂਟਿਊਬ ਚੈਨਲ 'ਤੇ ਗੱਲਬਾਤ ਕਰਦਿਆਂ ਕਿਹਾ,"ਆਓ ਨਿਤੀਸ਼ ਕੁਮਾਰ ਰੈੱਡੀ ਬਾਰੇ ਗੱਲ ਕਰੀਏ, ਕਿਉਂਕਿ ਭਾਰਤ ਕੋਲ ਇੱਕ 'ਖੋਜ ਪ੍ਰੋਗਰਾਮ' ਹੋਣਾ ਚਾਹੀਦਾ ਹੈ, ਜਿਸ ਰਾਹੀਂ ਹਾਰਦਿਕ ਪਾਂਡਿਆ ਦਾ ਵਿਕਲਪ ਲੱਭਿਆ ਜਾ ਸਕੇ। ਅਸੀਂ ਪਹਿਲਾਂ ਕਪਿਲ ਦੇਵ ਦਾ ਬਦਲ ਲੱਭਣ ਦੀ ਕੋਸ਼ਿਸ਼ ਕੀਤੀ ਸੀ। ਮਨੋਜ ਪ੍ਰਭਾਕਰ ਕੁਝ ਦਿਨਾਂ ਲਈ ਆਏ ਸਨ ਪਰ ਉਹ ਕਪਿਲ ਦੇਵ ਵਰਗੇ ਸਾਬਤ ਨਹੀਂ ਹੋ ਸਕੇ।"
ਉਨ੍ਹਾਂ ਅੱਗੇ ਕਿਹਾ, "ਹਾਰਦਿਕ ਪਾਂਡਿਆ ਖੇਡੇ ਅਤੇ ਬੰਗਲਾਦੇਸ਼ ਵਿੱਚ ਇੱਕ ਮੈਚ ਦੌਰਾਨ ਮੈਂ ਉਨ੍ਹਾਂ ਦਾ ਇੰਟਰਵਿਊ ਕੀਤਾ ਸੀ, ਜਿੱਥੇ ਉਨ੍ਹਾਂ ਨੇ ਕਿਹਾ ਸੀ ਕਿ ਇਸ ਤੋਂ ਬਾਅਦ ਅਸੀਂ ਕਪਿਲ ਦੇਵ ਦੀ ਖੋਜ ਨਹੀਂ ਕਰਾਂਗੇ। ਉਨ੍ਹਾਂ ਨੇ ਉਦੋਂ ਖੇਡਣਾ ਸ਼ੁਰੂ ਹੀ ਕੀਤਾ ਸੀ ਅਤੇ ਜੋ ਗੱਲ ਉਨ੍ਹਾਂ ਨੇ ਕਹੀ, ਉਸ ਨੂੰ ਸੱਚ ਕਰ ਦਿਖਾਇਆ। ਹਾਲਾਂਕਿ, ਉਹ ਵੀ ਹਮੇਸ਼ਾ ਲਈ ਨਹੀਂ ਰਹਿਣਗੇ। ਉਹ ਸਿਰਫ਼ ਚਿੱਟੀ ਗੇਂਦ ਦੀ ਕ੍ਰਿਕਟ ਖੇਡਦੇ ਹਨ ਅਤੇ ਉਹ ਵੀ ਬਹੁਤ ਸੀਮਤ ਖੇਡਦੇ ਹਨ।"
ਨਿਤੀਸ਼ ਰੈੱਡੀ ਦੀ ਕੀਤੀ ਤਾਰੀਫ਼
ਆਕਾਸ਼ ਚੋਪੜਾ ਨੇ ਨਿਤੀਸ਼ ਦੀ ਰੱਜ ਕੇ ਤਾਰੀਫ਼ ਕੀਤੀ ਹੈ ਅਤੇ ਕਿਹਾ ਹੈ ਕਿ ਉਨ੍ਹਾਂ ਨੇ ਆਪਣੀ ਗੇਂਦਬਾਜ਼ੀ ਵਿੱਚ ਕਾਫੀ ਸੁਧਾਰ ਕੀਤਾ ਹੈ। ਸਾਬਕਾ ਸਲਾਮੀ ਬੱਲੇਬਾਜ਼ ਨੇ ਕਿਹਾ, "ਅਸੀਂ ਕਈ ਖਿਡਾਰੀਆਂ ਨੂੰ ਅਜ਼ਮਾਇਆ, ਪਰ ਸਾਨੂੰ ਸਹੀ ਨਤੀਜਾ ਨਹੀਂ ਮਿਲਿਆ। ਨਿਤੀਸ਼ ਕੁਮਾਰ ਰੈੱਡੀ 'ਭਾਰਤ ਇੱਕ ਖੋਜ' ਦਾ ਇੱਕ ਨਵਾਂ ਅਧਿਆਏ ਹਨ। ਉਨ੍ਹਾਂ ਦੀ ਗੇਂਦਬਾਜ਼ੀ ਪਹਿਲਾਂ ਨਾਲੋਂ ਬਹੁਤ ਬਿਹਤਰ ਹੋਈ ਹੈ। ਉਨ੍ਹਾਂ ਨੇ ਸ਼ੁਰੂਆਤ ਛੱਕਾ ਖਾ ਕੇ ਕੀਤੀ ਸੀ ਪਰ ਫਿਰ ਰਹਿਮਾਨੁੱਲ੍ਹਾ ਗੁਰਬਾਜ਼ ਦੀਆਂ ਗਿੱਲੀਆਂ ਉਡਾ ਦਿੱਤੀਆਂ ਅਤੇ ਇਸ ਤੋਂ ਬਾਅਦ ਇੱਕ ਹੋਰ ਵਿਕਟ ਆਪਣੇ ਨਾਂ ਕੀਤੀ।"